25/03/2023
ဒီနေ့တော့ သွေးဆုံးတာ နဲ့ပက်သက်ပြီး ပြောပြချင်ပါတယ်
အမျိုးသမီးများရဲ့ဘဝ မှာ ရာသီစလာတာခြင်းသည် ထိုအမျိုးသမီး သည် မျိုးပွားနိုင်သောကာလရောက်ရှိပြီ ဆိုတာကိုပြသပါတယ်
သွေးဆုံးတယ် ဆိုတာကတော့အမျိုးသမီးရဲ့မမျိုးဥအိမ်နှစ်ခုမှာ မျိုးဥ တွေကုန်ပြီးဟော်မုန်းထုတ်လုပ်တာ ရပ်စွားလို့ဖြစ်ပါတယ်
တနည်းအားဖြင့်မျိုးပွားနိုင်တဲ့ အစွမ်းကုန်ဆုံးချိန်လည်း ဖြစ်ပါတယ် အများအားဖြင်းအမျိုးသမီးတွေဟာ ၄၅-၅၅ နှစ်ကြားမှာသွေးဆုံးကြပါတယ်
ပျှမ်းမျှအသက်ကတော့ ၅၁ နှစ်ပါ ရာသီမလာတော့တာ တစ်နှစ် ပြည့်မှာသာ သွေးဆုံးပြီလို့သတ်မှတ်ပါတယ် ရာသီထိန်တာ ၅-၆ လဆိုရင်တော့ မသေချာသေးပါ ဆက်လက်စောင့်ကြည့်ရပါမယ်
တခါတလေ အသက် ၆၀ , ၆၅ မှာ မျိုးအိမ်အိမ်ထဲမှာ တစ်လုံးတလေ ကျန်ခဲ့တဲ့ မျိုးဥ ထကြွေပြီးကလေးရတာကတော့ အင်မတန်ရှားပါးပါတယ် တစ်ခါက အသက် ၇၀ ကလေးရတာ တစ်ခါ တစ်ခါ သတင်းထဲမှာ တွေ့ရတတ်ပါတယ်
တချို့အမျိုးသမီးတွေမှာတော့ မျိုးရိုးဗီဇ ချို့ယွင်းတဲ့ ရောဂါများကြောင့် အသက်အရွယ်ငယ်ရွယ်စဥ်မှာစောစီးစွာ သွေးဆုံးတာမျိုးရှိပါတယ် အသက် ၄၀ အောက် ရာသီ တစ်နှစ်ထင်ပိုထိန်မယ် သွေးဆုံးတဲ့ လက္ခဏာပေါ် လာရင် အချိန်မတိုင်ပဲ သွေးဆုံးခြင်း ( premature menopause or premature ovarian deficiency) လို့ခေါ်ပါတယ်
နောက်တမျိုးကတော့ မျိုးဥအိမ် နှစ်ဖက်လုံး ခွဲစိတ်ထုတ်ပစ်ရတဲ့ အခြေအနေမျိုးမှာ ရုတ်တရက်သွေးဆုံးပြီး သွေးဆုံးလက္ခဏာ ပြင်းထန်တာမျိုးရှိနိုင်ပါတယ်
တချို့က သားအိမ် ထုတ်ပစ် ရတဲ့ ရောဂါမျိုး ရှိခဲ့ရင် ဆရာဝန်တွေက အသက် ၄၅ နှစ်အထက် မှာ ဆို မျိုးဥအိမ်ပါ ထုတ်ပစ်ဖို့ အကြံပေးလေ့ရှိပါတယ် ဘာလို့ဆိုတော့ ၄၅-၅၅ ကြားပုံမှန်သွေးဆုံးလေ့ရှိတယ် သွေးဆုံးရင်မျိုးဥအိမ်က အလုပ်မလုပ်တော့ အသုံးမဝင်တော့ဘူး ထားခဲ့ခြင်းဖြင့်နောင်တချိန် အရညိအိတ် သို့ မျိုးဥအိမ်ကင်ဆာ ဖြစ် လာခဲ့ရင်ဆိုတဲ့ ယူဆချက် ရှိပါတယ်
၄၅ နှစ်အောက် ဆိုရင် သားအိမ်ထုတ်စရာ ကိစ္စ ရှိလာခဲ့ ပါက မျိုးဥအိမ်လည်းကောင်းမွန်တယ် အမျိုးထဲမှာလည်း မျိုးဥအိမ်ကင်ဆာ သို့ နို့ကင်ဆာ မရှိတဲ့သူ ဆို ထားခဲ့ကြပါတယ်
နောက်တစ်ခု က သားအိမ်ကင်ဆာ လို့သံသယရှိသူ သားအိမ်အတွင်းနံရံထူလို့ အသားစယူရာမှာ ပုံမမှန်တဲ့ ဆဲလ်ပါလို့ သားအိမ်ကင်ဆာဖြစ်နိုင်ခြေများလို့ သံသယရှိသူတွေမှာလည်း မျိုးဥ အိမ်ထုတ်ပစ်ဖို့အကြံပေးပါတယ် ဘာလို့ဆိုတော့ သားအိမ်ကင်ဆာက ဟော်မုန်းပေါ်မူတည်ပြီး တုံ့ပြန်မှုကွာလို့ဖြစ်ပါတယ် မျိုးဥအိမ်ကင်ဆာ မှာလည်း အဆင့်ပေါ်မူတည်ပြီး နှစ်ဖက်စလုံးထုတ်တာမျိုးရှိနိုင်ပါတယ် ဒီလိုမျိုးခွဲစိတ်ထားတဲ့အမျိုးသမီးတွေမှာလည်း အချိန်မတိုင်ပဲ သွေးဆုံးပြီးသွေးဆုံးလက္ခဏာများခံစားရမှာဖြစ်ပါတယ်
အမျိုးသမီးများမှာ သွေးဆုံးခါနီး အသက်အရွယ်ဖြစ်လာရင် သွေးမဆုံးခင်ကာလ ကတည်းက မျိုးဥအိမ်မှ ဟော်မုန်း ထုတ်လုပ်မှု လအနည်းကြိုပြီး ကျဆင်းလာပါတယ် အမျိုးသမီးတစ်ဝက်လောက်က ဟော်မုန်းနည်းလာတဲ့ လက္ခဏာ များကို စတင် သတိထားမိလာတာ ခံစားရလာပါတယ်
သွေးဆုံးကိုင်တယ်လို့မြန်မာအများစုက လက်ခံ ထားကြပေမဲ့ အမှန်က မျိုးဥအိမ်မှ အီထရိုဂျင်ဟော်မုန်းထုတ်လုပ်မှု ကျဆင်းလာတဲ့ လက္ခဏာများပဲဖြစ်ပါတယ်
ဒါတွေကတော့ ပူလိုက်ချမ်းလိုက် ဖြစ်ခြင်း ၊ ညဖက်ချွေးထွက်ခြင်း၊ မိန်းမကိုယ် ခြောက်သွေ့ခြင်း၊ စိတ်ကျနေခြင်း၊စိတ်ပူပန်နေခြင်း၊အဆစ်အမြစ်ကိုက်ခြင်းကြွက်သားများနာကျင်ခြင်း၊ လိင်စိတ်နည်းပါးလာခြင်း စသည်များ ထဲမှ လက္ခဏာများ တစ်ခုထက်ပိုပြီး ခံစားရနိုင်ပါတယ်
👉🏻တစ်ချို့ အမျိုးသမီး တွေက ပိုမိုပြင်းထန်စွာခံစားရပါတယ် တစ်ယောက်နှင့်တစ်ယောက် ခံစားရတာခြင်းမတူပါ ထို့ကြောင့် လူတိုင်း ဆေးဖြင့်ကုသရန်မလိုအပ်ပဲ ကျော်လွှားသွားနိုင်ကြတာများပါတယ်
☝🏻သွေးဆုံးကာလ ရောက်လာလျှင် ဘာတွေပြင်ဆင်သင့်သလဲ
👉🏻ပုံမှန်ကိုယ်လက်လှုပ်ရှားမှု ပြုပါ ( ရေကူးခြင်း၊ပြေးခြင်း၊လမ်းလျှောက်ခြင်း ၊Yoga )
👉🏻ကော်ဖီ နှင့် အရက် လျှော့သောက်ခြင်း
ဒီအခြေခံ လူနေမှုပုံစံပြုပြင်ခြင်းက ပူလိုက်ချမ်းလိုက်ဖြစ်ခြင်းနဲ့ ညဖက်ချွေးထွက်တဲ့ လက္ခဏာများကိုလျှော့နည်းသက်သာစေပါတယ်
တချို့ အပင် သို့အမြစ်များ မှထုတ်လုပ်သော Black Cohort , St.John wort ၊ ပဲပိစပ်မှ ရရှိသော isoflavine စသည် တို့သည်လည်း တချို့အမျိုးသမီးများတွင် ပူလိုက်ချမ်းလိုက်ဖြစ်ခြင်းနှင့် ညဖက်ချွေးပြန်ခြင်းကို သက်သာစေနိုင်ပါတယ်
ဒါပေမဲ့ နို့ကင်ဆာ ၊ ဝက်သက်ရောဂါ ၊နှလုံးရောဂါ၊ ရင်ကျပ်ပန်းနာရောဂရှိသူများမှာ အန္တရာယ်ကင်း သလား တိကျတဲ့ အချက်အလက်မရှိသေးတဲ့အတွက် သတိထားသင့်ပါတယ်
တခြား ကုသမှုများ အပ်စိုက် acupunture , လေစုပ် acupressure , အနံ့ကုထုံး၊ CBT ခေါ် တွေ့ဆုံဆွေးနွေးပြီး စိတ်ကျခြင်း စိုးရိမ်ပူပန်မှုလျှော့နည်းအောင်လုပ်ခြင်း စသည်တို့ကို စမ်းသပ်ကြည့်ရမှာ တချို့အမျိုးသမီးတွေ အတွက်အကျိုးရှိပေမဲ့ တချို့အမျိုးသမီးတွေမှာ မသက်သာ အကျိုးမရှိတာ တွေ့ရပါတယ်
အမျိုးသမီး အများစု စိတ်ဝင်စားကြတဲ့ HRT ခေါ် ဟော်မုန်းဆေးသောက်ရင်ရော ဘာတွေကောင်းနိုင်မလဲ ဆေးရဲ့ ဆိုးကျိုးဘာတွေရှိမလဲကြည့်ကြရအောင်
ဟော်မုန်းဆေးမှာ ဘာတွေပါသလဲ
အဓိကအားဖြင့် လျှော့နည်းသွားတဲ့ အီထရိုဂျင်ဟော်မုန်းကိုပြန်လည်ဖြည့်တင်းခြင်းဖြင့် ခံစားရမဲ့လက္ခဏာများကို ထိန်းသိမ်းပါတယ်
ဒါပေမဲ့
သားအိမ်ထုတ်ပစ်တဲ့သူမှာ ဟော်မုန်းတစ်မျိုးပဲပေးရင်ပြဿနာမရှိပေမဲ့ သားအိမ်ရှိတဲ့အမျိုးသမီးတွေမှာ တမျိုးတည်းပေးရင်သားအိမ်အတွင်းနံရံထူခြင်းပုံမှန်မဟုတ်သောသွေးဆင်းတာတွေဖြစ်နိုင်လို့ ဟော်မုန်းနှစ်မျိုး ပရိုဂျက်စတိုဂျင်ပါ တဲ့ ဆေးမျိုးပေးပါတယ်
ဟော်မုန်းဆေး သောက်ရင် ဘာတွေကောင်းလာမလဲ
အရိုးသန်မာစေတယ် အရိုးပွ အရိုးကျိုးကာကွယ်ပေးတယ် စိတ်ကျခြင်းသက်သာစေသလို အထက်ဖော်ပြပါ သွေးဆုံးခြင်းလက္ခဏာတွေကိုသက်သာစေပါတယ်
ဟော်မုန်းဆေးတွေက နို့ကင်ဆာဖြစ်နှုန်းအနည်းငယ် မြင့်တက်စေပါတယ် ဟော်မုန်းနှစ်မျိုးက တစ်မျိုးတည်းထက် ဖြစ်နှုန်းနည်းနည်းပိုပါတယ်
ဟော်မုန်းသောက်ဆေးတွေက သွေးကြောအတွင်းသွေးခဲခြင်း ကိုမြင့်တက်စေပါတယ် လေဖြတ်တဲ့နှုန်းကိုလည်းအနည်းငယ်မြင့်တက်စေပါတယ် ပထမ စသောက်ပြီးရင် ၃ လမှာ ဆရာဝန်ကပြန်ကြည့်ပါမယ် ဘာပြဿနာမှမရှိရင်ဆေးသောက်နေစဥ် တစ်နှစ်တခါ ပြန်စစ်ဆေးပါတယ်
စစသောက်ပြီးပထမ ၃ လမှာပုံမှန်မဟုတ်တဲ့သွေးဆင်းနိုင်ပါတယ် ဒါပေမဲ့ ၃ လကျော်တဲ့အထိ သွေးဆင်းနေရင် ပြန်ပြဖို့လိုပါတယ်
ဒီဟော်မုန်းဆေးတွေက ကိုယ်ဝန်တားဆေးမဟုတ်လို့ ကိုယ်ဝန်မတားနိုင်ပါ
သွေးဆုံးပြီးရင်တောင်မှ တစ်လုံးတလေကျန်တဲ့မျိုးဥကြွေတာကာကွယ်ဖို့ အသက် ၅၀ အောက်ဆို တားဆေး ၂ နှစ် ၊ အသက် ၅၀ အထက်ဆို တားဆေး တစ်နှစ်ဆက်သုံးဖို့လိုပါမယ်
နောက်တစ်ချက်က အသက် ၄၀ အောက် ရာသီတစ်နှစ်မပေါ်ဘူး ကိုယ့်ကိုကိုယ် သွေးဆုံးတယ်လို့သံသယရှိရင် သွေး စစ်ဆေးလို့ ရပါတယ်
သေချာအောင် နှစ်ခါစစ်ပါတယ် ပထမအကြိမ်ပြီးရင် ဒုတိယအကြိမ်ကို ၄-၆ ပတ်အကြာမှာ ထပ်စစ်ပါတယ်
# Dr.OG
# Your friend forever
( RCOG)
