香港腔內微創泌尿外科學會 The Hong Kong Society of Endourology

29/08/2026

【 | 腎石痛到懷疑人生、腎癌唔一定要一刀切】

HKSE繼續為大家提供泌尿懶人包！

✏️✏️ #腎石 發作真係痛到懷疑人生！即睇腎石全攻略：

🦑 成因與症狀：飲水少、高鹽高蛋白飲食係主因！突發腰痛、嘔吐、血尿至發燒，需靠超聲波或 CT 精準診斷。
🍋 預防貼士：每日飲足 2-3 公升水！少鹽少肉，適量飲檸檬汁有助抑制結石形成。
💥 治療選擇：細石靠藥物配合大量飲水排出；大石就要靠體外衝擊波 (ESWL)、輸尿管鏡 (URS) 或微創手術 (PCNL) 擊碎取出！

腎石唔會好似演算法咁自動消失，有異樣即求醫，多飲水先係真．生存之道！

🖥️ YouTube傳送門 | https://youtu.be/x1R1z_acSSk

✏️✏️ 患上 #腎癌 唔使驚要「一刀切」！即睇腎癌手術最新處置趨勢：

🩸 切癌不切腎：早期腎癌（特別係4厘米或以下）首選做「部分切除」。治癒率同全切一樣，但能保留更多腎組織，大幅減低日後腎衰竭嘅風險！
🤖 機械臂精準拆彈：高清3D視野加靈活手腕，就算腫瘤位置複雜，都能大幅提高成功保腎嘅機會。
✨ 微創成主流：傷口只有0.5至1.5厘米，比起傳統開刀出血少、痛楚低、復原快，唔使再驚留低長疤痕！

想保命又保腎？有異樣即求醫，同醫生商量最適合你嘅「精準保腎」方案！

🖥️ YouTube傳送門 | https://youtu.be/4u9_x-bIHyA

#泌尿外科 #滴滴仔 #醫學 #男士保健 #女士保健

香港腔內微創泌尿外科學會（HKSE）於2006年成立，旨在推動泌尿外科的發展及提高對病人醫療及服務水平。本專頁只用作分享泌尿科的相關資訊，如需任何醫療意見，敬請尋求註冊泌尿科醫生的協助。

27/08/2026

【 | 尿路感染唔係小事、血尿係警號】

各位醫生同滴滴仔喺過去嘅日子為大家介紹咗唔同嘅泌尿科疾病，今個月一於為大家整理一下過去一年嘅topic，等大家溫故知新📚

✏️✏️ #尿路感染 絕對唔係小事！呢四個隱患隨時整壞你個膀胱同腎臟：

🎈 前列腺肥大：腫大塞尿積殘尿，既易發炎又容易養出膀胱石！
🪨 結石堵塞：跌入輸尿管搞到腎積水兼劇痛，嚴重可致敗血症！
⚽ 尿液逆流 (VUR)：啲尿唔落去反而倒流上腎，長期會損害腎功能！
🦠 反覆UTI：半年中兩次就要求醫！少飲水同忍尿係元兇，切記做好衛生！

所以發燒、腰痛或者小便嘅時候感到唔舒服，就要即刻睇醫生，咪等尿路變石場呀！

🖥️ YouTube傳送門 | https://youtu.be/4B8mMtwZHyU

✏️✏️ #血尿 令小便突然變紅？千祈唔好當係食錯紅菜頭！尿液帶血，隨時係以下四大警號：

🔴 無痛最危險：85%膀胱癌患者都有血尿！無痛血尿通常係早期最重要嘅危險徵兆。
🔴 前列腺爆血管：男士前列腺肥大會令血管變脆易爆，但即使有 BPH 亦要先排除癌症！
🔴 發炎黏膜滲血：女士常見嘅尿道炎，細菌搞到黏膜充血，排尿又痛又急仲會帶血。
🔴 石頭刮傷尿道：腎石或輸尿管石移動時會刮傷尿路，伴隨劇烈腰痛同血尿。

血尿無論痛唔痛，第一次出現就要即刻求醫檢查，切忌估估下！

🖥️ YouTube傳送門 | https://youtu.be/KUmnzfKWFN4

#泌尿外科 #滴滴仔 #醫學 #男士保健 #女士保健

香港腔內微創泌尿外科學會（HKSE）於2006年成立，旨在推動泌尿外科的發展及提高對病人醫療及服務水平。本專頁只用作分享泌尿科的相關資訊，如需任何醫療意見，敬請尋求註冊泌尿科醫生的協助。

21/08/2026

【 #泌尿迷思 | 打尿震代表身體出咗問題？使唔使睇醫生？👀】

學家燕姐話齋：「人面對風波心中少不免，震震震震震！🎶」唱歌係咁，小便亦如是。

好急好急去完洗手間，面對完膀胱入面嘅小風波，竟然會身體顫抖，打個大尿震，係咪身體出咗問題？非也～🙅🏻‍♀️非也～🙅🏻‍♂️ 醫學界對「打尿震」嘅睇法係咁嘅：

1️⃣ 自主神經系統嘅反應
小便呢個動作會令膀胱收縮，同時令尿道括約肌放鬆，小便越急，就越容易打尿震，而自主神經系統係一種自然生理反應，點忍都控制唔到㗎。最後為咗令自律神經系統得到平衡，身體會強制活化交感神經，呢種全身發麻、顫抖嘅感覺就係咁嚟㗎喇。

2️⃣ 體溫流失
雖然醫學界對呢一點有所保留，但仍然有一個講法係話因為溫度流失，所以造成呢個同小便有關嘅「冷震」。

打尿震有一個好型嘅學名，叫做「排尿後抽搐症候群」，從個名都睇得出，呢一種並唔係一種疾病，男、女都有可能發生。不過如果小便嘅時候出現其他莫名嘅狀況，就記得要請教專業人士喇～👨🏻‍⚕️

想定時聽到泌尿科醫生講解嘅健康資訊？請即訂閱HKSE YouTube頻道：
📽️ https://www.youtube.com/

#香港腔內微創泌尿外科學會 #泌尿外科 #健康講座 #滴滴仔 #男士保健 #女士保健

🔎 主題｜前列腺癌病的影像檢查🩺＋問答環節🗓️ 日期｜2026年5月28日（星期四）🕗 時間｜8pm - 8:45pm👨‍⚕️‍...

14/08/2026

【 #泌尿迷思 | 打J打得多會搞到「睪丸癌」？🙅‍♂️💦】

「自慰過度會傷蛋致癌」呢個說法流傳已久，但其實完全係盲猜迷思！自慰係正常嘅生理需要，目前完全冇任何科學證據顯示自慰、射精頻率或者下體撞親會引致細胞變異成睪丸癌‼️

🧠 真正嘅高風險因素係咩？
— 隱睪症：出生前睪丸未降入陰囊（最關鍵風險）
— 家族遺傳：父兄等近親曾患睪丸癌
— 年齡族群：通常發生喺15至45歲青壯年男士身上

💡 月月自檢！早發現治癒率達 95%

睪丸癌只要早期診斷，治癒率極高。建議每月沖涼時進行自我檢查，留意以下訊號：
— 摸到蛋蛋有無痛硬塊（如小豌豆般硬）
— 陰囊異常腫脹或有沉重下墜感
— 下腹或腹股溝隱隱作痛

唔好因為怕尷尬或誤信迷思而延誤求醫，定期自檢、有異樣即睇醫生先係保蛋之道！

想定時聽到泌尿科醫生講解嘅健康資訊？請即訂閱HKSE YouTube頻道：
📽️ https://www.youtube.com/

#香港腔內微創泌尿外科學會 #泌尿外科 #健康講座 #滴滴仔 #男士保健 #女士保健

🔎 主題｜陰囊變大咗！係小問題定大警號？🩺＋問答環節🗓️ 日期｜2026年7月30日（星期四）🕗 時間｜8pm - 8:45pm...

30/07/2026

27/07/2026

【後生仔先要睇！後生男士嘅隱形威脅：拆解「睾丸癌」！🥚🧬】

👉🏻 7月免費網上講座｜https://www.facebook.com/events/2218227035594093/

好多人以為癌症係長者專利，但睾丸癌偏偏相反！根據醫管局統計，香港每年平均有47宗個案，超過九成五患者年齡都係50歲以下，特別以15至40歲嘅青壯年最危險。雖然成因不明，但如果有家族遺傳、曾有隱睾症（睾丸未降）或者先天發育異常，就屬於高危一族。❗

大家日常要留意4大身體訊號：
👉 蛋蛋出現完全唔痛嘅硬塊或異常肥大
👉 陰囊有沉重下墜感
👉 下腹隱隱作痛
👉 陰囊突然間積聚大量水分

美國國家癌症研究所建議男士每個月沖涼時，可以跟住以下步驟自我檢查：
1️⃣ 先企喺鏡前睇下陰囊表皮有無腫脹。
2️⃣ 用雙手大拇指按喺上面，食指中指放下面，輕輕轉動觸摸每一邊蛋蛋有無硬塊。
3️⃣ 摸摸蛋蛋後方柔軟嘅附睾，如果發現不明腫塊就要盡早求醫。

💡 兩邊蛋蛋大小不一其實好正常，唔使過分擔心！不過如果萬一確診，早期患者主要採取手術直接切除腫瘤作為根治。放心，只切去一邊蛋蛋基本上對原本的性能力沒有影響！如果癌細胞不幸擴散或想減低復發率，醫生就會配合化療藥物治療，咁就有好大機會影響生育能力喇 。如果患者真係有生育需要，醫生會轉介患者做化療之前先做精子冷凍儲存，以保留生育既可能～

想了解更多自我檢查秘訣同男士保養心法？即刻報名參加今個月嘅Facebook直播啦～

💻 立即報名｜https://www.facebook.com/events/2218227035594093/
🔎 主題｜陰囊變大咗！係小問題定大警號？🩺＋問答環節
🗓️ 日期｜2026年7月30日（星期四）
🕗 時間｜8pm - 8:45pm
👨‍⚕️‍ 主持｜泌尿科專科 林穎聰醫生
👩‍⚕️‍ 嘉賓｜泌尿科專科 柯健源醫生

#陰囊腫脹 #滴滴仔 #醫學

24/07/2026

【禍蟲蛋出！唔係啩，男人蛋蛋會生蟲？🐛🥚】

👉🏻 7月免費網上講座｜https://www.facebook.com/events/2218227035594093/

睇到呢個標題，驚昆蟲嘅人會嚇親，所有男士都會嚇親！蛋蛋真係會生蟲？梗係唔係啦，呢個現象喺醫學上叫「精索靜脈曲張」，即係陰囊入面嘅靜脈血管出現群組腫脹。雖然兩邊都有機會發生，但係左邊蛋蛋係比較常見！

📊 咪以為好少見！原來好多男人都有：
外國研究發現，大約有15%嘅男性患有精索靜脈曲張，當中較多發生喺青春期至35歲嘅男士。雖然佢未必對健康有即時影響，但嚴重起上嚟，可能會導致睪丸萎縮或者不育等大問題，所以都不容忽視！

🩸 又點解無端端血管會擴張積血呢？
✅ 活瓣失效： 主要原因可能是陰囊內嘅靜脈活瓣失去功效，阻唔到血液倒流，導致血液喺靜脈積聚，令血管擴大並造成曲張。
✅ 腫瘤壓迫： 如果有其他腹部腫瘤壓住精索靜脈，亦有機會引起曲張。

🚶‍♂️ 企喺度特別漲？一瞓低就消失？
精索靜脈曲張無論在外觀定感覺上，都可以用「包著一袋蟲」嚟形容。雖然通常唔會劇烈痛楚，但因為企喺度時血液會隨地心吸力向下積聚，靜脈會膨脹起來，所以患者會覺得蛋蛋有唔舒服嘅感覺。最奇妙嘅係，當你臥下平躺時，積聚嘅血液流走，曲張情況就會暫時消失！

🩲 點樣舒緩同治療？
如果病徵輕微而且無影響生育能力，大部分患者係不需接受治療嘅。日常可以改著有承托力嘅內褲（比鬆身內褲更能減輕不適）。但如果腫脹同不適情況嚴重，又或者出現併發症（如睪丸萎縮、不育），就可能需要透過手術治療喇。

想知道點樣保養下體健康、避免不育危機？即刻報名參加今個月嘅Facebook直播啊～

💻 立即報名｜https://www.facebook.com/events/2218227035594093/
🔎 主題｜陰囊變大咗！係小問題定大警號？🩺＋問答環節
🗓️ 日期｜2026年7月30日（星期四）
🕗 時間｜8pm - 8:45pm
👨‍⚕️‍ 主持｜泌尿科專科 林穎聰醫生
👩‍⚕️‍ 嘉賓｜泌尿科專科 柯健源醫生

#陰囊腫脹 #滴滴仔 #醫學

23/07/2026

【陰囊變水彈？潑水節未到喎！💦🥚】

上回同大家盤點過陰囊腫脹嘅原因，其中一個好常見、令下面變大嘅情況，就係俗稱「陰囊水腫」嘅睪丸鞘膜積液（Hydrocele）。簡單嚟講，就係包圍住蛋蛋嘅外層鞘膜囊入面裝咗太多液體，搞到成個袋好似裝滿水嘅氣球咁，外表腫大之餘仲好重，仲要係大人以至到BB都有機會「中招」㖭！

✅ 初生男嬰： 多數係先天性。全因喺媽媽肚入面時，由腹部通往陰囊嘅通道未完全閉合，令到腹水流咗落去。
✅ 成年男士： 多數係後天引起。可能因為撞親受傷、局部發炎（例如副睪炎）、受到感染，甚至係因為睪丸有腫瘤，令到液體分泌同吸收失去平衡而積水。

🩺 咁有咩徵狀？醫生又會點檢查？
通常會出現單側或雙側嘅無痛性腫脹。雖然唔會出現劇烈痛楚，但水太多時會有好明顯嘅下墜感。醫生一般會用呢兩種方法作出檢查：

🔦 電筒透光試驗： 用手電筒照向陰囊。如果好似紅燈籠咁呈現透明、透光狀態，通常就純粹係積水喇～
🖥️ 陰囊超聲波： 最準確嘅診斷方式，可以幫手排除係咪合併咗「小腸氣」（腹股溝疝氣）、嚴重發炎或者睪丸腫瘤。

又咁講～如果係一歲以下嘅BB大部分先天積水都會自行吸收消退，做父母唔使太擔心。至於大人，如果積水量少又無明顯不適，定期觀察就得；但如果積水嚴重、不斷腫痛或者影響到日常生活，就可以考慮做手術切除鞘膜或者進行抽吸。

下體大絕非「雄風」嘅表現，記住搵專業醫生檢查清楚啊！想了解更多陰囊水腫同相關檢查，即刻報名參加今個月嘅Facebook直播啦～

💻 立即報名｜https://www.facebook.com/events/2218227035594093/
🔎 主題｜陰囊變大咗！係小問題定大警號？🩺＋問答環節
🗓️ 日期｜2026年7月30日（星期四）
🕗 時間｜8pm - 8:45pm
👨‍⚕️‍ 主持｜泌尿科專科 林穎聰醫生
👩‍⚕️‍ 嘉賓｜泌尿科專科 柯健源醫生

#陰囊腫脹 #滴滴仔 #醫學

19/07/2026

【即刻轉身射個三分波！之後連雞蛋都冇埋？！🥚💥】

陰囊腫脹可以不知不覺間慢慢形成，亦可以係話嚟就嚟。轉身射個三分波都可以痛到一個點，而呢個「睪丸扭轉」亦係最需要即時求醫嘅情況！呢個情況就好似將一條水喉自己扭埋一扎，令到行去蛋蛋嘅血管被完全卡死，血液供應被斷絕。如果無喺黃金幾小時內即刻搵急症室醫生幫手鬆番開，組織好快就會缺氧壞死，後果可能連蛋蛋都會冇埋！

🔍 其他引致腫脹嘅常見原因仲包括：
✅ 外力撞擊：運動受傷或者唔小心被踢到
✅ 細胞變異：令人擔憂嘅睪丸癌症
✅ 血管問題： 嚟緊會詳細講解嘅即精索靜脈曲張
✅ 細菌或病毒入侵：睪丸或者副睾丸受到感染而急性發炎
✅ 內部水浸：汁液積聚過多引致嘅水腫（鞘膜積液）
✅ 內臟移位：俗稱「小腸氣」嘅疝氣
✅ 全身性疾病：例如充血性心力衰竭，令身體排水不妥
✅ 表面危機：陰囊皮膚本身局部發炎或者遭受到感染

所以男士們如果有一日突然發現自己陰囊腫咗，或者慢慢變大，千祈唔好因為老尷而死忍！最安全嘅做法都係即刻搵專業醫生檢查，對症下藥啊！想了解更多陰囊腫脹，即刻報名參加今個月嘅Facebook直播啦～

💻 立即報名｜https://www.facebook.com/events/2218227035594093/
🔎 主題｜陰囊變大咗！係小問題定大警號？🩺＋問答環節
🗓️ 日期｜2026年7月30日（星期四）
🕗 時間｜8pm - 8:45pm
👨‍⚕️‍ 主持｜泌尿科專科 林穎聰醫生
👩‍⚕️‍ 嘉賓｜泌尿科專科 柯健源醫生

#陰囊腫脹 #滴滴仔 #醫學

19/06/2026

【醫前列腺癌唔係靠估！影像掃描點樣幫醫生度身訂造方案？🩺】

👉🏻 6月免費網上講座｜https://www.facebook.com/share/1E4hWqKqqQ/

前列腺癌嘅治療方案好多樣化，由積極監察、切除手術到電療都有。但醫生點樣決定邊種方法最啱你？原來MRI同PSMA PET-CT唔單止識搵腫瘤，仲係醫生規劃治療同監察進度嘅「最強幕後大腦」！

✂️ 手術部署與積極監察（MRI 領軍）
如果決定做根治性切除手術，MRI 影像可以幫外科醫生預先「畫地圖」，精確評估腫瘤同周邊神經血管束嘅距離。

⏩ 保留神經線： 只要情況許可，醫生就可以參考影像進行「保留神經手術」，盡量維持患者術後嘅性功能同小便控制能力。
⏩ 積極監察： 對於低風險患者，MRI 憑住極高嘅準確度，可以幫手長期追蹤病情，讓部分患者有機會延後甚至避免不必要嘅創傷性治療。

🎯 電療規劃與復發監測（PSMA PET-CT 精準導航）

正如醫生所講，而家臨床上通常會將正電子掃描同電腦掃描結合，一次過做晒 PSMA PET-CT。

⏩ 電療精確規劃： 腫瘤科醫生會利用 PSMA PET-CT 嘅立體數據嚟規劃放射治療。透過靜脈注射同位素（Gallium-68 或 Fluorine-18）同造影劑，醫生可以精準鎖定癌細胞位置，重拳打擊腫瘤之餘，亦能保護周邊健康嘅膀胱同直腸組織。
⏩ 復發追蹤： 萬一治療後 PSA 指數回升，呢個「二合一」掃描可以喺極低 PSA 水平時就揪出復發病灶，等醫生及早進行挽救性局部治療。
⏩ 藥物篩選： 對於晚期患者，呢個掃描仲可以評估你適唔適合做最新嘅「靶向放射核素治療」（例如 Lu-177 PSMA）。

做 PSMA PET-CT 係唔需要飲顯影劑嘅，所有追蹤劑同造影劑都係透過靜脈注射直接進入血液，非常方便快捷！有咗呢班「影像特工」幫手，治療就更加百步穿楊啦！記得留意22號嘅免費直播，等醫生講更多畀你知啦！

💻 立即報名｜https://www.facebook.com/share/1E4hWqKqqQ/
🔎 主題｜前列腺癌病的影像檢查🩺＋問答環節
🗓️ 日期｜2026年6月22日（星期一）
🕗 時間｜8pm - 8:45pm
👨‍⚕️‍ 主持｜泌尿科專科 吳志文醫生
👩‍⚕️‍ 嘉賓｜泌尿科專科 葉智豪醫生、放射科專科 吳豐謙醫生

#前列腺癌 #滴滴仔 #醫學