Natia Tsiramua Psychologist

29/07/2026

სკოლა სპორტსმენის წარმატების ერთ-ერთი მნიშვნელოვანი პარტნიორია.

ახალგაზრდა სპორტსმენისთვის ყოველდღიური ვარჯიშების, შეჯიბრებებისა და სწავლის შეთავსება ხშირად დიდი გამოწვევაა. როდესაც სკოლა ითვალისწინებს სპორტსმენის საჭიროებებს, სთავაზობს მოქნილ სასწავლო პროცესს, მხარდაჭერას და გაგებას ის ხელს უწყობს არა მხოლოდ მის აკადემიურ, არამედ სპორტულ წარმატებასაც.

ბავშვს აღარ უწევს არჩევანის გაკეთება სწავლასა და საყვარელ სპორტს შორის. პირიქით, ის გრძნობს რომ ორივე მიმართულებით შეუძლია განვითარება.

სწორედ ასეთ გარემოში იზრდებიან არა მხოლოდ წარმატებული სპორტსმენები, არამედ განათლებული, თავდაჯერებული და მომავლისთვის მზადმყოფი ადამიანები.

#სპორტულიფსიქოლოგია #განათლება #ახალგაზრდასპორტსმენები

10/07/2026

🎤 საჯარო გამოსვლა მხოლოდ ლაპარაკი არ არის.
ეს არის საკუთარი აზრის თამამად გამოხატვა, საკუთარი თავის რწმენა და იმის განცდა, რომ შენი ხმა მნიშვნელოვანია.

როგორც ფსიქოლოგს, მჯერა, რომ როცა ადამიანს არ ეშინია საუბრის, უფრო თავდაჯერებული ხდება არა მხოლოდ სცენაზე, არამედ ცხოვრებაშიც.

სწორედ ამიტომ, საჯარო გამოსვლის უნარის განვითარება ერთ-ერთი საუკეთესო საჩუქარია, რაც საკუთარ თავს ან შვილს შეიძლება მისცეთ. 💛
📸 Mako Kiria❤️

03/07/2026

📍 14 ივლისს, ზუგდიდში ფსიქოთერაპევტ მზიკო დალაქიშვილთან შეხვედრა.
💛 ყველა მშობელს სურს, რომ მისი შვილი ბედნიერი, თავდაჯერებული და სიყვარულით სავსე გაიზარდოს.

ხშირად გვგონია, რომ ამისთვის განსაკუთრებული პასუხებია საჭირო, თუმცა ყველაზე მნიშვნელოვანი სწორედ ყოველდღიური ურთიერთობაა - როგორ ვუსმენთ, როგორ ვესაუბრებით, როგორ ვუჭერთ მხარს და როგორ ვქმნით სახლში უსაფრთხო გარემოს.

📍 14 ივლისს, ზუგდიდში გეპატიჟებით განსაკუთრებულ შეხვედრაზე, რომელიც მშობლებისთვის შთაგონების, ახალი ცოდნისა და პრაქტიკული გამოცდილების სივრცე იქნება.. 💛

🎙️ მზიკო დალაქიშვილი - ფსიქოთერაპევტი, ლექტორი და გეშტალტტრენერი, მრავალწლიანი საერთაშორისო გამოცდილებით, გაგვიზიარებს პრაქტიკულ ცოდნასა და რეალურ მაგალითებს.

ერთად ვიპოვით პასუხებს კითხვებზე:
🌿 როგორ გავაძლიეროთ ურთიერთობა შვილებთან;
💛 როგორ შევინარჩუნოთ სიმშვიდე რთულ მომენტებში;
🗣️ როგორ ვესაუბროთ ბავშვებს ისე, რომ ნდობა და სიახლოვე გაიზარდოს;
✨ როგორ შევქმნათ ოჯახში მეტი ურთიერთგაგება, თანამშრომლობა და სითბო.
✨ როგორ გავუმკლავდეთ საკუთარ ემოციებს რთულ მომენტებში?
✨ როგორ გამოვასწოროთ ის შეცდომები, რომლებსაც ყველა მშობელი უნებლიედ ვუშვებთ?

🌿 ეს იქნება თბილი, ინტერაქტიული შეხვედრა, სადაც შეძლებთ მიიღოთ ახალი იდეები, დასვათ თქვენთვის მნიშვნელოვანი კითხვები და შეხვდეთ ადამიანებს, რომლებსაც, თქვენსავით, შვილებთან კიდევ უფრო ძლიერი და ჯანსაღი ურთიერთობის შექმნა სურთ.

📝 შეავსეთ სარეგისტრაციო ფორმა და შემოგვიერთდით.
https://docs.google.com/forms/d/e/1FAIpQLSfyIuPYK971jPNuAtgjJw2wsplntRxirNMIxsEiXtiXaIHenw/viewform?usp=pp_url

📌 ადგილები შეზღუდულია - რეგისტრაცია სავალდებულოა.
შეხვედრის ხანგრძლივობა: 3 საათი
ღირებულება - 39 ლარი

შეხვედრის ბოლოს გაიცემა დასწრების სერტიფიკატი.

მშობლობა სრულყოფილებას არ მოითხოვს - ის სიყვარულს, ინტერესსა და განვითარების სურვილს მოიცავს. სწორედ ამიტომ, გელოდებით 14 ივლისს! ❤️

24/06/2026

Ეკრანდამოკიდებულება და აუტიზმის მსგავსი ნიშნები სამ წლამდე ბავშვებში.

ბოლო წლებში ხშირად საუბრობენ „ვირტუალურ აუტიზმზე“ - მდგომარეობაზე, როდესაც ბავშვს აქვს აუტიზმის მსგავსი ნიშნები, მაგრამ ინტენსიური ინტერვენციის, ეკრანის მკვეთრი შემცირებისა და სოციალური ურთიერთობის გაზრდის შემდეგ ეს ნიშნები ნაწილობრივ ან სრულად მცირდება. თუმცა ეს ტერმინი ჯერ ოფიციალურ დიაგნოზად არ ითვლება და სამეცნიერო წრეებში კვლავ განხილვის საგანია.

თანამედროვე კვლევები საკმაოდ საინტერესო სურათს გვიჩვენებს:
🔹 ეკრანი აუტიზმს არ იწვევს, მაგრამ 3 წლამდე ასაკში ჭარბი ეკრანთან კონტაქტი ასოცირდება აუტიზმის მსგავსი სიმპტომების (autistic-like symptoms) უფრო ხშირ გამოვლენასთან. ამ სიმპტომებში შედის:
თვალით კონტაქტის შემცირება;
სახელზე სუსტი რეაგირება;
მეტყველების შეფერხება;
სოციალური ინიციატივის შემცირება;
ერთობლივი ყურადღების (joint attention) სირთულეები.

🔹 2024 წელს გამოქვეყნებულმა გგანგრძობითმა (longitudinal) კვლევამ აჩვენა, რომ მეტი ეკრანთან გატარებული დრო ასოცირებული იყო აუტიზმისა და ADHD-ის სიმპტომების უფრო მაღალ დონესთან და განვითარების დაბალ მაჩვენებლებთან სკოლამდელ ასაკში.

Წყარო:
https://www.researchgate.net/publication/387457283_Virtual_Autism_and_Excessive_Screen_Exposure_in_Children_Aged_0-3_Years_A_Cross-sectional_Study_in_the_Lebanese_Context
https://pubmed.ncbi.nlm.nih.gov/38755571/
https://pubmed.ncbi.nlm.nih.gov/37614255/

23/06/2026

🙌 ბავშვებს ყველაზე მეტად ერთად გატარებული არა ბევრი დრო, არამედ ხარისხიანი დრო სჭირდებათ.

შესაძლოა მთელი დღე ერთ სახლში ვიყოთ, მაგრამ რეალურად ერთმანეთთან კონტაქტში არ ვიყოთ.
Ერთად ყოფნის დრო ნიშნავს პერიოდს, როდესაც მთელი ყურადღება ბავშვისკენ არის მიმართული.
ამ დროს:
▫️ ტელეფონი გვერდზეა;
▫️ საქმეების გაკეთება მოიცდის;
▫️ კრიტიკისგან თავისუფალია ერთად ყოფნა;
▫️ Არც რამის სწავლებაა მიზანი.
▫️ მთავარი ურთიერთობაა.

ეს შეიძლება იყოს:
🔹 ერთად თამაში;
🔹 გასეირნება;
🔹 ხატვა;
🔹 საუბარი;
🔹 წიგნის კითხვა;
🔹 საჭმლის მომზადება.

არ არის აუცილებელი, რომ საათები გაგრძელდეს.
10-20 წუთიც კი საკმარისია.
მნიშვნელოვანია, რომ ამ დროის განმავლობაში ბავშვი გრძნობდეს:
❤️ „ახლა მშობელი მთლიანად ჩემთან არის.“

"გაცნობიერებული მშობლობის 21 დღე"

🧠Ნათია ცირამუა
Ფსიქოლოგი/ფსიქოთერაპევტი

18/06/2026

13/06/2026

ჰობი და მენტალური ჯანმრთელობა

🌿 ხშირად გვგონია, რომ ჰობი მხოლოდ თავისუფალი დროის გასაყვანად არის საჭირო, სინამდვილეში ჰობი ძალიან დიდი ენერგიის წყარო და მენტალური აღდგენის რესურსი შეიძლება გახდეს.

Დადგენილია, რომ ადამიანები რომლებიც დაკავებული არიან ჰობით
🔹 აქვთ უფრო ნაკლები სტრესი
🔹 Უკეთესი განწყობა;
🔹 Უფრო მაღალი თვითშეფასება;
Ჰობი გვეხმარება ემოციურ რეგულაციაში. Როგორც კი იწყებ კეთებას გრძნობ როგორ მშვიდდები, გემატება სილაღე, თითქოს ახალი სუნთქვა გეხსნება.

Ჰობი ეს არის შესაძლებლობა უკეთ შევიგრძნოთ საკუთარი თავი.

ზრდასრულობაში გადასვლასთან ერთად მცირდება ჰობით გატაცებები, არა და სწორედ ზრდასრულებს გვჭირდება მეტად კეთება იმის რაც გვსიამოვნებს, რომ გვეყოს ენერგია და ძალა იმ პასუხისმგებლობებისთვის, რომელიც ხშირად ზრდასრულობას მოყვება ხოლმე. გვავიწყდება თამაში, ცნობისმოყვარეობა და სიამოვნების მიღება.

🙌 Ვისაც გაქვთ ჰობი გამოყავით დრო მისთვის. Ვისაც არ გაქვთ ეძიეთ საქმე სადაც განიტვირთებით, რომლის კეთების პროცესი სიამოვნებას მოგიტანთ.
Თუ თქვენს ოჯახის წევრს აქვს ამგვარი საქმიანობა, მიეცით სივრცე, რომ დაკავდეს ჰობით.

Მე რაც შემეხება ვეძიებ საქმეს, რომელიც იქნება ჩემი განტვირთვა, აღდგენა და თავშესაფარი :)
Ხეზე მუშაობა ვფიქრობ ერთ-ერთი მათგანი გახდება🌿🌱🌳

Თქვენ რა ჰობი გაქვთ? Გამიზიარეთ❤️
ნათია ცირამუა
🧠 Psychologist | Psychotherapist

09/06/2026

ძალიან საინტერესო სტატიას წავაწყდი ჟურნალში “Psychology Today”, რომელიც აღწერს ემოციურად მიუწვდომელი მშობლის გავლენას შვილზე.

ზოგჯერ ყველაზე რთული გასააზრებელი ის არის, რომ მშობელს შეიძლება უყვარდე, მაგრამ იყოს ემოციურად მიუწვდომელი, არ შეეძლოს შენი ემოციური საჭიროებების დანახვა, გაგება და მხარდაჭერა.

ემოციურად მიუწვდომელ ოჯახებში ბავშვები ხშირად სწავლობენ:
🔹 იყვნენ „კარგი გოგო“ ან „კარგი ბიჭი“, რათა სიყვარული დაიმსახურონ;
🔹 გაჩუმდნენ, რათა საკუთარი აზრისა და სურვილების გამოხატვის გამო არ უარყონ ან არ დაისაჯონ;
🔹 მუდმივად ეძებონ მოწონება და აღიარება;
🔹 თავი სხვებს შეადარონ;
🔹 დანაშაულის განცდა ჰქონდეთ მაშინ, როცა საკუთარ საჭიროებებს და საზღვრებს იცავენ.

ზრდასრულ ასაკში ეს შეიძლება გამოვლინდეს დაბალი თვითშეფასებით, მუდმივი თვითკრიტიკით, „არა“-ს თქმის სირთულით და განცდით, რომ როგორი კარგიც არ უნდა იყო, მაინც არასაკმარისი ხარ.

მაგრამ სიმართლე ისაა:
ბავშვმა არ უნდა დაიმსახუროს სიყვარული, ის უპირობოდ უნდა უყვარდეთ.
ბავშვი არ უნდა იბრძოდეს იმისთვის, რომ მოუსმინონ.
ბავშვმა არ უნდა დამალოს საკუთარი თავი იმისთვის, რომ მიიღონ.

როცა გეწყინებოდა, გეკითხებოდნენ:
„რა გეწყინა?“
როცა ბრაზობდი, გეუბნებოდნენ:
„მესმის, რომ ბრაზობ.“
როცა გეშინოდა, ვინმე ცდილობდა შენი შიშის გაგებას?
თუ უფრო ხშირად გესმოდა:
• „ნუ ტირი.“
• „მაგის გამო რა გატირებს.“
• „გაჩუმდი.“
• „არაფერია სანერვიულო.“

მაშინ შესაძლოა ბავშვობაში ისწავლე, რომ შენი გრძნობები უნდა დაგემალა, არ უნდა გამოგეხატა და არ უნდა გაგეზიარებინა.

განკურნება იწყება მაშინ, როცა ვაცნობიერებთ:
✨ პრობლემა ყოველთვის ჩვენში არ იყო.

ზოგჯერ პრობლემა იმაში იყო, რომ ჩვენს გვერდით მყოფ ადამიანებს არ შეეძლოთ ჩვენი ემოციური საჭიროებების დანახვა, მიღება და მხარდაჭერა.

და რაც ყველაზე მნიშვნელოვანია
ჩვენ ყოველთვის საკმარისი ვიყავით.
და დღესაც საკმარისები ვართ იმისთვის, რომ ვუყვარდეთ.

ნათია ცირამუა
🧠 Psychologist | Psychotherapist
წყარო: https://www.psychologytoday.com/us

05/06/2026

🙌 იმის კეთებაში რაც არ მინდა, მეხმარება იმ კმაყოფილების შეგრძნების გახსენება, რომელიც მაშინ მაქვს როცა ამას გავაკეთებ!

🌟 ეს არის ჩემი ჯადოსნური რეცეპტი.

⏳ყველაზე რთული დაწყებამდე 5 წუთი და დაწყების შემდეგ 5 წუთია, შემდეგ კი რიხინ-რიხინით მიდის.

🌱 საერთო ჯამში კი ეს ქმნის დისციპლინას.
დისციპლინით არ ვიბადებით, ეს არის უნარი, რომელიც გამომუშვდება.
მთავარია დაიწყო მოქმედება და მოტივაცია და ჟინი კეთებაში მოდის.🔥

ყველაზე ხშირი შეცდომა არის ყველაფრის იდეალურად გაკეთების ილუზია. სინამდვილეში ყველაზე მთავარი არის განმეორებითობა და მუდვიდი კეთება, რომელიც აყალიბებს და აძლიერებს ნეირონულ კავშირებს. სწორედ ასე იქმნება ახალი ჩვევები და იზრდება თვითრეგულაციის უნარი.

🧘 თუმცა პირველი ნაბიჯი არის პარადოქსული, მიიღო საკუთარი თავი ისეთი როგორიც ხარ, მხოლოდ ამის შემდეგ იწყება ცვლილებები.

როცა ვარჯიში დავიწყე ვიცოდი, რომ მექნებოდა გაცდენები, ზოგჯერ კვირაც ვერ ვივლიდი. ვივარჯიშებდი სულ რამდნეიმე წუთი, სანამ შევწუხდებოდი. გავაანალიზე, ვაღიარე და მივიღე ჩემი თავი ისეთი როგორიც ვარ. ერთადერთი, რაც გავაკეთე ეს იყო არ შევწვიტე, არ შევწყვიტე, მაშინ როცა ბევრი გავაცდინე, არ შევწყვიტე მაშინ როცა მეზარებოდა, როცა წვიმდა და თოვდა. 🌟 შედეგად გაიზარდა ვარჯიშის დრო, გაიზარდა დღეების რაოდენობა, თითქოს თავისით დაბალანსდა.

ამ ყველაფერში დამეხმარა, ის რომ საერთოდ დავივიწყე შედეგზე ფიქრი, უბრალოდ მთელი შეგრძნებით გადავეშვი პროცესში, რამაც ძლიან დიდი სტრესი და დემოტივირება ამაცილა თავიდან.

🌱 იყო პროცესზე ორიენტირებული და არა შედეგზე არის ის რაც სასიამოვნოს ხდის ყველაფერს რასაც აკეთებ.

ჩემი დისციპლინის რეცეპტია:
▫️ მიიღე საკუთარი თავი ისეთი როგორიც ხარ, მხოლოდ ამის შედეგ იწყება ცვლილებები!
▫️ შეინარჩუნე კეთება, მაშინაც კი როცა იდეალურად არ გამოგდის (ეს ამყარებს ნეირონულ კავშირებს და უკეთ იწყებ კეთებას)
▫️ იყავი პროცესზე ორიენტირებული და არა შედეგზე, ეს აგარიდებს დემოტივაციას და სასიამოვნოს გახდის იმას რასაც აკეთებ.
▫️ გახსოვდეს, რომ დაწყებამდე 5 წუთი და დაწყების შემდეგ 5 წუთია ყველაზე რთული, შემდეგ „მუღამში“ შედიხარ.
▫️ დაიმახსოვრე ის კმაყოფილების შეგრძნება, რომელიც იმის კეთების მერე გეუფლება რისი გაკეთებაც გეზარებოდა ან გადადებას აპირებდი. გაიხსენე ეს შეგრძნება, როცა ისევ დაგეზარება. ეს დაგეხმარება პირველი დაზარების 5 წუთის დაძლევაში!

🙌 იცოდე, რომ ამ ყველაფერს სჭირდება დრო, ისიმოვნე პროცესით!

გისურვებ წარმატებებს🧘 🤍