15/10/2024
*શ્રીરામચરિતમાનસ ૩*
*..ગોસ્વામી તુલસીદાસજીનું સંક્ષિપ્ત જીવન ચરિત્ર*
*સંવત ૧૫૮૩, જેઠ સુદ ૧૩, ગુરુવારે ભારદ્વાજ ગોત્રની એક સુંદર કન્યા સાથે તેમનો વિવાહ થયો* અને તેઓ સુખપૂર્વક પોતાની નવવિવાહિતા વધુની સાથે રહેવા લાગ્યા.
*એક વાર તેમની પત્ની ભાઈની સાથે પોતાના પિયર ચાલી ગઈ.*
*....પાછળ પાછળ તુલસીદાસ પણ ત્યાં જઈ પહોંચ્યા. તેમના પત્નીએ આથી તેમને ઘણા ધિક્કાર્યા અને કહ્યું કે*
*🌹(✧✧'મારા આ હાડમાસના શરીરમાં જેટલી તમારી આશક્તિ છે, એનાથી અડધી જો ભગવાનમાં હોત તો તમારો બેડો પાર થઈ ગયો હોય.'✧✧)*
*તુલસીદાસજીને આ શબ્દ લાગી ગયા. તેઓ એક ક્ષણ પણ ન રોકાયા, તુરત જ ત્યાંથી ચાલી નીકળ્યા.*
*(✧✧ત્યાંથી ચાલીને તુલસીદાસજી પ્રયાગ આવ્યા. ત્યાં તેમણે ગૃહસ્થ વેશનો પરિત્યાગ કરીને સાધુવેશ ગ્રહણ કર્યો.✧✧)*
પછી તીર્થાટન કરતાં તેઓ કાશી પહોંચ્યા. માન સરોવરની પાસે તેમને કાકભુશુંડીજીના દર્શન થયા.
*કાશીમાં તુલસીદાસજી રામકથા કહેવા લાગ્યા. ત્યાં તેમને એક દિવસ એક પ્રેત મળ્યું. જેણે તેમને હનુમાનજીનું ઠેકાણું બતાવ્યું. હનુમાનજીને મળીને તુલસીદાસજીએ તેમને શ્રી રઘુનાથજીના દર્શન કરાવવાની પ્રાર્થના કરી.*
*હનુમાનજીએ કહ્યું, 'તમને ચિત્રકૂટમાં રઘુનાથજીના દર્શન થશે',* આથી તુલસીદાસજી ચિત્રકૂટની તરફ ચાલી નીકળ્યા.
*ચિત્રકૂટ પહોંચીને રામઘટ ઉપર તેમને પોતાનું આસન જમાવ્યું.* એક દિવસ તેઓ પ્રદક્ષિણા કરવા નીકળ્યા હતા. *માર્ગમાં તેમને શ્રીરામના દર્શન થયા. તેમણે જોયું કે બે ઘણા જ સુંદર રાજકુમાર ઘોડાઓ ઉપર સવાર થઈને ધનુષ્યબાણ લઈને જઈ રહ્યા છે. તુલસીદાસજી એમને જોઈને મુગ્ધ થઈ ગયા, પરંતુ એમને ઓળખી ન શક્યા. પાછળથી હનુમાનજીએ આવીને એમને સગળો ભેદ બતાવ્યો ત્યારે તે ઘણો પસ્તાવો કરવા લાગ્યા.* હનુમાનજીએ તેમને સાંત્વના આપી અને કહ્યું, પ્રાતઃકાળે ફરી દર્શન થશે.
*સંવત ૧૬૦૭ ની મૌની અમાવસ્યા, બુધવારના દિવસે એમની સામે ભગવાન શ્રીરામ પુનઃ પ્રગટ થયા. તેમણે બાળકરૂપમાં તુલસીદાસજીને કહ્યું-' બાબા! અમને ચંદન આપો.'* હનુમાનજીએ વિચાર્યું, તેઓ આ વખતે પણ ભ્રમમાં ના રહી જાય, એટલે તેમણે પોપટનું રૂપ ધારણ કરીને આ દુહો કહ્યો -
*ચિત્રકૂટ કે ઘાટ પર*
*ભઈ સંતન કી ભિર |*
*તુલસીદાસ ચંદન ઘીસેં*
*તિલક લેત રઘુબીર ||*
*✧તુલસીદાસજી એ અદભુત શોભાને નિહાળીને શરીરનું ભાન ભૂલી ગયા. ભગવાને પોતાના હાથેથી ચંદન લઈને પોતાના તથા તુલસીદાસજીના મસ્તકે લગાડ્યું અને અંતર્ધાન થઈ ગયા.✧*
