د. دانا طیب غریب - Dr. Dana Taib Gharib

د. دانا طیب غریب - Dr. Dana Taib Gharib Contact information, map and directions, contact form, opening hours, services, ratings, photos, videos and announcements from د. دانا طیب غریب - Dr. Dana Taib Gharib, Medical and health, Smart Health Tower, As Sulaymaniyah.

د. دانا طیب غریب | Dr. Dana Taib Gharib
Gastroenterology & Hepatology

🔹 دکتۆرا (بۆرد) لە نەخۆشییەکانی هەناوی.
🔹 دکتۆرا (بۆرد) لە پسپۆری وردی نەخۆشییەکانی هەرس و جگەر.

📍 سلێمانی – تاوەری تەندروستی، نهۆمی پێنجەم
📞 بۆ وەرگرتنی کات: 0770 729 0303

بەردی تێدا نییە، بەڵام بۆچی ئازارت هەیە؟سۆنەر ئەنجام دەدەیت و پزیشک دەڵێت: "کیسەی زراوت تەواو پاکە و هیچ بەردێکی تێدا نی...
26/08/2026

بەردی تێدا نییە، بەڵام بۆچی ئازارت هەیە؟

سۆنەر ئەنجام دەدەیت و پزیشک دەڵێت: "کیسەی زراوت تەواو پاکە و هیچ بەردێکی تێدا نییە"، بەڵام تۆ دوای خواردنی هەر ژەمێک، بەتایبەت خواردنە چەورەکان، لە ئازاری توندی لای ڕاستی سکت دەناڵێنیت!!

هۆکاری ئەم کێشەیە چییە؟

زراو تەنها تووشی دروستبوونی بەرد نا بێت، بەڵکو دەکرێت تووشی "تەمبەڵی" یان تێکچوونی ڕژان (Biliary Dyskinesia) ببێت.

کاتێک کیسەی زراو توانای پێویستی نامێنێت بۆ گرژ بوون و دەرکردنی شلەی زراو بە مەبەستی هەرسکردنی چەوری، پەستان لەسەر دیواری کیسەکە دروست دەبێت و دەبێتە هۆی ئازاری توند، هەڵئاوسانی سک و هێڵنجدان.

تێگەیشتن لە کارکردنی فسیۆلۆجی جەستە یاریدەدەر دەبێت تا بە شێوەیەکی دروست ڕێجیمی خۆراکیت ڕێكبخەیت و خۆت لە دەرمانی ناپێویست بەدوور بگریت.

گەشتێکی پڕبایەخی زانستی لەگەڵ گەورە پسپۆڕانی بواری EUS لە ووڵاتی میسر​لە ماوەی ئەم هەفتەیەدا، خۆشحاڵ بووم بە بەشداریکردن...
17/08/2026

گەشتێکی پڕبایەخی زانستی لەگەڵ گەورە پسپۆڕانی بواری EUS لە ووڵاتی میسر

​لە ماوەی ئەم هەفتەیەدا، خۆشحاڵ بووم بە بەشداریکردنم لە بەشی یەکەمی چوارەمین خولی ڕاهێنانی پێشکەوتووی سۆنار بە نازوور (EUS - Egypt Chapter)، کە بەشێکە لە چالاکییە زانستییەکانی ڕێکخراوی جیهانیی هەناوبینی (World Endoscopy Organization - WEO).

​خولەکە بە شێوازێکی زانستی و پراکتیکی چڕ لە چەند نەخۆشخانەیەکی جیاواز لە شارەکانی قاهیرە و سوێس بەڕێوەچوو، لەژێر سەرپەرشتی و ڕێنمایی دوو پسپۆڕ و پرۆفیسۆری دیاری ئەم بوارە لە ئاستی جیهاندا:

​پرۆفیسۆر دۆن وان سیو (Prof. Dong-Wan Seo) لە کۆریای باشوور

​پرۆفیسۆر ئەلسەید غونەیم (Prof. El-Sayed Ghoneim) لە ووڵاتی میسر

​ئاشنابوون بە نوێترین تەکنیک و بەرەوپێشچوونەکانی بواری (Endoscopic Ultrasound) و کارکردنی پراکتیکی لەگەڵ تیمێکی نێودەوڵەتی، هەنگاوێکی گرنگە بۆ فراوانکردنی ئاستی زانستی و خزمەتکردنی باشتر بە نەخۆشەکانمان لە داهاتوودا.

​بە هیوای بەردەوامی و سەرکەوتن بۆ هەموو لایەک.

⚠️ ​ئاگاداری بۆ چارەخوازان و سەردانکەرانی ئازیز ⚠️​بەڕێزان، ئاگادارتان دەکەینەوە کە بە مەبەستی بەشداریکردن لە خولێکی زان...
14/08/2026

⚠️ ​ئاگاداری بۆ چارەخوازان و سەردانکەرانی ئازیز ⚠️

​بەڕێزان، ئاگادارتان دەکەینەوە کە بە مەبەستی بەشداریکردن لە خولێکی زانستی و پزیشکی لە وڵاتی میسر، لەم هەفتەیەدا کلینیک داخراو دەبێت.

​هەوڵ و بەشداریکردنمان لەم کۆرسەدا لەپێناو نوێکردنەوەی زانیارییەکان و پێشکەشکردنی باشترین خزمەتگوزارییە بە ئێوەی بەڕێز.

​بە خۆشحاڵییەوە لە سەرەتای هەفتەی داهاتووەوە دووبارە لە خزمەتتاندا دەبینەوە.

​هیوای لەشساغی و تەندروستییەکی باش بۆ هەموو لایەک دەخوازین.

​دکتۆر دانا طیب غەریب

سکچوونی درێژخایەن چییە؟تەواوی ئێمە لە ژیانماندا ئەزموونی سکچوونی کاتیمان کردووە بەهۆی خواردنێک یان هەوکردنێکی ئاساییەوە،...
12/08/2026

سکچوونی درێژخایەن چییە؟

تەواوی ئێمە لە ژیانماندا ئەزموونی سکچوونی کاتیمان کردووە بەهۆی خواردنێک یان هەوکردنێکی ئاساییەوە، بەڵام کاتێک ئەم ناڕەحەتییە چەندین هەفتە بەردەوام دەبێت، تەواوی ئارامی و ژیانی ڕۆژانەی کەسەکە پەک دەخات.

نەخۆشییەکانی هەوکردنی درێژخایەنی ڕێخۆڵە (وەک نەخۆشی کرۆنز یان کۆڵۆنی بریندار) کێشەی سادە نین؛ ئەوان کاردانەوەی نائاسایی سیستەمی بەرگری جەستەن بەرامبەر دیواری ڕێخۆڵەکان.

نیشانە سەرەکییەکان:

* بەردەوامی سکچوون بۆ زیاتر لە ۳ هەفتە.
* هەستکردن بە پێویستی خێرا بۆ چوونە تەوالێت.
* بوونی خوێن یان کەف لە پیساییدا.
* دابەزینی کێش و بەرزبوونەوەی پلەی گەرمی جەستە.

چاوەڕوانکردنی ئەوەی کە خکی چاکببێتەوە لەم حاڵەتانەدا کات بەفێڕۆدانە!!

ئەنجامدانی نازووڕی کۆڵۆن لەگەڵ وەرگرتنی نموونەی شانەیی (بایۆپسی)، ڕێگەیەکی زانستییانەیە بۆ دەستنیشانکردنی وردی نەخۆشییەکە و دابینکردنی چارەسەری گونجاو بۆی.

کاتێک پاروویەک لە گەروودا دەوەستێت...خواردن لە ڕواڵەتدا سەرچاوەی مانەوە و چێژی ژیانە، بەڵام بۆ کەسێک کە کێشەی لە سوورێنچ...
11/08/2026

کاتێک پاروویەک لە گەروودا دەوەستێت...

خواردن لە ڕواڵەتدا سەرچاوەی مانەوە و چێژی ژیانە، بەڵام بۆ کەسێک کە کێشەی لە سوورێنچکدا هەبێت، هەر پاروویەک دەبێتە ئەزموونێکی سەخت و ئازاربەخش.

ئەگەر کاتێک خواردن قوت دەدەیت هەست دەکەیت لە بەشی سەرەوە یان ناوەڕاستی سنگتدا گیر دەبێت، یان دوای قوتدان ئازارێکی سووتێنەر لە پشتی پەراسوەکانتدا دروست دەبێت، ئەمە پەیامێکی گرنگی کۆئەندامی هەرسە کە نابێت فەرامۆش بکرێت.

گیرانی خواردن یان سووتانەوەی توندی گەروو تەنها تێکچوونێکی کاتی نین کە بە ئاوخواردنەوە چارەسەر ببن.

ئەم نیشانانە دەکرێت ئاماژە بن بۆ تەسکبوونەوەی سوورێنچک، هەوکردنی پەردەی ناوەوە، یان تێکچوونی جوڵەی ماسولکەکانی.

دەستنیشانکردنی ورد لە ڕێگەی نازووڕی سەرەوەی کۆئەندامی هەرس، تاکە ڕێگەی دروستە بۆ ناسینەوەی ڕەگی کێشەکە و گەڕانەوەی ئارامی بۆ سەر سفرەی خواردنی ئەو کەسەی ئەو نیشانانەی هەیە.

بۆ پەیوەندیکردن : 07707290303
📍ناونیشان: سلێمانی - تاوەری تەندروستی سمارت - نهۆمی پێنجەم

📞 للاستفسار والحجز: 07707290303
📍 العنوان: السليمانية – برج سمارت الصحي – الطابق الخامس #الخامس #الخامسه

ئەمڕۆ (٦/٨/٢٠٢٦) خۆشحاڵ بووم بە بەشداری لە چل و یەکەمین پێداچوونەوەی خێرای تاوەری تەندروستیی سمارت، کە تایبەت بوو بە "ئا...
06/08/2026

ئەمڕۆ (٦/٨/٢٠٢٦) خۆشحاڵ بووم بە بەشداری لە چل و یەکەمین پێداچوونەوەی خێرای تاوەری تەندروستیی سمارت، کە تایبەت بوو بە "ئاڵەنگارییەکانی زراو لە پراکتیکی سەردەمدا".

بە ئامادەبوونی زۆرێک لە پزیشکانی پسپۆڕ و شارەزا لە بواری کۆئەندامی هەرس و جگەر (GI Medicine)،
چالاکییەکە بە شێوازێکی زانستیی چڕ لە دوو پانێڵی سەرەکیدا بەڕێوەچوو.

🟡 پانێڵی یەکەم: هەڵسەنگاندنی نەخۆشییەکانی زراو.
🟡 پانێڵی دووەم: ڕێگاکانی چارەسەرکردن بۆ نەخۆشییە ئاڵۆزەکانی زراو.

لە کۆتایی هەر پانێڵێکدا، کات تەرخان کرا بۆ گفتوگۆ و پرسیار و وەڵامی زانستی لەسەر بابەتەکە و تیشک خرایە سەر نوێترین توێژینەوە جیهانییەکان.

بانگهێشتێکی کراوە بۆ پزیشکان و شارەزایانی بواری تەندروستی! 🩺✨تاوەری تەندروستیی سمارت، (چل و یەکەمین پێداچوونەوەی خێرا -...
20/07/2026

بانگهێشتێکی کراوە بۆ پزیشکان و شارەزایانی بواری تەندروستی! 🩺✨

تاوەری تەندروستیی سمارت، (چل و یەکەمین پێداچوونەوەی خێرا - 41st Fast Track Review) ڕادەگەیەنێت.

پێداچوونەوەی خێرا، سەکۆیەکە بۆ گفتوگۆی زانستیی هەمەلایەنە، کە تێیدا پسپۆڕان نوێترین گۆڕانکاری و داهێنانە پزیشکییەکان بە پشتبەستن بە توێژینەوە سەردەمییەکان هەڵدەسەنگێنن.

🔬 بابەتی ئەمجارە: ئاڵەنگارییەکانی زراو لە پراکتیکی سەردەمدا.

لە ڕێگەی دوو پانێڵی چڕەوە، شارەزایان ئەم بابەتە تاوتوێ دەکەن:
🔹 پانێڵی یەکەم: هەڵسەنگاندنی نەخۆشییەکانی زراو.
🔹 پانێڵی دووەم: ڕێگاکانی چارەسەرکردن بۆ نەخۆشییە ئاڵۆزەکانی زراو.

🗣وتاردەرانی ئەم بۆنەیە بریتین لە:
🔹پ. د. قەلەندەر کەسنەزان حسێن - پسپۆڕی نەشتەرگەرییەکانی هەرس و جگەر و زراو
🔹پ. د. محەمەد عومەر محەمەد - پسپۆڕی نەخۆشییەکانی هەرس و جگەر و ڕاوێژکاری هەناوی
🔹پ. د. دیاری ئەحمەد قەساب - پسپۆڕی نەشتەرگەرییەکانی بەشی سەرەوەی کۆئەندامی هەرس
🔹پ. د. ناسر عەبدوڵا قازی - پسپۆڕی تیشک و سۆنەر
🔹پ. ی. د. ئاراس عەزیز عەبدوڵا - پسپۆڕی نەخۆشییەکانی هەرس و جگەر و ڕاوێژکاری
هەناوی
🔹پ. ی. د. کارزان سیروان عەبدوڵا - پسپۆڕی نەشتەرگەرییەکانی هەرس و جگەر و زراو
🔹د. ئانیرودا پراتاپ سینگ - پسپۆڕی نەخۆشییەکانی هەرس و جگەر و هەناوبینی
🔹د. جەعفەر تاهیر بارزانی - پسپۆڕی نەخۆشییەکانی هەرس و جگەر و هەناوبینی
🔹د. حەبیب مەحمود عەبدوڵا - پسپۆڕی نەشتەرگەرییەکانی کۆئەندامی هەرس و جگەر
🔹د. سەرکەوت ڕەئوف محەمەد - پسپۆڕی نەخۆشییەکانی هەرس و جگەر و هەناوبینی
🔹د. محسن ئەبوبەکر محەمەد - پسپۆڕی نەخۆشییەکانی هەرس و جگەر و هەناوبینی
🔹د. سۆران هیشام تاهیر - پسپۆڕی تیشک و سۆنەر
🔹د. کاروخ فازیل حەمەحسێن - پسپۆڕی نەخۆشییەکانی هەناوی و کۆئەندامی هەرس و جگەر
🔹د. هیوا ئەبوبەکر حسێن - پسپۆڕی نەخۆشییەکانی هەرس و جگەر و هەناوبینی
🔹د. هۆشمەند ڕەحمان ئەسعەد - پسپۆڕی هەرس و جگەر و هەناوبینی
🔹د. دانا تەیب غەریب - پسپۆڕی هەرس و جگەر و هەناوبینی

📅 بەروار: ٦ / ٨/ ٢٠٢٦ (ڕۆژی پێنجشەممە)
⏰ کات: ٨:٠٠ی بەیانی
📍 شوێن: هۆڵی کۆنفرانسی تاوەری تەندروستیی سمارت - نهۆمی ١٥ (سلێمانی - شەقامی سەرەکیی مادام میتران).
⚠️ تێبینی: بەشداریکردن بێبەرامبەرە.

📥 بۆ بەشداریکردن، تکایە لە ڕێگەی ئەم لینکەوە ناو تۆمار بکەن:
🔗 [https://docs.google.com/forms/d/e/1FAIpQLSccybVRb3i1Yb1IcnTVZn10LEImiwX8AvS945vDVG711ng2vQ/viewform]

📞 ژمارەکانی پەیوەندی:
07705710101 – 07705720101 - 07705730101
07511115555 – 07515700101





بەشداریکردنی بەشی هەرس و جگەری تاوەری تەندروستی سمارت لە یەکەمین کۆنفڕانسی نێودەوڵەتی لە هەولێر 🏥✨​بەشێک لە پزیشکان و ست...
23/06/2026

بەشداریکردنی بەشی هەرس و جگەری تاوەری تەندروستی سمارت لە یەکەمین کۆنفڕانسی نێودەوڵەتی لە هەولێر 🏥✨

​بەشێک لە پزیشکان و ستافی تایبەت بە بەشی هەرس و جگەر لە تاوەری تەندروستی سمارت، بەشدارییان کرد لە یەکەمین کۆنفڕانسی نێودەوڵەتیی نەخۆشییەکانی هەرس و جگەر، کە لە شاری هەولێری پایتەخت بەڕێوەچوو.

​شایەنی باسە، ئەم کۆنفرانسە یەکەمین کۆنفرانسی نێودەوڵەتییە کە لەسەر ئاستی شاری هەولێر تایبەت
بە نەخۆشییەکانی هەرس و جگەر ئەنجام درابێت.

پزیشکانی بەشداربوو پێکهاتبوون لە هەریەک لە پزیشکانی پسپۆڕ (د. هۆشمەند ڕەحمان، د. سیڤان حسێن ساڵح، و د. کارۆخ فازڵ) لەگەڵ ستافی ئەم بەشە.

​لە میانی کۆنفڕانسەکەدا، بەڕێز د. هۆشمەند ڕەحمان بە پێشکەشکردنی بابەتێک بەشداربوو، کە تێیدا تیشکی خستە سەر نوێترین توێژینەوە زانستییەکان دەربارەی چارەسەرکردن بە سۆنەری هەناوبینی - نازوور (EUS - Endoscopic Ultrasound). لەپای ئەم بەشدارییە و پێشکەشکردنی بابەتەکەی، خەڵاتی ڕێزلێنان بەخشرایە بەڕێزیان. 🥇🔬

​بەشداریکردن لەم جۆرە چالاکییانە گرنگە بۆ تازەکردنەوە و نوێکردنەوەی زانیارییەکان، بۆ ئەوەی هەمیشە باشترین خزمەتگوزاری پێشکەش بە چارەخوازانمان بکرێت.

Address

Smart Health Tower
As Sulaymaniyah
46001

Opening Hours

Monday 13:00 - 19:00
Tuesday 13:00 - 19:00
Wednesday 13:00 - 19:00
Thursday 13:00 - 19:00
Saturday 13:00 - 19:00
Sunday 13:00 - 19:00

Telephone

+9647707290303

Website

Alerts

Be the first to know and let us send you an email when د. دانا طیب غریب - Dr. Dana Taib Gharib posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. دانا طیب غریب - Dr. Dana Taib Gharib:

Shortcuts

Share

Category