https://www.facebook.com/703064676221849/

Dr.Dilzar Pallani

Home
Iraq
Irbil
Dr.Dilzar Pallani

Contact information, map and directions, contact form, opening hours, services, ratings, photos, videos and announcements from Dr.Dilzar Pallani, Doctor, Irbil.

دكتوراه (بورد) في طب الأطفال
M.B.Ch.B - F.K.B.M.S (Pediatrics)
دکتۆرا (بۆرد) لە پزیشکی منداڵان
ژمارەی دکتۆر ٠٧٥٠٧٨٢٥٨٥٨
ناونیشانی عیادە: هەولێر-شەقامی ٤٠م -نزیک ترافیک لایتی کۆک و ئایە -کۆمەڵگەی دەلانی

02/11/2026

ئایا منداڵەکەت لە تەمەنی ٣ مانگیدا تێر شیر دەخوات؟
زۆرێک لە دایکان و باوکان ڕووبەڕووی ئەم پرسیارە دەبنەوە و دڵگرانن لەوەی ئایا بڕی شیری ڕۆژانەی منداڵەکەیان بەسە یان نا!
لەم ڤیدیۆیەدا زۆر بە کورتی ڕوونی دەکەینەوە:
✨ لە تەمەنی ٣ مانگیدا، منداڵ دەتوانێت لە ڕۆژێکدا ٣ بۆ ٤ ڕەقەم شیر بخوات.
✨ بەڵام چۆن بزانین منداڵەکەت تێر شیری خواردووە؟
1️⃣ کێشی (وەزنی): بە شێوازێکی ئاسایی و تەندروست زیاد بکات.
2️⃣ میزکردن: ڕۆژانە لانی کەم ٣ بۆ ٤ جار میزی کردبێت.
ئەم دوو نیشانەیە بەڵگەی سەرەکین کە منداڵەکەت تێرە و گەشەی باشە! ❤️
دکتۆر دڵزار پاڵانی
پزیشکی پسپۆڕی منداڵان
چاودێری گەشەی منداڵان
ژمارەی مۆبایل ٠٥٧٠٧٨٢٥٨٥٨

31/10/2026

شینبوونی دەست و قاچی منداڵی ساوا؛ ئاساییە یان مەترسیدارە؟
دایک و باوکی خۆشەویست،
هەندێک جار دەست و قاچی منداڵی ساوا شین دەبێت، بە تایبەتی کاتێک کە ژینگەکە ساردە. ئەمە زۆرجار بەهۆی ساردبوون و تەسکبوونەوەی دەماری خوێنی بچووکەکانەوەیە و دەتوانێت شتێکی ئاسایی بێت.
️ بەڵام ئەگەر:
🔹 لێوی منداڵەکە شین ببێت.
🔹 دەوری دەم و زمان شین ببێت.
🔹 ڕووخساری شین یان خۆڵەمێشی ببێت.
🔹 تەنگە نەفەسی هەبێت یان بە سەختی هەناسە بدات.
🔹 شیر نەخوات یان بێحال بێت.
ئەمە نیشانەیەکی گرنگە و پێویستە بە خێرایی منداڵەکە بگەیەنرێتە فریاکەوتنی پزیشکی.
دکتۆر دڵزار پاڵانی
پزیشکی پسپۆڕی منداڵان
چاودێری گەشەی منداڵان

29/10/2026

ئایا زۆر شیردان دەبێتە هۆی رشانەوەی منداڵی ساوا؟
دایکانی خۆشەویست
هەندێک جار منداڵەکەتان دەگری، وا دەزانن برسییە و دووبارە شیری پێدەدەن، بەڵام هۆکاری گریانەکە ڕەنگە غازات یان نارەحەتی گەدە بێت.
🍼 شیردانی زۆر یان زوو زوو شیردان، بە تایبەتی ئەگەر گەدەی منداڵ پڕ بێت، دەتوانێت ببێتە هۆی گەڕانەوەی شیر و رشانەوە.
✅ چی بکەین؟
• بە پێی نیشانەکانی برسیبوونی منداڵ شیری پێبدەن. •
منداڵەکە ماوەیەک بە شێوەی ڕاست ڕایبگرن، بەڵام بۆ خەوتن هەمیشە بە لە سەر پشت بێت .

ئەگەر رشانەوەکە بە زۆری و بە فشار بوو، ڕەنگی سەوزی هەبوو، خوێنی تێدا بوو، یان منداڵەکە شیر نەخوات و کێشی زیاد نەکات، پێویستە بە خێرایی پزیشک هەڵیسەنگێنێت.

👨‍⚕️ دکتۆر دڵزار پاڵانی
پزیشکی پسپۆڕی منداڵان
چاودێری گەشەی منداڵان

26/10/2026

ئایا دەست خستنە ناو دەمی منداڵ لە تەمەنی ٣–٤ مانگی ئاساییە؟
زۆر دایک و باوک نیگەران دەبن کاتێک دەبینن منداڵەکەیان دەستی دەخاتە ناو دەمی!
بەڵام ئەمە زۆرجار شتێکی ئاساییە و بەشێکە لە گەشەی منداڵ، چونکە لەم تەمەنەدا منداڵ دەست دەکات بە ناسینی جەستەی خۆی و بە دەمی و دەستەکانی دەوروبەری خۆی دەناسێت.
ل ئەم ڕەفتارە هەروەها دەتوانێت نیشانەی گەشەی توانای جوڵە و هەماهەنگی دەست و دەم بێت.
چی بکەین؟ • دەستەکانی منداڵ پاک ڕابگرن. • چاودێری بکەن شتی بچووک و مەترسیدار نەخاتە ناو دەمی. • ئەگەر نیشانەیەکی تری نائاسایی هەبوو، ڕاوێژ بە پزیشکی منداڵان بکەن.

👨🏻‍⚕️ دکتۆر دڵزار پاڵانی
پزیشکی پسپۆڕی منداڵان
چاودێری گەشەی منداڵان
ژمارەی موبایل ٠٧٥٠٧٨٢٥٨٥٨

24/10/2026

شیری دایک یەکەم دیاری بۆ منداڵەکەت!
👶🏻 دوای لەدایکبوونی منداڵ باشترین هەنگاو ئەوەیە کە بە زووترین کات منداڵەکە لەسەر سینگی دایک دابنرێت و شیری دایک پێبدرێت.
زۆر دایک نیگەرانن کە ئایا بەنجی کاتی لەدایکبوون کاریگەری لەسەر منداڵەکەیان هەیە؟ 💉
بە گشتی، دوای زۆربەی جۆرەکانی بەنج، کاتێک دایک بە تەواوی هۆشیار بووە و دەتوانێت بە سەلامەتی منداڵەکەی بگرێت، دەتوانێت شیردان دەست پێ بکات و زۆرجار پێویست بە دواخستنی نییە. 🤱🏻
🍼 سوودەکانی شیری دایک:
️ بەهێزکردنی بەرگری جەستەی منداڵ
یارمەتیدانی گەشە و پەرەسەندنی منداڵ
دروستکردنی هەستی ئارامی و پەیوەندیی بەهێز لە نێوان دایک و منداڵ
🤱🏻 هەروەها، دانانی منداڵ لەسەر سینگی دایک یارمەتی دەدات پلەی گەرمی جەستەی منداڵ، هەناسەدان و ئارامییەکەی باشتر بێت.
👨🏻‍⚕️ دکتۆر دڵزار پاڵانی
پزیشکی پسپۆڕی منداڵان
چاودێری گەشەی منداڵان

22/10/2026

سوودەکانی کودی زەرد(کولەکەی زەرد) (Pumpkin) بۆ منداڵی ساوا
کودی زەرد خواردنێکی تەندروست و سوودبەخشە بۆ منداڵان
✨ سوودەکانی: ڤیتامینی A ـی تێدایە کە یارمەتی تەندروستی چاو و سیستەمی بەرگری جەستە دەدات. 💪 پڕە لە ماددەی خۆراکی گرنگ بۆ گەشەی منداڵ. 🌿 فایبەری تێدایە کە یارمەتی کارکردنی ڕیخۆڵە دەدات.
👶🏻 لە چ تەمەنێک دەتوانین پێی بدەین؟ لە تەمەنی نزیکەی ٦ مانگییەوە، کاتێک منداڵ ئامادەی دەستپێکردنی خواردنی تەواوکەرە.
🥣 دەتوانین کودی زەرد بە باشی بیکوڵێنین و بیخەینە ناو شۆربای برنج، بە شێوەی پەتی یان شێوەیەکی نەرم و شل بۆ منداڵ ئامادەی بکەین.
❤️ خواردنی تەندروست، بناغەی گەشەیەکی تەندروستە.
👨‍⚕️ د. دڵزار پاڵانی
پزیشکی پسپۆڕی منداڵان
چاودێری گەشەی منداڵان

19/10/2026

قسەکردنی منداڵەکەم تەنها ئێمە لێی تێدەگەین!
زۆر جار دایک و باوک نیگەرانی ئەوە دەبن کە منداڵەکەیان لە تەمەنی ٤ ساڵیدا زمانپاراو نییە و وەک پێویست ڕوون قسە ناکات. لەم ڤیدیۆیەدا باسی حاڵەتێکی ڕاستەقینە دەکەین کە منداڵێک سەردانی کردین و دایک و باوکی هەمان نیگەرانیان هەبوو.
🩺 چی لەپشکنینەکەدا دەرکەوت؟
خۆشبەختانە دوای پشکنین، دەرکەوت کە هیچ کێشەیەک لە مێشک و توانای تێگەیشتنی منداڵەکەدا نییە. تەنها ئەوەیە کە "زمانی تەمبەڵە" (یان دواکەوتنی سادەی دەربڕین)، کە لەگەڵ گەورەبوون و ڕاهێناندا خۆی چاک دەبێتەوە.
💡 چەند ئامۆژگارییەک بۆ دایک و باوک:
• زۆر لەگەڵ منداڵەکەتان قسە بکەن و گوێی لێبگرن.
• بە هەڵە وشەکان دووبارە مەبنەوە، بەڵکو بە ڕوونی و دروستی وەڵامی بدەنەوە.
• کاتی سەیرکردنی شاشە (موبایل و تەلەفزیۆن) کەم بکەنەوە، چونکە ڕێگرە لە گەشەی زمانەوانی.
د.دلزار پاڵانی
پزیشکی پسپۆڕی منداڵان
چاودێری گەشەی منداڵان

17/10/2026

خڕەخڕەی سینگی منداڵی ساوا لە کاتی خەودا؛ ئایا ئاساییە؟
زۆر جار دایک و باوک کاتێک لە شەودا گوێیان لە دەنگی خڕەخڕەی هەناسەی منداڵەکەیان دەبێت، نیگەران دەبن و وا دەزانن منداڵەکەیان تەنگەنەفەسە.
🩺 هەندێک جار ئەم دەنگە بەهۆی گیرانی لووت یان تەسکبوونی ڕێگاکانی هەناسەوە دروست دەبێت، بەڵام هەمیشە نابێت بە شتێکی ئاسایی دابنرێت.
🚨 ئەگەر منداڵەکە بە زەحمەت هەناسە دەدات،ئەگەر خڕەخڕەکە بەردەوامە، لێوەکانی شین دەبن یان شیر ناخوات ،پێویستە منداڵەکەتان لەلایەن پزیشکی پسپۆڕی منداڵانەوە پشکنین بکرێت
د. دڵزار پاڵانی
| پزیشکی پسپۆڕی منداڵان 👨‍⚕️
چاودێری گەشەی منداڵان

15/10/2026

پرچ هەڵوەرینی منداڵ؛ کەی ئاساییە و کەی پێویستی بە پشکنینە؟
لە منداڵانی خوار ٢ ساڵ، کەمێک گۆڕانکاری لە پرچدا دەتوانێت ئاسایی بێت، بەڵام ئەگەر پرچی منداڵ بە شێوەیەکی زۆر هەڵبوەرێت یان شوێنی بێ‌پرچ دروست ببێت، پێویستی بە هەڵسەنگاندنی پزیشکی هەیە.
لە منداڵانی گەورەتر، هەڵوەرینی پرچ دەتوانێت هۆکاری جیاوازی هەبێت، وەک: 🔹 کەمی ئاسن و کەمخوێنی
🔹 کەمی هەندێک ڤیتامین و ماددەی خۆراکی
🔹 کێشەکانی پێست و هۆکارەکانی تر
تێبینی گرنگ: هەڵوەرینی پرچ بە تەنها بەڵگەی کەمی ڤیتامین یان ئاسن نییە؛ پێویستە هۆکارەکە دیاری بکرێت و بە پێی پێویستی منداڵ پشکنین بکرێت.
چاودێری گەشە و تەندروستی منداڵەکانتان بکەن.
️ د. دڵزار پاڵانی
پزیشکی پسپۆڕی منداڵان
چاودێری گەشەی منداڵان

12/10/2026

بۆچی نابێت منداڵی ساوا ماچ بکەین؟
زۆر جار بە خۆشەویستی ماچی منداڵە ساواکەمان دەکەین، بەڵام دەزانیت ئەم کارە دەتوانێت مەترسی بۆ سەر
تەندروستی منداڵەکە دروست بکات؟

ماچکردنی منداڵی ساوا، بە تایبەتی لەسەر دەموچاو و دەوروبەری دەم، دەتوانێت ڤایرۆس و بەکتریا بگوازێتەوە،🔹

منداڵی ساوا، بە تایبەتی لە چەند هەفتە و مانگی یەکەمی ژیاندا، بەرگریی جەستەی تەواو پەرەی نەسەندووە؛ بۆیە تووشبوون بە هەندێک لەم ڤایرۆسانە دەتوانێت مەترسیدار بێت.
چۆن پارێزگاری لە منداڵەکەمان بکەین؟ ✔️ منداڵی ساوا ماچ نەکەین، بە تایبەتی لەسەر دەموچاو و دەوروبەری دەم. ✔️ پێش دەست لێدان، دەستەکانمان بشۆین. ✔️ ئەگەر نیشانەی نەخۆشی‌مان هەیە، لە منداڵەکە دوور بکەوینەوە.

👨‍⚕️ د. دڵزار پاڵانی
| پزیشکی پسپۆڕی منداڵان
چاودێری گەشەی منداڵان
📌 ئەم ڤیدیۆیە بۆ هەموو دایک و باوکان و کەسوکاری منداڵانی ساوا بنێرن.

Address

Irbil
44001

Website

facebook.com

Alerts

Be the first to know and let us send you an email when Dr.Dilzar Pallani posts news and promotions. Your email address will not be used for any other purpose, and you can unsubscribe at any time.