Neuro Life :: ڕاهێنانەوەی نەخۆشیە دەماریەکان

29/07/2026

‏Neuro Life | نیورۆ لایف
بۆ ڕاهێنانەوەی نەخۆشییە دەمارییەکان

خزمەتگوزارییەکان:
• ڕاهێنانەوەی ورد دوای جەڵتەی مێشک
• ڕاهێنانەوە بۆ نەخۆشی پارکینسۆن
• ڕاهێنانەوە بۆ نەخۆشی زەهایمەر (لەبیرچوونەوە)
• ڕاهێنانەوە بۆ نەخۆشی MS (ڕەقبوونی دەمارەکان)
• ڕاهێنانەوەی قسەکردن و زمان دوای جەڵتەی مێشک
• چارەسەرکردنی گرفتەکانی قوتدان
• ڕاهێنان و چارەسەر بۆ باڵانس و هاوسەنگی.
• ڕاهێنانەوە بۆ منداڵانی شەلەل دەماغ CP
• چارەسەرکردنی سەرێشە (شەقیقە) بە ئامێری پزیشکی
• چارەسەرکردنی ڕانەگرتنی میز و گرفتی ماسولکەکانی حەوز
• چارەسەر و ڕاهێنان بۆ بێڵس پەڵسی (لاربونی ڕوخسار)
• چارەسەرکردنی سەرجەم گرفتە دەمارییەکان بە ڕاهێنان و ئامێری پزیشکی پێشکەوتوو…

ناونیشان: سلێمانی – ابراهیم پاشا
خوار قوتابخانەی ژینی کچان – تەلاری چیا – نهۆمی یەک.

27/07/2026

🧠 دەمار و خانە دەماریەکان (Neurons)

🟠دەمار (Neuron) چییە؟
دەمار یان نێرۆن خانەیەکی تایبەتە لە جەستە کە کاری سەرەکییەکەی گواستنەوەی پەیامە (signal) ـە.
ئەم پەیامانە بە شێوەی کارەبا و کیمیاوی لە ناو جەستەدا دەگوازرێنەوە.

دەمار = خانەیەک کە زانیاری و فرمان لە مێشک بۆ جەستە و لە جەستە بۆ مێشک دەگوازێتەوە

🔵پێکهاتەی دەمار::
‏ Dendrite (دێندڕایت)
• وەردەگری پەیام لە دەمارەکانی تر
• وەک شاخەی دار وایە
‏ Cell body / Soma (جەستەی خانە)
• ناوەندی دەمارە
• تێیدا هەموو پرۆسە زیندووەکان ڕوودەدەن
‏ Axon (ئەکسۆن)
• پەیام دەگوازێتەوە بۆ دەمارەکانی تر یان ماسولەکان
• درێژترین بەشی دەمارە
‏ Synapse (سیناپس)
• شوێنی پەیوەندی نێوان دوو دەمارە
• پەیام بە ماددەی کیمیاوی (neurotransmitters) دەگوازرێتەوە..

🔴جۆرەکانی دەمار::
‏ Sensory Neuron (دەمارە هەستیارەکان)
• زانیاری لە جەستە (وەک دەست، چاوی…) دەگوازن بۆ مێشک
• نموونە: هەست بە گەرمی یان ئازار.

‏ Motor Neuron (دەمارە جوڵەیەکان)
• فرمان لە مێشک دەگوازن بۆ ماسولەکان
• نموونە: جوڵاندنی دەست

‏ Interneuron (نێوان-دەمار)
• پەیوەندیدەرە لەنێوان sensory و motor
پەیوەندی لەنێوان جوڵەدەمار و هەستەوەرە دەمار ڕێک دەخەن،
—————————
کۆئەندامی دەمار::
کۆئەندامی دەمار بە پاشای کۆئەندامەکان ناودەبرێت بەهۆی ئەوەی ڕێکخەری سەرجەم ئەرک و فەرمان و پەیوەندیە ناوخۆی و دەرەکیەکانی لەشی مرۆڤە لەڕێگەی تۆڕێکی فراوان و ئاڵۆز و بەیەکەوە بەستراو، لە ملیۆنان خانەی دەماری پێکهاتوون.

کۆ ئەندامی دەمار بەگشتی پێکهاتووە لە:
١- بەشی ناوەوە - مێشک و دڕکەپەتک (Central)
مێشک و دڕکە پەتک لەناو سندوقێکی داخراو و پارێزراودان و بەچەند چینێکی بەهێز داپۆشراون..
مێشک و دڕکە پەتک بۆ پاراستنیان لەناو شلەیەکی داخراودا دا مەلە دەکەن، ناودەبرێت بە (CSF) کە ڕێژەی شلەکە
(٩٠ بۆ ١٥٠) مڵ یان س س دەبێت لەناو کاسەی سەر و فەقەرەکانی پشتدا.

٢- بەشی دەرەوە - پرچە دەمارەکان (peripheral)
پرچە دەمارەکان لەنێوان بڕبڕەکانەوە دەرچوون و وەک و تۆڕێکی فراوان بە هەموو لەشی مرۆڤدا بڵاوبونەتەوە بەتایبەت پەلەکان.

24/07/2026

جەڵتە لەبەشی پشتەوەی سەر (برەین ستیم)
کێشە لە باڵانس و جوڵەدا دروست دەکات!

چونکە “برەین ستیم” کەناڵی پەیوەندییە لەنێوان مێشک و دڕکە پەتکدا.
ئەمەش مەترسی لەسەر کەوتنی نەخۆشەکە دروست دەکات..

#نیرۆلایف

18/07/2026

ئایا بەم دیاریە مەزنەت زانیوە
کە پەروەردگار پێی بەخشیوی؟؟!!

17/07/2026

گەشکە شێواویەکی دەماریی کورتخایەنە
کاریگەری لەسەر جوڵە و ڕەفتاری مرۆڤ دروست دەکات.
ڕوودەدات کاتێک گروپێک دەمارەخانە بەیەکەوە سیگناڵی نائاسای بڵاو دەکەنەوە..
بەمەش فرمانە ئاساییەکانی مێشک توشی پچران ئەبن ڕاستەوخۆ کاریگەری لەسەر جوڵە و هۆش و هەست و ڕەفتاری مرۆڤ ئەبێت..
زۆرینەی گەشکەکان لە چەند خولەکێکی کەمدا کۆتاییان دێت و مێشک دەگەڕێتەوە باری ئاسایی.

النوبة (الصرع) هي حالة عصبية قصيرة الأمد.
تؤثر على الحركة وسلوك الإنسان.
تحدث عندما تقوم مجموعة من خلايا الدماغ بإرسال إشارات كهربائية غير طبيعية بشكل مفاجئ.
وبذلك تتعطل الأوامر الطبيعية للدماغ، مما يؤثر مباشرة على الحركة والوعي والإحساس والسلوك.
تستمر معظم النوبات لبضع دقائق فقط، ثم يعود الدماغ إلى حالته الطبيعية.

A seizure is a short-term neurological condition.
It affects movement and human behavior.
It occurs when a group of brain cells suddenly sends abnormal electrical signals.
As a result, the normal commands of the brain are disrupted, directly affecting movement, consciousness, sensation, and behavior.
Most seizures last only a few minutes, after which the brain returns to its normal state.

16/07/2026

ڕاهێنان بۆ لێڵ بینین یان دەبڵ بینین

یەکێکە لەگرفتە باوەکان دوای جەڵتەی مێشک،
بەتایبەت کە ڕودانی جەڵتەکە نزیک بێت لە دەماری چاو.
ئەم ڕاهێنانە بەسودە بۆ ماوەی چەند هەفتەیەک.

نیورۆ لایف بۆ ڕاهێنانەوەی نەخۆشیە دەمارییەکان

14/07/2026

29/06/2026