The Youth Flow

The Youth Flow Drama | Psychotherapies | Counseling | Training | Education
DM for enquiries

［EXAT的生存之道］🎵原來現實與那理想總不太同……🎶邀請正讀緊或已完成表達藝術治療（EXAT）課程嘅你，一齊坐低傾下職涯路上真實會遇到嘅選擇同掙扎。主題：表達藝術治療師的職涯反思與未來想像交流內容：- 點樣開價先合理又專業- 點樣同機構維...
08/05/2026

［EXAT的生存之道］

🎵原來現實與那理想總不太同……🎶

邀請正讀緊或已完成表達藝術治療（EXAT）課程嘅你，一齊坐低傾下職涯路上真實會遇到嘅選擇同掙扎。

主題：表達藝術治療師的職涯反思與未來想像

交流內容：
- 點樣開價先合理又專業
- 點樣同機構維繫良好合作關係，同建立界線
- 全職／半職／兼職/開公司之間點樣作出選擇
- 點樣分辨伏job，遇到時點應對
- EXAT 喺學校同機構入面嘅定位同挑戰

希望今次嘅圍爐唔止係嚟聽經驗分享，而係一個可以思考自己職涯嘅空間。嚟識多個同行，希望大家唔係競爭者，而係一齊共享資源嘅專業社群。

QR code 報名/ Link in bio

［Trust the Process - Ch1&2］因為有讀書會，所以整理睇書嘅思考。透過表達同討論，我覺得有啲概念清晰咗。一直覺得「Trust the Process」講就易，做就難。我認為佢唔只係一種信念，而係一種素養（compete...
01/05/2026

［Trust the Process - Ch1&2］

因為有讀書會，所以整理睇書嘅思考。透過表達同討論，我覺得有啲概念清晰咗。

一直覺得「Trust the Process」講就易，做就難。我認為佢唔只係一種信念，而係一種素養（competency）。

我哋要留意Shaun McNiff用Artist嘅身份同角度去寫呢個概念，而佢本身已經有非常紮實嘅基本功，佢亦喺書提到佢有每日創作嘅修練。所以，佢對Trust the Process嘅理解，係建基於長時間嘅實踐，而唔只係理論層面上嘅論述。

咁你呢？你係點樣帶領服務使用者進入 creative process？
有啲咩係「合適」嘅創作條件？
咩係「好」物料？
當年讀書好執着要同人討論物料嘅重要性，終於，呢本書俾咗我一個回應。

如果你對呢啲思考有興趣，歡迎DM我，加入EXAT讀書會呢個community。

28/04/2026

今集我哋傾吓一個同每個人都息息相關嘅話題——飲食 🍴

大家都經歷過由學生轉變到打工仔嘅過程，喺人生唔同階段，唔知大家嘅飲食口味同習慣，有冇隨住成長、經歷或者需要而改變緊呢？

身邊有朋友開始咗對健康嘅「覺醒」，由以前乜都食，到依家要考慮身體負擔；亦有人因為生活節奏而追求極致嘅便利，比起要等，反而更鍾意「即買即食」嘅三餸飯，因為最緊要快！其實每一餐，都記錄緊我哋性格同生活狀態嘅轉變。

聽完今集之後，大家都不妨諗吓，你而家嘅飲食習慣又係點？咁多年嚟有冇咩轉變？

立即到 YouTube、Spotify、Apple Podcast 收聽最新一集 Amy & Gen Z Podcast (link in bio) 🎧

［24th Peer Supervision］當壓力、情緒沒有出口，有時會透過身體表現出來。輔導不是醫生，但我們可以一起看見身體如何說話。那麼，我們應該如何開展輔導？從情緒、身體，還是關係開始？治療目標應該是身體症狀「消失」，還是「理解」？...
26/04/2026

［24th Peer Supervision］

當壓力、情緒沒有出口，有時會透過身體表現出來。
輔導不是醫生，但我們可以一起看見身體如何說話。
那麼，我們應該如何開展輔導？從情緒、身體，還是關係開始？
治療目標應該是身體症狀「消失」，還是「理解」？

Topic: Somatic Symptom
日期: 2026年5月9日（星期六）
時間: 晚上7:30-9:30
地點: 灣仔
費用: HK$80

Link in bio

21/04/2026

喺今集開咪之前，我哋突然間好好奇，兩個來自唔同 generation、興趣又完全唔同嘅人，聽歌習慣到底可以有幾大分別？

所以今集我哋決定大爆自己嘅聽歌習慣！其實我哋平時聽開咩歌、點樣聽歌，都會不知不覺間反映出每個人獨有嘅性格同音樂品味，而音樂亦都一直記錄緊我哋嘅成長。

大家聽完之後，不妨都諗吓：你平時最鍾意聽咩歌？如果有一首歌可以代表你，又會係邊一首？

立即到 YouTube、Spotify、Apple Podcast 收聽最新一集 Amy & Gen Z Podcast (link in bio) 🎧

［用藝術盛載青少年的心］在不斷變動的城市裡，我們與環境碰撞、互動，形塑出現在的模樣。但當環境變得劇烈，內在的自我也難免感到不安與晃動。對我而言，藝術是很好的陪伴。除了不批判，她還很真誠。透過創作與她對話，那些留在身體記憶裡、無法言喻的，都能...
20/04/2026

［用藝術盛載青少年的心］

在不斷變動的城市裡，我們與環境碰撞、互動，形塑出現在的模樣。但當環境變得劇烈，內在的自我也難免感到不安與晃動。

對我而言，藝術是很好的陪伴。除了不批判，她還很真誠。透過創作與她對話，那些留在身體記憶裡、無法言喻的，都能在象徵或留白中得到安慰。

最後，想把這份安慰送給大家： 「找一個空間，用你喜歡的方式，讓自己的故事被好好聽見。」

EP12-13 已經上載於各大平台，邀請大家去重溫！

#城市與我 #藝術與我

［EXAT 讀書會📕］你有無試過喺學/體驗表達藝術治療（EXAT）嘅時候，聽過一句說話：“Trust the process.”但係到底咩係 trust the process？
唔明就等於唔 trust？定係需要盲目地trust ？🤔今次...
17/04/2026

［EXAT 讀書會📕］

你有無試過喺學/體驗表達藝術治療（EXAT）嘅時候，
聽過一句說話：“Trust the process.”
但係到底咩係 trust the process？
唔明就等於唔 trust？定係需要盲目地trust ？🤔

今次讀書會將會一齊閱讀：
𝗦𝗵𝗮𝘂𝗻 𝗠𝗰𝗡𝗶𝗳𝗳 - 𝗧𝗿𝘂𝘀𝘁 𝘁𝗵𝗲 𝗣𝗿𝗼𝗰𝗲𝘀𝘀: 𝗔𝗻 𝗔𝗿𝘁𝗶𝘀𝘁’𝘀 𝗚𝘂𝗶𝗱𝗲 𝘁𝗼 𝗟𝗲𝘁𝘁𝗶𝗻𝗴 𝗚𝗼

並以 reading group 形式，一齊討論到底點先係trust the process。以及如何喺practice 入面經驗、承擔同回應呢個概念。

讀書會適合：
— 已對表達藝術治療（EXAT）有一定程度認識
— 曾參與相關訓練或正在發展自己嘅實踐
— 願意預先閱讀文本並參與討論交流

呢個讀書會並唔係基礎課程，唔會以講授方式帶讀內容。
Reading group 係比一個同行之間共同閱讀與思考嘅空間。

Link in bio/story highlight.

［儀式感］2006年，心理輔導畢業，正式開始做輔導工作。
2016年，開咗公司，同更多不同嘅人合作，策劃更多青少年培育活動同心理輔導服務。到2026年，想有更多不一樣，想再做更多不一樣嘅事情。一路走來，做過好多唔同嘅嘢，走過好多唔同嘅路，亦...
16/04/2026

［儀式感］

2006年，心理輔導畢業，正式開始做輔導工作。
2016年，開咗公司，同更多不同嘅人合作，策劃更多青少年培育活動同心理輔導服務。
到2026年，想有更多不一樣，想再做更多不一樣嘅事情。

一路走來，做過好多唔同嘅嘢，走過好多唔同嘅路，亦都做過好多唔同嘅project。人生需要儀式感，所以出個Post記錄一下到今天都仲未離開呢一行。

Life was like a box of chocolates. You never know what you’re gonna get.
所以下一步會點、會遇到啲咩、會同大家分享啲咩，其實我都未知。但希望大家繼續支持❤️ 一齊睇下會有咩新攪作💪🏻

14/04/2026

以前睇電視，一家人會坐埋一齊睇同一個節目。但而家大家唔止可以自由揀睇咩，再加上演算法，每個人嘅 YouTube 首頁都可以好唔同！

其實大家嘅年齡、興趣以至職業，都會不知不覺間培養出每個人獨有嘅品味。今集我哋兩個來自唔同 generation 嘅人，決定大爆自己平時最鍾意睇開咩 YouTube channel！

聽完之後，睇吓你同我哋邊個有共鳴啲？

立即到 YouTube、Spotify、Apple Podcast 收聽最新一集 Amy & Gen Z Podcast (link in bio) 🎧

［We’re Hiring｜表達藝術治療師］💛我們正在尋找一位表達藝術治療師加入團隊🧡我們專注身心健康與情緒支援服務，透過創作與藝術，陪伴不同年齡層人士，在情緒需要與生命歷程中的探索及轉化。我們重視專業操守與倫理原則，並維持與業界的交流與連...
12/04/2026

［We’re Hiring｜表達藝術治療師］

💛我們正在尋找一位表達藝術治療師加入團隊🧡

我們專注身心健康與情緒支援服務，透過創作與藝術，陪伴不同年齡層人士，在情緒需要與生命歷程中的探索及轉化。我們重視專業操守與倫理原則，並維持與業界的交流與連結，亦着重持續專業發展，包括督導及進修，以持續提升專業能力與服務質素。

職位：表達藝術治療師（兼職）
主要工作內容：
1）設計及帶領表達藝術治療及藝術介入活動
2）與相關單位協作及溝通

我們期待的你：
- 具備相關專業訓練及實務工作經驗
- 願意投入穩定的服務工作

有興趣申請者請將履歷及期望薪酬電郵至[email protected]
（截止申請日期：2026年5月1日）

Address

Hong Kong

Website

Alerts

Be the first to know and let us send you an email when The Youth Flow posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The Youth Flow:

Shortcuts

Share

Category