සෙන් කතා

01/06/2026

The empty cup

, , , , , , , ,

Learn the importance of an open mind with the parable of the empty cup and the Zen Master. Discover how to receive new wisdom.

31/05/2026

සෙන් කතා 05

නිහඬතාවයේ තරඟය (The Sound of Silence)

ශිෂ්‍යයන් හතර දෙනෙක් දින කිහිපයක දැඩි නිහඬතාවයේ භාවනාවක් (Silent Retreat) ආරම්භ කළා. ඔවුන් පොරොන්දු වුණා කිසිම හේතුවක් මත වචනයක්වත් කතා කරන්නේ නැහැ කියා.

පළමු දවසේ රාත්‍රියේ ඔවුන් දල්වාගෙන සිටි පහන නිවී යන්නට පටන් ගත්තා.

එවිට පළමු ශිෂ්‍යයාට නොදැනීම,
"අයියෝ! පහන නිවෙන්නයි යන්නේ" යි කියවුණා.

දෙවැනි ශිෂ්‍යයා වහාම,
"ඇයි ඔබ කතා කළේ? අපි කතා නොකර ඉන්නයි පොරොන්දු වුණේ" යි කිව්වා.

තුන්වැනි ශිෂ්‍යයා කේන්තියෙන්
"ඕගොල්ලෝ දෙන්නම මෝඩයෝ. දැන් දෙන්නම කතා කළානේ" යි පැවසුවා.

හතරවැනි ශිෂ්‍යයා සිනාසී,
"හොඳ වෙලාවට මම විතරයි කිසිම දෙයක් නොකියා නිහඬව සිටියේ" යි තමන්ටම කියාගත්තා.

ආදර්ශය:
අන් අයගේ වැරදි සෙවීමට යාමෙන් අපටත් නොදැනීම අප අතින්ද එම වැරදිම සිදුවේ

නිවන සොයා ゚

31/05/2026

සෙන් කතා 04

සැබෑ ධනවත්කම (The Richest Man)

හිඟන්නෙක් සෙන් ගුරුවරයා ළඟට පැමිණ,

"මට ජීවත් වෙන්න ක්‍රමයක් නැහැ, මම හරිම අසරණයි, මට උදව් කරන්න" යි වැලපුණා.

ගුරුවරයා ඇසුවා

"මම ඔබේ ඇස් දෙක රන් කාසි දහසකට මිලදී ගන්නම්, මට දෙනවාද?"

හිඟන්නා තිගැස්සී,

"නැහැ, මගේ ඇස් දෙක මට මුළු ලෝකයටම වඩා වටිනවා" කිව්වා.

"එහෙනම් ඔබේ අත්දෙක රන් කාසි පන්දහසකට දෙන්න" ගුරුවරයා කිව්වා.

හිඟන්නා "කීයටවත් බැහැ" කිව්වා.

ගුරුවරයා සිනාසී, "මිල කළ නොහැකි මහා ධනස්කන්ධයක් මේ ශරීරය ඇතුළේ තියාගෙන, ඇයි ඔබ තවත් කෙනෙක් ඉදිරියේ හිඟා කන්නේ? නැගිටලා ඔබේ ශක්තියෙන් වැඩ කරන්න" යි පැවසුවා.

ආදර්ශය:
අපට අහිමි දේ ගැන සිතමින් ලතවෙනවා වෙනුවට, අප සතු වටිනාම සම්පත වන නිරෝගී ශරීරය සහ මනස නිවැරදිව උපයෝගී කරගෙන ජීවිතය ජය ගත යුතුය.

30/05/2026

සෙන් කතා 03

ගලක් උඩ වැවුණු මල (The Flower on the Rock)

ශිෂ්‍යයෙක් ඇසුවා, "ගුරුතුමනි, මගේ පවුලේ සහ රැකියා පරිසරයේ ඉන්නේ හරිම නොහික්මුණු, නපුරු මිනිස්සු. මට ඒ වගේ පරිසරයක සැනසීමෙන් ඉන්න පුළුවන්ද?" කියා.

ගුරුවරයා ඔහුව කඳු මුදුනකට කැඳවාගෙන ගොස්, මහා කළු ගලක් මැද තිබූ කුඩා පස් පිඩක වැවී තිබූ ලස්සන වල් මලක් පෙන්වූවා.

"මේ මල දෙස බලන්න. වටේටම තියෙන්නේ තද, රළු කළු ගල්. හැබැයි මල ඒ රළු බව උරා ගන්නේ නැතුව, තමන්ට ලැබුණු පුංචි පස් ටිකෙන් ලස්සන මලක් වෙලා පිපී තිබෙනවා." ඉතිං ඔයත් අනික් අය ගැන නොසිතා මේ මල වගේ ලස්සනට පිපෙන්න. අනික් අයගේ යහපත වෙනුවෙන්.

ආදර්ශය: අවට සිටින මිනිසුන් හෝ පරිසරය කෙතරම් රළු වුවද, අපේ සිතුවිලි යහපත්ව තබා ගන්නේ නම්, ඕනෑම දුෂ්කර පරිසරයක වුවද සාමකාමීව ජීවත් විය හැකිය...

゚

30/05/2026

30/05/2026

゚

30/05/2026

සෙන් කතා 02

1. සැබෑ ජයග්‍රහණය (The Gates of Paradise)

නොබුෂිගේ නම් රණශූරයා සෙන් ගුරුවරයෙක් හමුවට පැමිණ

, "ස්වර්ගය සහ අපාය කියා දෙයක් ඇත්තටම තිබෙනවාද? ඒවායේ දොරටු කොහේද තියෙන්නේ?" කියා ඇසුවා.

ගුරුවරයා ඔහු දෙස බලා අපහාසාත්මකව සිනාසී,

"උඹ වගේ රළු, මෝඩ මිනිහෙකුට ඒක තේරුම් ගන්න බැහැ. පලයන් යන්න!" යි කිව්වා.

රණශූරයාට අධික කෝපයක් ආවා. ඔහු වහාම තම කඩුව අතට ගෙන ගුරුවරයාගේ හිස ගසා දැමීමට එසෙව්වා.

එවිට ගුරුවරයා ඉතා සන්සුන්ව,

"අන්න ඒ කෝපය තමයි අපායේ දොරටුව" යි පැවසුවා.

තමාගේ කෝපය නිසා සිදුවන්නට ගිය විනාශය වටහාගත් රණශූරයා, වහාම කඩුව කොපුවට දමා ගුරුවරයා ඉදිරියේ වැඳ වැටී සමාව අයැද සිටියා.
එවිට ගුරුවරයා සිනාසී,

"අන්න ඒ ඉවසීම සහ අවබෝධය තමයි ස්වර්ගයේ දොරටුව" යි කිව්වා.

ආදර්ශය: ස්වර්ගය සහ අපාය තියෙන්නේ මරණයෙන් පස්සේ නෙවෙයි; අපේ සිතේ ඇතිවන කෝපය සහ ශාන්තභාවය තුළයි.

゚