دكتور الأطفال شاكر عمار

14/09/2026

🟥برغم من كل ما تمر به البلاد من ازمات..وكل المسؤوليات..والاجواء الغير مريحه..والحمد لله طبعا..
🟦لما نظت اليوم والقيت المطر صابه..فرحت بالدات مع رائحة التراب اللي عانق مياه الامطار...
✅️الشتاء وما ادراك ما الشتاء 🫶..
♦️من فيكم حس نفس الاحساس ⁉️

14/09/2026

🟥وجع البطن عند الاطفال...معظم الاطفال يشكو...والكشف والتحاليل ما يطلعو شي.....شن يكون التشخيص ⁉️👇

12/09/2026

🟥إنا لله وإنا اليه راجعون...
🔹️د وصال الجبالي في دمة الله..
🟩زميله خلوقه وقامة من قامات ليبيا..
🔸️وافتها المنيه ظهيرة اليوم..كنت بجانبها انا وبعض الزملاء وكانت تدير في عمل خيري تطوعي اليوم لرفع من الكفاءه وزيادة الخبره..
✅️نسأل الله ان يحشرها مع الشهداء..ادعولها بالمغفره والرحمه..

11/09/2026

🟥مش فاهم..اللي قرر يبدا الدراسه الاحد ومصر عالقرار متاعه...هل عايش في ليبيا ولا خارجها..حد يفهمنا...
🟦تصدقو الاسواق والمكاتب شبه فاضيه...حتى سوق الخضره فاضي..غلاء فاحش. هروب ضي بشكل كبير..سيوله مافيش..
✅️أنا من الناس ومعاهم...واللي ما يحسش باهله وناسه مافيشي خير...
🟩الدارسه تبدا الاحد...⁉️ مع..او ضد..

11/09/2026

🟥حالة اليوم..طفل بعمر سنتين ونصف..يمشي بس المشيه فيها خلل..كشف كم مره ومافيش تشخيص..
جاني مرتين للعياده الاولى كانت تطمين مع المتابعه خلال 3 اشهر..الزياره التانيه تم فيها التشخيص وكان غير متوقع⁉️
✅️المهتم يعطيني علم باش ننزل فيديو والكل يستفيد بإذن الله..

10/09/2026

🟥لو شفت طفل نفسيته مش تمام ومضايق..اعرف انه المحيط فيه ضمير معدوم..✍️

07/09/2026

🟥عدرا للناس اللي تراسل فيا عالخاص..وقت وفضوه صفر والحمد لله..نفضى وبإذن الله ما نقصر مع حد التجألي..
🟦فقط نتواجد في عيادة لمسة شفاء بمنطقة غوط الشعال..
طريق الخدمات..بجانب صالة يارا بيلا للأفراح...
✅️للحجز او الاستفسار..الاتصال أو المراسله واتس على رقم العياده اوقات الخدمه..0913367922

05/09/2026

🟥لو الخبر هذا صحيح..بجديات قمة الامتهان..
🔹️ممكن يكون الطبيب الليبي مش افضل شي..ولاكن هادي مخرجات بلادنا...لافيه برنامج متابعه لا تدريب وفق جدول معين..يتخرج يلقى روحه يعافر فالدنيا بمرتب لا يسد رمق..

🔸️كيف تبيه يبدع لا برنامج تدريب لا مرتب كويس..افق مظلم..
♦️مع هذا كله...اطباء المشافي هما اللي قايمين المتبقي من رفات الصحه على كتوفهم..ويستنو فالدوله تعدل مرتبهم..وانا اولهم..

🔹️مرتب مايعادل 200 دولار لأخصائي ليه 12 سنه فالمجال...
وتجيب شخص نفس الشهائد من دوله شبه نفس المستوى وتعطيه ضعف المرتب 15 مره تقريبا...

🟩️والله مادرتو حاجه من غير قاعدين تنزلو في قيمة المواطن وتمتهنو فيه داخل دولته...اللي المفروض يكون هو درجه اولى داخل مؤسسات دولته...

✅️يا سبحان الله...ترا فقط جربو اعطو نفس المرتب للطبيب الليبي وشوفو..لعل وعسى يركز ويبدع ويجتهد...ويقول الله يبارك في دولتي عطتني حقي...رعم اني متأكد انكم مستخسرين حتى تجربو.......
🟦بلادي وإن جارت عليا عزيزة..وأهلي وإن ظنو عليا كرام...✍️

04/09/2026

🟥المعلومات هده تساعدك في تشخيص طفلك من غير زيارة طبيب..هديه مني ليكم 🫶.

03/09/2026