08/01/2026
දිනයට හා එදින නැකතට අනුව සුබ දිශාව තීරණය කිරීම
2026-04-23බ්රහස්පතින්දා උදෑසන් කාලය බොහෝ සුබ කටයුතු සදහා යොදාගත හැක.
දිනය බ්රහස්පතින්දා වන අතර පුනාවස නැකතේ තුන්වන පාදය උදාවී ඇත.
එදින උදේ 09,10,ආදි පැය තුළ යෙදෙන වෘෂභය හා මිථුන රාශි පාදක කරගෙන් මෙම සුබ මුහුර්ත යෙදෙනු ඇත.
මෙදිනට සුබ දිශාව කුමක්දැයි විමසමු
--------------------------------
සඳු මිථුනයේ බැවින් සුබ දිසාව බටහිර වේ.
මරු සිටින්නේ දකුණේ බැවින් මෙය සාක්ෂාත් වේ.
නමුත් සමාජ මතය වෙනස් කිරීමට ඇති බිය නිසා බටහිර බැහැර කලා යැයි මොහොතකට සිතමු.
ඒ අනුව සුබ දිසාව වියයුත්තේ කුමදැයි තීරණය කරමු.
පැරණි උපදේශයන් අනුව සඳුට සම්මුඛ දිශාව හෝ සඳුට දකුණත සිටින සේ යොදාගත යුතුය.
එනම් බටහිර හෝ දකුණ විය යුතුය .
ඒ දෙකම යොදාගැනීමට හැකියාවක් නොමැති බව ඉහත කී නීතීන් අනුව පැහැදිලිය .
එසේ නම් සුබ දිශාව විය යුත්තේ කුමක්ද?
ඊළග නීතිය අනුගමනය කරමු.
තත්කාල කේන්ද්ර සටහනේ සඳු සිටින භාවය අනුව දිශාව තීරණය කළ යුතුය.
කේන්ද්රයේද1-4-7-10 භාව වලට අදාළ දිශාවන් පිළිවෙළින්
නැගෙනහිර-උතුර-බටහිර-දකුණ වේ.එම හතර කේන්ද්රයට දෙපසින් ඇති භාවයන්ටද 1-4-7-10 ට හිමි දිශාවන්ම අයත් වේ.
මේ අනුව එදින සඳු සිටින්නේ ලග්න භාවයට අදාළව බැවින් සඳුගේ දිශාව නැගෙනහිර බව පැහැදිළිය.
ඒ අනුව එදිනට සුබ දිශාව ලෙස ගත යුත්තේ නැගෙනහිර වේ. එසේ තිබියදී සුබ දිශාව උතුර ලෙස ගැනීමට හේතු වූ තර්කය කුමක්ද?මේ ගැන සාකච්ඡාවට ලක්වන්නේ නම් යෝග්යය වේ.ස්තුතියි!
සෝමසිරි හේරත්
