卓健醫療 Quality HealthCare

Home
Hong Kong
Hong Kong
卓健醫療 Quality HealthCare

讚好健康生活，立即「讚好」本專頁！我們提供由專業醫生團隊核實的健康貼士，包括醫療通識、營養餐單、保健貼士及常見健康謬誤，讓大家活出更長壽、更健康和更愉快的人生。

卓健醫療服務有限公司（卓健醫療）於2013年10月正式加入國際醫療服務集團──保柏。卓健醫療的服務涵蓋診斷、基層保健及專科服務。自1868年起植根香港，卓健醫療透過逾1,500個遍及全港的服務點，包括旗下超過100間設施齊備的自設醫療中心，連同多間聯營診所，為香港市民及訪港旅客提供西醫、中醫、診斷及造影、牙科、物理治療、心理健康及保健等服務，並營運護理介紹所。卓健醫療是香港最大規模提供企業醫療服務的機構之一。於2020年度，卓健醫療錄得250萬求診人次，並繼續致力提升其專業服務的質素，以滿足客戶及病人的需要。

07/08/2026

【流感可引致肺炎及重症｜「左流右肺」雙重疫苗防禦】

以為流感好小事，只係同感冒差唔多？高風險人士患上季節性流感，有機會出現嚴重情況，相關併發包括肺炎、敗血症、腦炎、心肌炎甚至死亡。🦠 ！

而肺炎球菌則有機會引起鼻竇炎及中耳炎，亦可能引致嚴重甚至致命嘅入血性肺炎、敗血病同腦膜炎，小朋友同長者嘅病情通常會比較嚴重。流感同肺炎球菌感染都會引致高燒、呼吸急促、疲倦等症狀，初期容易忽視。

無論流感定係肺炎球菌，都可以透過接種相關疫苗預防，「左流右肺」指喺左上臂接種流感疫苗，右上臂接種肺炎鏈球菌疫苗。一次接種兩種疫苗，可以獲得雙重防護🛡️ ，降低嚴重併發症嘅風險。

衞生署「疫苗資助計劃 (VSS)」為合資格 65 歲或以上長者提供免費或資助肺炎球菌疫苗接種，幫長者築起健康防線，記得喺流感季節前完成接種，對抗病菌入侵💪🏻！

資料來源：衞生署

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

03/08/2026

【非吸煙者都有風險｜小心頭號癌症殺手！】

以為只要唔食煙，肺癌就唔關自己事😳？其實就算唔食煙，都有患上肺癌嘅風險，40歲或以上人士、經常吸入二手煙，或者因為職業而長期曝露於石棉、氡氣等化學物質嘅人士風險更高。

肺癌係香港最常見嘅癌症，仲係致命癌症嘅第一位，風險唔可以忽視。趁住8月1日世界肺癌日，同屋企人一齊關注肺癌預防，增強健康意識💪🏻 ！

早期肺癌通常無任何明顯病徵，但隨住病情惡化，患者會開始出現持續性咳嗽、痰中帶血、深呼吸或咳嗽時胸口疼痛、食慾不振、體重莫名下降同容易疲倦等症狀。如果發現自己或者屋企人出現呢啲症狀，記得提高警覺🚨。

資料來源：衞生署
📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

29/07/2026

#健康字典【守護孩子健康 | 預防手足口病】

7月係手足口病嘅夏季高峰期🦠 ，小朋友放暑假，爸爸媽媽帶佢哋出去玩嘅時候要更加小心！手足口病係一種常見於兒童嘅傳染病，主要透過接觸患者嘅鼻或喉嚨分泌物、唾液傳播，亦可透過觸摸受污染嘅物件而感染。病發初期通常會出現發燒、食慾不振、疲倦同喉嚨痛等症狀。患者亦可能會出現皮疹或口腔潰瘍等病徵，影響日常生活😫 。

預防手足口病：
1️⃣ 經常保持雙手清潔，尤其在觸摸口、鼻或眼之前和後，進食及處理食物前。
2️⃣ 用膳時使用公筷及公匙，避免共享食物或飲品。
3️⃣ 避免共用毛巾或其他個人物品。
4️⃣ 經常清潔和消毒玩具、傢俬和共用物件

如果小朋友出現持續高燒、神情呆滯、嘔吐或病情惡化等情況，必須立即求醫🩺！喺完全康復之前，都要留家休息，避免返學或參加集體活動。

資料來源：衞生署

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

�� #卓健醫療

26/07/2026

【有關惡劣天氣下的特別服務安排】

八號或以上颱風信號生效期間，全線卓健醫療中心將會暫停服務。

我們將會在八號颱風信號取消後2小時，按照交通及天氣情況盡早恢復正常服務。中心亦會在恢復正常運作後與已預約的客人聯絡及安排更改預約時間。

23/07/2026

#健康字典【小心急性腸胃炎！】

天氣炎熱，好多人都鍾意飲凍嘢、食生冷食物或者外出聚餐。不過如果食物處理不當或受到污染，就有機會引發急性腸胃炎，出現肚痛、嘔吐、腹瀉等不適症狀。如果嘔吐或腹瀉嘅情況嚴重，患者仲有機會出現脫水甚至休克等嚴重併發症。

預防急性腸胃炎💡：

1️⃣ 保持雙手清潔，特別喺處理食物或進食前，以及如廁後。
2️⃣ 從衞生及可靠嘅地方購買新鮮食物。
3️⃣ 分開生熟食物，將食物存放於安全溫度。
4️⃣ 確保所有食物徹底煮熟才進食，尤其海產及貝殼類海產。

保持良好個人、食物及環境衛生，有助減低患上急性腸胃炎或其他傳染病嘅風險。

資料來源：衞生署

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

21/07/2026

#健康大小事【留意身體警號 | 夏日外出慎防中暑】

夏日炎炎，行出街兩步都已經出曬汗🥵進行戶外活動嘅時候，如果突然覺得頭痛、頭暈、心跳加速或無力虛弱，都可能係身體發出嘅警號🚨！

當人長期暴露喺高熱環境下，又冇適時補充水分同鹽分，大量出汗同流失電解質，體溫調節機制就會失衡，無法正常散熱，會引發熱衰竭甚至中暑。

夏日防暑小貼士：
1️⃣ 每15分鐘規律補水：喺高溫環境下工作或活動，應每15分鐘補充至少200毫升水分。
2️⃣ 長時間喺酷熱環境下工作或活動，可以飲用含電解質（如鈉質、鉀質）飲品。
3️⃣ 避免用酒精紙巾抹身：酒精會令皮下血管收縮，阻礙身體散熱。
4️⃣ 如出現中暑徵狀，應即時移至陰涼通風處，脫下多餘衣服，並用水抹身降溫。

處於高溫環境下活動或工作，記得要多留意身體狀況。如果出現中暑徵狀、意識混亂或神志不清嘅情況，應該立即求醫🩺。

資料來源：衞生署

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

15/07/2026

【人參三伏天灸療法助你增強體質】

中醫認為「三伏天」係夏天當中陽氣最旺盛嘅日子，喺呢個時候進行中藥穴位敷貼療法嘅效果最佳，亦係調理體質嘅黃金時機✨

人參天灸療法會以溫補藥方，添加人參並配以新鮮薑汁製成藥貼，貼喺特定嘅穴位上面，藉此增強人體嘅免疫系統，預防感染疾病🙌🏻 。同時仲有刺激經絡氣血運行、調整體內陰陽平衡、改善虛寒體質等功效💡，適合有鼻敏感、哮喘、氣管敏感或容易患上感冒嘅人士。

提醒大家，如果對自己體質是否適合接受天灸療法有疑問，建議喺接受天灸前，先諮詢註冊中醫師嘅意見👨🏻‍⚕️ 。

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

13/07/2026

【預防生蛇後遺神經痛！及早接種帶狀疱疹疫苗】

隨住年紀漸長，「生蛇」嘅風險亦會跟隨上升，如果發現身體某個部位持續出現痕癢同痛楚，而且帶有灼熱感覺，就要小心可能係「生蛇」😩 。

以為出過水痘就冇事？即使已經出過水痘，帶狀疱疹病毒都唔會消失，而係會潛藏喺體內嘅神經系統內。當身體免疫力下降、年紀漸長或者遇上生活壓力，「生蛇」就有機會再度出現🦠 。

「生蛇」唔只係身上出紅疹，仲有機會出現不同程度嘅併發症，包括後遺神經痛，喺身體各部位引起刺痛或劇痛😭，對生活造成影響。接種帶狀疱疹疫苗，有助產生免疫能力，減低發病風險💡 ，預防「生蛇」引起嘅後遺神經痛及其他併發症，接種前可以先諮詢家庭醫生嘅意見🩺！

資料來源：衞生署

📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

10/07/2026

【香港第二大致命癌症！及早進行大腸癌篩查】

大腸癌係香港第二大致命癌症，風險絕對唔可以忽視！大腸癌患者有機會出現大便帶血、持續便秘或腹瀉、大便後仍有便意、無故體重下降、下腹不適、身體出現貧血症狀例如手腳冰冷、氣喘、頭暈等症狀😩 。

及早檢查及早察覺病情，即使不幸患上大腸癌，都可以有助提高治療成效 🙌🏻 。

政府大腸癌篩查計劃🛡️，資助 50 至 75 歲持有香港身份證嘅合資格人士接受大腸癌篩查。有意參加計劃嘅市民，首先會與家庭醫生會面，進行初步嘅健康評估。合資格人士將會免費獲得大便隱血測試套裝。如果測試結果呈陽性，參加者將會獲轉介至已登記嘅專科醫生，接受由政府資助嘅大腸鏡檢查🩺，並根據醫生指示接受治療。

資料來源：衞生署
📲WhatsApp查詢：https://bit.ly/3WhmmAz
📲下載卓健手機App了解數碼醫療服務：https://bit.ly/3eqscfx

#卓健醫療

Address

Hong Kong

Telephone

+85283018301

Website

https://www.qhms.com/contact-us/index.aspx?lang=tc

Alerts

Be the first to know and let us send you an email when 卓健醫療 Quality HealthCare posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 卓健醫療 Quality HealthCare:

Want your practice to be the top-listed Clinic in Hong Kong?