د.مصطفى غالي الجبوري

د.مصطفى غالي الجبوري صفحه تثقيفيه الهدف منها ايصال المعلومه الصحيحه حول كل ?

عنوان العياده .. المعالف _شارع د. حافظ _ مقابيل حسينيه شهداء الطف ... الدوام يوميا من ٥ لل ٧ مساء عدا الجمعه
مستشفى الفرح الاهلي _نفق الشرطة حسب الحجز
رقم الحجز و الاستفسار ...07708985965

25/08/2026

مشاكل وخطوره الختان بالكاويه للاطفال

بين فتره وفتره يزورني طفل (ذكر) عنده مشكله انه يتأتأه وبالعاده هذا الموضوع اله علاقه بالضغط النفسي عالطفل .. وكذلك اكو ع...
24/08/2026

بين فتره وفتره يزورني طفل (ذكر) عنده مشكله انه يتأتأه وبالعاده هذا الموضوع اله علاقه بالضغط النفسي عالطفل .. وكذلك اكو عوامل وراثيه واكو امراض معينه ومشاكل مرات باللسان وغيرها ..
من اهم الامور الي تساعد الطفل على التحسن انه نعرف السبب وحركه شرابات المقويات ام ٢٠ و ٣٠ الف بدون فحص الطبيب متجيب نتيجه اغلب الاحيان ..زين شنو الحل ؟؟؟ حسب السبب ..بس ممكن اذا ماكو سبب طبي ..فنقوي شخصيه الطفل وننطيه مجال يحجي ومنستعجله حتى ليرتبك وتزيد الحاله .. واكو تمارين مال تنفس ونطق ممكن تساعده .. اغلب الاولاد مو مثل البنات يصير عدهم شويه تأخر باللغه والنطق ومرات الاهل مينطون مجال للطفل يعني كلها تتسابق بالحجي ويتنمرون على الطفل الي يتلعثم او يتأخر وهذا الشي اكبر غلط ويفاقم الحاله ..وسلامتكم ..

د.مصطفى غالي
اختصاص طب اطفال وحديثي ولاده
حي الجامعة_شارع الربيع مقابل اسواق ابو طلال٢ بنايه مختبرات ناسا ط٤ للاستفسار 07708985965

توصيات لعلاج حالات الامساك عند الاطفال
21/08/2026

توصيات لعلاج حالات الامساك عند الاطفال

اكو فديو طلع ل طفل يسوق ماطور لازميه المرور ..الحاصل الطفل كلش هوايه تأسف ..ماادري خايف من المرور ماادري خايف من اهله .....
20/08/2026

اكو فديو طلع ل طفل يسوق ماطور لازميه المرور ..الحاصل الطفل كلش هوايه تأسف ..ماادري خايف من المرور ماادري خايف من اهله ..اني اتوقع خايف من اهله لان مااعتقد الطفل يعرف شنو عقوبات المرور او شنو الصلاحيات الي عدهم ..
الحاصل نحاول نفهم اطفالنا ونصادقهم ونخليهم ميخافون من عدنا ولا من المرور ..

20/08/2026

توصيات حول العنايه بحديث الولاده #أطفال #خدج #ابوصفار

بصفتي شخص اسنانه تعبانه ..ومااحب اروح لطبيب الاسنان لان اخاف من صوت هذا الجهاز مالتهم وهاي عمليه ازاله التسوس مؤذيه وابر...
19/08/2026

بصفتي شخص اسنانه تعبانه ..ومااحب اروح لطبيب الاسنان لان اخاف من صوت هذا الجهاز مالتهم وهاي عمليه ازاله التسوس مؤذيه وابره البنج تخلي الفج خدران ومورم فلذلك اتمنى انه الكل يحافظ على اسنانه وخصوصا الاطفال لان منا تبدي الرحله مال اسنان ..اول خطوه الحلويات والعصائر نعوفها ..وثاني شغله الحليب الي ينشرب ليلا جدا سئ للاسنان ..وثالث شغله مهمه يشرب ماء بكثره ويفرش اسنانه واكو جلسات مال فلورايد موجودن يم اطباء الاسنان جدا مفيده للاعمار الصغيره واختيار معجون نوعيه جيده يكون بيه فلورايد ايضا مفيد واكيد اذا اكو متابعين اطباء اسنان يزيدولنا بالنصائح نرحب بيهم ولو بعدين شغلهم يوكف 😜 ..بس اني شغله محيرتني ليش ميخترعون ماده مثلا تتمضمض بيها ورا الوجبات تقضي عالتسوس وثيمالاه ونخلص من شغله الاسنان كلها ونخلص من التسوس للابد 🤔🤔 (صوره اسنان احد الاطفال تعبانه من الحلويات)

قبل كم يوم كان لي لقاء مع احد الزملاء لامور تخص العمل وكانت تلاحظ على وجه الزميل علامات الشحوب والتعب وعند سؤالي له عن ا...
18/08/2026

قبل كم يوم كان لي لقاء مع احد الزملاء لامور تخص العمل وكانت تلاحظ على وجه الزميل علامات الشحوب والتعب وعند سؤالي له عن السبب اجاب انه يعاني من ارتفاع حراره وتقئ والم في المعده بسبب التسمم الغذائي بلفه زنجر اكلها ليله البارحه بعد ان اوصلها له احد سواق الدلفري نن احد المطاعم المعروفه في بغداد وكان نادما على هذا التصرف ..فيا اخوان بالصيف ننتبه لاكل المطاعم لان يسبب تسمم غذائي بسبب الحر تزيد احتماليه التسمم الغذائي وسلامتكم واكيد الاطفال معرضين اكثر من الكبار

ورا ٢٠٠٣ ونزل الستلايت وجنا نتفرج تلفزيون اتذكر شفت قناه LBC اللبنانيه بوقتها جان اكو نشره الاخبار طالعه وسمعت خبر انه ف...
18/08/2026

ورا ٢٠٠٣ ونزل الستلايت وجنا نتفرج تلفزيون اتذكر شفت قناه LBC اللبنانيه بوقتها جان اكو نشره الاخبار طالعه وسمعت خبر انه في لبنان وزاره الصحه تكول انه نسبه تعيين الاطباء الخريجين هذه السنه ٥٠ % وحسب الاحتياج
وجان عدنا بالعراق الكل يتعين لحد هالسنه من تفاقمت ازمه الخريجين الي صارت اعدادهم اكثر من الاحتياج بهوايه والدوله تكلك ماعندي فلوس اعينهم ..هنا رساله الى رئاسه الوزراء هذا الموضوع مهم جدا لان هذا مستقبل شبابنا الحلول موجوده اول شي اجبار القطاع الخاص على احتواءهم بنسب معينه يعني كل مشروع اهلي يحط نسبه معينه من الخريجين الجدد ونسوي خطه للتعيين بنسب معينه اوكي مو الكل يتعين بس اكو نسبه معينه تتعين وموضوع العماله الاجنبيه اصفيه يعني شنو البنكلاديشي كاعد يم ابو الاسواق وابو المكتب وابو المخضر وشبابنا مطضيها مظاهرات ..ورساله للشباب الي يريدون تعيين لتضل تعتمد عالتعيين الراتب مو شي مضمون على لحظه يصعد الدولار وتقل قيمه الراتب او على لحظه يصيرالراتب ميسوه و ك دليل راتب الطبيب المقيم اول ميتعين جان بال ٢٠٠٩ ...٩١٣ الف دينار وبال ٢٠٢٦ ٦٠٠ الف دينار ول نفرض انطوه هم ٩٠٠ ..بال ٢٠٠٩ جانت ١٠٠ متر قطعه ارض ب ٥٠ مليون بمنطقه مرتبه وحاليا ١٠٠ متر بمنطقه مرتبه ٣٠٠ مليون والراتب نفسه ..(صوره مؤلمه الصراحه لخريجه تفترش الارض مطالبه بحقوقها بهذا الحر)

بمناسبه ارتفاع درجه الحراره وزياده حالات الامساك لدى الاطفال ..من ضمن التوصيات زياده شرب السوائل وتناول الفواكه الصيفيه ...
16/08/2026

بمناسبه ارتفاع درجه الحراره وزياده حالات الامساك لدى الاطفال ..
من ضمن التوصيات زياده شرب السوائل وتناول الفواكه الصيفيه المفيده جدا للامساك ..
تسال احدى الامهات عن شرب الماء وتكول ديلحون عليه اشرب الطفل ماء وهو بعده اصغر من ٤ اشهر وانتو الاطباء تكولون ميصير قبل ال ٤ اشهر تنطون ماء لان الحليب ٨٠% من عنده ماء ..
فكان الجواب ..
اذا كان الاشخاص الذين يلحون امج او اختك او زوجج فلتنطين ماء زيدي الرضاعه وخففي الملابس ..
اما ذا كان الاشخاص الي ديلحون عمتك ام زوجج وخواته
فممكن اعطاء الماء بخاشوكه الشاي كم مره باليوم واحفضي لمكه هيبتها منريد مشاكل 😁😁 ...

د.مصطفى غالي
اختصاص طب اطفال وحديثي ولاده
حي الجامعه/شارع الربيع_مقابل اسواق ابو طلال٢ _بنايه مختبرات ناسا ط٤

15/08/2026

اهميه متابعه الاطفال حديثي الولاده وخصوصا الي يحتاجون دخول خدج مع اهميه فحص العيون بعمر شهر #خدج #أطفال #عيون

Address

١. حي الجامعة شارع الربيع مقابل اسواق ابو طلال ٢تقاطع الربيعي_شارع التراث/٢. مستشفى الفرح الاهلي
Karkh

Website

Alerts

Be the first to know and let us send you an email when د.مصطفى غالي الجبوري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category