09/11/2022
طوارئ مستشفى عين شمس التخصصي.....
طالب بكلية الهندسة حضر للطوارئ يعانى من تشنجات و اضطراب فى درجة الوعي، تم عمل كل الفحوصات الممكنة ولم يصل النواب للسبب..
أعطيت له كل العلاجات بشكل تحفظي حتى ظهر عليه رهاب الماء و ده عرض مميز جدا لمرض السعار، الناتج عن عضه الحيوان
سأل النواب اهله لو كان إتعض من كلب او قطة قالوا لأ، و بعدين والدته قالت من ٦ شهور قطة شارع خربشته فى رجله، و سألوا الناس أفتت لهم إن الخربشة لا تنقل المرض، و طهروا الجرح ببيتادين، لا يمكن أنسى تلك اللحظة ، لحظة ما قلت لها إحتسبيه عند ربنا مسألة ساعات مش أكتر.. الله يرحمه ولا سامح من أفتى لهم بتلك الفتوى القاتلة.
١- السعار ينتقل عن طريق الخربشة من حيوان مسعور وليس العض فقط...
٢- حتى لو الجرح لم ينزف، فرصة انتقال المرض موجودة لأن الفيروس بيتنقل عن طريق النهايات العصبية فى الجلد وليس الدم
٣- الحيوان المسعور ممكن يكون حامل للفيروس و لم تظهر عليه كل اعراض السعار، لا نستطيع أن نثبت او ننفي ان الحيوان مسعور من مظهره و سلوكه..
٤- لو العضة شديدة أو ناحية الوجه و الرقبة لازم يتاخد المصل إضافة ل (اجسام مضادة) مع التطعيم..
٥- ممنوع خياطة الجروح نهائيا، و لو العضه فى الوجه بنحقن الأجسام المضاده فى الجرح نفسه.
٦- فترة الحضانة احيانا بتاخد شهور حسب عمق الإصابة و مكانها، و كمية الفيروس
٧- لو الحيوان عاش بعد العضة ومر وقت كافى يبقى الحيوان مش مسعور..
لو الحيوان مسعور و اللي اتعض ما أخدش التطعيم سيموت بنسبة مية فى المية
التطعيم مجانا بمستشفيات الحميات وجميع مستشفيات وزاره الصحه علي مستوي الجمهوريه......أطباء مصر
