Dr.Bawar Bakhtiar د.باوەڕبەختیار

Dr.Bawar Bakhtiar د.باوەڕبەختیار Contact information, map and directions, contact form, opening hours, services, ratings, photos, videos and announcements from Dr.Bawar Bakhtiar د.باوەڕبەختیار, Medical and health, سلێمانی/شەقامی ئیبراهیم پاشا/نزیک مزگەوتی سەلیم بەگ, As Sulaymaniyah.

د.باوەڕ بەختیار محمد صدیق پزیشکی
نەخۆشییەکانی هەناوی و شەکرە و غوددە.

الدكتور باوەر بختیار محمد صدیق طبیب
أمراض الباطنية والسكري والغدد

Dr. Bawar Bkhtiar , internal medicine, diabetes, and endocrinology,

ئەو کتێبەی کە نەخۆشەکانمان نایخوێننەوە! 🖐️ئایا دەزانیت نینۆکەکانت قسە دەکەن؟پێستی دەوروبەری نینۆکەکەت "نهێنیی" نەخۆشییەک...
08/07/2026

ئەو کتێبەی کە نەخۆشەکانمان نایخوێننەوە! 🖐️

ئایا دەزانیت نینۆکەکانت قسە دەکەن؟

پێستی دەوروبەری نینۆکەکەت "نهێنیی" نەخۆشییەکانت

ئەم پێستە بچووکەی دەوری نینۆک، وەک "پارێزەرێکی بێدەنگ" وایە. کاتێک جەستە لە دڵەوە تا سییەکان تووشی ئازار دەبێت، ئەم پارێزەرە یەکەم کەسە کە ڕەنگی دەگۆڕێت، دەئاوسێت، یان نیشانەیەک بەجێ دەهێڵێت.

کەمی ڤیتامینات : دەبێتە هۆی گۆڕانی ڕەنگ و تێکچوونی باری تەندروستیی نینۆکەکانت.
هێڵی سوور: ئاگادارکردنەوەیەکی گرنگی دڵە.
ئەستووربوونی پەنجە: سییەکانت ئۆکسجینی پێویستی دەست ناکەوێت.

ئایا تا ئێستا تێبینی گۆڕانکارییەکی لەم شێوەیەت لە دەستەکانتدا کردووە؟ لە کۆمێنت بۆم بنووسە، ڕەنگە پێویست بکات سەرنجی بدەیت! 🩺

دکتۆر باوەڕ:
هەرکات گۆڕانکارییەکی نا ئاساییت لە نینۆکەکانتدا بینی ئەوا جەستەت هەوڵ دەدات شتێکت پێ بڵێت پشتگوێی مەخە .

تەندروستی ئێوە ئامانجمانە🤍

🩺دکتۆر باوەڕ بەختیار محمد
پزیشکی هەناو دڵ شەکرەو غوددە

📍 ناونیشانی کلینیک: سلێمانی، تەلاری داسۆ، نزیک مزگەوتی سەلیم بەگ

بۆ ناو تۆمارکردن پەیوەندی بکە بە ژمارەکانی لای خوارەوە
0770 498 62 98
0751 197 69 68

#تەندروستی #نینۆک

07/07/2026

دەرزییەکەمان لەناو کایانی پووشدا دۆزییەوە! 🪡✨

هەندێک جار دەستنیشانکردنی نەخۆشی دەبێتە مەتەڵێکی گەورە! لە ساڵی ٢٠٢٠ـەوە ئەم ململانێیە دەستی پێکردووە... بەڵام کاتێک (زانستی پزیشکی + ئامێری پێشکەوتوو + دەرمانی دروست + ئیرادەی نەخۆش) یەکدەگرن، مەحاڵ بوونی نامێنێت! 💯

سوپاس بۆ خوا دوای ٦ ساڵ لە گەڕان و پشکنین، توانیمان بەتەواوی نەخۆشییەکە دەستنیشان بکەین. ئەمەیە بەری ڕەنج و کۆڵنەدان! 🙏
#پزیشکی⁠ ⁠ #تەندروستی⁠ ⁠ #کوردستان⁠ ⁠ #سلێمانی⁠ ⁠ #هەولێر⁠ ⁠ #دکتۆر⁠ ⁠ #سەرکەوتن⁠ ⁠ #نەخۆشی⁠ ⁠ #چارەسەر⁠ ⁠ ⁠ ⁠ ⁠ ⁠ ⁠ ⁠

وشکبوونی دەم؛ ئایا نیشانەی شەکرەیە؟🤔 زۆرجار نەخۆشەکان سەردانمان دەکەن و پرسیار دەکەن: "دکتۆر، دەمم زۆر وشک دەبێتەوە، ئای...
06/07/2026

وشکبوونی دەم؛ ئایا نیشانەی شەکرەیە؟🤔

زۆرجار نەخۆشەکان سەردانمان دەکەن و پرسیار دەکەن: "دکتۆر، دەمم زۆر وشک دەبێتەوە، ئایا تووشی شەکرە بووم؟"

حاڵەتێکی باوە هەر دەم وشک بو مانای ئەوەنیە کە شەکرەت هەیە، بەڵام پێویستە هۆکارەکەی بزانیت. 💡

پەیوەندییەکەی چییە؟ 🩸

کاتێک شەکری خوێن بەرز دەبێتەوە، جەستە هەوڵ دەدات بە ڕێگەی میزکردنی زۆر خۆی لە شەکرە زیادەکە ڕزگار بکات. ئەم پرۆسەیە دەبێتە هۆی لەدەستدانی بڕێکی زۆر لە ئاوی لەش، ئەنجامەکەشی وشکبوونەوەی دەم و تینوێتییەکی زۆرە. 🏃‍♂️🚰

کەی پێویستە نیگەران بیت؟ ⚠️

ئەگەر وشکبوونی دەمەکەت لەگەڵ ئەم نیشانانەی خوارەوە بوو، ئەوا پێویستە پشکنینی شەکری خوێن ئەنجام بدەیت:

١. تینوێتییەکی زۆر کە بە ئاو خواردنەوە تێر نابیت.
٢. زۆر میزکردن (بەتایبەت لە شەواندا).
٣. ماندوێتی و بێهێزی بەردەوام.
٤. دابەزینی کێش بەبێ هۆکار.
هۆکارەکانی تری وشکبوونی دەم:

هەموو وشکبوونەوەیەک شەکرە نییە! زۆر هۆکاری تریش هەن:
کەم ئاوی (نەخواردنەوەی ئاوی پێویست). 💧

کاریگەری لاوەکی هەندێک دەرمان (وەک دەرمانی پەستانی خوێن و دڵ). 💊

هەناسەدان بە دەم 👃💤
جگەرەکێشان و خواردنەوەی زۆری کافایین. ☕️🚬

ئامۆژگاری دکتۆر باوەڕ : ✅
ئەگەر دەمت وشکە، سەرەتا بڕی ئاوی رۆژانەت زیاد بکە و چاودێری نیشانەکانی تر بکە. ئەگەر بەردەوام بوو، باشترین ڕێگە سەردانی پزیشک و ئەنجامدانی پشکنینی سادەی خوێنە بۆ ئەوەی دڵنیابیتەوە. 🩺🔬
دکتۆر باوەڕ بەختیار محەمەد 👨‍⚕️
پزیشکی هەناوی، دڵ و شەکرە و غوددە

📍 ناونیشانی کلینیک: سلێمانی، تەلاری داسۆ، نزیک مزگەوتی سەلیم بەگ

#تەندروستی #پزیشکی #شەکرە #هەناوی #دڵ

دەست و پێی شێدار و ئارەقکردنەوەی بەردەوام.. تەنها بێزارییە یان حاڵەتێکی پزیشکی؟؟؟؟ 🤔💧زۆر کەس لە ئێمە تووشی ئەوە دەبن کە ...
05/07/2026

دەست و پێی شێدار و ئارەقکردنەوەی بەردەوام.. تەنها بێزارییە یان حاڵەتێکی پزیشکی؟؟؟؟ 🤔💧

زۆر کەس لە ئێمە تووشی ئەوە دەبن کە دەست و پێیان بەردەوام ئارەقە دەکات، تەنانەت لە کەشوهەوای ساردیشدا. ڕەنگە ئەمە بۆ زۆر کەس تەنها حاڵەتێکی بێزارکەر بێت، بەڵام... ⚠️

زۆر ئارەقکردنەوە تەنها کێشەیەکی پێست نییە، بەڵکو هەندێک جار هۆشدارییەکی لەشە بۆ نەخۆشییەکی هەناوی.

ئەگەر ئارەقکردنەوەکەت لەناکاوە و لەگەڵیدا (دابەزینی کێش، تا، یان لێدانی خێرای دڵ)ت هەیە، ڕەنگە نیشانەی ئەم حاڵەتانە بێت:

👇
🔹 کێشەی ڕژێنی تایرۆید. 🦋
🔹 نەخۆشی شەکرە (بەرز یان دابەزینی کتوپڕ). 🩸
🔹 تێکچوونی هاوسەنگی هۆڕمۆنەکان. ⚖️
🔹 هەوکردنی درێژخایەن (وەک سیل). 🫁
🔹 کاریگەری لاوەکی هەندێک دەرمان. 💊
ئامۆژگاری: ئەگەر ئارەقکردنەوەکەت لەگەڵ ئەم نیشانانەدا بوو، پشتگوێی مەخە و سەردانی پزیشکی هەناوی بکە. 🩺🏥
تەندروستی ئێوە ئامانجمانە 🤍
🩺 دکتۆر باوەڕ بەختیار محمد
پزیشکی هەناو، دڵ، شەکرە و غوددە

#پزیشکی #دکتۆر #کوردستان #سلێمانی #هەولێر #دهۆک #تایرۆید #شەکرە #هۆڕمۆن

ئایا بەکتریای گەددە خۆی لەناو دەچێت؟ 🦠"ئایا ترشەڵۆکی گەددە هەموو بەکتریاکان دەکوژێت؟"زۆرێک لە ئێمە وای بۆ دەچین کە بەهۆی...
04/07/2026

ئایا بەکتریای گەددە خۆی لەناو دەچێت؟ 🦠

"ئایا ترشەڵۆکی گەددە هەموو بەکتریاکان دەکوژێت؟"

زۆرێک لە ئێمە وای بۆ دەچین کە بەهۆی ترشەڵۆکی بەهێزی گەددەوە، هیچ بەکتریایەک ناتوانێت تێیدا بژیت و ئەگەر بچێتە ژوورەوە، خۆی لەناو دەچێت. بەڵام ڕاستییەکە چییە؟

بەکتریایەکی وەک (H. pylori) بە شێوازێکی زۆر زیرەکانە خۆی لە ترشەڵۆکی گەددە دەپارێزێت و لەناو ناچێت:

١. دروستکردنی قەڵغان: ئەم بەکتریایە ماددەیەک دەردەدات کە ترشەڵۆکی گەددە لە دەوروبەری خۆی لاواز دەکات.

٢. خۆحەشاردان: خۆی لەو چینە لینجەدا حەشاردەدات کە دیواری گەددەی داپۆشیوە، بەمەش پارێزراو دەبێت لە بەرکەوتنی ڕاستەوخۆ لەگەڵ ترشەڵۆک.

ئەنجامی ئەم مانەوەیە چییە؟

گەددە بە تەنها و بە شێوەیەکی ئاسایی ناتوانێت بەکتریاکانی وەک H. pylori لەناو ببات. ئەگەر ئەم بەکتریایە لە گەددەدا جێگیر بوو، پێویستی بە چارەسەری پزیشکی دەبێت
بەبێ چارەسەر، ئەم بەکتریایە دەتوانێت بۆ ماوەیەکی زۆر بمێنێتەوە و ببێتە هۆی کێشەی درێژخایەنی وەک برینی گەددە و هەوکردن.
تێبینی: هەرگیز پشت بە سیستەمی بەرگری گەددە مەبەستە بۆ لەناوبردنی ئەم جۆرە بەکتریایانە.

تەندروستی ئێوە ئامانجامانە🤍

🩺دکتۆر باوەڕ بەختیار محمد

پزیشکی هەناو دڵ شەکرەو غوددە

#تەندروستی #گەددە #سلێمانی

02/07/2026

🩺 راگەیاندنێک لە کلینیکەکەمانەوە

لە پێناو پێشکەشکردنی باشترین خزمەتگوزاری و دابینکردنی کەشێکی گونجاوتر بۆ ئێوەی خۆشەویست، ئاگادارتان دەکەینەوە کە کلینیکەکەمان گواستەوە بۆ ناونیشانی نوێ:

📍 ناونیشان: سلێمانی - شەقامی ئیبراهیم پاشا - تەلاری داسۆ (نزیک مزگەوتی سەلیم بەگ)

هەمیشە تەندروست و سەلامەت بن. ✨

بۆچی بە حەبی زەختەوە هێشتا زەختم بەرزە؟ئایا حەبی زەخت بەتەنیا بەسە بۆ کۆنتڕۆڵ کردنی زەختەکەت؟زۆر جار ڕۆژانە نەخۆش سەردان...
01/07/2026

بۆچی بە حەبی زەختەوە هێشتا زەختم بەرزە؟

ئایا حەبی زەخت بەتەنیا بەسە بۆ کۆنتڕۆڵ کردنی زەختەکەت؟

زۆر جار ڕۆژانە نەخۆش سەردانم دەکات کە حەبی زەختەکەی بە تەواوی خواردووە، کەچی زەختی هێشتا بەرزە. ئەمە بۆ ئێمەی پزیشک و بۆ خۆشتان شتێکی نیگەرانکەرە

ئەو هۆکارانەی کە زەختەکەت بەرز دەهێڵنەوە:
خوێ: هەرگیز حەب ناتوانێت بەرگەی ئەو خوێیە بگرێت کە لە خواردنەکاندا دەیخۆیت.
فشاری دەروونی: تووڕەیی و نیگەرانی وەک ئەوە وایە بە زۆر خوێنبەرەکانت گرژ بکەیت؛ هیچ حەبێک ناتوانێت بەرگەی ئەم گرژییە بگرێت.
خەوی شەوان و جوڵە: لەش پێویستی بە پشوو و جوڵەی دروستە بۆ ئەوەی حەبەکە کاری خۆی بکات.

ئامۆژگارییەکی دڵسۆزانە:
کاتێک دەبینیت حەبەکە زەختت دانابەزێنێت، مانای ئەوە نییە حەبەکە خراپە، بەڵکو مانای ئەوەیە "شێوازی ژیانت دەبێت بگۆڕێت". حەبەکە بۆ ئەوە نییە کە تۆ بە ئارەزووی خۆت ژیان بکەیت و ئەو بێ هیچ سنوورێک کۆنتڕۆڵت بکات، بەڵکو بۆ ئەوەیە کە تۆ هاوکاری بکەیت.
بۆیە، پێش ئەوەی بیر لە گۆڕینی جۆری حەبەکە بکەینەوە، وەرە پێکەوە پێداچوونەوەیەک بە ژیانت بکەین. چونکە کۆنتڕۆڵکردنی زەخت، بەرهەمی پێکەوەیی حەبەکە و ڕێنماییە تەندروستەکانی تۆیە.

تەندروستی ئێوە ئامانجمانە 🤍

🩺باوەڕ بەختیار محمد
پزیشکی هەناوی دل شەکرە غوددە

#تەندروستی #پزیشکی #دڵ #کوردستان ゚viralシ

ئایا زەخت گرتن لە دەستی ڕاست باشترە یاخود دەستی چەپ زۆر لە نەخۆشەکان پرسیاری زەخت دەکەن کە لە ماڵەوە پێوانیان کردووە و ئ...
30/06/2026

ئایا زەخت گرتن لە دەستی ڕاست باشترە یاخود دەستی چەپ

زۆر لە نەخۆشەکان پرسیاری زەخت دەکەن کە لە ماڵەوە پێوانیان کردووە و ئەنجامەکەی بە هەڵە دەرچووە.

زۆرجار کاتێک لە ماڵەوە زەخت دەپێوی، ئەنجامەکە جیاواز دەردەچێت و تووشی دڵەڕاوکێ دەبیت.

گرنگە بزانیت هەڵە لە پێوانەکردندا باوە، بەڵام بەم چەند خاڵەی خوارەوە دەتوانیت ئەنجامێکی وردتر بەدەست بهێنیت:
دەست دیاری بکە:
لە یەکەم سەرداندا بۆ لای پزیشک، پێویستە لە هەردوو دەستت پێوانە بکرێت.
دواتر هەر دەستەی کە ژمارەکەی بەرزتر بوو، هەمیشە دەبێت هەر ئەو دەستە بۆ پێوانەکانی داهاتووت بەکاربهێنیت.
پێگەی جەستە: بەرز و نزمی دەست بەراورد بە ئاستی دڵ، یان بەکارهێنانی قۆڵوانکەی (Cuff) نەگونجاو، کاریگەری ڕاستەوخۆی لەسەر ئەنجامەکە هەیە و دەبێتە هۆی هەڵە.

جێگیری ئەنجامەکان: پزیشک هەمیشە پشت بەو دەستە دەبەستێت کە ژمارەکەی بەرزترە، چونکە ئەو ژمارەیە بۆ هەڵسەنگاندنی تەندروستیت گرنگترە.
پێوانەی دروست = بڕیاری پزیشکی دروست.

تەندروستی ئێوە ئامانجمانە🤍

🩺دکتۆر باوەر بەختیار محمد
پزیشکی هەناوی دڵ شەکرە غوددە

#زەخت #تەندروستی #پزیشکی

ئایا خەمخواردن و فشاری دەروونی زەخت بەرز دەکاتەوە؟زۆرێک لە نەخۆشەکان پرسیار دەکەن: "دکتۆر، ئایا نیگەرانی و خەمخواردن کار...
29/06/2026

ئایا خەمخواردن و فشاری دەروونی زەخت بەرز دەکاتەوە؟

زۆرێک لە نەخۆشەکان پرسیار دەکەن: "دکتۆر، ئایا نیگەرانی و خەمخواردن کاریگەری لەسەر زەختم هەیە؟

خەمخواردن زەخت بەرز دەکاتەوە؟

بەڵێ کاتێک مرۆڤ تووشی خەمخواردن، ترس، یان فشاری دەروونی دەبێت، جەستە دەچێتە حاڵەتی "بەرگری

لەم کاتەدا:
1. دەردرانی هۆرمۆنەکان: جەستە هۆرمۆنەکانی سترێس (وەک ئەدریناڵین) دەردەدات.

2. خێرا بوونی لێدانی دڵ: ئەم هۆرمۆنانە وادەکەن دڵ بە خێرایی لێبدات.

3. تەسکبوونەوەی بۆرییەکان: بۆرییەکانی خوێن بچووکتر دەبنەوە، ئەمەش وادەکات خوێن بە فشارێکی زیاتردا تێپەڕێت و زەخت بەرز ببێتەوە.

چۆن کۆنترۆڵی بکەین؟

هەناسەی قوڵ: یارمەتی ئارامکردنەوەی سیستەمی دەماری دەدات.
جوڵەی ڕۆژانە: ٢٠ بۆ ٣٠ خولەک ڕۆیشتن، سترێس کەمدەکاتەوە.
خەوی باش: شەوانە ٧ بۆ ٨ کاتژمێر خەوتن زەخت جێگیر دەکات.
گفتوگۆکردن: دەربرینی ناخ بارگرانییە دەروونییەکان کەمدەکاتەوە.
تێبینی: ئارامیی دەروونی، دەرمانێکی سروشتییە بۆ ڕێکخستنی زەختەکەت

تەندروستی ئێوە ئامانجمانە 🤍

دکتۆر باوەر بەختیار محمد
پزیشکی هەناو دڵ و شەکرەو غوددە

#تەندروستی #زەخت #خەمخواردن #سترێس #دکتۆر #کلینیک #هەناوی #پزیشک #سلێمانی #کوردستان

مەترسییە شاراوەکانی حەب و دەرزی (دێکسا/دیکادرۆن) و شرووپی (دیکسۆن)! بەبێ ڕێنمایی پزیشک و بە ئارەزووی خۆیان ئەم دەرمانان...
28/06/2026

مەترسییە شاراوەکانی حەب و دەرزی (دێکسا/دیکادرۆن) و شرووپی (دیکسۆن)!

بەبێ ڕێنمایی پزیشک و بە ئارەزووی خۆیان ئەم دەرمانانە بەکاردێنن

زۆرجار دەبیستین کە هەندێک کەس بۆ قەڵەوبوونی خێرایان ئەو بەرهەمانەی لە ئۆنلاین داوا ئەکرێ بە ناوی چاو گیای سروشتی زۆربەیان ئەم مادەیەیان تیایە

بەڵام ئایا دەزانیت بەکارهێنانی سەرەڕۆیانەیان چ کارەساتێک لە جەستەتدا دروست دەکات؟ 🤦‍♂️💔

لە جیهانی پزیشکیدا، مەترسییە سەرەکییەکانی ئەم دەرمانانە (ستیرۆیدەکان) لە ٦ خاڵی سەرەکیدا کورت دەکرێنەوە:

🍬 ١. شەکر (بەرزبوونەوەی شەکری خوێن):
دەبێتە هۆی بەرزبوونەوەی ناڕێکی شەکری خوێن. تەنانەت ئەگەر نەخۆشی شەکرەشی لەگەڵدا نەبێت،

🦠 ٢. نەخۆشکەوتن (دابەزینی بەرگری لەش):
بەرگری جەستەت بە تەواوی دادەبەزێنێت و سستی دەکات! لەبەر ئەوە جەستەت دەبێتە مۆڵگەیەک بۆ ڤایرۆس و بەکتریاکان و زوو زوو تووشی هەوکردنی توند دەبیت.

🧠 ٣. خەمۆکی (تێکچوونی مەزاج و دەروون):
کاردەکاتە سەر کیمیای مێشک؛ دەبێتە هۆی تێکچوونی توندی مەزاج، دڵەڕاوکێ، توڕەیی بێهوودە و لە کۆتاییدا خەمۆکییەکی قووڵ.

🦴 ٤. نەرمبوونی ئێسک (پوکانەوەی ئێسک):
ئێسکەکان پوچ و لاواز دەکات و چڕییان کەم دەکاتەوە، بە جۆرێک بە کەمترین زەبر یان کەوتن، مەترسی شکان و سواندنی جومگەکانیان لێدەکرێت.

🧂 ٥. خوێ (قەتیسبوونی ئاو و خوێ):
خوێ و ئاو لەژێر پێست و ناو جەستەدا قەتیس دەکات. ئەو قەڵەوییە ساختەیەی دەیبینن تەنها کۆبوونەوەی شلە و ئاوە (کە دەبێتە هۆی ئاوسانی دەموچاو وەک مانگ)! ئەمەش دەبێتە هۆی بەرزبوونەوەی مەترسیداری پەستانی خوێن و ماندووبوونی دڵ.

🛑 ٦. (کەمبوونەوەی ئارەزووی سێکسی):
سستکردنی هۆرمۆنە نێرینە و مێینەکان، کە ڕاستەوخۆ دەبێتە هۆی دابەزینی توندی ئارەزوو و توانای سێکسی لە هەردوو ڕەگەزدا.

⚠️ پەیامی پزیشکی:
ئەم دەرمانانە چەقۆیەکی دوو دەمن؛ لەژێر چاودێری پزیشکدا ژیانی مرۆڤ ڕزگار دەکەن، بەڵام بەکارهێنانیان بەبێ دکتۆر، جەستەت بەرەو وێرانبوون دەبات. تەندروستی خۆتان مەکەنە قوربانی قەڵەوبوونێکی کاتی! ❌🚫

تەندروستی ئێوە ئامانجمانە 🤍

دکتۆر باوەر بەختیار محمد
پزیشکی هەناو دڵ و شەکرەو غوددە

#دێکسا #دیکادرۆن #دیکسۆن #تەندروستی #پزیشکی #سلێمانی #کوردستان
゚viralシ

Address

سلێمانی/شەقامی ئیبراهیم پاشا/نزیک مزگەوتی سەلیم بەگ
As Sulaymaniyah
46001

Website

Alerts

Be the first to know and let us send you an email when Dr.Bawar Bakhtiar د.باوەڕبەختیار posts news and promotions. Your email address will not be used for any other purpose, and you can unsubscribe at any time.

Shortcuts

Share

Category