Laboratory Setup & Quality Services

Laboratory Setup & Quality Services Contact information, map and directions, contact form, opening hours, services, ratings, photos, videos and announcements from Laboratory Setup & Quality Services, Medical Lab, Khartoum, Khartum.

🛑 عدد العينات ما زاد... لكن المحاليل بتخلص أسرع!الجهاز شغال، والـQC كويس، وعدد العينات تقريبًا ثابت...لكن في نهاية الشهر...
20/08/2026

🛑 عدد العينات ما زاد... لكن المحاليل بتخلص أسرع!

الجهاز شغال، والـQC كويس، وعدد العينات تقريبًا ثابت...

لكن في نهاية الشهر بتلقى استهلاك المحاليل أعلى من المعتاد. 😐

هنا السؤال ما بس:
"المحلول غالي؟"

السؤال الأهم:

وين الزيادة حصلت أصلًا؟

لأن النزيف أحيانًا يا احبابنا ما بيكون واضح في فاتورة واحدة.

لانو ممكن يكون بسبب :
🔹 هدر أثناء التشغيل
🔹 تكرار بعض الفحوصات
🔹 أخطاء في الـWorkflow
🔹 أو طريقة تشغيل محتاجة مراجعة

💡عشان كده بنقول ليكم قبل ما تعتبرو الزيادة أمر طبيعي وعادي، قارنو الاستهلاك بعدد العينات الفعلية العندكم وحاولو تحددو مصدر الفرق بينهن.

عايزين جواب من خبراتكم وتجاربكم لو عدد العينات ثابت، لكن استهلاك المحاليل زاد…
شنو أول نقطة بتراجعوها عشان تعرفو سبب الزيادة؟

🔍


🔧 زي ما وعدناكم... شوفوا الفرق بعد التنظيف 👇في البوست الفات، شاركناكم حالة الجهاز من الداخل قبل بدء العمل عليه.والآن دي ...
18/08/2026

🔧 زي ما وعدناكم... شوفوا الفرق بعد التنظيف 👇

في البوست الفات، شاركناكم حالة الجهاز من الداخل قبل بدء العمل عليه.

والآن دي الصور بعد عملية التنظيف.

ولازم تعرفو انو الفرق ما دايمًا بيكون واضح من الخارج...

عشان كده، قبل ما نحكم إنو الجهاز محتاج تغيير أو إنو حالته ما بقت مناسبة، المعاينة والفحص من الداخل خطوة مهمة.

💡 رساله لأصحاب ومديري المعامل:

قبل اتخاذ قرار استبدال جهاز أو تخصيص ميزانية جديدة، خلّوا التقييم الفني يحدد ليكم أولاً:

هل المشكلة محتاجة تنظيف؟
صيانة؟
تغيير جزء؟
ولا فعلاً الجهاز وصل لنهاية عمره؟

⚙️ ولأهل الميدان والخبرات:

التفاصيل الصغيرة البتراجعوها أثناء الصيانة الدورية ممكن تكون مهمة جدًا في الحفاظ على الجهاز واستمرارية العمل.

📸 الصور من حالة ميدانية حقيقية.

👇 لو عندك جهاز في المعمل حالته محتاجة تقييم، اكتب نوع الجهاز والمشكلة في التعليقات وحنساعدك بافضل ما يمكن بإذن الله.




الجهاز من بره كان نظيف و لما فتحناه من جوة كانت الصدمة😱⛔دي صور حقيقية للجهاز ده فيهو بعض المشاكل واجهتنا مؤخرًا اثناء ...
16/08/2026

الجهاز من بره كان نظيف و لما فتحناه من جوة كانت الصدمة😱⛔

دي صور حقيقية للجهاز ده فيهو بعض المشاكل واجهتنا مؤخرًا اثناء العمل ، وبتوضح جزء من الحالة قبل بدء العمل عليها.

لكن السؤال الأهم:
هل الجهاز كان محتاج تغيير؟
ولا كان ممكن يرجع لحالة أفضل بعد التأهيل والمراجعة؟ 👀

📸 الصور من حالة ميدانية حقيقية.

خلونا نوقف هنا…

النتيجة والصور بعد الشغل في المنشور الجاي إن شاء الله. 👇

خليكم قريبين من الصفحة عشان تشوفو الفرق بنفسكم.




🧪 الجمعة دي... خلي سؤالك على الطاولة.عندك حاجة محيّراك في تشغيل المعمل؟جهاز ما فاهم سلوكه؟مشكلة بتتكرر؟هدر في المحاليل؟Q...
14/08/2026

🧪 الجمعة دي... خلي سؤالك على الطاولة.

عندك حاجة محيّراك في تشغيل المعمل؟

جهاز ما فاهم سلوكه؟
مشكلة بتتكرر؟
هدر في المحاليل؟
QC ما ماشي بالصورة المتوقعة؟
أو حتى سؤال إداري عن تشغيل المعمل وجودته؟

💬 اكتب سؤالك في التعليقات.

د. حسام موجود اليوم، وحنحاول نجاوب على أكبر عدد ممكن من الأسئلة من واقع الخبرة العملية.

ما محتاج تصيغ السؤال بطريقة علمية 😄
اكتب المشكلة زي ما بتواجهك في المعمل، ونحن نرتبها معاك.

👇 ابدأ بسؤالك... ونسأل الله الاعانه والتوفيق والسداد لنا ولكم ✨



🛑 لو الجهاز شغال، والمحلول مليان، والنتيجة شاذة... أول حاجة بتراجعها شنو؟في بوست اول أمس، إجاباتكم كانت متنوعة ومهمة ش...
13/08/2026

🛑 لو الجهاز شغال، والمحلول مليان، والنتيجة شاذة... أول حاجة بتراجعها شنو؟

في بوست اول أمس، إجاباتكم كانت متنوعة ومهمة شديد👏

زي العينة، الـCalibration، الـQC، الـWash...
وكلها كانت خطوات مهمة في تشخيص النتائج غير المنطقية.

لكن تعالو تعالو في الحالة الحقيقية الكنا بنتكلم عنها...

الخلل ما كان في المحلول.

لانو بعد المراجعة، اتضح إن المشكلة كانت في جزء دقيق داخل الجهاز:

🔴 الـSensor

والغريب إن المشكلة ما كانت واضحة من البداية على إنها عطل في الجهاز.

💡عشان كده الدرس العملي المستفاد من هنا:

انو ما كل نتيجة شاذة معناها المحلول انتهى،
وما كل مشكلة في النتيجة معناها إن الجهاز كله فيه عطل.

أحياناً التشخيص الصحيح يبدأ من تضييق الاحتمالات خطوة بخطوة، بدل تغيير المحلول أو استبدال أجزاء بدون دليل.

👇 سؤال لأهل الخبرة:

لو شكّيت إن المشكلة مرتبطة بالـSensor،
شنو أول خطوة عملية بتعملها عشان تضيق الاحتمالات قبل ما تتجه للصيانة؟

اكتب لينا خطوة واحدة فقط من واقع خبرتك.

يمكن خطوتك توفر على فني تاني وقت ومحلول وتساعده يصل للسبب في اسرع وقت بإذن الله.





🛑 الجهاز شغال... والمحلول مليان... لكن النتيجة ما منطقية نهائياً!​في حالة واجهتنا مؤخراً، كان كل شيء ظاهرياً سليم، وبعد ...
11/08/2026

🛑 الجهاز شغال... والمحلول مليان... لكن النتيجة ما منطقية نهائياً!

​في حالة واجهتنا مؤخراً، كان كل شيء ظاهرياً سليم، وبعد الفحص اتضح إن المشكلة ما كانت في المحلول أصلاً، بل في قطعة تانية داخل الجهاز!

​السؤال لأهل الخبرة 👇
​لو كنت مكان الفني، وطلعت ليك نتيجة شاذة.. أول حاجة حتراجعها شنو قبل ما تقول: "المشكلة من المحلول"؟

​🔹 العينة؟
🔹 الـ Sensor؟
🔹 الـ Calibration (المعايرة)؟
🔹 ولا حاجة تانية؟

​اكتب أول احتمال بتفكر فيه 👇 وبكرة بإذن الله بنكشف ليكم القطعة اللي كانت السبب وكيف عالجناها...

​


🛑 رقم صغير في الجهاز... ممكن يغيّر النتيجة كلها!في الحلقة السابقة، وصلنا سؤال مهم من أحد المتابعين:««كيف نطلع الـ Calcul...
09/08/2026

🛑 رقم صغير في الجهاز... ممكن يغيّر النتيجة كلها!

في الحلقة السابقة، وصلنا سؤال مهم من أحد المتابعين:

««كيف نطلع الـ Calculation Factor؟»»

والسؤال ده مهم لأن الـ Calculation Factor ما مجرد رقم بنكتبو ونمشي.

أي خطأ في إدخاله أو مراجعته ممكن يأثر على النتائج، حتى والجهاز شغال والـQC ناجح وما ظهر أي Error واضح.

وهنا المشكلة الحقيقية...

ممكن تكون كل حاجة ظاهرياً تمام:

✅ الجهاز شغال.
✅ الـQC مقبول.
✅ المحاليل سليمة.
❌ لكن قيمة واحدة في الإعدادات غير صحيحة.

والنتيجة؟

الجهاز ممكن يواصل الشغل، لكن النتائج تطلع مختلفة عن الوضع الصحيح.

💡 عشان كده، قبل ما نقول: «الجهاز فيه مشكلة»... لازم نراجع الإعدادات قبل كلو شي.

خصوصاً:

🔹 الـSettings
🔹 الـCalibration
🔹 الـCalculation Factors
🔹 وطريقة إدخال ومراجعة القيم.

👇 وسؤالنا لأهل الخبرة:

لو ظهرت معاك نتيجة ما منطقية والجهاز ما أداك أي Error...

شنو أول حاجة بتراجعها قبل ما تتهم الجهاز؟

اكتب حاجة واحدة فقط من واقع خبرتك 👇

وبكرة نواصل إن شاء الله من إجاباتكم... ونشوف وين ممكن يكون الخطأ البسيط البخلّي المشكلة تكبر بدون ما ننتبه ليها.





🌹✨🌹بفضل الله اولا واخرا... ثم بدعمكم وثقتكم، تجاوزت صفحة Laboratory Setup & Quality Services أكثر من 1000 متابع.كل تعليق...
07/08/2026

🌹✨🌹بفضل الله اولا واخرا... ثم بدعمكم وثقتكم، تجاوزت صفحة Laboratory Setup & Quality Services أكثر من 1000 متابع.

كل تعليق، وكل مشاركة، وكل سؤال منكم كان سبباً في استمرارنا وتطوير المحتوى.

هدفنا من البداية لم يكن مجرد نشر معلومات، بل بناء مرجع عملي يساعد العاملين في المعامل على تقليل الأخطاء التشغيلية، ورفع جودة العمل، والاستفادة من الخبرات الواقعية.

ونعدكم بإذن الله أن القادم سيكون أقوى...

🔹 حالات حقيقية من أرض الواقع.
🔹 حلول عملية مبنية على الخبرة.
🔹 وسلسلة نزيف المعامل ستستمر معكم بأفكار أكثر عمقاً وفائدة.

شكراً لكل من دعم الصفحة، وشارك منشوراتها، أو أثرى النقاش بتجربته.

نسأل الله أن يجعل هذا العلم نافعاً، وأن يوفقنا لتقديم محتوى يستحق ثقتكم. 🌹



🛑 سلسلة نزيف المعامل | الحلقة (18)في الحلقة السابقة اتفقنا إن إعادة الفحص ما معناها دائماً إن الجهاز فيه مشكلة...واليوم ...
05/08/2026

🛑 سلسلة نزيف المعامل | الحلقة (18)

في الحلقة السابقة اتفقنا إن إعادة الفحص ما معناها دائماً إن الجهاز فيه مشكلة...

واليوم دي حالة حقيقية من الميدان.

📷 أثناء مراجعة أحد أجهزة الكيمياء الحيوية، كانت النتائج ظاهرياً غير مطابقة بالشكل المطلوب.

في البداية، كان ممكن أي زول يظن إن المشكلة من الجهاز نفسو.

لكن بعد مراجعة خطوات التشغيل والمعايرة...

تم اكتشاف أن السبب الحقيقي كان خطأ في إدخال قيمة الـ Calculation Factor.

✅ بعد تصحيح القيمة...

رجعت النتائج للوضع الصحيح، وأصبحت أكثر دقة واعتمادية.

💡 الدرس هنا :

قبل ما نوجّه الاتهام للجهاز...

لازم نراجع اول الإعدادات (Settings)، والمعايرة (Calibration)، وعوامل الحساب (Calculation Factors)، لأن خطأ بسيط فيها ممكن يغيّر النتائج بالكامل.

👇وقبل ما نختم البوست ده عندنا سؤال لأهل الخبرة:

لو جاتك حالة مشابهة...

شنو أول إعداد أو قيمة بتراجعها قبل ما تعتبر إن المشكلة من الجهاز؟

شاركنا بخبرتك، عشان الناس كلها تستفيد ...

📌 الحلقة الجايه بإذن الله حنناقش حالة مختلفة، والسبب الحقيقي فيها كان أبعد مما تتخيلو .





🛑 سلسلة نزيف المعامل | الحلقة (17)في الحلقة الفاتت…من اهم التعاليق الوصلتنا كان:"إعادة الفحص أكثر من مرة."والحقيقة…👏 دي...
03/08/2026

🛑 سلسلة نزيف المعامل | الحلقة (17)
في الحلقة الفاتت…

من اهم التعاليق الوصلتنا كان:

"إعادة الفحص أكثر من مرة."
والحقيقة…

👏 دي واحدة من أكتر الأسباب البتعمل نزيف خفي للمحاليل داخل المعامل.

لكن السؤال الأهم:
ليه أصلاً احنا بنوصل لإعادة الفحص؟

في أغلب الحالات، المشكلة ما بتكون في الجهاز.
بتبدأ قبل كده بوقت طويل…

🔹 عينة غير مناسبة.
🔹 خطأ في إجراءات التشغيل.
🔹 إعداد غير صحيح.
🔹 أو تجاهل خطوة بسيطة في المراجعة اليومية.
ولما المشكلة ما تتحل من جذورها...
بتبدأ سلسلة من الخسائر:
❌ إعادة فحص.
❌ استهلاك محاليل زيادة.
❌ تأخير في النتائج.
❌ وزيادة تكلفة التشغيل.

💡 الفرق بين المعمل المحترف والمعمل العادي:
المعمل المحترف ما بيسأل:
"كيف أعيد الفحص؟"
لكن بيسأل:

"كيف أمنع إعادة الفحص من الأساس؟"
👇 سؤال للنقاش:

في رأيكم... شنو أكتر سبب بيؤدي لإعادة الفحص داخل المعامل من واقع خبرتكم؟
أكتبوا. سبب واحد فقط.
غداً بإذن الله حنشارك حالة حقيقية من الميدان، وكيف كان الجميع بيظن أن المشكلة في الجهاز... لكن السبب الحقيقي كان مختلف تمامًا.

Address

Khartoum
Khartum
11111

Website

Alerts

Be the first to know and let us send you an email when Laboratory Setup & Quality Services posts news and promotions. Your email address will not be used for any other purpose, and you can unsubscribe at any time.

Shortcuts

Share

Category