23/07/2026
مساء الصحة على الجميع
❌جرثومة المعدة لا تشخص عن طريق الدم فقد يكون الشحص متشافي وهذا التحليل موجبا
❌التايفؤيد لا يُشَخَّص بتحليل الودال فهذا التحليل يؤشر بالعديد من الالتهابات غير التايفؤيد
❌فيتامين دي اذا لم يكن مصاحب بهشاشة او لين بالعظام او قلة بالكالسيوم والفوسفات او ارتفاع بالهورومون المجاور للدرقية فلا يحتاج المريض للعلاج حتى وان كان التحليل يقرأ قليل فقط ننصح المريض بالتعرض للشمس وتناول الاطعمة الغنية بهذا الفيتامين
❌ارتفاع ضغط الدم ليس من الضروري ان يكون مصحوبا بالم بالرأس والحقيقة العلمية هي انه نسبة قليلة فقط من ارتفاع ضغط الدم تسبب الصداع واحيانا الصداع هو من يرفع الضغط وليس العكس
❌مرضى الربو القصبي علميا اغلب علاجاتهم بخاخات للتقليل من الاثار الجانبية للعلاج ولمنع انسجة الرئة من فقدان المطاوعة وبالتالي التليف فمن الضروري اذا نطاك الطبيب بخاخ تستخدمه لان هذا مضاره اقل مما ينطي الك على شكل حب او شراب
❌الم المعدة قد يكون دليل على احتشاء عضلة القلب فاذا الطبيب رسلك على تخطيط وانت المك بالمعدة لا تعترض لطفا
❌الابرة السحرية الخبط الفولتارين والديكادرون الي ترتاحون جدا من تضربوها العلم يكول واحنه شفنا كثير قرحات منفجرة بالامعاءبسببها وهشاشه بالعظم عند الاستخدام المتكرر وارتفاع الضغط والسكر وقلة المناعة وكسل الغدة الكظرية ...الخ
❌الادوية الي ينطيها الك زميلك اذا كنت تعبان ويكلك هاي مقوي ابد لا تاخذها صح تنشطك وتخليها تساهر وتحس بحيوية بس هاي ادوية مخدرة بيها امفيتامين الي يسمو صفر واحد وممكن تدمن عليها وتسببلك مشاكل عصبية وتقلص بشرايين القلب التاجية ...الخ
❌كبار العمر من يضيق صدرهم ابد لا تستعجلون وتنطوهم بخاخ وابر هايدروكورتزون وتعتبروهم تحسس قصبي او ربو لان ممكن المريض عنده احتشاء بعضلة القلب وتموته بهذا علاجك
❌ابرة البسكوبان ترخي العضلات الملساء وممكن تريح المريض الي عنده حصوة بالحالب وما تخلي يتگلب بس هاي الابرة ممكن تجعل الحصوة تحشر وما تنزل بعد.
