26/06/2026
කම්මැලි නොවී කියවන්න
මොනරාගල දිසා සෞඛ්ය වෛද්ය නිලධාරි කාර්යාලෙ මානසික සෞඛ්ය අංශය විදියට අපි පහුගිය මාස කීපයේ ඉස්කෝල වලට ගිහින් ලමයි එක්ක වැඩසටහන් කරද්දි ලබපු අත්දැකීම් නිසා මේ ගැන කතාකරන්න ඕන කියල හිතුව.
"ගංජා කියන්නෙ බෙහෙතක් කියල හිතන අය අත උස්සන්න " කියල කිවුවම ලමයින්ගෙ 60-70% ක් කිසිම පැකිලීමකින් තොරව අත උස්සනව.(වැඩිහිටියන් එක්ක කරන වැඩසටහන් වල තත්වයත් ඕකම තමයි)
ළමයින් අතර ,ගංජා ගැන තියෙන වැරදි අවබෝධය අපේ හිත්වල ලොකු තිගැස්මක් ඇතිකරනව.
*එතකොට ගංජා බෙහෙත් වලට ගන්නව කියන්නෙ බොරුද?*
ගංජා ශාකයේ කොටස් *සීමිත* ආයුර්වේද බෙහෙත් ප්රමාණයකට පාවිච්චි කරනව..හැබැයි ඒ ගන්නෙ ගංජා වල තියෙන විශ කොටස් විවිධ ක්රම වලින් ඉවත් කරල ඖෂධීය ගුණය විතරක් නිස්සාරණය කරල.ඒක කරන්නෙ ඉතාම පාලනයක් ඇතිව.
වැඩිදුර දැනුමට...
ගංජා ශාකයේ ප්රධාන රසායනිකයන් දෙකක් තියෙනවා
➡️CBD (Cannabidiol): මෙයින් මත් ගතියක් ඇති වෙන්නේ නැහැ. වෛද්ය විද්යාවට බහුලව ගන්නේ මේ කොටසයි.
➡️THC (Tetrahydrocannabinol): මත් ගතිය ඇති කරන්නේ මේ රසායනයෙන්.මේ තමයි ගංජා වල විශ කොටස
*ඉතිං ඖෂධීය ගුණ තියෙනව නම් ගංජා බොන එක හොද නැද්ද?*
නැහැ
කලින් කිවුව වගේ බෙහෙත් වලට ගන්නෙ මේකෙ තියෙනෙ ඖෂධීය ගුණය විතරක් වෙන් කරල.විශ අයින් කරල.
*ගංජා බොනකොට ඔය විශ කොටස් අපේ ඇගට අනිවාර්යයෙන්ම ඇතුල් වෙනව.*
අනික බෙහෙත් වලදි පාවිච්චි කරන්නෙ නියමිත මාත්රාවක් පමණයි.ඒ ගැන දැනුම තියෙන වෛද්යවරයෙක් ඒක තීරණය කරන්නෙ.මත් වෙන්න මේක ගන්න කෙනෙක්ගෙ ඇගට විශ කොටස් වගේම බෙහෙත් කොටසුත් පාලනයකින් තොරව ඇතුල් වෙනව.ගංජා වල බෙහෙත් කොටස වුනත් පාලනයකින් තොරව ඇගට ඇතුල් වෙන එක හානිකරයි.
ඒක හරියට මේ වගේ.අපි හැමෝම දන්නව පැරසිටමෝල් බෙහෙතක්,ඒක නරක දෙයක් නෙවෙයි.හැබැයි අපේ වයස ,බර අනුව දවසකට ගන්න පුලුවන් උපරිම ප්රමානයක් තියෙනව.අපි වැඩිපුර පැරසිටමෝල් ගත්තොත් අක්මාව නරක් වෙනව.
*ගංජා බිවුවම මොකද වෙන්නෙ?*
කතා දෙකක් නෑ ,මානසික රෝග හැදෙනව.
ප්රධාන වශයෙන් භින්නෝන්මාදය(Schizophrenia ) කියන මානසික රෝගය හැදෙනව.ඊට අමතරව කාංසාව,විශාදය,අධික සැකය,මානසික ආතතිය වගේ සියලුම නරක මානසික තත්ව/රෝග වලට ගංජා භාවිතය හේතු වෙනව.
සාමන්ය කෙනෙක්ට වඩා ගංජා බොන කෙනෙක්ට මේ මානසික රෝග ඇතිවෙන්න තියෙන ඉඩකඩ 400% කට වඩා වැඩියි.
*ගංජා බොන වැඩිහිටියො කියනව 'අපිට ඔය ලෙඩ නෑ' කියල* .
ගංජා බිවුවට අවුලක් නෑ කියන අය ඉදිරිපත් කරන එක හේතුවක් මේක.
එකක් ,ගංජා හොදයි කියල කියන්න හදන කෙනෙක් තමන්ට තියෙන නරක බලපෑම් ප්රසිද්ධියේ කියන්නෙ නෑ.සමහර විට තමන්ට මානසික රෝගයක් තියෙනව කියල ඔවුන් දන්නෙ නෑ,නැත්නම් පිලිගන්නෙ නෑ.
අනික වැඩිහිටි මොලයකට මේ හානිය වෙන්නෙ හෙමින්.එක දිගට ගොඩ කාලයක් ගංජා භාවිතා කරද්දි මේ මානසික රෝග හැදෙනව.ඒක වලක්වන්න බෑ.
*'ගංජා' මොන විදියකින් හරි හොදයි කියල උත්කර්ෂයට නංවන එකේ නරම පැත්ත මේකයි*...
මනුෂ්යයෙක්ගෙ මොලය වැඩිහිටියෙක් ගෙ ගානට වර්ධනය වෙන්න අවුරුදු 25 ක් විතර යනව.වයස 25 ට අඩු හැමෝගෙම මොලය සම්පූර්ණ වෙලා නෑ.
මේ වර්ධනය වෙන මොලයට ගංජා වලින් කරන හානිය ,වැඩිහිටි මොලයකට කරන හානියට වඩා ඉතා වැඩියි.
ලමයෙක් ගංජා භාවිතයට යොමු වුනොත් ඔවුන්ට ,අර කලින් කියපු මානසික රෝග වැඩිහිටියෙක්ට වඩා ඉක්මනින් හැදෙනව.අනික ඒ අය ඉක්මනින් මේකට ඇබ්බැහි වෙනව.
*මම වෛද්යවරයෙක් විදියට දැකල තියෙන, තරුණ වයසෙ මානසික රෝග හැදුනු අය අති බහුතරයක් ගංජා පාවිච්චි කරපු,ඒකට ඇබ්බැහි වුනු අය*
' ගංජා බෙහෙතක් ' කියන මතය අපේ ඔලු වලට දාල තියෙන්නෙ මහා පරිමාණ දුම්කොල ,සිගරට් සමාගම්.අපිට නොදැනෙන්නෙ ඒක කෙරෙනව.
ඒකට හේතුව ලෝකය පුරා දුම්වැටි භාවිතය දැන් අඩුවෙමින් යන්නෙ.ඒ සමාගම් වල ඊලග ව්යාපාරය තමයි 'ගංජා'ඒකට මේ සමාගම් ඩොලර් මිලියන ගනන් වියදම් කරනවා.නලු නිලියො,ගායකයො,දේශපාලකයො,ක්රීඩකයො විවිධාකාරයෙන් මේවගෙ ඒජන්තවරුන් විදියට වැඩකරනව.ඔවුන්ගෙ ප්රධාන ඉලක්කය මොලේ හරියට හැදිල නැති,කුතුහලය වැඩි,අලුත් දේවල් වලට පෙලඹෙන්න වැඩි නැඹුරුවක් තියෙන ළමා පරපුර.
ගංජා අවුලක් නෑ ,ඒක බෙහෙතක් කියල හිතන ලමයි අවස්ථාවක් ලැබුනු ගමන් ඒක ටෙස්ට් කරල බලන්න පෙලඹෙනව.
ඔබ වැඩිහිටියෙක් නම්,ගංජා බෙහෙතක් කියල හිතන් ඉන්නව නම් ,ඒක උත්කර්ෂයට නංවනව නම් ඔබ නොදැනුවත්වම ඔබේ දරුවා මේ මත්ද්රව්යයට පොලඹවනවා.
#දැනුවත්වෙන්න
#ගංජා
#ඇබ්බැහිය
#ඉවත්වෙන්න
