http://instagram.com/voracious.foodie

Voracious 香港飲食, 車公廟路18號, Tai Wai (2026)

14/08/2026

福田卓悅INTOWN 14週年慶 ♡
-
暑假唔知去邊度好，
但香港周圍都逼到爆，
未諗去邊度食嘢打卡嘅話，
不妨考慮北上去離福田口岸同皇崗口岸極近嘅卓悅INTOWN✨
經福田口岸過關後搭地鐵到崗廈站D出口或者會展中心站D出口即達，
對香港人嚟講真係超級方便‼️

適逢福田卓悅INTOWN迎嚟14週年慶🎉
由8月19日至23日商場會舉辦「Chill味相投」五味好食節🍽️
今次特別聯動「翹翹公園 IP」打造「Chill級好市」首屆酸甜苦辣鹹市集，
一連5日仲有超fun嘅抽象大賽😆
有得食、有得行、又有得玩，
趁暑假完之前嚟呢度過返個Chill爆假期，
影相打卡一流✨

即日起至週年慶期間仲有重磅禮遇，
港人必衝49團100元現金券，
可以透過微信「悅in卓越」小程序或大眾點評購買💵
海底撈、潤園四季、西塔老太太、
大虎壽司、COMMUNE Bistro 幻師、
啫騰、脆鮮生、米八外、望海潮、東江順德、
辣可可、老城鮮、功夫榴蓮、予棠糖水、
客家本色等全場超過20間熱門餐飲都通用，
等於近半價就可以食盡全場美食，
CP值爆燈🤩
留意番每個帳號喺每個平台限買兩張，
而每單限用兩張⚠️

🎁【港客專屬限定免費福利】
即日起保存電子版西瓜券截圖📱
到 L1 客服台簡單登記註冊商場會員，
即可免費兌換網紅「小糖丸西瓜」一份🍉
每人限領一份，
數量有限、先到先得‼️
行完街打完卡，
又可以用半價食盡人氣美食又有禮物拎，
暑假或者今個週末一定要約埋三五知己過嚟🫶🏻
——————————————————————————
📍福田卓悅INTOWN
地址：深圳福田市中心金田路與福華三路交匯處
[地鐵崗廈站D出口 / 會展中心站D出口]
——————————————————————————
#14週年慶 #五味好食節 #深圳美食 #深圳好去處 #北上消費 #香港人北上 #深圳打卡

12/08/2026

鶯時TOKI·儀式感鐵板燒 ♡
-
下星期就到七夕，
情侶們如果仲未決定去邊慶祝嘅話，
一定要嚟呢度試下新出嘅七夕套餐❣️
呢間鐵板燒餐廳位於星河COCO Park對面，
喺福田口岸過關後搭地鐵4號線，
只要兩個站到購物公園站D出口即達，
地理位置極之方便🫶🏻
以黑金為主調嘅裝修風格時尚高級，
每個用餐位置都有獨立間隔分開，
私隱度高而且安靜舒適🤓

如果慶祝生日或紀念日嘅話只要訂位時提出，
餐廳都會貼心地提供免費佈置服務，
絕對係慶祝嘅不二之選💖
服務質素更加係無可挑剔，
踏入餐廳店員已經會主動幫忙暫存外套或行李，
為客人拉櫈同斟水等就不在話下，
而每一道菜都會詳細講解，
亦會事前了解客人有冇食物敏感或特別飲食要求，
全程管家式服務😍
上菜速度拿捏得宜，
絕對唔會食到趕頭趕命👍🏻

呢度所有食材都係當日直送到店，
全部即點即製保證新鮮，
每一道菜上嘅時候店員都會逐一介紹食材同烹飪方式，
相當講究🫶🏻

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

七夕套餐先會送上餐前軟飲，
以精選山東山楂果慢火熬製八小時，
配以廣西產老冰糖同薄菏根，
酸甜開胃❤️

🔹鰲蝦·時令魚生
由前右下方台海寒師魚、槍魷魚卷海膽、
新西蘭鰲蝦再到西班牙金槍魚赤肉依次享用，
以五星花、黃色三色木槿、紫蘇花同旱金蓮花點綴，
搭配山葵醬同刺身醬油突顯魚生鮮美🫶🏻
最後到杯中炙燒池魚王，
表面炙烤逼出魚油，
搭配三杯醋、海苔醬同柚子味噌醬層次分明🥰

🔸茶碗蒸
蒸蛋口感嫩滑，
松茸菌菌香馥郁，
綴以黑松露醬同雞湯菌菇芡汁鮮味十足🥚

🔹活龍蝦
據店員介紹龍蝦選用越南青龍，
建議您食用原味再柑橘醬汁一起食用
並以龍蝦自身蝦膏製作調味，
燒至約七成熟肉質爽彈，
建議先品嘗原味再搭配旁邊嘅柑橘醬，
酸甜果酸煥然一新🦞

🔸雪蟹料理
將俄羅斯松葉蟹製成三種食法，
先品嘗蟹肉海膽塔塔，
配上檸檬啫喱同紫蘇花最為清爽✨
然後到中間杯嘅蟹肉丸，
配有蟹肉百合泥汁、黃聖女果、紅聖女果同甜豆🦀
最後品嘗生蠔碗中嘅鹽燒蟹腳，
六月黃蟹粉醬甘香濃郁，
再磨上黃柚子碎毫不覺膩✨

🔹黑金鮑
黑金鮑魚產自新西蘭，
鮮美爽彈且加入九層塔令香氣十足，
撒上烏魚籽粉同炸蒜酥豐富口感，
殼上仲配有炒蘆筍同台灣山蘇😌

🔸旬菜｜綠竹筍
馬蹄筍先品嘗原味口感鮮嫩，
配以粉色嘅秋月梨或沙律醬食用同樣清爽😉

🔹 南美魚膠·鮮貝燒
碗中底下為南美魚膠、扇貝、青茭年膏同水果玉米，
魚膠以雞湯燴煮兩小時，
質感軟糯，
香煎扇貝配青茭年膏層次豐富，
加入薄荷同食用花激發香氣，
搭配辣味蕃茄酸湯令人耳目一新🫶🏻

🔸轉口
萃取蘋果同黃皮汁液，
馬蹄筍脆嫩多汁，
手指檸檬更添酸甜清爽，
能夠令味蕾煥然一新✨

🔹和牛·松茸
選用極佳黑牛眼肉前胸部位，
油花分布細緻均勻呈天然雪花紋路，
肉味與油香俱全，
客人可以自選牛肉熟度，
五成熟口感鮮嫩最佳🥩
鹽板上方為香煎和牛、和松茸牛肉卷、
板蘭根牛肉卷再搭配細葉芹五星花，
食用時可以加上特調鹽同山葵醬，
最後搭配旁邊嘅百香果漬南瓜，
時令松茸同板蘭根菜天然清甜更能中和牛肉油膩感✨

🔸主廚和牛炒飯
據知米飯選用產自牡丹江嘅響水貢米，
浸泡2小時以上隔水蒸製，
煮得香軟飽滿😉

🔹手作甜品
陽山水蜜桃加上薄荷檸檬漬同柚子冰淇淋，
果香清甜天然🍑
檸檬乾酪柚子餅乾塔冰涼綿密，
三重口感同風味層次十足😍
—————————————————————
📍鶯時TOKI (平安金融中心店)
深圳福田區益田路平安金融中心L4
[地鐵4號線購物公園站D出口160米]
營業時間：11:00~14:00｜17:00~22:00
—————————————————————
#深圳 #深圳美食 #福田美食

10/08/2026

壹號粥·超值海鮮粥火鍋 ♡
-
論北上食飯最最最抵食嘅餐廳呢間一定榜上有名，
主打一人一鍋粥底火鍋，
火鍋配料以自助形式自取，
最平嘅綠盤每碟只需¥6，
基本上可以唔睇價錢狂食都唔會肉赤😂
自助形式有樣好處就係可以見到實物揀過先拎，
每日會有不同特價時令鮮活新品輪流供應，
雖然價格超值但食材每日新鮮到店，
仲要港幣一比一換算人民幣，
加上積分、生日禮、社群抽獎等全新會員福利活動，
簡直抵到爆‼️

鍋底有麻辣、番茄、椰子水等多款選擇，
個人最推薦嘅招牌白粥鍋底只需¥5，
所以鍋底都可以免費無限續加環芽米粥米，
打完邊爐吸收各種海鮮、
肉類同蔬菜精華熬成自製靚粥，
炮製極鮮甜嘅龍蝦花膠粥都一樣得🥘

唔止價錢夠平連款式都極多，
手掌咁大隻肥美生蠔、羅氏蝦、小青龍等海鮮，
以至於各款肉類、丸類、蔬菜等都一應俱全，
無論大人細路抑或係老人家嚟食都啱口味，
重點係全部新鮮並無將貨就價🫡
鮮活即切嘅象拔蚌每份只需¥50，
鮮美爽脆，性價比超高‼️
特價¥6一份嘅白貝都無濫竽充數，
用嚟熬粥更加鮮甜☺️

店內環境乾淨舒適，
無論自己一個定係同親朋戚友聚餐都同樣適合☺️
性價比極高，
唔怪之得每次嚟都座無虛席🙌🏻
—————————————————————————————
📍 壹號粥火鍋·海鮮煲仔粥 (水圍店)
深圳福田街道金田路2003號金怡華庭1棟101B
[地鐵4號線福民站C出口140米]
—————————————————————————————
#美食 #火鍋 #海鮮 #深圳美食

05/08/2026

胖大碗·雲南小鍋米線 ♡
-
雲南米線一向深受港人歡迎，
但正宗雲南米線加特色茶醋嘅地道風味喺香港真係搵唔到，
所以暑假北上一定不容錯過呢間胖大碗‼️

深圳國貿店位置鄰近羅湖口岸，
過關後搭地鐵1號線到國貿站直達，
由E出口步行大約兩分鐘就到，
對於香港人嚟講尤其方便😎

🔸雲南小鍋米線｜雲南山野酸湯小鍋米線
米線明檔現煮絕非預製菜，
每一碗獨立以銅鍋烹調保證新鮮熱辣，
無論經典醬湯定山野酸湯都以鮮骨湯為基底，
湯底鮮美香濃，
山野酸湯加入新鮮山胡椒根更添清爽辛香，
可以直接飲都唔會覺得過鹹過膩🍜

🔹普洱茶醋
店內免費提供以陳年普洱天然發酵嘅特製茶醋，
係雲南本地人食小鍋米線嘅「靈魂伴侶」，
醇厚柔和而不嗆烈，
可以中和油膩感同時突顯鮮味，
令酸辣風味更有層次感，
果然同雲南米線係天作之合😍

🔸菠蘿火燒肉米線
米線全部真材實料鋪滿配菜，
菠蘿火燒肉選用肥瘦均稱嘅土豬五花肉，
以文火炙烤逼出油香，
新鮮菠蘿酸甜多汁，
亦令火燒肉肥而不膩🍍

🔹酥炸大理樹皮菌
樹皮菌炸至酥脆，
搭配獨家山野調味乾碟，
椒香微麻並唔會蓋過菌香🍄

🔸雲南省菜薄荷炸排骨
排骨低溫慢炸鎖住肉汁，
金黃酥脆而肉嫩多汁，
雲南土薄荷同樣每日新鮮採摘，
陣陣草本清涼香氣解膩辟腥，
中和炸排骨嘅油膩感🥰

🔹雲南醬拌洋芋
新鮮薯仔即切即炸，
香脆可口，
滇味秘製雲南醬配搭雲南土薄荷，
清爽解膩☺️

🔸老昆明鮮奶米布
呢款老昆明傳統滇式甜品以鮮奶慢燉，
口感好似布丁一樣軟糯綿密，
奶香醇厚但毫不甜膩，
恰好可以中和米線嘅辛辣😍

🔹奶皮子冰牛奶
奶香濃郁嘅奶皮子搭配鮮牛奶，
冰爽解辣又消暑😍
————————————————————————————————
📍胖大碗 · 雲南小鍋米線 (國貿店)
深圳羅湖區南湖街道人民南路國際商業大廈北座一樓2號商鋪
[地鐵1號線國貿站E出口步行120米]
營業時間：星期一至五10:30-翌日02:00
————————————————————————————————
#胖大碗雲南小鍋米線 #胖大碗新店開業 #深圳雲南米線 #深圳美食
#羅湖國貿 #深圳雲南米線好店推薦 #本地人才知道的靈魂調味 #普洱茶醋
#港客北上 #香港賺錢深圳花

24/07/2026

領展中心城·三伏天養生放鬆首選 ♡
-
「三伏天」係農曆夏季最炎熱同潮濕嘅30-40日，
亦係一年中人體陽氣最旺盛、新陳代謝最快嘅時期。
最適合祛濕調養🧘🏻‍♀️
三伏天北上養生放鬆首選一定係領展中心城，
一站式吃喝玩樂滿足所有需求，
養生按摩、潮汕美食同親子打卡一take過，
仲要有港人專享福利‼️☺️

商場集齊逾10間按摩、頭療、SPA門店，
祛濕調養消解暑天悶沈疲憊，
中庭仲有3000呎「托馬斯和朋友」快閃遊樂場，
一邊帶小朋友放電一邊開啟鬆弛時刻，
一家大細去就最啱🙌🏻

領展中心城地理位置優越，
距離深圳高鐵福田站只需步行15分鐘，
香港人經福田口岸過關後轉乘地鐵1/4號線，
搭兩個站到會展中心站B出口直達，
或者滴滴打車「領展中心城」一樣方便快捷🙌🏻

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

平時香港人工作繁忙、久坐導致肩頸僵硬、
頭皮緊繃、渾身疲憊就一定要趁機會好好放鬆，
呢度按摩、頭療、SPA同三伏貼都一應俱全，
例如主打泰式按摩嘅「漣·泰式按摩」、
提供經絡頭療嘅「洛麥絲」、
主打新中式輕奢風與影院式體驗嘅連鎖足浴SPA品牌「江南足紀」等，
由頭到腳都照料得到，
做完疲勞一掃而空☺️
特別推薦試下「農本方」嘅三伏貼，
係傳統中醫「冬病夏治」嘅穴位療法，
將辛溫中藥敷貼在特定背部穴位，
透過藥物刺激穴道同經絡，
改善過敏性鼻炎、氣喘、手腳冰冷等虛寒症狀🙌🏻

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

夏天室內帶小朋友放電又有新選擇，
即日起至8月17日，
「托馬斯和朋友之探索世界」歡樂嘉年華喺領展中心城G層中庭快閃，
有3000呎波波池遊樂場，
加上趣味益智互動裝置同精美打卡位，
隨手拍出童趣大片🫶🏻
另外即日起至10月31日，
B1層客服中心旁仲有「超能貓空間」主題快閃，
60多隻軟萌貓咪集體亮相😍🐱
沉浸式治癒空間可以近距離擼貓，
大人細路都自得其樂❣️

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

大人同小朋友都放鬆完，
當然唔少得去新餐廳試吓醫吓肚🍽️
位於L1層東南門嘅「英歌·熟地蟹湯潮汕大排檔」傳承潮汕地道養生風味，
招牌熟地蟹湯選用鮮活青蟹，
搭配九蒸九曬熟地與黑豆文火慢熬，
湯底溫潤回甘，
飽滿蟹肉吸足湯汁精華，
仲有鑊氣滿滿嘅烏欖炒飯，
一碗暖湯兼具風味與滋養，
性價比超高，必去‼️

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

即日起至9月30日仲有港人專享福利，
當日消費滿¥399並積分即贈¥30零食券，
呢個三伏天暑假帶埋一家大細嚟就最盡興💕
————————————————————————
📍 深圳福田區領展中心城
▫️ 深圳地鐵🚇1/4號線會展中心站 B出口直達
▫️ 深圳高鐵福田站步行15分鐘即達
▫️ 滴滴打車「領展中心城」即達
————————————————————————
#領展中心城 #深圳暑假 #深圳三伏貼 #深圳旅遊 #深圳美食

14/07/2026

順德公·奢華肚包佛跳牆 ♡
-
順德公除咗係連續2年入選必吃榜之外，
招牌廣東特色豬肚雞煲仲喺深圳豬肚雞榜名列第一，
絕對係深圳必食嘅地標美食🏆
依排天氣炎熱，
食順德公消暑去濕就最適合不過☀️

車公廟、皇庭廣場、領展中心等多間分店位置方便，
領展中心城店鄰近福田口岸，
只要過關後坐地鐵4號線搭兩個站到會展中心站，
由B出口步行5分鐘鐘即達‼️

肚包佛跳牆顧名思義係將佛跳牆包入豬肚內，
豬肚厚實爽彈而且毫無腥臊異味，
真材實料釀入鮑魚、遼參、魚翅、花膠等珍貴食材，
啖啖滿足😍
由推車上菜、剪豬肚、分鮑參翅肚到加湯都有專人服務，
一份¥568已經夠四至六人分享，
奢華極致夠晒體面，
特別適合宴請或慶祝家人摯友生日✨�
每日新鮮熬製嘅靚湯一如既往選用廣東名雞「壹號土雞」，
標榜係「深山裏的運動雞」所以肉質果然特別緊緻，
而肉味亦份外香濃🐔
豬肚厚實爽口並無任何異味🐷
加入海南紅土地直供白胡椒故帶濃濃胡椒辛香，
而鮑參翅肚嘅精華令湯底更加昇華，
味道份外鮮甜🥰

煲仔飯亦係另一樣每次必食嘅招牌菜，
黑松露非遺臘味煲仔飯份量十足，
¥68元一煲已經夠4至5人食，
性價比極高‼️
非遺廣式臘味油香四溢，
加上現磨黑松露香氣更加昇華，
米飯粒粒分明並盡吸臘味同黑松露香💕
而底部黃金飯焦更加係靈魂所在，
保證「煲煲都有黃金鍋巴」否則錢都唔收，
真係次次嚟食都有飯焦，
焦脆香口、永無失準😍

順德手工魚皮餃餃皮用新鮮魚肉純手工製作而成，
口感鮮彈爽滑而且魚味特別香濃😎
雜菜拼盤南瓜、生菜等樣樣新鮮，
吸收豬肚雞湯鮮味同胡椒香鮮上加鮮🥬
仲有脆皮紅燒乳鴿皮脆肉嫩，
肉汁豐富😍
最後飲埋杭菊菊花茶，
清熱解暑🌼
———————————————————————————
📍順德公·廣東豬肚雞 (領展中心城店)
深圳福田區領展中心城B1層FB1027號(麥當勞樓下)
[地鐵4號線會展中心站B出口]
營業時間：星期一至日 11:00-22:00
———————————————————————————
#深圳美食 #美食 #火鍋 #香港美食

08/07/2026

深圳灣萬象城·暑假好去處 ♡
-
暑假唔少港人北上一日遊，
想搵個地方一站式吃喝玩樂首選一定係深圳灣萬象城，
無論搭高鐵、地鐵、巴士抑或是自駕都同樣方便‼️
1️⃣ 最抵玩路線：新界西・B線巴士
2️⃣ 最方便路線：港島／九龍・跨境直通巴士
3️⃣ 最經典路線：東鐵線羅湖＆福田口岸地鐵線
9️⃣ 最快捷路線：高鐵西九龍
💡 TIPS：后海站出口有商場指示跟住行就啱‼️ 自駕記得提前申請「港車北上」同預約口岸時段💕

由6月26日至8月21日期間，
C區水幕廣場＆D區觀景台會舉行后海歡聚BU見不散THE MONSTERS復古理髮店主題展深圳站，
有Labubu巨型裝置同復古場景影相打卡，
仲有限定周邊不容錯過‼️
而7月10日至12日同7月17至19日15:00-21:00，
C區戶外街區嘅BAY MARKET會舉辦「灣區球迷嘉年華」，
到時有網紅美食首登灣區、環球風味集結、
趣味互動兌獎同沉浸式觀賽體驗 ✨

呢度仲有海景露台西餐、地道粵菜、
人氣甜品咖啡等美食雲集，
好似KIIWII嘅牛扒、巴斯克蛋糕等都值得一試，
環境仲超靚啱晒打卡✨
港客出示港澳證件仲有專屬福利，
享有餐飲折扣或免費特飲🤩

持港澳身份證明文件仲可享有美妝、
家居、潮玩等多個品牌退稅高達9%‼️
離境退稅方法：
Step1⃣在退稅商店盡情享受購物樂趣
Step2⃣付款並保管好購物單據，憑發票和有效證件開具退稅申請單
Step3⃣前往BM08號鋪(B1-ole旁扶梯上樓即達)退稅服務點，當場領取退稅款
Step4⃣前往深圳灣口岸/福田口岸/寶安國際機場/蛇口郵輪母港/文錦渡陸路口岸遞交單據到代理點
Step5⃣完成退稅✨
除咗退稅之外，
進行港客認證或者憑車票仲可以領取專屬紀念品🙌🏻
▫️「認證有禮」
👉🏻 憑證件/7日內抵深票據完成遊客認證，免費領城市限定周邊一份
▫️「入群專享」
👉🏻 境外旅客免費領tea’stone下午茶茶飲券🍵
——————————————————————
📍深圳灣萬象城 Shenzhen Bay MIXC
[地鐵2/11/13號線后海站A/K/M出口直達]
——————————————————————
更多退稅咨詢關注@shenzhen_bay_mixc
#深圳商場 #深圳購物 #深圳美食 #深圳旅游

03/07/2026

牛品·任食鮮芋仙 ♡
-
平時食台式火鍋放題多數揀牛大人，
第一次試發現性價比超高‼️
120分鐘晚市火鍋放題由$199起分為五款吃到飽套餐，
唯獨係最高級嘅「牛殿品」無限時兼可無限量暢飲1664生啤，
另外仲會每位贈送鮮活鮑魚同一杯指定春陽茶事😉
經OpenRice預訂有優惠價，
星期一至四每位連加一只需$499，
而星期五至日則需$550🤩
Follow牛品IG或FB仲送百香果益力多或冬瓜檸檬鮮芋仙粉條一杯‼️

湯底有牛品麻辣鍋、青花椒和牛鍋、黑蒜黃金鍋、
紅燒一品鍋、剝皮辣椒雞鍋、沙茶海鮮鍋等多款選擇，
揀咗期間限定嘅「白玉藏珍鍋」升級版，
冬瓜湯底加上花膠、蟹肉、蜆等清甜解暑😉

醬料區特別引入由台灣知名美食自媒體4foodie團隊研發嘅「富婆醬」，
酸甜微辣並帶九層塔、芝士同花椒香，
層次豐富，
自製富婆肉燥飯或拌麵一流✨

最令甜品控為之瘋狂嘅當然係任食「鮮芋仙」手工芋圓，
煙煙韌韌，
仲有紅豆、仙草凍、紫米、桃膠等多款配料😍
各式冷泡茶、罐裝同樽裝飲品應有盡有，
另有四款台式奶茶茶底可以製作珍珠奶茶，
除此之外甚至連日本便利店大熱嘅水果沙冰機都有‼️

火鍋配料中有香芋包心上貢、大甲芋頭、
心內美等台灣直送食材，
除「壽喜燒」外所有晚市套餐都附送一份海鮮拼盤，
包括有魷魚、鮑魚、大蝦同蜆🦐

日本宮崎縣A5和牛、澳洲M9和牛肩胛肉、
手切美國頂級封門柳、美國特級牛小排等肉類質素優秀，
當中又以日本宮崎縣A5和牛最為出色，
油花細緻均勻🥩

蒜泥拍青瓜、清酒煮蜆、肉燥飯、
炸薯角等熟食同小食一應俱全，
連大腸包小腸、大腸麵線、
藥膳排骨湯等經典台灣菜都會輪流供應💕
——————————————————————————
📍牛品台式火鍋
尖沙咀樂道32-34號1樓
銅鑼灣登龍街1-29號金朝陽中心二期Midtown 1樓
——————————————————————————
#香港美食 #火鍋 #和牛 #放題 #尖沙咀美食 #台灣美食

01/07/2026

加洲永泰·世界盃必去美食水療會 ♡
-
萬眾期待嘅2026世界盃進行得如火如荼，
有咩爽得過睇賽事直播同時仲可以按摩、
水療、焗桑拿、唱K、嘆美食等等，
呢間鄰近福田口岸嘅水療會正正滿足所有願望‼️
過關後call車只需5-8分鐘即達，
距離地鐵福寶站E4出口大約只有150米，
仲設有專車接送服務，
睇完世界盃夜場比賽趕尾班港鐵都得，
對於香港人嚟講極之方便🙌🏻

三層單棟歐式建築加上奢華裝修，
環境乾淨舒水✨
按摩房、泡澡區、桑拿房、休息大廳、
獨立觀影包間、KTV、棋牌、遊藝區等一應俱全，
同親朋好友嚟都可以滿足各人所好🙌🏻
另外設有情侶沙發影院，
同男女朋友嚟拍拖都係不二之選🫶🏻

全場多個巨型屏幕實時轉播各場世界盃賽事，
球迷可以組團預訂獨立包間睇波，
唔使喺香港啲酒吧逼逼夾夾咁睇波，
私隱度更高更盡興‼️
仲有睇波必備嘅世界盃觀賽套餐，
可以喺鮮蝦手指春捲、香茅炸雞翼、
脆炸雲吞同泰式炸蝦片四款酥脆小食當中揀3款，
再加埋保拉納小麥啤、1664白啤或健力士生啤三款精釀啤酒揀兩款，
由世界盃開幕起至世界盃決賽閉幕，
仲有限時優惠只需¥168(原價¥184)‼️

按摩分別有中式或泰式選擇，
技師手法專業純熟，
力度恰到好處，
一解疲勞🙌🏻
¥438套餐包括24小時浴票、香薰按摩同一項大堂服務，
而¥468則包括24小時浴票、中/泰/香薰按摩、一項大堂服務同精美餐食，
另外¥358元則包括24小時浴票、中/泰式按摩二選一，
以上三款套餐都係人氣超值之選，
仲要全部免小費，
兼可以24 小時免費留宿，
性價比超高‼️

餐飲方面除咗有自助水果同飲品免費供應之外，
收費餐廳仲係由星級粵菜大廚坐鎮，
片皮鴨、黑椒焗大蝦、鮑汁鵝掌、
手工廣式點心等美食唔止有質素保證，
價格仲比香港抵好多，
一邊睇波一邊嘆美食同飲啤酒，
人生一樂也😎
———————————————————————
📍加洲永泰·美食水療會
深圳桂花路11號帝港海灣豪園C、D層1座
[地鐵福寶站E4出口步行約150米]
營業時間：星期一至日 24小時營業
———————————————————————
#深圳高端水療 #美食水療綜合體 #歐式休閒會所 #專業養生護理 #網紅打卡水療 #皇崗口岸 #深圳水療

20/06/2026

佟爺·老北京炙子烤肉 ♡
-
平時食燒肉多數都係日式或韓式，
北京燒肉真系第一次見，
源自滿族鑲黃旗嘅炙子烤肉，
原來係北京大熱嘅美食之一，
估唔到喺深圳都可以食到百年宮廷炙子烤肉😎

真炭火炙烤，肉類即切即拌即烤，
質素高但價格相宜，性價比極高✨

羅湖店鄰近羅湖口岸同文錦渡口岸，搭地鐵2號線到湖貝站A出口即達，
鄰近深圳灣口岸嘅南山店只係距離地鐵9號線南山書城站G出口100米，
位置同樣相當方便🤓

炙子其實係指以扁鐵條組成嘅鐵板炊具，
每天下晝五點開始仲有武吃炙子烤肉體驗，
大家站立圍住巨型鐵炙子爐，豪邁踩住長板凳，
手持長木筷自烤自食，
超有氣氛🙌🏻

烤肉可以配搭生菜或漢堡享用，
當中最不得不試嘅一定係現切新鮮牛肉，
手切鮮牛肉最原汁原味，
肉味香濃且鮮嫩多汁😉
沙蔥牛肋條肥瘦均稱而肉質結實有嚼勁，沙蔥結合韭菜香同蔥味，味道好獨特🤓
招牌酸菜羊肉以洋蔥、大蔥等醃製入味，酸菜令羊肉羶味更加溫和清爽😉
奶香牛小柳係牛腹腔內嘅部位，
一隻牛只有1kg左右亦即係大約4份，肉質柔軟細嫩，
無需多加花巧調味，輕輕炙烤後簡單蘸上海鹽即可✨
不得不提呢度仲有四款特製專屬海鹽，包括黑枸杞、沙蔥、紅酒玫瑰同燒椒口味，
純天然日曬並無添加任何香精、色素或防腐劑，
配搭奶香牛小柳令口感更加豐富🙌🏻

最近推出一系列新品都相當吸引，
黑松露板腱牛排結合板腱肉濃郁嘅肉香同黑松露嘅獨特香氣，
肉質結實緊緻🥩
雪花牛肉棒棒糖肥瘦相間，
捲成波板糖食落口感更加豐富🍭
瀑布芝士和牛堡可以自己親手炮製，
和牛漢堡扒烤至表面焦香，
肉汁豐富，
芝士醬濃郁並富奶香，
加上菠蘿中和膩感，
好玩又好食🧀🍔

冰檸橙夏手提包飲品唔止打卡一流，
真材實料超多新鮮水果，
酸酸甜甜清爽解膩🍹

除咗烤肉之外北京地道奶皮子酸奶都必定要試，
表面一層奶皮奶香醇厚，
底層酸奶細膩濃稠而且酸味唔重😍
🚨港人出示回鄉證仲可以免費獲得一份奶皮子酸奶✨

———————————————————————
📍佟爺·老北京炙子烤肉 (羅湖首店)
深圳羅湖區南湖街道南極路31號廣深大廈一樓
[地鐵2號線湖貝站A出口步行60米]
鄰近口岸：羅湖口岸/文錦渡口岸

📍佟爺·老北京炙子烤肉 (南山店)
深圳南山區粵海街道海德一道2251-21號保利城花園3棟-4棟A151層
[地鐵9號線南山書城站G出口步行100米]
鄰近口岸：深圳灣口岸
———————————————————————
#深圳美食 #佟爺 #北京美食 #老北京炙子烤肉 #羅湖美食 #港人北上攻略 #深圳灣美食

Voracious 香港飲食

14/08/2026

12/08/2026

10/08/2026

05/08/2026

24/07/2026

14/07/2026

08/07/2026

03/07/2026

01/07/2026

20/06/2026

Address

Website

Alerts

Contact The Practice

Shortcuts

Share

Listing takedown request