O-Mind Garden 塚愛友家

O-Mind Garden 塚愛友家 「塚愛友家」以主題樂園的形式為普羅大眾帶來不同精神健康的資訊。希望透過增加對疾病的了解，減少標籤效應並提升大眾對精神健康的關注。 HKOP-ABI-202203-003

夏天應該係充滿陽光同活力嘅季節☀️但你有冇試過——明明天氣咁好，但係你偏偏無緣無故感到悶悶不樂、提唔起勁、做咩都冇動力……間中嘅情緒低落，其實好正常。但如果呢種情緒低落總係喺某個季節反覆出現，持續兩年以上，而且呢段時間嘅低落，比起一年嘅其他...
12/08/2026

夏天應該係充滿陽光同活力嘅季節☀️但你有冇試過——明明天氣咁好，但係你偏偏無緣無故感到悶悶不樂、提唔起勁、做咩都冇動力……

間中嘅情緒低落，其實好正常。但如果呢種情緒低落總係喺某個季節反覆出現，持續兩年以上，而且呢段時間嘅低落，比起一年嘅其他時間更為明顯同頻密，咁就有機會屬於「季節性情感障礙」（SAD）。[1] 如果情況困擾你或者身邊人，記得搵專業醫生作出評估同診斷。

想打造夏日好心情？其實好簡單！透過改變生活上一啲小習慣嚟保持心境開朗，大家一齊試吓做！

1. 為自己降溫： 當心情煩躁時，可以同自己講「心靜自然涼」；避開人多擠迫嘅地方；調節做運動嘅時間，例如挑清晨或傍晚時份外出做運動
2. 食清淡多飲水：減少食濃味、油膩、煎炸嘅食物，避免因「濕重」導致疲倦同煩躁；要定時補充水分同電解質，減少身體負擔
3. 社交媒體排毒：不妨停止刷手機，關掉社群訊息提醒，俾自己一段「靜音時間」，尋回平靜嘅心靈

如果以上內容幫到你或者身邊人，記得save 低或者share出去～

#塚愛友家 #夏日好心情 #同陽光玩遊戲

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-003

理應夏天日照時間變長，可以有多啲時間做自己鍾意嘅事情。明明應該好開心，心情卻反而變得down down哋? 其實可能同生理時鐘失調有關。 夏日陽光增多，的確可以令人活力充沛。但對部分人嚟講，日照時間延長、夜晚縮短、高溫天氣都有可能影響睡眠...
07/08/2026

理應夏天日照時間變長，可以有多啲時間做自己鍾意嘅事情。明明應該好開心，心情卻反而變得down down哋? 其實可能同生理時鐘失調有關。

夏日陽光增多，的確可以令人活力充沛。但對部分人嚟講，日照時間延長、夜晚縮短、高溫天氣都有可能影響睡眠品質。佢哋體內嘅血清素同褪黑激素水平嘅變化，亦打亂咗生理時鐘。當深層睡眠減少，長期睡眠不足，情緒調節力下降，容易導致情緒不穩，有機會出現煩躁，研究提出甚至有機會誘發「夏季抑鬱」。[1]

簡單應對方法，可以使用遮光窗簾令房間保持黑暗，開冷氣或電風扇維持室內溫度涼爽，打造良好嘅睡眠環境，幫助穩定生理時鐘。

希望大家瞓得好，心情好！如果你身邊有夏日失眠嘅朋友，快啲share呢個post俾佢啦～
#塚愛友家 #夏日生理時鐘 #夏季抑鬱 #夏日失眠

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-002

香港嘅夏天越嚟越長，又濕又熱！日間熱辣辣令人特別煩躁，食慾下降；夜晚又焗到瞓得唔好，影響情緒，搞到好似變咗另一個人咁。你有冇聽過「季節性情感障礙 」（Seasonal Affective Disorder，SAD）? 呢種係喺一年中特定季...
03/08/2026

香港嘅夏天越嚟越長，又濕又熱！日間熱辣辣令人特別煩躁，食慾下降；夜晚又焗到瞓得唔好，影響情緒，搞到好似變咗另一個人咁。

你有冇聽過「季節性情感障礙 」（Seasonal Affective Disorder，SAD）? 呢種係喺一年中特定季節（尤其冬季或夏季）反覆出現嘅抑鬱症，症狀一般會持續約4至5個月。而「夏季性情感障礙」（夏季SAD）除咗常見嘅抑鬱症狀，例如對日常活動失去興趣、無力感、情緒低落，仲有機會出現食慾不振、失眠、焦慮、煩躁不安、暴力行為等等。[1]
由於較少人認識夏季SAD，好多人都以為只係天氣太熱搞到自己忟憎，而忽略咗其實可能係情緒健康問題。今個夏天，我哋會同大家分享更多情緒健康相關資訊，一齊迎接夏天「好」心情！

記得Follow我哋個Page, 唔好錯過之後嘅內容。如果覺得有用，幫手share俾更多朋友認識塚愛友家~

#塚愛友家 #季節性情感障礙 #夏日好煩躁

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-001

新上映嘅《Toy Story 5》大家有冇去睇呀？胡迪離開後，邦尼嘅房間由巴斯光年、傑西等玩具繼續守護。但當新玩具「平板電腦 Lilypad」出現後，開始吸引邦妮所有嘅注意力。孩子嘅世界，慢慢由「玩具陪伴」變成「平板陪伴」。如果青少年好似咁...
29/07/2026

新上映嘅《Toy Story 5》大家有冇去睇呀？胡迪離開後，邦尼嘅房間由巴斯光年、傑西等玩具繼續守護。但當新玩具「平板電腦 Lilypad」出現後，開始吸引邦妮所有嘅注意力。孩子嘅世界，慢慢由「玩具陪伴」變成「平板陪伴」。如果青少年好似咁，喺不知不覺中變得只依賴螢幕、AI、網絡世界去獲得陪伴同情緒支持，現實中同家人、朋友嘅真實互動減少，人際關係就可能會愈來愈疏離。

雖然螢幕可以帶來即時嘅滿足，但現實中嘅理解同陪伴，始終無法被取代。要維持情緒健康，青少年仍然需要同真實世界保持連結，例如：同朋友見面、同家人傾計、表達自己嘅感受、遇到困難時識得向人求助等。

如果你係《反斗奇兵》嘅粉絲，又對今季呢個議題有共鳴嘅話，記得share呢個post出去呀~

#塚愛友家 #反斗奇兵5 #數碼世代

HKOP-ABI-202606-006

不論你係成人，定係青少年，都值得好好關注自己嘅情緒。 如果你係青少年，面對未來嘅不確定性，其實出現壓力、不安，甚至情緒波動都好正常。 It’s okay ，唔緊要。有時你可能會諗：「解決唔到嘅煩惱，冇必要講」；或者會諗：「唔會同其他人講，怕...
24/07/2026

不論你係成人，定係青少年，都值得好好關注自己嘅情緒。

如果你係青少年，面對未來嘅不確定性，其實出現壓力、不安，甚至情緒波動都好正常。 It’s okay ，唔緊要。有時你可能會諗：「解決唔到嘅煩惱，冇必要講」；或者會諗：「唔會同其他人講，怕麻煩到人、增加人哋負擔」。其實，你有事又唔講出嚟，愛錫你嘅家人同朋友會更加擔心同難過。

而作為父母嘅朋友，更要不時留意子女嘅身心健康發展。當子女踏入青春期，千祈唔好輕視情緒變化，覺得：「青春期啫，過咗呢個階段就會好喇」。因為，情緒健康係青少年成長嘅基石。若未能妥善處理負面情緒，不僅會影響學習表現和人際關係，甚至引發心理健康問題。[1]

若然未能及早察覺，並協助青少年解決情緒問題，後果可以好嚴重，例如濫用藥物或自我傷害等行為，甚至有機會影響到成年後嘅人際關係同生活發展。及早關注、願意傾聽，就已經係好重要嘅第一步。

#塚愛友家 #青少年情緒健康 #及早介入 #家長同行與支持

Reference:
1. 青少年情緒危機預防攻略. 青山醫院精神健康. Available at: https://www3.ha.org.hk/cph/imh/en/whats-new/details?id=14. Accessed on Jun 18, 2026.

HKOP-ABI-202606-005

青春期情緒變得大起大落、易怒、頂嘴、摔門，甚至對父母講出傷害性嘅說話，令自己或者好多家長開始疑惑：到底只係「青春期反叛」，定係情緒出現困擾呢？其實，青春期本身就係一個情緒波動特別大嘅階段。身體荷爾蒙快速變化，而負責計劃、風險評估同抑制衝動嘅...
20/07/2026

青春期情緒變得大起大落、易怒、頂嘴、摔門，甚至對父母講出傷害性嘅說話，令自己或者好多家長開始疑惑：到底只係「青春期反叛」，定係情緒出現困擾呢？
其實，青春期本身就係一個情緒波動特別大嘅階段。身體荷爾蒙快速變化，而負責計劃、風險評估同抑制衝動嘅「前額葉」仲未完全成熟，青少年更容易做出衝動魯莽嘅行爲。[1] 但如果持續出現以下情況，就值得提高警覺：
● 情緒爆發頻密而且難以平復
● 開始影響返學、社交或日常生活
● 事後完全否認或無法反思行為

青春期唔一定係叛逆，有時只係仲未識點樣好好表達自己。若然你或身邊嘅青少年正經歷情緒困擾，千祈唔好「等」或者「拖」 。如有需要，儘早尋求專業幫助。如果以上資訊用得著，歡迎save 低或者share出去～

#塚愛友家 #青春期反叛 #情緒風暴 #情緒困境

Reference:
1. 青春期的大腦風暴. 社會福利署臨床心理服務科. Available at: https://www.swd.gov.hk/storage/asset/section/405/tc/Adolescence%20Brainstorm%20(Traditional%20Chinese).pdf. Accessed on Jun 18, 2026.

HKOP-ABI-202606-004

比起人，你會唔會更想同AI傾訴？以往小朋友遇到難題，第一時間會搵父母；喺學校受咗委屈，返到屋企會同媽咪傾訴；面臨升學選科，會尋求老師嘅建議；至於青春期嘅煩惱與秘密，通常都會同最信任嘅朋友分享。家庭、學校與朋友，一直係青少年成長過程中最重要嘅...
14/07/2026

比起人，你會唔會更想同AI傾訴？

以往小朋友遇到難題，第一時間會搵父母；喺學校受咗委屈，返到屋企會同媽咪傾訴；面臨升學選科，會尋求老師嘅建議；至於青春期嘅煩惱與秘密，通常都會同最信任嘅朋友分享。家庭、學校與朋友，一直係青少年成長過程中最重要嘅情感支柱。

但而家呢種關係正在慢慢改變。 研究顯示，越來越多青少年開始將 AI 視為傾訴對象，甚至情感寄託。尤其係情緒較脆弱嘅青少年，更容易對AI 產生依賴，[1] 一步步陷入「AI情感依賴」嘅風險之中，對佢哋嘅心理健康會構成潛在影響。

關注青少年情緒及精神健康，必須提醒青少年：AI 只係一種工具， 就算能夠模擬出近似人類同理心嘅文字回應，但絕對唔存在真實情感，亦無法真正理解人類嘅經歷與感受。真正重要嘅，仍然係人與人之間嘅連結。

如果你發現自己或身邊嘅青少年愈來愈依賴AI作為傾訴對象，記得主動關心，同可信任嘅人傾談，必要時尋求專業協助。將呢個post分享出去, 讓更多人關注「AI情感依賴」對青少年嘅影響。

#塚愛友家 情感依賴 #青少年精神健康 #情緒支援

Reference:
1. 青少年愈來愈依賴AI陪伴，可能對他們造成傷害. 少年報導者. Last updated on Aug 28, 2025. Available at: https://kids.twreporter.org/article/ai-companions-ch. Accessed on Jun 18, 2026.

HKOP-ABI-202606-003

大人最羨慕學生有暑假，但原來放暑假都有機會令小朋友覺得失落。英國有調查指出，超過一半嘅青少年喺暑假期間覺得孤單。[1]另外，亦有好多青少年以為放暑假可以休息、放鬆， 但現實剛剛相反，暑假變得更忙、更攰，壓力更大。唔少家長為免子女喺放假後出現...
08/07/2026

大人最羨慕學生有暑假，但原來放暑假都有機會令小朋友覺得失落。英國有調查指出，超過一半嘅青少年喺暑假期間覺得孤單。[1]

另外，亦有好多青少年以為放暑假可以休息、放鬆， 但現實剛剛相反，暑假變得更忙、更攰，壓力更大。唔少家長為免子女喺放假後出現退步、落後，都會為子女安排密集嘅補習、興趣班、升學準備等，令暑假變成學業壓力嘅延續。身心得唔到真正休息，壓力逐漸積聚，子女情緒更容易出問題。

暑假本應係開心同放鬆嘅時間。若然你或身邊嘅青少年有情緒困擾，記住可以同家人分享，或者同信任嘅長輩傾訴，必要時尋求專業協助。 將呢個post分享出去, 讓更多人了解原來放暑假都有機會引發情緒問題。

#塚愛友家 #放暑假 #暑假壓力大 #情緒困擾

Reference:
1. 【新知】放暑假，青少年更覺孤單？！董氏基金會華文心理健康網. Available at: https://www.etmh.org/News/news_more?id=28a48636c0194358b8b6238ea2e2bb17. Accessed on Jun 18, 2026.

HKOP-ABI-202606-002

青少年本應係充滿活力、無憂無慮，對未來充滿期待同希望。但現今青少年幸福感下降，長期覺得攰、壓力大，對未來產生焦慮。其實青少年情緒問題成因複雜，可能來自學業壓力、同儕關係、自我認同，甚至大腦發育等等。根據中大研究團隊提供的首個亞洲全面的兒童和...
03/07/2026

青少年本應係充滿活力、無憂無慮，對未來充滿期待同希望。但現今青少年幸福感下降，長期覺得攰、壓力大，對未來產生焦慮。其實青少年情緒問題成因複雜，可能來自學業壓力、同儕關係、自我認同，甚至大腦發育等等。根據中大研究團隊提供的首個亞洲全面的兒童和青少年心理健康調查顯示，當中有高達24.4%的參加者在過去一年內患有精神疾病，其精神健康狀況令人擔憂。[1]

一般青少年嘅求助意識普遍偏低，就算表面上佢哋照常返學、正常生活，但其實內心可能隱藏住好多情緒困擾，家人亦難以察覺！家長應該及早建立固定嘅親子傾偈時間，多陪伴，少批評，用心聆聽，而唔係急住解決問題。培育健康情緒發展遠勝學業成績。

青少年嘅心理狀態直接影響佢哋嘅人際關係同成長。陪伴佢哋建立強大嘅心理韌性，青少年嘅精神健康絕對不容忽視！ 將呢個post分享出去, 讓更多朋友關注青少年嘅精神健康。

#塚愛友家 #青少年精神健康 #青少年情緒問題 #青少年壓力

Reference:
1. 研究論文發佈. 香港中文大學「畀心機」. Last updated on Apr 3, 2025. Available at: http://workheart.cuhk.edu.hk/. Accessed on Jun 18, 2026.

HKOP-ABI-202606-001

歐維係一個性格固執、沉默寡言嘅男人，對生活有好多規則，同時亦積存咗好多不滿，俾人嘅感覺總係難以親近。自從太太離世之後，佢嘅悲傷慢慢變成憤怒同封閉，成日覺得生活冇意思，甚至多次萌生輕生念頭。直到一班新鄰居搬入來，佢被迫重新同人接觸，由一開始抗...
29/06/2026

歐維係一個性格固執、沉默寡言嘅男人，對生活有好多規則，同時亦積存咗好多不滿，俾人嘅感覺總係難以親近。自從太太離世之後，佢嘅悲傷慢慢變成憤怒同封閉，成日覺得生活冇意思，甚至多次萌生輕生念頭。直到一班新鄰居搬入來，佢被迫重新同人接觸，由一開始抗拒、冷漠，到慢慢被「打擾」、被需要，喺一啲日常小事入面，歐維逐步重新感受到人與人之間嘅連結同溫暖。

其實，好多男人唔係唔傷心，而係唔識點表達。習慣咗自己一個人承受，久而久之，悲傷可能會變成憤怒、沉默，甚至同世界切斷關係。表面好似好硬淨，但內心其實好孤單。當一個人重新感受到自己「被需要」、「被看見」、「被連結」，改變可能就會慢慢發生❤️

#塚愛友家 #想死冇咁易 #與人連結

HKOP-ABI-202605-015

Address

Hong Kong

Website

Alerts

Be the first to know and let us send you an email when O-Mind Garden 塚愛友家 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category