18/06/2026
#紮肚師工作日記✨️
記錄緊迫又有點狼狽嘅一天。
今日香港天氣好反覆，早上至晚上，黃雨、紅雨、黑雨幾度交替。🌨
早上我先到元朗，原本完成第一位媽媽後，可以食個午餐，再按原定行程去馬鞍山。幸好今次交通對我影響唔算太大，因為兩位媽媽嘅住所都喺地鐵上蓋，出入相對方便。
不過去到下午，情況有少少變化。因為第二位媽媽需要一個人照顧 BB，為咗配合佢哋嘅節奏，我主動同媽媽商量，提早少少到，希望可以喺 BB 食奶前完成紮肚。
我用最快速度食完午餐，就即刻由元朗趕去馬鞍山。雖然搭馬鐵算方便，但車程都需時，加上落完雨之後地面濕滑，我一路都行得好小心，唔敢太急，怕自己一唔小心跣親，反而影響後面嘅安排。結果到達時間，都冇預期中快。🥲
到埗後，雖然我哋好快就開始療程，但始終都敵唔過 BB 嘅準時。療程做到中途，只好先暫停，等 BB 食完奶，我哋先可以再繼續。
今日有啲狼狽，時間亦都真係好緊迫。
但當我見到媽媽可以安坐屋企，唔使帶住 BB 出出入入，安心處理家事，我又會覺得，再辛苦都值得。
我一直都覺得，上門紮肚唔單止係一個療程，仲係一份體諒。
我亦想趁呢個機會，多謝呢位媽媽嘅體諒。喺黑雨時，佢不但沒有催促，仲提醒我小心路面情況，呢份關心我真係好感激。
香港天氣咁反覆，媽媽要照顧 BB 已經唔容易，如果仲要夾住時間出外紮肚，其實真係好攰。
所以我更希望自己做嘅，不單止係幫佢哋做紮肚，而係盡量為媽媽分擔多一點，令佢哋可以喺屋企安心休息，俾身體同心情都有空間慢慢修復。
其實經歷過幾年前嘅極端天氣之後，我諗香港人都更明白，天氣反覆係生活一部分。
而我嘅工作，好簡單——就係希望每位媽媽都可以安坐家中，安心等我上門，其他事，就交俾我去努力。
願每位媽媽都可以安心留喺屋企，平平安安渡過每一個天氣反覆嘅日子。
#紮肚 #產後紮肚 #新手媽媽 #紮肚師
