心導療心理及輔導服務 Holding Psychological and Counselling Services

Home
Hong Kong
Hong Kong
心導療心理及輔導服務 Holding Psychological and Counselling Services

Contact information, map and directions, contact form, opening hours, services, ratings, photos, videos and announcements from 心導療心理及輔導服務 Holding Psychological and Counselling Services, Mental Health Service, Hong Kong.

心導療(HoldingPCS)由輔導心理學家主理，提供個人輔導 || 生涯輔導 || 伴侶輔導 || 遊戲治療，擁有彈性收費安排，並可自選輔導心理學家。歡迎機構及學校聯絡，合作講座/工作坊/小組輔導。心導療寄望「以專業知識與督導承造專業輔導，以自主和同行普及心理輔導」，並期待與你在輔導空間內一起覺察自身閃光點，擁有力量繼續前行👣

11/09/2026

📍輔導室百科 📍首次輔導面見

Q: 第一次見輔導，其實係會做啲乜野？💭

A: 第一節輔導面見有一個重要嘅目的，就係受輔者同輔導專業嘅互相認識。輔導專業會透過不同提問方式，了解受輔者嘅來訪目的、個人背景(例如家庭關係、社交經驗、生活習慣等)，對受輔者建構最基本理解。受輔者亦可以透過呢個機會，向輔導專業提出你對自己或對輔導手法、輔導進程的問題。

Q: 我係咪要將自己所有野講出哂先有價值？😣

A: 每個輔導專業都有各自提問或了解嘅重點，你可以向輔導專業提出你嘅疑問，例如自己要講幾多？講啲咩？，讓雙方嘅溝通更有效率。但無論如何，你嘅感受都係更重要，如果有啲事情你未想講、講唔到，都係唔緊要，亦無須要強逼自己。

Q: 係咪見完第一次就知有咩病？😳

A: 大多輔導專業都未必會係第一節完結時候主動告知評估/診斷結果，如果你對自身狀態抱有疑惑，你係絕對可以向輔導專業提出討論。不同專業對受輔者嘅狀態均有不同取態，例如輔導心理學家強調成長、強項、預防性角度多於病理性分析。同時要留意，心理診斷只能夠由臨床心理學家或精神科醫生作出。

💟輔導室內會發生嘅事情或許係一個充滿迷團同不確定、陌生嘅一塊，會讓你為之卻步同恐懼。正因如此，踏進輔導室更加唔代表你嘅軟弱，反而係為自己最勇敢嘅一步🚶🏻‍➡️🚶🏻‍♀️同時，輔導歷程係一個歡迎你同輔導專業溝通想法與感受嘅空間🤲🏻留言話我地知你對輔導又有咩疑惑😊🙌🏻

----------------------------------

心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

04/09/2026

📖心理輔導小節錄

「人生無常 -- 總是在流動在變化 -- 變動不居，我也是變動的，可以隨之而改變。」

-《存在之道，人本心理學家卡爾．羅傑斯談關係、心靈與明日世界》
卡爾．羅傑斯著

係輔導室裏面，唔難聽到受輔者表達希望生活按住自己嘅預計進行，否則會感到焦慮不安，無所適從。

掌控感係個體非常重要嘅心理需要。然而，呢份掌控嘅複雜之處在於，我地要先了解同容納「變動」嘅出現，從變化中尋找穩定之錨，因為人生本來就變幻莫測，而人嘅本質亦深信係可流動、可塑的、會成長，充滿可能性同潛力。

當我地能夠接納不可控，就係掌控嘅開始🍁
也請相信，你絕對有可能性與與潛質與變化共同成長🌱

----------------------------------

心導療(HoldingPCS)由輔導心理學家打理，寄望:
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

28/08/2026

📍個人成長 📍減壓抗逆

大家睇到呢個主題會唔會覺得好奇怪 — 我知我要成長，我知我要進步。好多人都話要正能量🧘🏻‍♂️🧘🏻‍♀️。所以呢?

筆者第一次聽到呢個概念時都有類似諗法。直至對人本主義有更深刻嘅體會後，筆者覺得對自己嚟講，似乎可以同時用”Growing”去理解Growth Mindset。

Growing — 成長進行中⏳ 。名詞可能俾我哋嘅聯想係一個概念、有啲似要達成嘅成果。但加咗-ing俾我一種我「跟住呢個過程流動緊」。

人生 — 包括成長 — 本來就係流動嘅過程。我哋數下，人生若有三萬日，咁點解要只執着於一兩日嘅里程碑。如果嘗試用呢個思維作為起點去延伸思考：

💐 我哋或者能見到美麗可以生在過程上而非只係結果裡。作為人類，我哋能懷抱自己珍重嘅價值前行，卻都可以容忍過程中可能一波三折，依然願意努力嘗試、運籌帷幄。呢種態度本身對小編嚟講就十分動人✨

同樣地，若我哋意會到流動冇可能永遠一帆風順⛵🛥️ ，人或事嘅唔完美都係人生嘅常態，咁經歷失敗或者就冇咁可怕。或者與其將目光集中喺懊惱過去不足之處，都可以諗下點樣參考過去，提升自己或者避險。

放喺人際關係或者職場上嚟講，有啲現代管理學學者提出可以用 “Feed-Forward”(「前饋」) 嘅概念 ⏩去處理 “Feed-Back” (「反饋」) ⏪ ，就係採用呢個邏輯。呢種態度其實可能令我哋係人際或職場上都更有適應力。想像下，當我哋覺得自己犯錯時，倘若有人可以冷靜自持並且涵容(contain) 埋你嘅情緒🤲🏻，仲可以事後將焦點放係點樣改善而唔係責難你 — 咁樣嘅朋友或同事係咪幾有魅力～

當結合人本主義去細味Growth Mindset時，希望大家有機會感覺到自己
🌹 多咗空間包涵自己不完美嘅過去
🌷 多咗接納呢一刻自己喺流動嘅大方向裡，都可以稍作停頓歇息
🌻 都多咗幾分被承托去繼續向上嘅希望與動力 💓

----------------------------------

心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

21/08/2026

心導療一周年啦💕承蒙大家嘅信任，過去一年心導療提供咗個人輔導、各類型小組活動、工作坊予社區大眾，亦與其他專業合作交流。

心導療會繼續致力提供及普及專業心理輔導，提供「扶持環境 Holding Environment」去覺察與承接受輔者嘅心理需要，療癒受輔者正等待被聆聽嘅心靈，讓受輔者逐步重獲和建立應對生活嘅獨立能力及安全感，而一周年嘅我地亦迎來服務同團隊嘅改變✨

🪧收費調整，現有受輔者並不受影響
🪧服務範疇: 個人輔導、生涯輔導、伴侶輔導、遊戲治療、小組輔導或工作坊、講座
🪧擁有彈性收費安排，你亦可自選輔導心理學家
🪧歡迎機構及學校聯絡，合作講座/工作坊/小組輔導🏫

團隊👦🏻👩🏻
心導療亦好高興宣布有新嘅輔導心理學家加盟！為大眾提供更全面、更有選擇嘅輔導服務~

👦🏻 Pak Ching💧 泊澄諮商工作室
• 輔導心理學家
• 香港樹仁大學輔導心理學碩士
• 專項：個人輔導、生涯輔導
• 較多服務青少年與成年案主，並在情緒困擾、個人成長、人際關係及職涯探索上有較豐富經驗

👩🏻 菇姑娘🍄 A's Psychology
• 輔導心理學家
• 香港樹仁大學輔導心理學碩士 ; ©Prepare/Enrich婚前/婚後關係評估認可執行員
• 專項：個人輔導、伴侶輔導、遊戲治療
• 臨床經驗包括社區大眾與學生的情緒/關係困擾、生活/學業適應、家庭教養等

👩🏻 風姑娘🎐
• 輔導心理學家
• 香港樹仁大學輔導心理學碩士 ; 完成靜觀自我關懷8週課程
• 專項：個人輔導、生涯輔導
• 擁有與大學生(如生涯諮詢、校園適應)、情緒困擾人士及復元人士的臨床經驗

向左掃了解更多心導療嘅收費同輔導心理家簡介啦!🙆🏻‍♀️

心導療期待與你在輔導空間內一起覺察自身嘅閃光點🌟，擁有力量繼續前行👣

-———————————
心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

07/08/2026

📍你都不知自己有多好 📍Self-loathing

好聽嘅說話順耳、舒心，心理學家sssss都千方百計鼓勵家長要多啲稱讚小朋友，從而建立佢地嘅自尊心，亦建議人要多啲肯定自己，作為心理韌性嘅一環。而你又有冇諗過，點解自己好似愈來愈睇唔到自己好嘅一面，但見到千個萬個自己嘅不是，又或者對自己有百般要求？

🔹生活經驗與自我概念的融合 (self-fulfilling prophecy)
其中一個方向，可能係同我地目前嘅自我概念、自我形象有關。退一萬步而言，自我概念🧑🏻👧🏻(Self-concept)包括一個人對自己嘅評價📝(我有幾好)、我是誰🤺(身份)、我係點樣嘅人🕺🏻(形象)、有乜野會影響自己/與自己有關🙀等等，而呢啲概念嘅形成同我地嘅家庭環境、成長經驗、內在/外在評價有密切關係，一環扣一環地堅固自我概念。

當呢份自我概念愈清晰 (如：認為自己能力不足)，因為排斥性低嘅關係，與其相關嘅生活經驗會更容易受到我地嘅覺察同接受 (如：所犯嘅錯)，進一步融合同加強自我概念，繼而引領其他體驗/行為(如：加強對自己嘅要求💢)。

🟡例如，一個深信自己學習能力弱嘅人，會份外留意同認證自己落後於他人嘅經驗，同時可能會否認領先/有滿足感嘅經驗，又或者貶低、推卻自己嘅付出同能力😟。二者亦與我地老生常談嘅自我實現預言 (Self-fulfilling Prophecy) 同冒名頂替症後群 (Imposter Syndrome)相關~

🔹自我形象的衝突及引致的負面體驗和詮譯
卡爾羅傑斯(Carl Rogers)係《存在之道》一書提及導致孤獨嘅兩個因素 – (1) 自己與內心真實感受嘅疏離🤛🏻🤜🏻 與 (2) 自己無法係關係中溝通真實自我🤐。此處並非去解釋孤獨嘅成因，而更重要帶出嘅係，二者都關係到自我價值嘅評價條件。我地好多時候會俾外在條件(例如成績📖、性取向💕、工作👨🏻‍💼👩🏻‍💼、家庭🏠等)影響到自我價值嘅評價，從而不斷追求被愛、不斷害怕失去愛、不斷冷待自己真實嘅想法同需要，形成空洞、焦慮😰、受傷、難過😢等不愉快感受，又或者係聚焦式嘅自我批評同鞭策😡，祈求換取個人價值。

配合剛才提及過嘅自我概念融合，長期處於內心拉扯、負面嘅自我評價、不舒服感受嘅自己，更容易留意自己嘅不是，以及忽視自己嘅好😫

🔹自我保護
簡而言之，「投降輸一半」(又係出賣年齡系列🥴🤪)。有時候，自我批評/要求，來得比外在嘅要求舒服 – 因為我地已經有心理預備，亦「相對地」能夠控制批判嘅力度。同時，心理上我地亦搏一搏 – 自己已經先打三百大板，其他人可以對自己輕手啲🥺，當中如果運用到自我嘲笑，都可以令氣氛輕鬆啲，減少外在對自己造成嘅衝擊。其實，係凶狠嘅自我批判、高要求、自我嘲笑嘅背後，都係一種保護自己嘅表現😶

✨如果你發現自己有以上嘅情況，請先唔好為自己標籤「認知謬誤」、「我又諗埋一邊」、「我自討苦吃」呢啲形容詞！以上嘅經驗只係一份屬於呢刻嘅你嘅「現象」，佢值得被探討，從而認識多啲不同面向嘅自我 – 到底自己經驗緊啲咩 – 再帶領自己嘅下一步，但不需要被標籤、指責、修改，因為呢啲經驗都係「你」嘅一部份啊💛

----------------------------------

心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

24/07/2026

📖心理輔導小節錄

「外在不斷積累的動力是內在匱乏感的體現，他們需要向自己證明自己是有價值的。」

-《受苦的靈魂：從深度心理學看痛苦的經驗與轉化》
萊儂．科貝特着

有冇試過自己好似一直係到追緊不同目標，但彷彿呢個目標係永無止境、追極都唔夠、追極都未完、甚或乎唔知點解仲追緊？🏃🏻‍➡️🏃🏻‍♀️‍➡️

可能我地追緊嘅，唔係外在一張張證書、一個個訓練、一頂頂名銜；我地缺乏嘅唔係錢、唔係獎項、唔係朋友。我地真正匱乏嘅，可能係內心嘅自信、歸屬感、價值感、掌控感、自我肯定、勇氣、心理安全等等😟😞

外在嘅展現往往係內心嘅映照。如果你發現自己開始永無休止咁「追」緊一啲野，但你又講唔出自己追緊啲咩、點解要追，呢個可能係一個時刻，停落來，細心、不帶批判地聽下內心嘅聲音，感受內心深處需要💓

圖片來源：Google
----------------------------------

心導療(HoldingPCS)由輔導心理學家打理，寄望:
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

17/07/2026

📍DSE 📍我的人生

DSE放榜後兩日，等候咗幾個月嘅成績終究出爐，你覺得點啊？
呢兩日大概唔同人有唔同嘅野要做，
有人交咗留位費，等交學費；
有人決定要申請成績覆核；
有人等候取錄通知；
有人仲睇緊有咩大專課程可以報...

或許你都已經忐忑、頻撲咗兩日，

你有冇問過自己，拎住呢張成績表自己嘅感受係點架？
呢行數字對自己有咩意義？代表咗啲咩？
你/身邊人點樣做，會令自己感覺舒服啲、被支持？

呢段時間你可能會接連要做好多決定，呢啲決定係須要、係重要，但佢唔係一世的。

呢刻嘅分數同決定唔會完全定奪一個人嘅未來，反而，我地可以利用呢個機會 – 呢刻嘅徬徨、認識自己此時此刻嘅興趣/強弱項/性格特質、意想不到嘅猶豫/興奮 – 作為認識自己、面對自己、規劃人生嘅一環。

再次，任何嘅數字和決定都唔會定義你是誰，但你對呢行數字嘅感想，以及佢對你嘅意義，則定必係屬於你重要嘅一部份，值得我地細味觀察。

無論你係已經「麈埃落定」，還是在忐忑不安、十五十六嘅途中，或許我地都俾自己一首歌嘅時間，暫時放低放榜或者為自己劃下界線，減少接觸此起彼落嘅建議同資訊，不帶批判、慢慢地問自己一句：你對自己DSE成績感覺點樣啊？點解嘅？

祝願考生們心靈平安、滿足，並於人生新一章劃下彩虹一筆 ✨🌈

----------------------------------

心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

03/07/2026

📖心理輔導小節錄

「許多你眼中對自己的不滿，原來只是學習回來。」

- 吳芷嫣、黃沛霖博士著

-———————————

「都係我唔夠好」
「係我未夠努力」

以上呢兩個諗法💭唔知道對你嚟講有無好熟悉嘅感覺呢？

你係咪一個會經常以自我批判嘅形式去鞭策自己嘅人呢？呢種方式去鞭策自己或者喺一段長時間中幫自己渡過一個又一個艱辛嘅時刻，但你有無覺察過佢失效嘅時候？又或者你有無覺察過自己喺呢種自我對話當中嘅感覺係點嘅？

呢種對自己嘅批判、不滿、自我鞭策，其實可能蘊藏着一個慣性、一個重複嘅主題🔁 其中一個可能性係我哋喺成長階段中曾經聽過呢種語調、呢種說話內容💬 然後學習番嚟嘅。我地可能不知不覺地將曾經呢種聲音內化，讓我地成為對自己最嚴厲嘅一個批判者，卻也同時無形中保護着自己。

如果你內心都住咗一位嚴厲嘅自我批評者，邀請你喺一個安全且有支援嘅環境下，嘗試覺察一下呢位批判者嘅模式、慣性以及可能與以往經歷嘅關聯性🤲🏼

願你終能看見默默努力着的自己✨
願你終能看見自己的好✨

-———————————

心導療(HoldingPCS)由輔導心理學家打理，寄望:
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

26/06/2026

📍戀愛關係交易-愛情溝通法則工作坊 📍活動回顧

💭戀愛交易並非算計，而是每個人在關係中投放的情緒和需要都值得被自己、被對方所看見和回應💞

工作坊係黃雨之中順利完成！感謝參加者係雷暴中嘅真誠分享 – 包括自己嘅愛情挑戰、分享受傷嘅自己、坦誠有待改進嘅地方、承認難以啟齒嘅部份，從一份份嘅分享之中，認識自己係關係中嘅感受與需要。

菇姑娘🍄係工作坊中引用咗Dr John Gottman嘅「情緒指令類別」Emotional Command Systems，帶領參加者認識同反思自己係七種情緒指令中較為需要嘅類別🤔，亦認識到唔同時刻嘅自己嘅需要，為參加者自我認識帶來新嘅角度🤗，發現自己從未想過嘅情緒需要😯

工作坊亦帶領參加者從心感受💓滿足需要的方法，並不帶批判地表達需要💬，當下姑娘感受到參加者嘅一字一句都充滿期望、感情、自我關懷❣

參加者回饋✨
💌環境同導師都令人安全分享
💌冇諗過原來自己嘅感受咁強烈
💌感謝參加者嘅真心分享
💌導師回應到位

我地下次活動再見🙌🏻🙌🏻😁

-———————————
心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作

#輔導 #輔導心理學 #精神健康 #情緒成長 Counselling Counselling Psychology 心理治療 hongkong 心理學 psychology mentalhealth 香港個人輔導伴侶輔導生涯輔導親子職業方向感受職業夫妻關係

Address

Hong Kong

Telephone

+85247179124

Website

https://forms.gle/wpEpdaNw3PLy34Ed6

Alerts

Be the first to know and let us send you an email when 心導療心理及輔導服務 Holding Psychological and Counselling Services posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 心導療心理及輔導服務 Holding Psychological and Counselling Services:

Want your practice to be the top-listed Clinic in Hong Kong?