ق.إسـراء ميــلاد MD.Esra Melad

ق.إسـراء ميــلاد MD.Esra Melad Contact information, map and directions, contact form, opening hours, services, ratings, photos, videos and announcements from ق.إسـراء ميــلاد MD.Esra Melad, Obstetrician-gynaecologist, Sabha, Al Jadid.

09/08/2026

كيف نقدر نفرحكم؟

بجديات من باب جبر الخواطر شن الي نقدر نديره بش نفرحكم 💙

اكتئاب ما بعد الولادة 🥺❤️‍🔥غير هرموني ومش ذنبك !! ولازم تلحقيه بدري بدري 🙆💔🧠 عزيزتي لما الأم تخش في حالة اكتئاب حاد وتو...
26/07/2026

اكتئاب ما بعد الولادة 🥺❤️‍🔥
غير هرموني ومش ذنبك !!
ولازم تلحقيه بدري بدري 🙆💔🧠

عزيزتي لما الأم تخش في حالة اكتئاب حاد وتوصل لمرحلة تكره نفسها والبيبي 🥺❤️‍🔥
مش دلع ولا قلة إيمان ، هذا انقلاب وتغير هرموني حاد وخارج عن إرادتها تماماً.
للأسف بدل ما نكونوا معاها يبدأ اللوم والضغط بكلام يوجعها
شن ناقصك؟ وربي عاطيك نعمة، ونحي النكد! وبلابلابلا من الكلام الززايد .

راه الكلام هذا ح يظلم الأم ويزيد المرض سوءاً.

فواجب على العيلة والزوج 🤷‍♀️
يكونوا معاها مش ضدها ويوقفوا اللوم تماماً عنها ، لأن الضغط ومقارنة النعمة بحالتها المرضية ح تزيدها ذنب وعزلة.

والمساعدة الفعلية استلموا منها البيبي وشُغل الحوش وخلوها ترتاااااااااح، فالراحة أساس توازن الهرمونات ليها ❤️‍🩹

والانتباه لعلامات الخطر 🥺💔
كان زادت تدهورت حالتها ضروري جداً وبدون أي تأجيل
تمشي لطبيب أخصائي 🤷‍♀️💔
لأن الموضوع في بعض الأحيان لو قعد بدون علاج، ح يوصل لأفكار أو أفعال لا تُحمد و عقباها وحتكون مؤذية ليها وللبيبي.

عموماً الوعي يبدأ بفهم المرض ، والخطوة الأهم لإنقاذ الأم وحماية العيلة هي الكشف الطبي السريري والتقييم الدقيق من قبل الطبيب الأخصائي لوصف الخطة العلاجية والدوائية الآمنة والمناسبة.

وصحة الأم النفسية ماهياش رفاهية، فهي أساس سلامة الحوش كله ❤️‍🩹❤️‍🩹❤️‍🩹.

من صارت معاها تحكيلي تجربتها ؟
26/07/2026

من صارت معاها تحكيلي تجربتها ؟

علامات الخطر بعد الولادة 🔥⚠️يا ماما إذا بعد الولادة صارلك أي حاجة من يلي بنحكي عليهم ، امشي للمستشفى أو المصحة على طول...
17/07/2026

علامات الخطر بعد الولادة 🔥⚠️

يا ماما إذا بعد الولادة صارلك أي حاجة من يلي بنحكي عليهم ، امشي للمستشفى أو المصحة على طول 🙆🔥

أولاً نزيف شديد 🩸 .
لدرجة إن الفوطة ح تمتلي بالدم في أقل من ساعة ، أو تنزل جلطات كبيرة.

●حرارتك 38 أو أكثر ، أو رجفة وقشعريرة 💔
●إفرازات من المهبل ريحتها كريهة.
●صداع قوي ما يخفش، أو زغللة وتشوش في النظر.
●ضيق في النفس أو ألم في الصدر.
●ألم أو تورم في ساق وحدة، خاصة إذا كانت حمراء وساخنة.
● ألم شديد في البطن أو الرحم يزيد بدل ما يخف.
●حمرار أو تورم أو صديد في جرح القيصرية أو مكان الخياطة.
●صعوبة أو ألم شديد في التبول.
⚡ تشنجات أو إغماء.
حزن شديد أو أفكار بإيذاء نفسك أو البيبي.💔
(اكتئاب بعد الولادة).
حنهدرزو فيه فمنشور طويل 🔥🙆⚠️

المهم سلامتك أهم من أي شيء ❤️‍🩹
وإذا حسّيتي بأي علامة من هذين م تراجي شي ..
راجعي دكتورتك فورًا.

﴿رَبِّ هَبْ لِي مِن لَّدُنكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ﴾ 💙اللهم ارزق كل مشتاقٍ للذرية ذريةً صالحة...
17/07/2026

﴿رَبِّ هَبْ لِي مِن لَّدُنكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ﴾ 💙

اللهم ارزق كل مشتاقٍ للذرية ذريةً صالحةً طيبة، تقر بها عينه، واجعلها من عبادك الصالحين، واحفظ أبناء المسلمين، وبارك لهم في أعمارهم وأخلاقهم وأرزاقهم.

آمين يا رب العالمين. 🌿

تخثر الدم عند الحامل🩸🩸ي اخواتي ❤️‍🩹 تخثر الدم هو حالة يكون فيها الدم أكثر قابلية لتكوين جلطات من الطبيعي أثناء الحمل ال...
15/07/2026

تخثر الدم عند الحامل🩸🩸
ي اخواتي ❤️‍🩹
تخثر الدم هو حالة يكون فيها الدم أكثر قابلية لتكوين جلطات من الطبيعي أثناء الحمل الجسم بطبيعته يزيد فيه التخثر لحماية الأم من النزيف وقت الولادة، لكن بعض النساء يكون عندهن قابلية أكبر من غيرهن، وهذا يحتاج متابعة وعلاج.

إذا ما تعالجش التخثر في الحالات اللي تستدعي العلاج.
ممكن يسبب مضاعفات مثل تكوّن جلطات عند الأم، أو يأثر على المشيمة، وهذا ممكن يسبب تأخر نمو الجنين، أو الإجهاض، أو وفاة الجنين داخل الرحم، أو الولادة المبكرة في بعض الحالات.

سؤال وصلني من أحد الأخوات ⚠️!

إذا الحامل عندها تخثر عادي توقف إبر السيولة وتكتفي بالأسبرين؟"

للأمانة لا، مش عادي. إ
اذا دكتورتك وصفتلك إبر السيولة، فهذا لأنه شافت إنها ضرورية لحالتك والأسبرين ما يعوضهاش.
لأن كل واحد فيهم يشتغل بطريقة مختلفة، وفي حالات يحتاجوا الاثنين مع بعض، وفي حالات يكفي واحد منهم حسب نوع التخثر وخطورة الحالة .

⚠️ لهذا نصيحتي أي حامل عندها تخثر ما توقفش إبر السيولة ولا تغير علاجها من نفسها .

لأن القرار حيكون حسب تقييم الدكتور/ة
حفاظًا على سلامتك وسلامة الجنين . ❤️‍🩹

مساء الخير 💙 استاحشتكُم والله 🫂❤️‍🩹 اكتبولي موضوع نهدرزلكم عليه 🥺💙
15/07/2026

مساء الخير 💙
استاحشتكُم والله 🫂❤️‍🩹
اكتبولي موضوع نهدرزلكم عليه 🥺💙

🥺💕
30/06/2026

🥺💕

عيد أضحى مبارك عليكم وعلى أحبابكم💙ربي يجعل أيامكم فرح وطمأنينة ويكتبلكم الخير وين ما كنتوا 🌙🐑وكل عام وانتوا بخير وصحة وع...
26/05/2026

عيد أضحى مبارك عليكم وعلى أحبابكم💙

ربي يجعل أيامكم فرح وطمأنينة ويكتبلكم الخير وين ما كنتوا 🌙🐑

وكل عام وانتوا بخير وصحة وعافية 💙

إذا تعرفوا عائلة ظروفها صعبة، أو محتاجة تجهيزات لمولود، ياريت تبعتولي على الخاص.النية لله، وربي يجعلها في ميزان الحسنات...
01/05/2026

إذا تعرفوا عائلة ظروفها صعبة، أو محتاجة تجهيزات لمولود، ياريت تبعتولي على الخاص.

النية لله، وربي يجعلها في ميزان الحسنات 🌷💙

Address

Sabha
Al Jadid
0000

Website

Alerts

Be the first to know and let us send you an email when ق.إسـراء ميــلاد MD.Esra Melad posts news and promotions. Your email address will not be used for any other purpose, and you can unsubscribe at any time.

Shortcuts

Share

Category