𝓟𝓔𝓔𝓚-𝓐-𝓑𝓞𝓞 ကလေးကျန်းမာရေး

  • Home
  • Myanmar
  • Mandalay
  • 𝓟𝓔𝓔𝓚-𝓐-𝓑𝓞𝓞 ကလေးကျန်းမာရေး

𝓟𝓔𝓔𝓚-𝓐-𝓑𝓞𝓞 ကလေးကျန်းမာရေး M.B.,B.S, M.Med.Sc(Paediatrics), MRCPCH(UK)

22/05/2026

☔️☔️☔️မိုးရာသီမှာ ကလေးတွေမှာ ဘာရောဂါတွေအဖြစ်များလဲ???

မိုးရာသီဟာ အေးမြစိုစွတ်ပြီး ခြင်နဲ့ ဗိုင်းရပ်စ်/ဘက်တီးရီးယားပိုးမွှားတွေ ပေါက်ဖွားဖို့ အကောင်းဆုံးအချိန်ဖြစ်တာမို့ ကလေးငယ်တွေမှာ ရောဂါဘယ အဖြစ်များလေ့ရှိပါတယ်။ မိဘများအနေနဲ့ ကြိုတင်သတိပြုပြီး ကာကွယ်နိုင်အောင် မိုးရာသီမှာ ကလေးတွေမှာ အဖြစ်များဆုံး ရောဂါတွေကို ဖော်ပြပေးလိုက်ပါတယ်။🦠🦠🦠

“ဆရာ ကလေးက နေ့ရောညရော သိပ်မအိပ်လို့ကလေးကိုအိပ်ပျော်စေမယ့်အားဆေးလေး ညွှန်ပေးပါဦး ဆိုတဲ့မေမေများအတွက်….”‼️ကလေးများကို အိပ်...
11/03/2026

“ဆရာ
ကလေးက နေ့ရောညရော သိပ်မအိပ်လို့ကလေးကိုအိပ်ပျော်စေမယ့်အားဆေးလေး ညွှန်ပေးပါဦး ဆိုတဲ့မေမေများအတွက်….”

‼️ကလေးများကို အိပ်ပျော်စေသော အားဆေးမရှိပါ🚨
ဗီတာမင်အားဆေးတွေဟာ ကလေးရဲ့ ကိုယ်ခံအားနဲ့ ဖွံ့ဖြိုးမှုကိုပဲ အထောက်အကူပြုတာဖြစ်ပြီး အိပ်မောကျစေတဲ့ အာနိသင် မရှိပါဘူး။

🔔ကလေးကို အိပ်မောကျစေမယ့် အကောင်းဆုံးနည်းလမ်း (၃) ခုကတော့

၁။ အိပ်ချိန်သတ်မှတ်ပေးပါ (Sleep Routine): ညစဉ် အချိန်မှန်မှန် မီးမှိန်ပေးတာ၊ ရေနွေးဝတ်တိုက်ပေးတာမျိုး လုပ်ပေးပါ။

၂။ ပတ်ဝန်းကျင်ကိုဆူညံသံမရှိဘဲ လေဝင်လေထွက်ကောင်းပြီး အပူအအေး မျှတနေအောင်ဖန်တီးပေးပါ။

၃။ မအိပ်ခင် ဗိုက်ဝအောင် တိုက်ကျွေးထားခြင်းက ကြာရှည်အိပ်ပျော်ဖို့ အကောင်းဆုံး အားဆေးပါပဲ။

‼️တကယ်လို့ ကလေးဟာ ပုံမှန်ထက် ပိုပြီး လုံးဝအိပ်မပျော်တာ၊ ဂျီကျတာ ဒါမှမဟုတ် နာကျင်နေပုံမျိုး ရှိရင်တော့ ကလေးဆရာဝန်နဲ့ အမြန်ဆုံး တိုင်ပင်ဆွေးနွေးဖို့ လိုအပ်ပါမယ်ခင်ဗျာ။

သားသားမီးမီးတို့ ခဏခဏ ဝမ်းသွားနေလို့ စိုးရိမ်နေရပြီလား? (Toddler’s Diarrhea ဆိုတာ ဘာလဲ?) 👶🚽အသက် (၁) နှစ်နဲ့ (၅) နှစ်ကြား...
29/01/2026

သားသားမီးမီးတို့ ခဏခဏ ဝမ်းသွားနေလို့ စိုးရိမ်နေရပြီလား?

(Toddler’s Diarrhea ဆိုတာ ဘာလဲ?) 👶🚽

အသက် (၁) နှစ်နဲ့ (၅) နှစ်ကြား ကလေးငယ်တွေမှာ ဖျားနာတာမျိုးလည်းမရှိ၊ ဆော့နိုင်ရယ်နိုင်ပေမဲ့ တစ်ရက်ကို (၃) ကြိမ်ထက်ပိုပြီး ဝမ်းပျော့ပျော့တွေ သွားနေတတ်တာကို Toddler’s Diarrhea လို့ ခေါ်ပါတယ်။

ဒီအခြေအနေဟာ များသောအားဖြင့် စိုးရိမ်စရာမရှိတဲ့ အခြေအနေမျိုးဖြစ်ပေမဲ့ မေမေတို့ သိထားသင့်တဲ့ အချက် (၄) ချက်ကို မျှဝေပေးလိုက်ပါတယ်။

၁။ ဘာကြောင့် ဖြစ်ရတာလဲ? (Common Causes) 🧐
• အချိုဓာတ်များခြင်း: သစ်သီးရည် (Fruit Juices) တွေနဲ့ အချိုရည်တွေ အသောက်များတဲ့အခါ အစာအိမ်က သကြားဓာတ်ကို အကုန်မစုပ်ယူနိုင်ဘဲ ဝမ်းသွားစေပါတယ်။

• အမျှင်ဓာတ် (Fiber) နည်းခြင်း: ကလေးရဲ့ အစားအသောက်မှာ အမျှင်ဓာတ်နဲ့ အဆီဓာတ် မျှတမှုမရှိတာကြောင့်လည်း ဖြစ်နိုင်ပါတယ်။

• အစာခြေစနစ် ဖွံ့ဖြိုးနေဆဲဖြစ်ခြင်း: ကလေးရဲ့ အူလမ်းကြောင်းက အစာကို မြန်မြန်ဖြတ်သန်းစေတာကြောင့်လည်း ဖြစ်တတ်ပါတယ်။

၂။ ဘယ်လိုလက္ခဏာတွေ တွေ့ရမလဲ? 📝
• ဝမ်းက ရေလိုမဟုတ်ဘဲ ပျော့ပျော့ဖတ်ဖတ် သွားတတ်ပါတယ်။
• ဝမ်းထဲမှာ မကြေညက်သေးတဲ့ အစာဟောင်းလေးတွေ (ဥပမာ- ပြောင်းဖူးစေ့၊ မုန်လာဥနီစစ) ပါလာတတ်ပါတယ်။
• ကလေးက ပုံမှန်အတိုင်း ဆော့ကစားနိုင်ပြီး ကိုယ်အလေးချိန်လည်း ပုံမှန်တက်နေတတ်ပါတယ်။

၃။ ဘယ်လို ဂရုစိုက်ရမလဲ? ✅
• အချိုရည် လျှော့တိုက်ပါ: သစ်သီးရည်နဲ့ အချိုရည်တွေကို လျှော့ပြီး ရေ (သို့မဟုတ်) ဓာတ်ဆားရည်ကို ပိုတိုက်ပေးပါ။
• အမျှင်ဓာတ် ကျွေးပါ: ဟင်းသီးဟင်းရွက်နဲ့ အသီးအနှံတွေကို ပိုကျွေးပေးပါ။
• အဆီဓာတ် အနည်းငယ် ထည့်ကျွေးပါ: ကလေးရဲ့ အစားအစာထဲမှာ ထောပတ် (သို့မဟုတ်) ဒိန်ချဉ် အနည်းငယ် ထည့်ကျွေးခြင်းက ဝမ်းသွားတာကို သက်သာစေနိုင်ပါတယ်။

၄။ ဘယ်အချိန်မှာ ဆရာဝန်နဲ့ ပြသင့်သလဲ? 🚨

တကယ်လို့ ကလေးက-
• ဖျားနာလာရင်
• ဝမ်းထဲမှာ သွေး (သို့မဟုတ်) အချွဲတွေ ပါလာရင်
• ဗိုက်အရမ်းနာတယ်လို့ ပြောရင်
• ကိုယ်အလေးချိန် ကျလာရင်တော့ နီးစပ်ရာ ကလေးအထူးကုဆရာဝန်နဲ့ မဖြစ်မနေ ပြသတိုင်ပင်ဖို့ လိုအပ်ပါတယ်။

✨
Toddler's Diarrhea က ကလေးကြီးလာတာနဲ့အမျှ အလိုလို သက်သာသွားလေ့ရှိပါတယ်။

အရေးကြီးဆုံးက ကလေးကို အစာအာဟာရ မျှတအောင် ကျွေးဖို့နဲ့ ရေဓာတ်မခမ်းခြောက်အောင် ဂရုစိုက်ဖို့ပါပဲ။

မွေးကင်းစကလေးကို နို့တိုက်ပြီးတိုင်း ဘာကြောင့် လေထုတ်ပေးရတာလဲ? 🍼👶ကလေးတွေက နို့စို့တဲ့အခါ (သို့မဟုတ်) ငိုတဲ့အခါ လေတွေကို ...
28/01/2026

မွေးကင်းစကလေးကို နို့တိုက်ပြီးတိုင်း ဘာကြောင့် လေထုတ်ပေးရတာလဲ? 🍼👶

ကလေးတွေက နို့စို့တဲ့အခါ (သို့မဟုတ်) ငိုတဲ့အခါ လေတွေကို အစာအိမ်ထဲ မျိုချမိတတ်ပါတယ်။

• အစာအိမ်ထဲမှာ ပိတ်မိနေတဲ့ လေတွေထွက်သွားရင် ကလေးဗိုက်မကယ်တော့ဘဲ နေရထိုင်ရ သက်သောင့်သက်သာ ဖြစ်သွားစေပါတယ်။
• လေက နို့တွေကို အပေါ်ကို တွန်းမထုတ်နိုင်တော့လို့ နို့ပြန်အန်တာ (Spit-up) နည်းသွားပါတယ်။
• ဗိုက်ထဲမှာ လေပွမနေတော့ရင် ကလေးက ပိုပြီး နှစ်နှစ်ခြိုက်ခြိုက် အိပ်ပျော်စေပါတယ်။

ဘယ်လိုနည်းလမ်းတွေနဲ့ လေထုတ်ပေးမလဲ? ✍️
၁။ ကလေးကို ပုခုံးပေါ်မှီတင်ပြီး ကျောကုန်းကို ခပ်ဖွဖွ ပွတ်ပေးပါ။
၂။ ကလေးမေးစေ့ကို လက်နဲ့အသာထိန်းပြီး အရှေ့ကို အနည်းငယ်ကိုင်းကာ ကျောကို ပုတ်ပေးပါ။
၃။ ကလေးဗိုက်ကိုပေါင်ပေါ်တင်ပြီး ကျောကုန်းကို အသာအယာ ပွတ်ပေးပါ။

✨
နို့တိုက်နေတုန်းမှာဖြစ်ဖြစ်၊ တိုက်ပြီးပြီးချင်းမှာဖြစ်ဖြစ် ၁၀ မိနစ်ကနေ ၁၅ မိနစ်လောက်အထိ လေထုတ်ပေးဖို့ အချိန်ပေးပါ။
ကလေးက လေမထွက်ခင်မှာ အိပ်ပျော်သွားရင်လည်း အတင်းနှိုးစရာ မလိုပါဘူး။ မတ်မတ်လေး ခဏချီထားပေးရုံနဲ့တင် လုံလောက်ပါတယ်။

"ဆရာ... ကလေးက ဖျားနေတာ ထမင်းကျွေးရင် အဖျားပြန်တက်မလား? ဆန်ပြုတ်ပဲ တိုက်ရမှာလား?" ဆိုတဲ့ မေးခွန်းကလည်း မိဘတွေ အမေးများတဲ့...
22/01/2026

"ဆရာ... ကလေးက ဖျားနေတာ ထမင်းကျွေးရင် အဖျားပြန်တက်မလား?
ဆန်ပြုတ်ပဲ တိုက်ရမှာလား?" ဆိုတဲ့ မေးခွန်းကလည်း မိဘတွေ အမေးများတဲ့ ကိစ္စတစ်ခုပါ။ 🍚🌡️

အမှန်တရားကတော့... ထမင်းကျွေးလို့ ရပါတယ်! ✅

ကလေးက ဖျားနေပေမဲ့ ထမင်းစားနိုင်တယ်၊ ထမင်းဝါးနိုင်တယ်ဆိုရင် ထမင်းကျွေးတာက ပိုတောင်ကောင်းပါသေးတယ်။

•ထမင်းဟာ ဆန်ပြုတ်ထက်စာရင် ကာဗိုဟိုက်ဒရိတ် (စွမ်းအင်) ပိုမိုပါဝင်လို့ ဖျားနေတဲ့ကလေးအတွက် လိုအပ်တဲ့ အားအင်ကို ပိုရစေပါတယ်။

•အဖျားပျောက်ဖို့အတွက် ခန္ဓာကိုယ်က အလုပ်လုပ်ရပါတယ်။ အဲဒီလို အလုပ်လုပ်ဖို့အတွက် အာဟာရပြည့်ပြည့်ဝဝ လိုအပ်တာကြောင့် ကလေးက စားနိုင်ရင် ထမင်းကို ဟင်းနဲ့ အာဟာရဖြစ်အောင် ကျွေးတာက ရောဂါပျောက်ကင်းမှုကို ပိုမြန်စေပါတယ်🦠

•ထမင်းစားလိုက်လို့ အဖျားပြန်တက်လာတယ်ဆိုတာ သိပ္ပံနည်းကျ အထောက်အထား မရှိပါဘူး။ အဖျားတက်တာက ခန္ဓာကိုယ်ထဲက ပိုးမွှားတွေရဲ့ တုံ့ပြန်မှုကြောင့်ပဲ ဖြစ်ပါတယ်။

🚨ဘယ်အချိန်မှာ ဆန်ပြုတ် ကျွေးသင့်သလဲ? 🥄

ကလေးက လည်ချောင်းအရမ်းနာနေလို့ အစာမြိုရခက်နေရင် ဒါမှမဟုတ် အန်ချင်သလို ဖြစ်နေရင်တော့ မြိုရလွယ်ကူတဲ့ ဆန်ပြုတ်၊ စွပ်ပြုတ် ဒါမှမဟုတ် အစာပျော့ပျော့တွေကို ဦးစားပေးနိုင်ပါတယ်။

❤️ဒါဟာ "ဖျားလို့" မဟုတ်ဘဲ "ကလေး မျိုရလွယ်ကူဖို့" အတွက်ပဲ ဖြစ်ပါတယ်။

✨ဖျားနေတဲ့ကလေးကို "ဒါမစားရ၊ ဟိုဟာမကျွေးရ" ဆိုပြီး ပိတ်ပင်လိုက်ရင် ကလေးက အာဟာရချို့တဲ့ပြီး ကိုယ်ခံအားကျသွားနိုင်ပါတယ်။
🚨အဓိကကတော့ ကလေးစားနိုင်တာကို ကျွေးဖို့ပါပဲ။ ထမင်းစားနိုင်ရင် ထမင်းကျွေးပါ၊ အာဟာရဖြစ်အောင် ဟင်းသီးဟင်းရွက်နဲ့ အသားလေးတွေပါအောင် ထည့်ကျွေးပေးပါ။

"ကလေးမွေးပြီး (၂) ပတ်ကျော်တဲ့အထိ အသားဝါမပျောက်သေးဘူး၊ မိခင်နို့ကြောင့်လား? နို့ဖြတ်ထားရမလား?" ဆိုပြီး စိုးရိမ်နေကြတဲ့ မိ...
20/01/2026

"ကလေးမွေးပြီး (၂) ပတ်ကျော်တဲ့အထိ အသားဝါမပျောက်သေးဘူး၊ မိခင်နို့ကြောင့်လား? နို့ဖြတ်ထားရမလား?" ဆိုပြီး စိုးရိမ်နေကြတဲ့ မိဘများအတွက်🤱🏻

Breast Milk Jaundice (မိခင်နို့ကြောင့် အသားဝါခြင်း) ဆိုတာ ဘာလဲ? 🤔

ဒါဟာ ရောဂါတစ်ခု မဟုတ်ပါဘူး။ မိခင်နို့ထဲမှာပါတဲ့ တချို့သော ဓာတ်ပစ္စည်းတွေကြောင့် ကလေးရဲ့ အသည်းက Bilirubin (အသားဝါစေတဲ့ဓာတ်) ကို စွန့်ထုတ်တာ ခေတ္တနှေးသွားလို့ ဖြစ်ရတာပါ။

ဘယ်လောက်ကြာအောင် စောင့်ရမလဲ? (Duration) ⏳
မိခင်နို့ကြောင့်ဖြစ်တဲ့ အသားဝါခြင်းဟာ တခြားအသားဝါတာတွေထက် ပိုကြာတတ်ပါတယ်။
• ကလေးအသက် (၁) ပတ် ဝန်းကျင်မှာ စတင်တွေ့ရတတ်ပါတယ်။
• (၂) ပတ်ကနေ (၃) ပတ် အတွင်းမှာ အသားဝါတာ အမြင့်ဆုံး (Peak) ကို ရောက်နိုင်ပါတယ်။
• အသားဝါတာ လုံးဝဥဿုံ ပျောက်ကွယ်သွားဖို့အတွက် ၃ ပတ်ကနေ ၁၂ ပတ် (၃ လ) အထိတောင် ကြာမြင့်နိုင်ပါတယ်။

မိခင်နို့ကို ဖြတ်လိုက်ရမှာလား? ❌

အဖြေကတော့ "လုံးဝ မဖြတ်ရပါဘူး"။
ကလေးက နို့ကောင်းကောင်းစို့နေတယ်၊ ကိုယ်အလေးချိန် တက်နေတယ်၊ လန်းဆန်းနေတယ်ဆိုရင် မိခင်နို့ကို ဆက်တိုက်ပေးဖို့ပဲ လိုအပ်ပါတယ်။ မိခင်နို့ဟာ ကလေးအတွက် အကောင်းဆုံး အာဟာရဖြစ်လို့ အသားဝါနေရုံနဲ့ နို့ဖြတ်ဖို့ မလိုအပ်ပါဘူး။ နို့ဝဝစို့လေ၊ ဝမ်းခဏခဏသွားလေဖြစ်ပြီး အသားဝါဓာတ်တွေ ဝမ်းထဲကနေတစ်ဆင့် ပါသွားမှာ ဖြစ်ပါတယ်။

ဘယ်လိုအခြေအနေမှာ ဆရာဝန်နဲ့ ပြသင့်သလဲ? 🚨
အကယ်၍ (၃) ပတ်ကျော်တဲ့အထိ အသားဝါမပျောက်သေးရင် တခြားရောဂါအခံ (ဥပမာ- သည်းခြေပြွန်ပိတ်ခြင်း သို့မဟုတ် သိုင်းရွိုက်ဟော်မုန်းနည်းခြင်း) ရှိ၊ မရှိ သေချာအောင် စစ်ဆေးဖို့ လိုပါတယ်။ အထူးသဖြင့်-
• ကလေးက နို့မစို့ဘဲ မှိန်းနေရင်။
• ကလေးရဲ့ ဝမ်းအရောင်က ဖျော့တော့တော့ (ရွှံ့စေးရောင်) ဖြစ်နေရင်။
• ဆီးအရောင်က လက်ဖက်ရည်ရောင်လို ရင့်နေရင်။
• အသားဝါတာက တစ်ကိုယ်လုံး (ခြေဖဝါး၊ လက်ဖဝါးအထိ) အရမ်းဝါလာရင်။

✨မိခင်နို့ကြောင့် အသားဝါတာဟာ များသောအားဖြင့် အလိုအလျောက် ပြန်ပျောက်သွားတတ်ပါတယ်။ မိဘတွေအနေနဲ့ စိုးရိမ်ပြီး ကိုယ့်သဘောနဲ့ကိုယ် နို့ဖြတ်တာ၊ နေပူလှန်းတာမျိုးတွေ မလုပ်ဘဲ ကျွမ်းကျင်တဲ့ ကလေးအထူးကုဆရာဝန်နဲ့ တိုင်ပင်ဆွေးနွေးဖို့ တိုက်တွန်းလိုပါတယ်။

အသက် (၆) လပြည့် ရင်သွေးငယ်များအတွက် အာဟာရပြည့်ဝသော ဖြည့်စွက်စာ စတင်ကျွေးမွေးနည်း 🥣👶၁။ အာဟာရအုပ်စု (၄) စု မျှတပါစေ 🌟ကလေးရ...
19/01/2026

အသက် (၆) လပြည့် ရင်သွေးငယ်များအတွက် အာဟာရပြည့်ဝသော ဖြည့်စွက်စာ စတင်ကျွေးမွေးနည်း 🥣👶

၁။ အာဟာရအုပ်စု (၄) စု မျှတပါစေ 🌟

ကလေးရဲ့ တစ်နပ်စာမှာ အောက်ပါအတိုင်း မျှတစွာ ပါဝင်ဖို့ လိုအပ်ပါတယ်-
• စွမ်းအင်(Carbohydrates): ဆန်ပြုတ် သို့မဟုတ် ထမင်း။
•အသားဓာတ်(Proteins): အသား၊ ငါး၊ အသည်း သို့မဟုတ် ကြက်ဥအနှစ် ()။
• ဗီတာမင်နဲ့သတ္ထုဓာတ်(Vitamin & mineral): ဟင်းနုနွယ်၊ မုန်လာဥနီ၊ အသီးအရွက်များ။
• ဦးနှောက်ဖွံ့ဖြိုးမှုအတွက်အရေးပါသောအဆီဓာတ်(Fat): ဆီ သို့မဟုတ် ထောပတ် အနည်းငယ်။

၂။ ဘယ်နှစ်ကြိမ်၊ ဘယ်လောက် ကျွေးမလဲ? 🥄
• အကြိမ်ရေ: တစ်ရက်ကို (၂) ကြိမ် စကျွေးပါ။
• ပမာဏ: အစပိုင်းမှာ ဟင်းစားဇွန်း (၂) ဇွန်းခန့်ကနေ စတင်ပြီး ကလေးရဲ့ လက်ခံနိုင်စွမ်းအပေါ် မူတည်ကာ တဖြည်းဖြည်း တိုးကျွေးသွားပါ။
• အပျော့အမာ: အစာကို ညက်ညက်အိအိလေးဖြစ်အောင် ချေပြီး ကျွေးပေးပါ။

၃။ ဆားနဲ့ သကြား (လုံးဝ) ရှောင်ကြဉ်ပါ 🚫
ကလေးအသက် ၁ နှစ်မပြည့်မချင်း သူတို့ရဲ့ ကျောက်ကပ်က ဆားကို မချေဖျက်နိုင်သေးသလို၊ သကြားကလည်း သွားပိုးစားခြင်းနဲ့ အစားရွေးခြင်းကို ဖြစ်စေနိုင်ပါတယ်။ သဘာဝအတိုင်း အချိုဓာတ်ရှိတဲ့ အသီးအရွက်တွေက ကလေးအတွက် အလုံလောက်ဆုံးပါ။

၄။ စိတ်ရှည်လက်ရှည် ကျွေးမွေးပါ ❤️
အစာအသစ်စကျွေးတဲ့အခါ ကလေးက ထွေးထုတ်တာ၊ ငြင်းဆန်တာမျိုး ရှိနိုင်ပါတယ်။ ဒါဟာ ပုံမှန်ပါပဲ။ စိတ်မပျက်ဘဲ နည်းနည်းချင်းစီ ပြန်လည်ကြိုးစားပေးပါ။

🤒ကလေးငယ်များ ဖျားနာပါက မိဘများ လိုက်နာရန် လမ်းညွှန်၁။ အပူချိန် တိုင်းတာပါ🌡️• ကလေး ကိုယ်ပူနေတယ်လို့ ခံစားရရင် လက်နဲ့ စမ်း...
19/01/2026

🤒ကလေးငယ်များ ဖျားနာပါက မိဘများ လိုက်နာရန် လမ်းညွှန်

၁။ အပူချိန် တိုင်းတာပါ🌡️
• ကလေး ကိုယ်ပူနေတယ်လို့ ခံစားရရင် လက်နဲ့ စမ်းရုံတင်မကဘဲ အပူချိန်တိုင်းကိရိယာ (Thermometer) နဲ့ သေသေချာချာ တိုင်းပေးပါ။
• အပူချိန် 100.4°F (38°C) ထက် ကျော်လွန်နေရင် ဖျားတယ်လို့ သတ်မှတ်နိုင်ပါတယ်။

၂။ ရေပတ်တိုက်ပေးပါ 🧼
• ရေအေး (သို့မဟုတ်) ရေခဲရေ မသုံးပါနဲ့။ သာမန် ရေနွေးနွေးလေးနဲ့သာ ရေပတ်တိုက်ပေးပါ။
• နဖူး၊ ချိုင်းကြားနဲ့ ပေါင်ခြံတွေကို အဓိကထားပြီး ရေပတ်တိုက်ပေးခြင်းက အပူချိန်ကို မြန်မြန်ကျစေပါတယ်။

၃။ အရည်များများ တိုက်ပါ
• ဖျားတဲ့အခါ ကလေးတွေ ရေဓာတ်မခမ်းခြောက်ဖို့ မိခင်နို့ (သို့မဟုတ်) ရေ၊ ဓာတ်ဆားရည်နဲ့ အာဟာရဖြစ်စေမယ့် အရည်တွေကို နည်းနည်းနဲ့ ခဏခဏ တိုက်ပေးပါ။

၄။ ဆေးခန်းပြသရန် လိုအပ်သော အရေးပေါ်လက္ခဏာများ🚨
• ကလေးက လုံးဝ မှိန်းနေခြင်း၊ အစားမဝင်ခြင်း။
• တက်ခြင်း (သို့မဟုတ်) အသက်ရှူရ ခက်ခဲနေခြင်း။
• ဖျားတာ (၃) ရက်ထက် ကျော်လွန်သွားခြင်း။

Address

Mandalay
05024

Opening Hours

Monday 07:30 - 09:00
16:00 - 18:30
Tuesday 07:30 - 09:00
16:00 - 18:30
Wednesday 07:30 - 09:00
16:00 - 18:30
Thursday 07:30 - 09:00
16:00 - 18:30
Friday 07:30 - 09:00
16:00 - 18:30
Saturday 07:30 - 09:00
16:00 - 18:30
Sunday 07:30 - 09:00
16:00 - 18:30

Website

Alerts

Be the first to know and let us send you an email when 𝓟𝓔𝓔𝓚-𝓐-𝓑𝓞𝓞 ကလေးကျန်းမာရေး posts news and promotions. Your email address will not be used for any other purpose, and you can unsubscribe at any time.

Shortcuts

Share

Category