21/09/2026
၈ လကျော်လာတော့ ဖြည့်စွက်စာငြင်းတဲ့အချိန်တွေ ရှိလာတယ်… 🥹🍚
ဒီအရွယ်မှာ ကလေးတွေ အစားအစာငြင်းတာမျိုး ရှိတတ်ပေမယ့် ကလေးတိုင်းတော့ တူတူဖြစ်မယ်လို့ မဆိုနိုင်ပါဘူးနော်။
ထင်ထင်းလေး အစားငြင်းတဲ့အချိန်မှာတော့ မေမေက ဒီလိုလေး စီမံဖြစ်ပါတယ် 🤍
① ပထမဆုံး Stress မထားဘူး
“ဒီနေ့တော့ မစားဘူး… အာဟာရမပြည့်တော့ဘူး” ဆိုပြီး အရမ်းစိတ်မပူဖြစ်အောင် ကြိုးစားပါတယ်။
အစားစားချိန်ဆိုတာကို သိလာဖို့၊ စားချင်ရင်စားနိုင်တဲ့အခွင့်အရေးရှိဖို့ကိုပဲ ဦးစားပေးဖြစ်တယ်။
မစားချင်ဘူးဆိုရင်လည်း အတင်းမကျွေးဘဲ နားလိုက်ပါတယ်။
② Snack လေးတွေကိုလည်း အာဟာရရှိအောင် ကြိုပြင်ထားတယ်
Meal ၃နပ်ကို သေချာ မစားတဲ့နေ့တွေမှာ အလွယ်တကူပေးလို့ရအောင် အိမ်မှာပဲ အာဟာရပြည့်အောင် လုပ်ထားတဲ့ cake / pudding လေးတွေကို အရံသင့်ထားဖြစ်ပါတယ်။
သူက အဲ့ဒီလိုမျိုးလေးတွေဆို ကြိုက်တတ်တော့လေ ကြံဖန်ပီးလုပ်ထားရတာပါဘဲ့ 😅
③ သူကြိုက်တာလေးတွေကို မှတ်ထားတယ်
ထင်ထင်း က ဒိန်ချဉ် အရမ်းကြိုက် တော့ ထမင်းမစား ဘဲ ထမင်းစားခုံမှာထိုင်ပီး အော်နေရင် ဒိန်ချဥ်ကျွေးလိုက်ရင်ငြိမ်သွားရော😬
အဲ့တော့ဒိန်ချဥ်ကတော့မရှိမဖြစ်ဆောင်ထားရတယ်
လောလောဆယ် မေမေက အမြဲအဆင်သင့်ထားဖြစ်တဲ့အရာတွေကတော့—
🥚 ကြက်ဥ
🍌 ငှက်ပျောသီး
🥣 ဒိန်ချဉ်
🍎 အသီးအနှစ်
🐉 နဂါးမောက်သီး / 🍊 လိမ္မော်သီး
🌱 မာဆုရ (သူအရမ်းကြိုက်ပါတယ်)
🥣 BLM oat
🍰 Homemade cake
🍮 Homemade pudding
**④ တနေ့တာစီစဥ်ဖြစ်တာကတော့ **
မနက်ပိုင်းမှာ နိုးတာနဲ့ ဟင်းအနှစ်တစ်မျိုးလောက် ချက်ထားလိုက်တယ် ဒါဆိုရင်
ထမင်း၊ ခေါက်ဆွဲ၊ oat လှည့်ပီးကျွေးလို့ရတယ် 😉
ဒါကြောင့် တစ်နေ့လုံး “ဘာကျွေးရမလဲ၊ ဘာချက်ရမလဲ” ဆိုပြီး အချိန်ကုန်၊ အလုပ်ရှုပ်နေတာမျိုးလည်း နည်းသွားပါတယ်။
Cake / Pudding လုပ်ထားလိုက်တယ်
ဒါဆိုတနေ့တာ ချက်ပြုတ်ပီးသလောက်ပါဘဲ့
အဓိကကတော့ ကလေးစားတဲ့အချိန်ကို မေမေ့အတွက် stress ဖြစ်စရာအချိန်တစ်ခု မဖြစ်စေချင်တာပါ။ 🤍
ကလေးက ခံတွင်းတွေ့တဲ့အစားအစာလေးတွေကို စားပြီး အာဟာရရနေတယ်ဆိုတာမြင်ရတော့ မေမေလည်း စိတ်ချမ်းသာရပါတယ်။
ဒါကတော့ မေမေတစ်ယောက်အနေနဲ့ နေ့စဉ်ဘဝကို အဆင်ပြေအောင် စီမံဖြစ်တဲ့နည်းလေးတွေ ပါ။
မေမေတို့ရော…
ကလေးလေးတွေ အစားငြင်းတဲ့အချိန် ဘယ်လိုလေးတွေ စီမံဖြစ်ကြလဲ? 🥰
ကိုယ့်အတွေ့အကြုံလေးတွေကိုလည်း မျှဝေပေးခဲ့ပါဦးနော်။ တခြားမေမေတွေအတွက်လည်း အသုံးဝင်နိုင်ပါတယ်။ 🤍
#ဖြည့်စွက်စာ #ကလေးအစားအစာ #၈လကလေး
