Place of Rest’art

20/08/2026

【精神健康大使體驗&培訓】
同學仔嘅眼中究竟乜嘢先係放鬆？

早前去到西貢崇真中學，舉辦兩次精神健康大使嘅體驗同埋培訓，為之後全校嘅精神健康午間攤位做準備。第一堂就讓大使們親手體驗藍曬，曬出一張佢哋認為代表「放鬆」嘅相✨

係一班初中同學仔眼中「乜嘢係放鬆呢？」

🎡有人覺得同屋企人去海洋公園嘅時光
🐱有人覺得係望住屋企兩隻心愛嘅貓貓
🌊有人覺得係海洋
🧚‍♀️有人覺得係小仙子令到你冇晒啲煩惱
🛏️有人覺得係你有煩惱嗰陣提醒自己「唔好驚，瞓醒一覺再去面對」
🕷️有人覺得係好似蜘蛛俠咁，「知道自己嘅能力同埋責任然後盡力做就好」

原來每個人心目中嘅「放鬆」，都有獨一無二嘅光影形狀。✨

唔知你哋又有啲乜嘢獨有嘅放鬆方法呢？

下個post再講吓佢哋學識咗藍曬之後
準備左一個點樣嘅午間藍曬攤位💙

#心靈紓壓藍晒體驗 #精神健康 #香港社工 #午間攤位活動 #青年活動

12/08/2026

【回望】
上個 Post 講到，喺活動入面撞返對上一份工認識嘅年輕人。回想最初認識你應該仲係小學生？🙈眨下眼就高中啦～
好開心你主動搵返當年我 Last Day 嘅合照，話同我重影多一張。當晚嘅相遇，對我嚟講真係mean a lot。

一直想分享吓過去嘅工作點滴，一黎等大家可以了解下我，二來黎記錄一路走過嘅每個片刻，為做左「初級老闆」之後，時而不安焦慮嘅自己打打氣。

▎「做青年工作，就係俾自己做返個年輕人！」

有人會話，生小朋友係俾自己重新做返次小朋友；
咁我會話，做青年工作，就係俾自己做返個年輕人！

大學社工畢業之後，做咗幾年家庭工作。去到某一個點，心入面好似有一把聲音，叫自己去問「乜嘢係心之所向」。當年工作偶爾會接觸青年人，我好鍾意嗰種可以更貼近自己嘅模式。幾經掙扎、離開 Comfort Zone，終於轉Field去做青年工作。當初會擔心要適應同融入，後來發現：「做返自己，就係最好嘅方法。」

▎為你地亦為自己不斷解鎖嘗新

喺嗰幾年間，做咗好多自己原本唔會主動做、甚至會怕嘅事（睇舊相隨意揀咗以下幾件事分享）
☀️ 大熱天時去西九玩芬蘭木棋，然後被老虎狗亂入😆
🐛 驚昆蟲嘅姑娘，一齊入深山體驗農務生活
🔐 幾日內同同事構思搞咗個 Friday Night密室解謎逃脫，寫有意思嘅故事、自己動手做機關道具🫣
📸 自肥系列：邀請攝影師帶我地一齊周圍去影相、帶同學去舊式影樓體驗菲林沖曬影懷舊相、學Face painting之後擺攤、請Moving Drawing教速畫，再一齊入社區做服務💕

每一個體驗，陪你地一齊做，但其實都係屬於我嘅人生探索同累積。

▎要繼續做一個點樣嘅大人？

係工作入面，我都會問自己一個問題：「下一步係點？要做一個點樣嘅大人？」青年工作Lee段珍貴歷程，對我黎講確實都係自我探索嘅階段。

然後轉眼間又想有新挑戰，離開機構到依家，變成問：
「要做一個點樣嘅初級老闆？」

▎聽從心之所向，相信時間的累積

一步一步行過來，或者Lee次相遇與回顧，係要提醒我繼續「聽從心之所向」，勇敢做自己喜歡同熱愛嘅事。有D成長同滿足感唔係即時可見（對人/助人工作都一樣）。

培育工作室Lee個新挑戰，同樣需要時間慢慢去累積與實踐。但謹記一步步嘅嘗試，都代表自己成長緊💙

#工作室育成日記 #香港社工 #社工藝術工作室

30/07/2026

【師友計劃 Friday Night｜心靈舒壓藍曬體驗】

多謝機構同事早前邀請我舉辦咗一場藍曬舒壓體驗，畀佢哋師友計劃嘅參加者。我以前喺機構做青少年服務，都好經常搞呢類 Friday Night 活動，畀同學仔放學之後輕鬆吓 💨

藍曬既簡單又有趣，好適合用嚟做自我表達，仲可以增進大家嘅認識。今次活動有兩個片段特別深刻：

① 社工 Mentor 嘅叉叉電🔋
我真心 Respect 各位 Mentor 放咗工趕過嚟參加活動，用行動去陪伴青少年成長🫶🏻其中一位 Mentor 一開始滿面倦容，直到最後分享作品，原來佢係駐校社工，好多謝呢個活動畀空間佢真正放鬆落嚟，甚至令佢諗返起要珍惜同太太、屋企隻愛貓一齊嘅時光✨
（做駐校真係太唔容易！我好開心呢個活動可以幫你叉吓電 🫡）

② 撞返當年熟悉嘅Youth👩🏻💜
最驚喜係撞返以前喺機構認識嘅同學仔，眨吓眼你已經升中五！出post之前問你可唔可以share我地嘅合照，你一口答應，令我想再寫多D以前係機構做嘅點滴同心情，所以決定分開下個post再出😆😚

───
藍曬除左光影呈現，最迷人嘅往往係過程之中人與人之間嘅交流同連結。希望嗰晚大家都帶住放鬆嘅身心返屋企💙✨
───

#藍曬體驗 #香港社工 #工作室育成日記 #光影藝術

28/07/2026

【中學精神健康週分享｜當相片遇上自我探索】

幾個月前出咗篇關於太古坊展覽同「攝影治療」概念嘅 Post，好開心得到唔少人關注同轉發，令更多人知道原來相片除咗美學角度之外，仲可以促進自我探索。

估唔到呢篇個Post 仲吸引咗一位好有心嘅中學老師，邀請我到學校嘅「精神健康週」做分享🫶🏻！

最令人感動嘅，係我哋一齊完成咗件好厲害嘅壯舉，就係全校師生一齊體驗相片嘅自我探索！無錯！係全校😆

為咗呢個 Idea，老師同埋一班精神健康大使事前真係花足心思，我提供咗幾款相片之後，佢哋就為全校每位同學準備迷你相片，仲安排喺週會前嘅班主任課俾大家「認養」，然後拎入禮堂聽我分享 🥹✨

嗰日喺台上，睇住同學由最初同隔籬位「吱吱浸」，到隨住我嘅聲音導航，全場慢慢靜落嚟，投入自己選擇嘅相片同自己對話，嗰一刻真係覺得好神奇🤩

雖然分享時間唔係好長，但希望可以喺同學心裏入面種低一粒小種子🌱：知道除咗語言，相片都係認識自我嘅一種途徑；更重要係明白每個人睇世界嘅角度都唔一樣，慢慢學會接納同擁抱獨一無二嘅自己 🫂✨

⁠ #攝影治療⁠ ⁠⁠ ⁠ #中學精神健康週⁠ ⁠ #自我探索⁠ ⁠ #相片連繫⁠ ⁠⁠ #校園分享

11/07/2026

2026 台中藍曬進修日記 Vlog

終於要剪輯幾個月前到台中進修藍曬的花絮😆！

「跟隨心之所向·尋找不一樣的藍」

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
以前喜歡或想做一樣事情
會事前考慮很多
特別當時有固定工作
思想和行動上有很多自我限制
往往最後很多事可能不了了之
簡單來說「講得個諗字」！

但自從24年裸辭之後
發覺世界很大但生命無常
有些事情如果真心喜歡
那就把握機會嘗試看看
這種重新掌握生命之流
用行動去創造人生不同體驗其實很爽
裸辭後其中最開心最難忘
係一個人去環球影城（因爲要玩Mario🤩）

話說回來
藍曬對我來說一直有種很深很深的魅力
基本上係工作室默默試驗、自學的我
也會驚嘆不同藝術家
怎麼可以創造出不同風格和效果
而這次終於趁著工作空檔
飛到台中參加一個兩天密集的職人訓練
跟一位台灣老師好好學習📝

如果一樣事情打從心底喜歡甚至愛上
就勇敢地跟隨心之所向
去創造屬於自己的人生體驗吧💙

P.S 昨晚找到一個影片範本，用上感覺很有電影感😆，下禮拜再出其他花絮吧✨

#台中藍曬進修日記 #出走台中 #藍曬藝術
#香港社工 #社工藝術工作室

10/07/2026

【年輕媽媽光影下的自我對話💬】

謝謝機構同事的邀請和正面回饋✨
再次見證藍曬藝術成為一種媒介
結合攝影治療元素
讓一班年輕媽媽可以從親子合照向內探尋
成就了當天下午充滿歡笑與眼淚💧
互相陪伴、聆聽的珍貴時刻✨

作品不只是作品
而是承載情感與力量的印記💙

#攝影治療 #藍曬藝術 #年輕媽媽的光影對話 #香港社工 #社工藝術工作室

07/07/2026

04/07/2026

【📍香港中文大學｜花汁印相工作坊（圖文）】

真係著冬天衫去到夏天衫先post🤣
仲有好多存貨會加緊努力出
當時連續兩個星期去CU開workshop
有機會試新嘅花汁印相💛🧡
我自己都興奮又緊張
玩得多藍色轉玩下黃色個人都有新鮮感
同埋我覺得靠天然色素都曬到相係好厲害嘅事
覺得Lee個世界好奇妙✨

有時候做創作/活動其實好純粹
就係想分享俾多D人一齊去體驗
當然活動加入自我認識/治療元素係延伸嘅果效
同時要信任藝術體驗本身就係一種人同自己、其他人、大自然嘅聯繫
Lee個當下嘅過程本身已經好珍貴♡♥

歡迎繼續揾我合作
支持下香港社工藝術工作室ʕ•ᴥ•ʔ ✨

#光影藝術工作坊 #社工藝術工作室 #花汁印相 #用相片說故事

💛🧡🤎💙

義大利同學嘅家庭合照 so sweet💕

文字都曬到😍

🐱🐱✨

你聞下咩黎？

✌🏻

食粥食飯就靠你啦🔥給力！提煉！

吹乾ING🌬️🌬️🌬️🌬️🌬️🌬️

你地緊張時我都緊張😆

好朋友✨

完成一場workshop係開心嘅
見到大家一齊開心更滿足✨

下次我會企到直一直🤣