中醫動 HACMK

25/07/2026

因應天文台發出八號熱帶氣旋警告信號，我哋18區中醫診所會喺警告信號生效期間暫停服務，「18區中醫診所」流動應用程式嘅預約服務亦會即時停止。

有關18區中醫診所喺警告生效時嘅服務安排，詳情可以喺呢度睇到：https://cmk.ha.org.hk/zh-cht/services/notice/AdverseWeatherArrangement

大家要留意最新天氣消息，注意安全呀！

23/07/2026

【積極推動中醫藥業界參與醫健通】

而家中醫師只要登記醫健通，獲得求診人嘅互通同意之後，唔單止可以睇到中醫藥紀錄，仲可以取覽求診人嘅西醫藥紀錄，包括臨床摘要、出生紀錄、化驗及放射報告等等，方便中醫師更全面掌握求診人嘅身體狀況，進一步提升診療安全及治療成效。

最近，醫管局中醫部嘅「醫健通小隊」頻頻出動，去到各大中醫藥學術論壇、晚宴同專題研討會擺設攤位，向一衆中醫師同與會人士介紹醫健通嘅最新發展，反應相當熱烈！我哋除咗詳細講解中醫師及診所參與醫健通嘅登記流程，仲即場示範點樣透過「醫承通EC Connect」中醫臨床管理系統連接醫健通，輕鬆取覽中西醫相關紀錄。

我哋會繼續參與推動醫健通發展，歡迎各位中醫同業踴躍登記參與醫健通，共同推動跨專業合作，為求診人提供更全面嘅醫療服務！

立即參與醫健通：https://www.ehealth.gov.hk/tc/healthcare-provider-and-professional/how-to-register/index.html

#醫院管理局
#中醫藥紀錄互通
#醫健通
#醫承通
#中醫發展新時代
#踴躍參與醫健通
#中醫取覽西醫藥紀錄

23/07/2026

今日係「大暑」🥵，顧名思義，呢個節氣係一年之中最熱🔥、陽氣最盛🌞嘅日子。大暑天氣潮濕又夾雜暑熱，出街記得做好防曬，流汗過後切記唔好貪圖一時涼快用涷水沖涼或者直接吹風扇或冷氣💨，以免風邪入體感冒🤧。暑熱容易令人又攰又無胃口，甚至出現「苦夏」症狀。可以食啲西瓜🍉、仙草、薏米又或者飲綠豆湯、冬瓜湯，有助清熱消暑化解濕氣㗎😎！

中醫角度夏季養生可以「冬病夏治」，呢段時間仍然係三伏天，適合進行天灸療法，詳情可以留意我哋早前發佈嘅天灸療法介紹👉: https://www.facebook.com/share/p/1CTzDPedWA/

想知更多有關「大暑」嘅資訊，可以瀏覽中醫動網站👉:
https://cmk.ha.org.hk/zh-cht/information-index/news/solar_terms/%e5%a4%a7%e6%9a%91

22/07/2026

「大灣區中醫訪問學者」研討會又嚟啦~
最新嘅網上研討會將會喺7月27日(星期一)舉行。今次我地好榮幸邀請到廣東省中醫院神經重症科馬朝暉副主任醫師同我哋分享中西醫協作治療中風病人嘅經驗。歡迎各位中醫師、醫護同業報名參與。中醫師每次參加研討會後可以獲得1分註冊中醫進修學分！

講座名額有限而且費用全免，快啲把握機會去以下連結報名喇！
https://ha-org-hk.zoom.us/webinar/register/WN_D9vErn1aSxOTOXIY7cm_Mw

#大灣區中醫訪問學者計劃
#中醫專家
#中西醫協作
#中風治療
#中醫研討會

16/07/2026

【新加坡保健衞生部代表團到訪沙田醫院交流】

配合政府中醫藥政策方向，醫院管理局多年來積極推動和深化中西醫協作服務。隨著協作模式日趨成熟，治療成效顯著，服務在過去兩年亦倍速發展。

醫管局沙田醫院的中西醫協作中風治療團隊非常榮幸接待了新加坡保健衞生部保健衞生總司長麥錫威教授(Prof. Kenneth Mak)及其代表團，到院實地考察中西醫協作中風治療服務，以及醫院的中風康復服務。期間，代表團與醫院管理層及醫護團隊就服務模式、跨專業合作及臨床實踐進行了深入且富有成效的交流。代表團樂見在以西醫為主的醫院環境下，中醫及西醫團隊合作無間。

醫管局期待與更多國際醫療夥伴交流互動，推動中醫藥走向國際，共同促進中醫藥發展，進一步發揮中醫藥在提高全球健康方面的價值與作用。

#醫院管理局 #中西醫協作 #中西醫結合 #中風治療 #沙田醫院 #醫療國際化 #中風復康 #癌症治療 #國際交流 #中醫藥發展

08/07/2026

由今年七月一日開始，全港 18區中醫診所開啟重要一頁——統一以地區命名為「［地區名稱］中醫診所暨教研中心」，更清晰反映中醫診所以地區為本、服務市民嘅定位同發展目標。

回顧18區中醫診所自2003年起嘅發展歷程，無論係新冠疫情期間嘅抗疫診療、大埔火災後嘅緊急支援，定係流感高峰期嘅加強服務，中醫診所始終秉持扎根社區、服務市民的理念，與市民同心同行。喺新名稱下，中醫診所會繼續以「醫、教、研」為核心，致力提供專業、優質的中醫藥服務，守護市民健康！

想了解18區中醫診所嘅發展歷程，歡迎瀏覽以下專題文章：

園遊．杏林｜黃巧雲在香港，中醫藥不僅是源遠流長的中華傳統，更是許多市民日常的醫療選擇。經過20多年發展，18區中醫診所暨教研中心（中醫診所）

07/07/2026

今日係小暑，俗語講「小暑過，一日熱三分☀️」，嚟緊即將進入全年最酷熱嘅三伏天，亦係身體最容易感到濕熱、煩躁同疲倦🫠嘅時期。呢段時間適宜食多啲赤小豆、薏米、冬瓜同茯苓，幫助清熱祛濕👍。唔少人鍾意趁天熱飲凍飲，但過量凍飲會損脾胃陽氣，想解渴不妨試吓飲酸梅湯、菊花茶，一樣可以生津解暑㗎🫶！日常起居方面要記得勞逸結合🌸，盡量避免喺高溫下進行戶外體力活動，減低中暑風險；中午可以午睡片刻😴，幫助恢復精神、緩解疲勞。

另外，三伏天係進行天灸療法嘅最佳時機✨，想把握「冬病夏治」嘅機會，可以留意我哋早前發布嘅天灸服務安排👉 https://www.facebook.com/share/p/1BKWzHmTK3/ 。

想知更多有關「小暑」嘅資訊，可以瀏覽中醫動網站：https://cmk.ha.org.hk/zh-cht/information-index/news/solar_terms/%E5%B0%8F%E6%9A%91

06/07/2026

【18區中醫診所開展夏季三伏天灸服務】

踏入炎夏，又嚟到「冬病夏治」的好時機，18區中醫診所會喺7月14日至8月24日期間，為市民提供夏季三伏天灸服務。

根據傳統中醫理論，夏季「三伏天灸」會按照傳統曆法嘅二十四節氣，喺夏季最熱同陽氣最盛嘅日子進行，有預防同治療疾病嘅效果。「三伏天灸」療程一般分為初伏、中伏同末伏三次進行，每次都會利用辛溫中藥貼敷喺特定穴位，補益人體陽氣，特別適合體質虛寒、患有呼吸系統、痛症及腸胃疾病等人士，有助減少及預防冬天疾病發作。不過，每個人嘅身體狀況都唔同，小編建議大家先諮詢註冊中醫師嘅意見，了解自己係咪適合接受天灸療程先呀。

有需要嘅市民，可以留意18區中醫診所嘅夏季三伏天灸服務時間表。快啲打電話去你就近嘅中醫診所查詢同預約啦！
18區中醫診所服務日期：https://cmk.ha.org.hk/services/notice/tianjiu2026

#18區中醫診所 #三伏天灸
#中醫治未病

02/07/2026

【18區中醫診所新名稱登場！】

由七月一日起，18區中醫診所暨教研中心（中醫診所）已經正式換咗新名，統一命名為「［地區名稱］中醫診所暨教研中心」。為配合改名安排，各間中醫診所已經陸續更新設施名稱、標誌同網站資訊，方便市民識別同使用相關中醫服務。

雖然診所名稱有變，但服務安排、日常運作、以及求診者過往的醫療紀錄同資料都唔會受到影響㗎，政府資助同非政府資助中醫門診服務亦維持現有安排。市民可以繼續透過電話或「18區中醫診所」流動應用程式（適用於曾經於任何一間18區中醫診所登記求診人士）預約政府資助中醫門診服務。

最後提提大家，中醫診所唔會因爲今次改名事宜致電市民索取個人資訊或任何額外資料。大家要提高警覺，慎防騙案！

「18區中醫診所」新名稱列表：https://cmk.ha.org.hk/services/notice/CMCTR_renaming
相關新聞稿：https://www.info.gov.hk/gia/general/202606/26/P2026062500513.htm

#18區中醫診所
#服務不變

30/06/2026

全港18間中醫診所暨教研中心將會喺香港特別行政區成立紀念日公眾假期（2026年7月1日）休息 ，詳情請留意:👉https://cmk.ha.org.hk/services/notice/hksar-establishment-day-2026