https://www.facebook.com/213748049490054/

Ting Janet _丁丁, Seoul (2026)

14/04/2026

已經嚟到2026年4月中，過去幾個月我並唔係靜靜雞🤫咁過去絕對冇偷懶😑 等我回顧記錄一下先😉

由2025年8月開始短短幾個月除咗原有照顧工作🤱🏻👶🏻，於其他方面亦有增長知識認知同累積另類經驗，就係人寵手術後及病後照顧😅🫶🏻

8月飛韓國🇰🇷 照顧手術後細囡，9月返香港短休後10月重新投入通宵照顧👶🏻工作，10月底進修短期增值課程，11月照顧突然眼壓過高導致失明需要做擇除及更換人工眼球手術嘅老犬🐩，12月另外要加上照顧頸部受傷有血洞嘅貓咪🐱，傷口護理餵藥由新手升級為資深護理員😅，12月中至1月底另一個通宵照顧👶🏻工作，1月底完工後暫時全面停工。接著細囡由韓國返香港過年，我除咗要歲晚大掃除，幫呀囡辦乾貨藥材帶返韓國自用，新年團拜家庭聚會必然指定節目，冇時停無事忙，時間過得好快呀囡逗留差唔多一個月又再次離開香港繼續學業。

我嘅另一半👱🏻‍♂️喺2025年復活節在不明原因下😥 極有可能🤔 病毒感染導致突發性失聰完全失去聽覺，需要做人工耳蝸植入手術，3月手術後效果非常顯著比預期滿意，告別過去一年嘅寧靜，迎接比之前更清晰嘅聲音🦻🏻 1個多月嘅病假今個星期完結，然後大家都需要回復正常重新投入工作。加油💪🏻

31/12/2025

2025 年好快會過去, 總結呢一年渡過咗好多有開心同唔開心好灰嘅日子, 唔開心嘅Let It Go, 開心嘅事情please stay with me a little longer 🙇🏻‍♀️ 我係一個唔貪心嘅人, 生活咗生存咗辛苦咗咁多年差不多都大半世🥲 其實真係唔奢望有啲咩高回報, 只希望可以平平穩穩順順利利順心順意無風無浪繼續行落去💪🏻

呢一年工作雖然次數減少但依然挑戰不絕, 除咗指定要照顧產後媽媽🤰🏻之外, 當中包括有跨年度接近4個月單拖照顧twins boy, 然後又單拖照顧K 班呀哥加呀b, 之後再加2個月 24小時嘅工作, 完成後即晚飛韓國照顧手術後細囡, 逗留差唔多一個月後回歸, 返到香港開始發生好多意料之外不如意突發要處理嘅事情, 身心俱疲, 後期調節心理狀態後再開始另一個每天14小時通宵工作, 絕對係一個挑戰, 雖然唔需要付出太多體力, 不過每日只有3至4小時睡眠時間個人感覺已經好似得番個殼, 因為有事要處理又唔可以返到24小時工作, 只可以工作一段唔太長嘅日子, 休息幾日後又開始另一個天黑返工收工返到屋企天都未光街燈都未熄嘅工作😅 感恩工作不間斷, 但依然可以享受me time😘 2026年新年願望祈求仍然可以擁有健康身體繼續承接不同時段的工作, 感恩所有給我遇上的僱主朋友們, 多謝給予我所有的機會。祝願大家平安喜樂🫶🏻生活一天勝一天💪🏻 開心愉快每一天🙌🏻

感激過去🙏 擁抱未來🫶🏻

11/09/2025

說好的下星期開始的吃、喝、玩、樂...呢？24 & 25 號連續2日落大雨☔️ 原定嘅行程唯有延遲到星期二開始, 行程就由坐地鐵開始, 首先去到個打咭點嚟個high tea🍰🧋🍹之後指定動作... 打咭📷 時間尚早未到晚餐時間週圍行吓繼續打咭📷

去到韓國必定去明洞, 飲飽食醉🍺 跟著緊係shopping 啦, 都算有啲收穫👍🏻 其間仲遇上遊行示威, 又係正苦資源錯配比晒big 6影響民生🥲 行多一陣當日嘅行程完滿結束✌🏻

隔日再出動去咗間聞名嘅寺廟, 誠心拜佛後, 繼續瀏覽寺廟感覺心境非常舒服平靜。寺廟對面竟然係一間潮流嘅Mega box Coex Mall, 裏面有間Popmart真係唔明點解咁多人鐘意呢個character.. Labubu🙄 排晒隊比錢, 好彩唔係我杯茶😪 經過誠品書店必定打咭, 行咗Mall一陣已經唔感興趣，之後就返咗阿囡屋企附近再食韓燒😋

去韓國一定會護膚品入貨, 咁啱又大減價, 比起香港價錢已經平一截仲可以退稅, 唔係唔買呀😂 血拚之後流血不止😮‍💨 晚餐就慳d煮番碗正宗韓國辛辣麵🥘都ok 喎😉

休息一日最後衝刺, 落大雨影響心情買完手信返呀囡屋企, 呀囡餵開嘅浪貓竟然喺樓下等, 聽到腳步聲已經行出嚟迎接我地好似知道我要離開🥹 餵完貓條跟著我要執行李準備第二日回歸✈️香港🇭🇰

2/9 09:45 開始check-in, 08:30 已經出發去機場, 09:45 只係行咗三份一車程超塞車, 離開首爾後開始暢通, 司機貼心擔心我會遲加快車速到達機場👍🏻 航班應該好full 所以check-in 除咗luggage連埋hand carry 同隨身行李都要過磅, 好彩我book機票嗰陣已經買多咗luggage重量到32 kg+7 kg, 估唔到luggage只有25.5 kg 但係hand carry +隨身行李竟然有13.5 kg, counter 叫我放啲入luggage 但係無位放唔到, 好彩2個重量加埋都係39 kg, 叫我唔好再加野, 我話okok, 否則好似個傻婆咁企埋一邊執喼, 或者要丟咗幾件野, 因為呀囡要返學只有我自己去機場無得拎番走, 一額汗大步檻過, 之前試過超2 kg 都唔得🤨 去到禁區都仲有時間手機充電後上機煲劇。

15:25 arrival🛬 welcome back🇭🇰

23/08/2025

好快喺韓國又過咗6日, 由11號到今日23號已經12日, 每日都係奉行煮、食、嘟、煲劇、瞓覺 ... 瞓醒5件事🥲

20號陪呀囡去覆診咁啱嗰間大學結業禮, 竟然都可以搞到嗰區塞車, 真巴閉🙄

真心覺得韓國醫療制度值得HK正苦學習, 全民必須有國民保險, 私家服務公立收費, 起碼唔洗等幾粒鐘🥲 之後呀囡去咗佢大學附近間牙科診所洗牙都唔駛2百蚊, 環境舒服乾淨👍🏻

跟著去咗附近有間大型超市算係最多港式食材選擇不過都唔夠全面又好貴, 呢方面香港比較優勝🙌🏻

有一日買完野返到呀囡屋企樓下, 終於見到呀囡經常餵食嘅浪貓, 見到我行近即刻起身喵我嗲我, 可能我有呀囡熟悉嘅氣味, 我即刻上樓攞貓條賄賂下先😸 估唔到嚟到韓國同貓都有緣份, 總有一隻喺左近😹

18/8 陳皮南棗益母草炒米茶
糖酥肉 / 炸醬麵 (外送餐）
黨參北芪南棗淮山螺片瘦肉
紅黃椒黑玉菇炒雞肉
香煎豆腐炒肉鬆

19/8 陳皮桑寄生杞子圓肉炒米茶
港式煎熟蛋出前一丁
豬手拼粉絲/紫菜撈飯/韓式炒麵
泡菜煎餅/薯仔煎餅 (外送餐)

20/8 芝士蛋火腿三文治/薯粒(外送餐)
港式熱奶茶
壽司 / 牛角酥 / zero soda (外購）
羊肚菌姬松茸南棗螺片瘦肉湯
蒜蓉蠔油西生菜
蕃茄炒滑蛋
蠔油炆雞髀

21/8 陳皮桑寄生杞子圓肉炒米茶
粟米條脆薯粒紫薯奇異果牛角酥
配紅茶
鮮奶燉蛋
翠玉瓜甘筍杏鮑菇炒煎肉餅
韓式麵豉醬冬菇蒸雞

22/8 陳皮南棗黃芪杞子茶
奇異果雞蛋粟米粒配牛角酥
pizza/雞翼/芝士意粉 (外送餐）

23/8 陳皮南棗黃芪杞子茶
迷李腸仔煎雙蛋湯烏冬
香煎韓式餃子
低脂鮮奶
黃芪淮山南棗螺片雞湯
南瓜甘筍炆肉鬆
香煎餐肉粒炒滑蛋

下星期開始可以放鬆一下外出真正享受吃、喝、玩、樂😚👏🏻

17/08/2025

話咁快由香港飛嚟✈️韓國🇰🇷已經第6日, 記錄下呢個不一樣不是純遊玩的旅程。

8月11日朝早完工, 返屋企執拾需要帶去韓國嘅用品, 大約黃昏6點出發去機場, 自助行李過磅後去老麥醫下個肚, 廉航機無飛機餐🥲 唔食唔緊要, 唔記得download 定啲片喺飛機睇先係重點, 無水飲無劇睇無人同我傾偈, 肚餓口臭兼腰骨痛, 一個人好lonely, 好彩隔離係2個年青嘅oppa😂 3個幾鐘嘅航程感覺天荒地老都未到🤦🏻‍♀️ 終於去到仁川機場landing 完都零晨2點幾, 一個韓文bb 級嘅人在旅途上, 出機場見到Uber Taxi 話去Seoul就上車, 即時call 呀囡話上咗架黑(色)的, 嚇得呀囡以為我上咗架富貴的比人劏🫡 1個幾鐘終於去到呀囡屋企, 梳洗後食啲野就揾周公, 瞓醒個人攰到呀媽都唔認得, 呀囡order 咗個魔鬼早餐🥪再加杯自備港式奶茶☕️即刻精神😚

下畫陪呀囡出發去醫院入院準備第二日做手術, 一切都非常順利, 感恩🙏🏻 3日住院陪床, 3日都係便利店食物🥲

呀囡14號出院後第一餐就order 咗個人參雞湯, 正👍🏻 食完梳洗完一覺瞓到第二日中午👏🏻 第二日15號仲係未想郁都係叫外賣, 不過有煲個養生茶, 黃昏出去行下買可退稅護膚品買需要日用品同埋買餸, 超市餸菜可以選擇種類唔多, 有啲難度, 有得買已經好好唔好咁揀擇, 有營養食唔壞就算喇, 咁就一餸煮多款唔浪費🙌🏻 韓國入境攜帶食用品好多限制, 最多只可以帶10款乾貨煲湯料, 盡量帶啲韓國買唔到或者超級貴價嘅唔好嘥咗個quota.

16號正式開始我個專業技能...另類手術後飲食照顧

14/8 人參雞湯(外賣）
15/8 陳皮南棗黃芪杞子茶
糯米燒賣/餃子(外賣）
豬肉伴飯 (外賣)
燒雞 (外賣)
pizza (外賣）
16/8 陳皮南棗黃芪杞子茶
冬菇粟米肉碎粥
蟲草花姬松茸淮山螺片瘦肉湯
蒜蓉西蘭花
冬菇粒蒸肉餅
17/8 陳皮南棗杞子炒米茶
香煎粟米條什菜伴炒滑蛋
蕃茄薯仔甘筍粟米肉碎湯
小唐菜炒黑玉菇
菇粒粟米粒肉鬆炒飯

聽日繼續...

12/08/2025

2個月24小時照顧時間沖沖過去了, 見證了人b女嬥溱-非常特別名字同貓bbs一起長大的日子, 我都幫貓bbs 取名大哥 2佬鼻屎仔同𡃁妹😹 任務完成功成身退, 每朝餵完b 女之後餵4隻大貓同貓bbs, 非常開心熱鬧👏🏻🙌🏻

超級超級超級唔捨得離開呢個人寵大家庭🥹

開心見到蕭媽媽👩🏻身體復原超級快快快又好精神, 一個月已經修身到差不多回復產前👍🏻 呀👶🏻準時開餐又3得好叻叻💪🏻 由最初輕磅b到後期超過5 kgs👍🏻 蕭媽媽全埋身攻略成果非常湊巧辛苦晒🙏🏻 你要同bb一樣都要3得👌🏻 最緊要繼續健康💪🏻 開心😃 快樂🙌🏻

感恩再一次遇到好僱主, 同蕭媽媽天南地北無所不談話題不盡, 蕭爸爸蕭媽媽記得要早啲休息補充體力👌🏻 蕭媽媽要繼續keep 住做靚靚媽咪💅🏻 永遠用心💝做到最好👍🏻不求回報🙌🏻 感謝你們對我嘅信任同不足嘅包容🙏🏻 祈望每做一個job就多咗班朋友唔係ex僱主✌🏻 友誼永固🤝

祝福蕭生、蕭太、b 女嬥溱同所有我照顧過或未來將會照顧的媽媽🤰🏻同bb👶🏻 及家人永遠開心💝 健康💪🏻 快樂🙌🏻 笑口常開😁

我要繼續努力送出bb 滿月禮物🎁祝福滿滿🫶🏻

尋日11號完工即晚起程飛✈️ 韓國🇰🇷 探呀囡照顧呀囡手術後飲食。雖然唔算係大手術, 希望一切順順利利順風順水🙏🏻💪🏻

尋晚黃昏6點幾喺香港機場老麥食完個餐之後一直到零晨3點幾到埗後先再食真係餓到癲。去到仁川機場已經零晨2點幾, 唯一交通工具去首爾只有Uber Taxi, 1個多小時車程車費勁貴幾乎同機票價錢有得fight 。到家梳洗後輕食完立刻約會周公😴 朝早先嚟一份魔鬼早餐🥪 一杯港式奶茶☕️ 滿足😜 之後出發去@Kyung Hee University Medical Centre, 一間勁有酒店feel嘅政府醫院, 保安超級嚴密, 連我都要戴手帶先可以自由出入, 搭lift 只可以去指定樓層, 入院登記後呀囡一直做檢查唔可以外出醫肚, 韓文bb 班嘅我唯有去便利店買啲快食輕食頂住先🥲

而家一齊喺醫院等待明天... good night😴

Give me five✋🏻

29/06/2025

24小時工作已經開始差不多3個星期, 恭喜新任爸爸歡渡第一個父親節並於同日榮升為貓外公, 而我除咗本身嘅任務更加同時化身為寵物助產士, 協助貓媽媽生產, 4胞胎bbs 順利生產母子女平安。今次可謂喜事重重人寵共融😂 履行職責我嘅身份除咗係專業陪月員、嬰兒保姆更加係寵物助產士&寵物保姆😂 超級開心可以照顧貓貓s 以解決我記掛只可以一個星期見一次嘅寶貝, 絕對係寓娛樂於工作👍🏻

16/06/2025

終於有時間記錄一下, 剛剛6月頭完成1個多月照顧魏媽媽同呀妹紫浠兼顧照顧5歲哥哥煒峯接送校車任務, 好有湊孫feel😂👍🏻 真係好唔捨得離開呢對小兄妹🥺

開心見到魏媽媽👩🏻身體復原咁快又好精神👍🏻 呀👶🏻準時開餐又3得好叻叻💪🏻 由最初輕磅b到後期接近5 kgs👍🏻 魏爸爸魏媽媽同bb辛苦晒🙏🏻 你地同bb一樣都要3得👌🏻 最緊要繼續健康💪🏻 開心😃 快樂🙌🏻

感恩再一次遇到好僱主, 魏爸爸要繼續做好神隊友等媽媽可以鬆一鬆💪 魏爸爸雖然忙碌記得都要停一停休息下😉 永遠用心💝做到最好👍🏻不求回報🙌🏻 感謝你們對我嘅信任同不足嘅包容🙏🏻 祈望每做一個job就多咗班朋友唔係ex僱主✌🏻 友誼永固🤝

祝福魏生、魏太、哥哥煒峯細妹紫浠同所有我照顧過或未來將會照顧的媽媽🤰🏻同bb👶🏻 及家人永遠開心💝 健康💪🏻 快樂🙌🏻 笑口常開😁

我要繼續努力送出bb 滿月禮物🎁祝福滿滿🫶🏻

只係休息2日又開始24小時工作, 努力💪🏻 之前嘅西環而家係西貢, 真有緣嘅無論港島東南新界西北有車到嘅我都會去✌🏻 太遠嘅返24都no problem 架😬

03/03/2025

已經完工2個幾星期, 一向都係完工後未開工前嘅我都係坐唔定無時停係咁反轉間屋大執位, 未完暫停...因為有啲未收貨, hea 下me time 先, Long time no see “My cup of coffee🍮” miss you❣️

剛剛2月中完成照顧李媽媽同twins boy Lucius & Lancelot 差不多4個月最後一天嘅任務✌🏻真係好唔捨得離開4個月時間建立嘅感情同信任嘅關係🥲 同twins 確實有緣, 我嘅結婚紀念日出世, 我嘅生日開工, 一齊渡過聖誕節、元旦、農曆新年、不過有啲唔開心喺情人節同2個小情人分手🥹

開心見到李媽媽👩🏻身體復原咁快又好精神👍🏻 呀👶🏻s準時開餐又3得好叻叻💪🏻 由最初早產輕磅到而家over 5 kgs👍🏻 李爸爸李媽媽同bbs辛苦晒🙏🏻 你地同bbs一樣都要3得👌🏻 最緊要繼續健康💪🏻 開心😃 快樂🙌🏻

感恩再一次遇到好僱主, 李爸爸要繼續做好神隊友等媽媽可以鬆一鬆💪永遠用心💝做到最好👍🏻不求回報🙌🏻 感謝你們對我嘅信任同不足嘅包容🙏🏻 祈望每做一個job就多咗班朋友👨‍👩‍👦‍👦👨‍👩‍👧👪 唔係ex僱主✌🏻 友誼永固🤝

祝福李生、李太、哥哥星皞細佬星禹同所有我照顧過或未來將會照顧的媽媽🤰🏻同bb👶🏻 及家人永遠開心💝 健康💪🏻 快樂🙌🏻 笑口常開😁

感謝李媽媽連食飯同瞓覺時間都無依然為我寫推薦信🫰🏻多謝李家送比我嘅祝福, 我收到晒🙌🏻

我要繼續努力送出bb 滿月禮物🐰🎁祝福滿滿🫶🏻

02/02/2025

2025年蛇年今次係第一年咁輕鬆hea 到初六先開工✌🏻 呢幾日暫時唔做baby sitter, 重操故業做pet sitter, 寓興趣於工作, 照顧完自己屋企班大帝跟住就去姪女屋企照顧佢對寶貝, 由day 1 fe 我打我到今日終於被我嘅耐性同愛心溶化變到要摸摸抱抱😹😽 永遠別人的貓總不會令人失望😸 自己嘅都未試過咁嗲嗲豬🥲

明天一切回復正常✌🏻好掛著無見幾日對孖b 小王子🫶🏻 bbs 媽媽都重回工作崗位👍🏻💪 新一年開工大吉🍊

㊗️李家蛇年🐍 萬事勝意🈵 心想事成🧧身心康泰💪 工作如意👍🏻 bbs 身體健康、聰明伶俐、快高長

29/01/2025

蛇年🐍大年初一收到嘅賀年禮盒🎁 多謝晒🙌🏻 僱主年廿九已經提早送禮, 之前只不過閒談期間隨便提及去台灣鐘意食某牌子食品, 非常開心僱主細心如塵記得我講過微不足道嘅說話👍🏻 超驚喜送盒鳳梨酥比我🫶🏻 心有靈犀呀囡都不約而同送不同風味鳳梨酥, 雖然一定會超標不過我絕不會浪費照單全收👌🏻

♥️恭喜發財❤️
㊗️祝願大家㊗️
🐍蛇年吉祥🐍
🐉龍騰飛躍🐉
🈵萬事勝意🈵
💪🏻身體健康💪🏻
🍊大吉大利🧧

Ting Janet _丁丁

14/04/2026

31/12/2025

11/09/2025

23/08/2025

17/08/2025

12/08/2025

29/06/2025

16/06/2025

03/03/2025

02/02/2025

29/01/2025

Address

Website

Alerts

Shortcuts

Share