ໂຮງຫມໍເດັກ Children's Hospital

15/07/2026

26/06/2026

ພິທີສະເຫຼີມສະຫຼອງ ວັນພະຍາບານສາກົນ ແລະ ວັນສາທາລະນະສຸກແຫ່ງຊາດ ປະຈຳປີ 2026 ທີ່ໂຮງໝໍເດັກ

ໃນວັນທີ 25 ມິຖຸນາ 2026, ໂຮງໝໍເດັກ ໄດ້ຈັດພິທີສະເຫຼີມສະຫຼອງ ວັນພະຍາບານສາກົນ ຄົບຮອບ 206 ປີ ແລະ ວັນສາທາລະນະສຸກແຫ່ງຊາດ ຄົບຮອບ 61 ປີ ຢ່າງເປັນທາງການ. ພິທີດັ່ງກ່າວໃຫ້ກຽດເຂົ້າຮ່ວມ ແລະ ກ່າວເປີດໂດຍ ທ່ານ ດຣ. ໄຊຍະວົງ ບົວທອງທິບ ຜູ້ອຳນວຍການໂຮງໝໍເດັກ ພ້ອມດ້ວຍຄະນະອໍານວຍການ, ຫົວຫນ້າ-ຮອງພະແນກ, ແພດໝໍ, ພະຍາບານ ແລະ ພະນັກງານທົ່ວໂຮງໝໍເຂົ້າຮ່ວມຢ່າງພ້ອມພຽງ.

ພິທີໃນຄັ້ງນີ້ຈັດຂຶ້ນເພື່ອຮ່ວມກັນຫວນຄືນມູນເຊື້ອ ແລະ ປະຫວັດຄວາມເປັນມາຂອງວັນພະຍາບານສາກົນ ແລະ ວັນສາທາລະນະສຸກແຫ່ງຊາດ ພາຍໃນງານ ໄດ້ມີການເລົ່າຄືນປະຫວັດສາດຄວາມເປັນມາ ພ້ອມທັງອ່ານກາບກອນສັນລະເສີນທັງສອງວັນສຳຄັນດັ່ງກ່າວ ເພື່ອຍົກຍ້ອງ ແລະ ຈາລຶກເຖິງຄຸນງາມຄວາມດີ, ຄວາມມານະອົດທົນ ແລະ ນ້ຳໃຈເສຍສະຫຼະຂອງບຸກຄະລາກອນທາງການແພດ ທີ່ໄດ້ອຸທິດຕົນເພື່ອສຸຂະພາບຂອງປະຊາຊົນ.
ນອກຈາກການສະເຫຼີມສະຫຼອງແລ້ວ, ງານໃນປີນີ້ຍັງໄດ້ເນັ້ນໜັກໃສ່ການພັດທະນາຄວາມຮູ້ ໂດຍມີການນຳສະເໜີ ແລະ ແລກປ່ຽນບົດວິໄຈທາງດ້ານວິທະຍາສາດການແພດ ທີ່ຕິດພັນກັບການປິ່ນປົວຕົວຈິງ 3 ຫົວຂໍ້ສຳຄັນ ຄື:
- ການສຶກສາ ແລະ ກວດເລືອດຫາສານທີ່ພາໃຫ້ເກີດພູມແພ້ ໃນກຸ່ມເດັກນ້ອຍອາຍຸຕ່ຳກວ່າ 15 ປີ ທີ່ເຂົ້າມາກວດຢູ່ພະແນກພູມຄຸ້ມກັນວິທະຍາ-ພູມແພ້.
- ການປະເມີນພາວະໂພຊະນາການໃນເດັກທີເປັນມະເຮັງກໍລະນີໃໝ່ຢູ່ໂຮງໝໍເດັກ.
- ການປິ່ນປົວອະໄວຍະວະລອດແອບແອ້ຂາໂດຍການຜ່າຕັດຜ່ານກ້ອງ.
ພ້ອມດຽວກັນນັ້ນ, ຍັງໄດ້ມີການຖອດຖອນ ແລະ ແລກປ່ຽນບົດຮຽນ ທີ່ໄດ້ຈາກການໄປຝຶກອົບຮົມຍົກລະດັບວິຊາສະເພາະຢູ່ຕ່າງປະເທດ ເພື່ອນຳມາໝູນໃຊ້ເຂົ້າໃນການປະຕິບັດງານຕົວຈິງ.
ການຈັດງານໃນຄັ້ງນີ້ ຖືເປັນການຮ່ວມແຮງຮ່ວມໃຈ ບໍ່ພຽງແຕ່ເພື່ອລະນຶກເຖິງວັນສຳຄັນຂອງຂະແໜງການສາທາລະນະສຸກເທົ່ານັ້ນ, ແຕ່ຍັງເປັນໂອກາດອັນດີໃນການແລກປ່ຽນຄວາມຮູ້ ແລະ ເຕັກນິກການປິ່ນປົວໃໝ່ໆ ເພື່ອແນ່ໃສ່ຍົກສູງຄຸນນະພາບການບໍລິການ ແລະ ສ້າງອະນາຄົດທີ່ດີໃຫ້ແກ່ສຸຂະພາບຂອງເດັກນ້ອຍລາວໃນຕໍ່ໜ້າ.ໃນ

09/06/2026

09/06/2026

26/01/2026

ວັນທີ 15 ກຸມພາ ຂອງທຸກໆປີ ໄດ້ຖືກກໍານົດເປັນ “ວັນມະເຮັງເດັກສາກົນ” ເຊິ່ງຖືກສ້າງຕັ້ງຂຶ້ນໃນປີ 2002 ໂດຍສະຫະພັນຄົນເຈັບມະເຮັງເດັກນາໆຊາດ (Childhood Cancer International: CCI) ເພື່ອຍົກສູງຄວາມຮັບຮູ້ຂອງສັງຄົມຕໍ່ພະຍາດມະເຮັງໃນເດັກ ແລະ ສົ່ງເສີມການເຂົ້າເຖິງການປິ່ນປົວທີ່ມີຄຸນນະພາບຢ່າງເທົ່າທຽມ;
ມະເຮັງໃນເດັກ ແມ່ນພະຍາດຮ້າຍແຮງທີ່ເກີດຂຶ້ນໃນເດັກຕັ້ງແຕ່ເກີດໃໝ່ຈົນເຖິງອາຍຸ 15 ປີ ເຊິ່ງມັກເກີດຈາກການກາຍພັນຂອງຈຸລັງໃນຊ່ວງການພັດທະນາ ແລະ ອາດຈະຖືກກະທົບຈາກປັດໄຈສິ່ງແວດລ້ອມ ການຕິດເຊື້ອ ແລະ ສານເຄມີບາງຊະນິດ. ພະຍາດນີ້ຖືກຈັດເປັນໜຶ່ງໃນສາເຫດສໍາຄັນຂອງການເສຍຊີວິດໃນເດັກ ແຕ່ຫາກກວດພົບໄດ້ໄວຈະມີໂອກາດປິ່ນປົວຫາຍດີສູງ;
ຈາກຂໍ້ມູນສະຖິຕິໃນໂຮງໝໍເດັກ ໂດຍສະເລ່ຍມີຄົນເຈັບມະເຮັງໃໝ່ປະມານ 150 ຄົນ/ປີ ແລະ ມີແນວໂນ້ມເພີ່ມຂຶ້ນຢ່າງຕໍ່ເນື່ອງ, ໃນປີ 2025 ພະແນກພະຍາດເລືອດ–ມະເຮັງ ມີຄົນເຈັບມາກວດນອກ 5,251 ເທື່ອຄົນ ແລະ ນອນປີ່ນປົວໃນໂຮງໝໍ 2,784 ເທື່ອຄົນ, ຊະນິດຂອງມະເຮັງທີ່ພົບຫຼາຍ ປະກອບມີ ມະເຮັງເລືອດຂາວ, ມະເຮັງຕ່ອມນໍ້າເຫຼືອງ, ມະເຮັງສະໝອງ ແລະ ມະເຮັງຕາ;
ໃນໂອກາດວັນມະເຮັງເດັກສາກົນ ທາງໂຮງໝໍເດັກຮ່ວມກັບມູນນິທິຊາວພຸດເກົາຫລີເພື່ອສະຫວັດດີການສັງຄົມ (Korean Buddhist Foundation for Social Welfare-KBF) ປະຈຳ ສປປລາວ ແລະ ຜູ້ສະໜັບສະໜູນອື່ນໆ ໄດ້ຈັດກິດຈະກຳ “ວັນມະເຮັງເດັກສາກົນ (International Childhood Cancer Day/ICCD)” ຂື້ນຢູ່ທີ່ ສູນຝືກອົບຮົມແພດເດັກ ໃນວັນທີ 26 ກຸມພາ 2026, ໃນກິດຈະກຳຄັ້ງນີ້ໄດ້ຮັບກຽດເຂົ້າຮ່ວມເປັນປະທານໂດຍ ທ່ານ ດຣ ໄຊຍະວົງ ບົວທອງທິບ ຜູ້ອຳນວຍການໂຮງໝໍເດັກ ພ້ອມດ້ວຍຄະນະ, ທິມງານໂຄງການ ຂອງ KBF ປະຈຳ ສປປລາວ ພະນັກງານແພດໝໍຈາກ ພະແນກພະຍາດເລືອດ-ມະເຮັງ, ຄົນເຈັບພະຍາດມະເຮັງເດັກພ້ອມດ້ວຍຜູ້ປົກຄອງ ແລະ ທີມງານໂຮງໝໍເດັກ, ທີມງານໂຄງການ KBF, ອາສາສະໝັກ.
ພາຍໃນງານພວກເຮົາຈະໄດ້ຈັດກິດຈະກຳຕ່າງໆ ທີ່ຫຼາກຫຼາຍບໍ່ວ່າຈະເປັນ:
1. ໃຫ້ຄວາມຮູ້ທົ່ວໄປກ່ຽວກັບພະຍາດມະເຮັງເດັກ
2. ກິດຈະກຳສົ່ງຕໍ່ຮອຍຍິ້ມ (ຖາມ-ຕອບ)
3. ການສະແດງຫຸ່ນຫັດຖະກຳ
4. ມອບຂອງຂວັນໃຫ້ແກ່ເດັກນ້ອຍ ແລະ ຜູ້ປົກຄອງ

26/01/2026

ກອງປະຊຸມຕິດຕາມການຈັດຕັ້ງປະຕິບັດກິດຈະກຳ ໄລຍະເຄິ່ງໂຄງການ ຕັ້ງແຕ່ ເດືອນ ມັງກອນ 2024 ຫາ ທັນວາ 2025, ຊື່ໂຄງການ “ຍົກລະດັບແພດຜ່າຕັດເດັກກ່ຽວກັບກ້ອນມະເຮັງໃນເດັກ” ລະຫວ່າງໂຮງໝໍເດັກ ແລະ ອົງການເຈແປນຮາດລາວ ເຊິ່ງຈັດຂື້ນໃນວັນທີ 20 ມັງກອນ ທີ່ຜ່ານມາ.
ໂດຍການເປັນປະທານຂອງທ່ານ ດຣ ສຸລິພອນ ສຸດາຈັນ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກ ພ້ອມດ້ວຍ Ms. Ryoko MATSUBARA ຜູ້ຕາງໜ້າອົງການ Japan Heart Laos ແລະ ດຣ ໄຊຍະວົງ ບົວທອງທິບ ຜູ້ອຳນວຍການໂຮງໝໍເດັກ Director of Children’s Hospital.
ເຊິ່ງກອງປະຊຸມໄດ້ມີການລາຍງານການຈັດຕັັ້ງປະຕິບັດ ແລະ ຜົນສໍາເລັດ ບັນດາກິດຈະກຳຕ່າງໆຄື ການຝຶກອົບຮົມເຕັກນິກລະຫວ່າງການຜ່າຕັດ, ການໃຫ້ເຄມີບຳບັດ ໃນຊ່ວງໄລຍະກ່ອນ ແລະ ຫລັງການຜ່າຕັດ, ການຝຶກອົບຮົມພະນັກງານແພດໝໍໂດຍຊ່ຽວຊານມະເຮັງເດັກຈາກຍີ່ປຸ່ນ ທັງແບບ Online ແລະ Offline ຈຳນວນ 21 ຄັ້ງ.

16/01/2026

ໂຮງໝໍເດັກໄດ້ຈັດພິທີສະຫຼຸບຜົນງານ ປີ 2025 ແລະ ທິດທາງແຜນການປີ 2026, ໂດຍການເຂົ້າຮ່ວມຂອງທ່ານ ນາງ ອາພອນ ວິຊາເທບ ຮອງລັດຖະມົນຕີກະຊວງສາທາລະນະສຸກ ພ້ອມດ້ວຍ ທ່ານ ດຣ ໄຊຍະວົງ ບົວທອງທິບ ຜູ້ອໍານວຍການໂຮງໝໍເດັກ ແລະ ຮອງຜູ້ອຳນວຍການ, ຄະນະພະແນກ ຮອງພະແນກ, ພະນັກງານແພດໝໍ, ຜູ້ຕາງໜ້າຈາກໂຮງໝໍສູນກາງ, ຕາງໜ້າຈາກຫ້ອງການກະຊວງ, ກົມ, ສູນ ແລະ ພະນັກງານອາວຸໂສບຳນານກໍ່ໄດ້ເຂົ້າຮ່ວມ. ຈາກນັ້ນກໍ່ໄດ້ຂື້ນຜ່ານບົດສະຫຼຸບ ປີ 2025 ແລະ ວາງທິດທາງແຜນການປີ 2026, ໄດ້ຜ່ານຫົວຂໍ້ແຂ່ງຂັນຮັກຊາດ ແລະ ພັດທະນາ ພະແນກທີ່ເດັ່ນປີ 2025 ແລະ ມອບລາງວັນ ແລະ ໄດ້ຜ່ານຂໍ້ແຂ່ງຂັນຮັກຊາດ ແລະ ພັດທະນາປີ 2026, ໄດ້ມີການຈັບມືແຂ່ງ
ຂັນ, ຕອນທ້າຍ ທ່ານ ຮອງລັດຖະມົນຕີ ກໍ່ໄດ້ມີຄຳເຫັນ ໂດຍໄດ້ເນັ້ນໃຫ້ໂຮງໝໍເດັກສືບຕໍ່ສ້າງຮັກສາມູນເຊື້ອອັນດີງາມ, ສືບຕໍ່ຄວາມສາມັກຄີຮັກແພງພໍ່ແມ່ປະຊາຊົນຜູ້ທີ່ມາຮັບບໍລິການ ໃຫ້ສົມກັບຄຳທີ່ວ່າ 5 ດີ 1 ພໍໃຈ ທີ່ ກະຊວງສາທາລະນະສຸກໄດ້ວາງອອກ.

30/12/2025

👏 ໂຮງໝໍແມ່ ແລະ ເດັກເກີດໃໝ່ ໃຫ້ບໍລິການ
ເຮັດເດັກໃນຫລອດແກ້ວ ສຳລັບຄົນມີລູກຍາກ !

ໂຮງໝໍແມ່ ແລະ ເດັກເກີດໃໝ່ ເປີດໃຫ້ບໍລິການປິ່ນປົວເຕັກນິກວິທະຍາສາດ ຊ່ວຍຈະ ເລີນພັນໃຫ້ມີການຖືພາ (ເດັກໃນຫລອດແກ້ວ) ຂອງພະແນກປະສົມພັນທຽມ ລະຫວ່າງ ໂຮງໝໍແມ່ ແລະ ເດັກເກີດໃໝ່ ກັບ ບໍລິສັດ ຄວາມຫວັງໃໝ່ ຈຳກັດຜູ້ດຽວ ຊຶ່ງພິທີເປີດຢ່າງເປັນທາງການ ຈັດຂຶ້ນໃນວັນທີ 28 ທັນວາ 2025 ທີ່ໂຮງໝໍແມ່ ແລະ ເດັກເກີດໃໝ່ ໂດຍມີ ທ່ານ ບຸນແຝງ ພູມມະໄລສິດ ອະດີດລັດຖະມົນຕີກະຊວງສາທາລະນະສຸກ, ທ່ານ ອານີໄຊ ຫົວໜ້າບໍລິສັດ ຄວາມຫວັງໃໝ່, ພ້ອມດ້ວຍຄະນະຜູ້ອຳນວຍການໂຮງໝໍແມ່ ແລະ ເດັກເກີດໃໝ່ ເຂົ້າຮ່ວມ.

ການເຮັດເດັກໃນຫລອດແກ້ວ (IVF-In Vitro Fertilization) ແມ່ນເຕັກໂນໂລຊີທາງການແພດທີ່ທັນສະໄໝ ຊຶ່ງຈະສາມາດຊ່ວຍຄູ່ຜົວ-ເມຍທີ່ບໍ່ສາມາດມີລູກໄດ້ຕາມທຳມະຊາດ ຊຶ່ງຂະບວນການດັ່ງກ່າວ, ຈະໄດ້ນຳເອົາໄຂ່ຂອງແມ່ ມາປະສົມກັບອະນຸພັນ (ນໍ້າອະສຸຈິ) ຂອງພໍ່ຢູ່ນອກຮ່າງກາຍ (ໃນຫ້ອງທົດລອງ). ຈາກນັ້ນ, ຈຶ່ງນຳເອົາຕົວອ່ອນທີ່ມີຄຸນນະພາບດີ ກັບຄືນເຂົ້າມົດລູກຂອງແມ່.

ການປິ່ນປົວດ້ວຍວິທີດັ່ງກ່າວ, ມີປະໂຫຍດຫລາຍຢ່າງ ເຊັ່ນ: ຜູ້ທີມີບັນຫາທໍ່ນຳສົ່ງໄຂ່ອຸດຕັນ, ອະນຸພັນອ່ອນແອ ແລະ ສາເຫດອື່ນໆ ທີ່ເຮັດໃຫ້ບໍ່ສາມາດຖືພາໄດ້ຕາມທຳມະຊາດ. ພ້ອມນີ້, ຍັງເພີ່ມໂອກາດການຖືພາ ໂດຍສະເພາະ ແມ່ຍິງທີ່ມີອາຍຸຫລາຍຂຶ້ນ ຫລື ມີບັນຫາສຸຂະພາບທີ່ສົ່ງຜົນຕໍ່ການມີລູກ, ປ້ອງກັນພະຍາດທາງພັນທຸກຳ, ສາມາດກວດກາຕົວອ່ອນກ່ອນນຳເຂົ້າມົດລູກ ເພື່ອຫລີກລ່ຽງພະຍາດທາງພັນທຸກຳບາງຊະນິດ.

ຂປລ