09/06/2026
*نصائح ديال الصهد لأصحاب السكري بالدارجة* ☀️
الصهد كيطلع و كيهبط السكر دغيا، خاصك ترد البال مزيان:
*1. الما الما الما*
شرب الما بزاف حتى قبل ما تعطش. ملي كيتسخن الجسم و كتعرق بزاف السكر كيطلع. بعد من العصير ديال برا و القازوز عامرين سكر.
*2. قيس السكر ديالك كتر من العادة*
مع الصهد و البحر و الروتين اللي كيتبدل، السكر كيدير اللي بغا. قيس قبل ما تمشي تتمشى ولا تعوم، و من بعد. إلا بغيتي تبدل الدوا ولا الجرعة، سول الطبيب ديالك عاد.
*3. الدوا ديالك خاصو البرودة*
الإنسولين ولا الستيلو إلا تخلى فالطنوبيل ولا الشمش كيخسر. شري شي "بوشيت" باردة ولا حطو فبلاصة باردة.
*4. رجليك أمانة*
مع الصندالة و البحر الجروح كتجي دغيا. كل ليلة قلب رجليك، و نشف مزيان ما بين الصبعان عاد عاد الوضو. إياك تمشي حفيان على الرملة سخونة.
*5. كول فالوقت ديالك*
فالصهد الشهية كتمشي، و إلا ما كليتيش السكر كيهبط. ديما خلي معاك شي حاجة سريعة: 3 تمرات، عصير صغير بلا سكر، ولا حبة كلوكوز.
*6. رد البال لهاد العلامات*
إلا حسيتي براسك دايخ بزاف، كتعرق و يديك كيرجفو، ولا عطشان بزاف و كتمشي للطواليط بزاف... وقف و قيس السكر و سول طبيبك.
الصيف زوين و لكن خاصو الحتياط. أي حاجة حسيتي بيها ماشي عادية، اتصل بالطبيب ديالك ولا مول الصيدلية 👨⚕️
