14/12/2025
🤔❓ශ්වේත ප්රදර හෙවත් සුද යාම ගැන ඔබ දැනුවත්ද?
වර්තමානයේ දී කාන්තාවන් අතර බහුල ලෙස පවතින තත්වයක් වන සුද යාම, ඇඟ උණු කරවා යාම ලෙස සාමාන්ය ව්යවහාරයේදී හඳුන්වනු ලබන අතර බටහිර වෛද්ය විද්යාවේදී Leukorrhea ලෙස හඳුන්වයි. අද අපි ඒ ගැන කතා කරමු.
බොහෝවිට තරුණ ගැහැණු ළමුන් බොහෝ පිරිසක් මේ තත්වයෙන් ශාරීරිකව ද මානසිකව ද පීඩා විඳිති
කාන්තා රෝග යටතට ගැනෙන මෙම රෝගය, විවාහක අවිවාහක භේදයකින් තොරව කාන්තාවන්ට සෑදිය හැකිය.
රෝග ලක්ෂණ
✳️යෝනි මාර්ගය තුළින්
සුදු හෝ කහ පැහැති
දුර්ගන්ධයක් සහිත
උකු ද්රාවණයක් පිටවීම
✳️යෝනිය ආශ්රිත කැසීම
ඖෂධ නොමැතිව ප්රාථමික අවධියේ දී සුවකර ගැනීමේ හැකියාව තිබුනත්, වැරදි චර්යාවන් හා මෙම වෛද්ය උපදෙස් නොගෙන සැඟවීම නිසා එය වර්ධනය වී අධික පීඩාකාරී අවස්ථාවක් දක්වා වර්ධනය වීම බොහෝ සෙයින් සමාජයේ දැකිය හැකියි.
පියවර තුනක් යටතේ මෙය විග්රහ කළ හැක.
පියවර 01 - රෝගී නොවන සාමාන්ය තත්වය
සාමාන්යයෙන් ගැහැණු දරුවකු වැඩිවියට පත් වීමෙන් පසුව මාසික ඔසප්වීමට දින කිහිපයකට පෙර යෝනි මාර්ගයෙන් යම්කිසි අවර්ණ ශ්රාවයක් නිකුත්වීම මෙන්ම ලිංගික උත්තේජනයක් ඇතිවූ පසු යම් ශ්රාවයක් යෝනි මාර්ගයෙන් පිටවීම රෝගී තත්වයක් නොවේ. මෙහිදී වතුර වැනි සාමාන්ය ශ්රාවයක් පිට වේ.
පියවර 02 - සුද යාම
මේ අවස්ථාවේදී සාමාන්ය ශ්රාවයට වඩා වෙනස් ලෙස සුදු පැහැයට හුරු ඝනකම වැඩි දුර්ගන්ධයක් නැති ශ්රාවයක් නිකුත් වේ.
මේ තත්වයට හේතු ලෙස,
🔷 උෂ්ණාධික ශරීරයක් තිබීම
🔷 සමහර ඖෂධ වර්ග
🔷 සිරුරේ ප්රතිශක්තිය හීන වීම
🔷 දියවැඩියාව ආදී රෝග තත්ව
🔷 මානසික ආතතිය යනාදිය දැක්විය හැකිය.
ආහාරපාන, ඇවැතුම් පැවැතුම් මඟින් බොහෝදුරට මෙම තත්වය පාලනය කළ හැකිය.
🚫ඉස්සන්, දැල්ලන්, දෙල්, බලමාළු වැනි උෂ්ණාධික ආහාර, ක්ෂණික ආහාර, වැඩිපුර කුළුබඩු එකතු කරන ලද ආහාර, කෘතිම ආහාර මෙහිදී අහිතකර වේ.
පියවර 03 - සංකීර්ණ අවස්ථාව
මෙහිදී සුද යාම දරාගත නොහැකි, පීඩාකාරී තත්වයකට පත්වෙයි. එදිනෙදා වැඩ කටයුතු වලට බාධා පැමිණේ. ඝනකම අධික, අව පැහැ ගැන්වුන, දුගඳ සහිත ස්රාවයක් පිටවීම. යෝනිය ආශ්රිතව අධික ලෙස කැසීම ඇතිවේ.
උපදෙස්
🩺මෙහි දී යෝනි මාර්ගය ආශ්රිතව නිරන්තරයෙන් තෙත්ව පවතින නිසා,යට ඇඳුම් නිරන්තරයෙන් මාරු කරමින් එම ප්රදේශය නිසි පරිදි සෝදා වියළිව තබා ගැනීම,
🩺 යට ඇඳුම් හොඳින් සෝදා තද අව්වේ වේලා ගැනීම
🩺පිරිසිදු කපු යට ඇඳුම් භාවිතා කිරීම මගින්
අනවශ්ය ලෙස ක්ෂුද්රජීවීන් වර්ධනය වීමට ඇති හැකියාව අවම කර ගත හැකිය
බාහිර හා අභ්යන්තර සාර්ථක ආයුර්වේද ප්රතිකාර මඟින් මෙම රෝගය සති 3ක් වැනි කෙටි කාලයකින් සුව කරගත හැක.
රෝගයේ මූලික අවස්ථාවේදීම නිසි ප්රතිකාර වලට යොමුවීමෙන් රෝග තත්ත්වය ඉක්මනින් සුවකල හැකි අතර රෝගී තත්වයේ ත්රීව්රතාවය හා පැවති කාලය් අනුව ප්රතිකාර ලබාගත යුතු කාල සීමාව තීරණය වේ.
Dr. Nisansala Jayasekara
BAMS .Hons (UOC)
SAHAS AYURVEDA MEDICAL CENTRE
Pokunuwita.
📞0771539252
