13/02/2022
ប្តីប្រពន្ធគំរូ!!
មានប្តីប្រពន្ធគំរូមួយគូរ ល្បីល្បាញណាស់ តាំងពីរៀបការរួមរស់ជាមួយគ្នារយៈពេលជាង៤០ឆ្នាំមកនេះមិនដែលឈ្លោះប្រកែកគ្នាសូម្បីតែមួយម៉ាត់។ ថ្ងៃមួយអ្នកកាសែតបានមកដល់ផ្ទះពួកគាត់ ដើម្បីធ្វើការសម្ភាសពីចំណុចពិសេស ដែលអាចថែរក្សាស្នេហាដ៏អស្ចារ្យ មួយនេះ។
អ្នកកាសែតៈ តើអ្នកទាំងពីរមានវិធីសាស្ត្រអ្វី ដែលអាចធ្វើឱ្យអ្នកទាំងមិនដែលឈ្លោះគ្នាអស់រយៈពេលជាង៤០ឆ្នាំកន្លងទៅនេះ?
ប្តីៈ ថ្ងៃទីមួយក្រោយពីរៀបការ ខ្ញុំបាននាំនាងមកផ្ទះខ្ញុំ ដើម្បីរស់នៅជាមួយគ្រួសារខ្ញុំ។ ពេលដើរចូលផ្ទះ ឆ្កែរបស់ខ្ញុំក៏ចេញមកព្រុសនាង ថែមទាំងរកខាំនាងទៀត តែនាងមិនបានធ្វើស្អីវាទេ គ្រាន់តែនាងរាប់ថា «លើកទីមួយ»។
ស្អែកឡើងនាងក៏បានទៅធ្វើការ ហើយដល់ល្ងាចមកវិញ ឆ្កែក៏រត់មកចង់ខាំនាងម្ដងទៀត។ នាងក៏មិនបានធ្វើស្អីវាដែរ គ្រាន់តែរាប់ថា «លើកទីពីរ»។
ថ្ងៃទីបីជាថ្ងៃអាទិត្យ ព្រឹកនោះនាងបានទៅផ្សារទិញម្ហូប ពេលត្រលប់មកវិញ ឆ្កែក៏លោតទៅចង់ខាំនាងម្ដងទៀត។ លើកនេះនាងមិនបាននិយាយអ្វីទាំងអស់ តែនាងបានដកកាំភ្លើងចេញពីកាបូប រួចក៏បាញ់សម្លាប់ឆ្កែហ្នឹងទៅ។
ពេលនោះខ្ញុំក៏រត់ចេញមកស្តីឱ្យនាងថា មនុស្សស្អីក៏កាចសាហាវម្ល៉េះ! សូម្បីតែសត្វឆ្កែក៏នាងសម្លាប់ដែរ។ មិនគួរណាខ្ញុំយកនាងធ្វើប្រពន្ធសោះ។
ពេលនោះនាងមិនបានធ្វើអ្វីទាំងអស់ នាងគ្រាន់តែរាប់ថា «លើកទីមួយ» ហើយខ្ញុំស្តាប់មិនទាន់ច្បាស់ ក៏បន្តសួរម្តងទៀតថា ហេតុអ្វីធ្វើបែបហ្នឹង នាងក៏និយាយបន្តថា" លើកទី2"។ ចាប់តាំងពីពេលនោះមកពួកយើងទាំងពីររស់នៅជាមួយគ្នាមិនដែលឈ្លោះគ្នាទេ។
Gilbert Cambodia
