Healthy Life by Dr. JUNE (2026)

29/08/2026

အရွယ်ရောက်ဆယ်ကျော်သက်မိန်းကလေးတွေအတွက် အာဟာရက ဘာကြောင့်အရေးကြီးတာလဲ?

🌟ဆယ်ကျော်သက်အရွယ်ဆိုတာ အရပ်ရှည်လာဖို့၊ ကိုယ်ခန္ဓာကြီးထွားဖို့ပဲ အစားအသောက်ကောင်းကောင်းစားရတဲ့အရွယ် မဟုတ်ပါဘူး။
ဒီအရွယ်မှာ တည်ဆောက်လိုက်တဲ့ စားသောက်မှုပုံစံနဲ့ နေထိုင်မှုပုံစံတွေက လက်ရှိကျန်းမာရေးသာမက အရွယ်ရောက်ပြီးနောက် ကျန်းမာရေးအပေါ်ပါ သက်ရောက်နိုင်ပါတယ်။

👉Growth & Development
ခန္ဓာကိုယ်လျင်မြန်စွာ ကြီးထွားနေတဲ့အတွက် စွမ်းအင် ၊ အသားဓာတ် အပြင် ဗိုက်တာမင်နဲ့ သတ္တုဓာတ်တွေ ပါ လုံလောက်ဖို့လိုပါတယ်။

👉 Iron & Menstrual Health
ရာသီလာပြီးနောက် သံဓာတ် ဆုံးရှုံးမှုရှိနိုင်တာကြောင့် အသား၊ ငါး၊ ကြက်ဥ၊ ပဲအမျိုးမျိုးနဲ့ သံဓာတ် ပါဝင်တဲ့အစားအစာတွေကို ဂရုစိုက်ပြီး သေချာပါ၀င်အောင်စားသင့်ပါတယ်။

👉 Bone Health
ဆယ်ကျော်သက်အရွယ်ဟာ အရိုးသိပ်သည်းဆ တည်ဆောက်ဖို့ အရေးကြီးတဲ့အချိန်ပါ။ ကယ်လ်စီယမ် နဲ့ ဗိုက်တာမင် ဒီ ရအောင်စားသောက်နေထိုင်ဖို့ နဲ့ ကိုယ်လက်လှုပ်ရှားမှုကို မမေ့ပါနဲ့။

👉 Healthy Eating Behaviors & Body Image
“ပိန်မှလှတယ်” ဆိုတဲ့အတွေးကြောင့် အစာမစားခြင်း၊ Meal Skipping လုပ်ခြင်း၊ အလွန်အကျွံ Diet လုပ်ခြင်းတွေကို ရှောင်သင့်ပါတယ်။ ကျန်းမာစွာကြီးထွားဖို့က ပိန်ဖို့ထက် ပိုအရေးကြီးပါတယ်။

👉 Healthy Dietary Pattern
“Superfood” တစ်မျိုးတည်းကို အားကိုးဖို့မလိုပါဘူး။
Protein, Quality Carbohydrates, Vegetables, Fruits, Healthy Fats နဲ့ Calcium-rich foods တွေကို စုံလင်မျှတစွာ စားသုံးဖို့က ပိုအရေးကြီးပါတယ်။

👉 Hydration
ရေလုံလောက်စွာသောက်ခြင်းကလည်း ဆယ်ကျော်သက်အရွယ်မှာ အရေးကြီးပါတယ်။
ကိုယ်လက်လှုပ်ရှားမှုများတဲ့နေ့တွေ၊ ပူတဲ့ရာသီတွေမှာ ရေလိုအပ်ချက် ပိုများနိုင်ပါတယ်။ ချိုတဲ့ Ready Made အချိုရည်တွေအစား ရေကို အဓိကသောက်သုံးတဲ့ အလေ့အကျင့် တည်ဆောက်ပေးပါ။

👉 Sleep & Recovery
အိပ်ရေးဝဝအိပ်ခြင်းက ခန္ဓာကိုယ်ကြီးထွားမှု၊ သင်ယူနိုင်စွမ်း၊ စိတ်ခံစားချက်နဲ့ နေ့စဉ်ကျန်းမာရေးအတွက် အရေးကြီးပါတယ်။
အစားအသောက်ကောင်းကောင်းစားပြီး အိပ်ရေးမဝဘူးဆိုရင်လည်း Healthy Lifestyle မပြည့်စုံသေးပါဘူး။

👉 Physical Activity
ကောင်းမွန်တဲ့အစားအသောက်နဲ့ ပုံမှန်ကိုယ်လက်လှုပ်ရှားမှု တွဲဖက်တဲ့အခါ အရိုးနဲ့ကြွက်သားကျန်းမာရေးကို ပိုကောင်းစေပြီး Healthy Weight ကိုလည်း ထိန်းသိမ်းနိုင်ပါတယ်။

👉 Chronic Disease Prevention
ဒီနေ့တည်ဆောက်တဲ့ အစားအသောက်၊ ရေသောက်ခြင်း၊ အိပ်စက်ခြင်းနဲ့ Lifestyle Habits တွေက အနာဂတ်မှာ အဝလွန်ခြင်း၊ ဆီးချိုအမျိုးအစာ(၂) နဲ့ နှလုံးသွေးကြောရောဂါ ဖြစ်နိုင်ခြေကို လျှော့ချရာမှာလည်း အရေးပါပါတယ်။

✨✨✨Teenage Nutrition ဆိုတာ အခုကြီးထွားဖို့အတွက်သာ မဟုတ်ပါဘူး။ ကျန်းမာတဲ့ အနာဂတ်တစ်ခုကို တည်ဆောက်ပေးနိုင်ဖို့အတွက်ပါ ရည်ရွယ်တာပါ။

ဆယ်ကျော်သက်အမျိုးသမီးငယ်‌လေးများ အားလုံး အကျိုးထူးတဲ့ အာဟာရ အချက်အလက်များ ရရှိလိုက်နာနိုင်ပါစေ ...

ဒေါက်တာ ဇွန်သီရိ
အာဟာရဆိုင်ရာ ဆရာ၀န်

#ဆယ်‌ကျော်သက်အမျိုးသမီး
#အာဟာရဆေးပညာ

28/08/2026

တွေ့နေကျ အယူအဆအလွဲအမှားလေးတွေနဲ့
တကယ့် ကျန်းမာတဲ့ စားသောက်နေထိုင်မှုပုံစံကို
ဒီ Video ထဲမှာ မျှဝေပေးထားပါတယ် ...

#ကျန်းမာတဲ့စားသောက်နေထိုင်မှုပုံစံ
#အာဟာရဆေးပညာ

27/08/2026

သံဓာတ်နှင့် ဆယ်ကျော်သက်မိန်းကလေး!!!

#သံဓာတ်
#အာဟာရဆေးပညာ
#ဆယ်ကျော်သက်အမျိုးသမီး

26/08/2026

အမျိုးသမီးတို့အတွက် အာဟာရ ; Episode (1) - Growing Girls
(Women's Nutrition through Life Stages: Series)

Reference: Krause and Mahan's Food and the Nutrition Care Process

#ဆယ်ကျော်သက်အမျိုးသမီး
#ကျန်းမာသော‌အလေ့အကျင့်
#အာဟာရဆေးပညာ

24/08/2026

အမျိုးသမီးတို့အတွက် အာဟာရ ကို
"Women's Nutrition Through Life Stages" ခေါင်းစဉ်နဲ့ Series လေး ပြောပြပေးသွားပါမယ် ...

အမျိုးသမီးအားလုံး အကျိုးထူးတဲ့ အာဟာရ အချက်အလက်များ ရရှိလိုက်နာနိုင်ပါစေ ...

ဒေါက်တာ ဇွန်သီရိ
အာဟာရဆိုင်ရာ ဆရာ၀န်

#အမျိုးသမီး
#အာဟာရဆေးပညာ

23/08/2026

"ဂေါက်ရောဂါရှိရင် ဘာတွေကို ရှောင်စားသင့်လဲ ဆရာမ" လို့ မေးထားဖူးတဲ့ Comment လေးကို ဖြေပေးပါမယ်။

ဂေါက်ရောဂါ (Gout) ဖြစ်ပြီဆိုရင်
-အနီ‌ရောင်အသားမစားရဘူး
-ပဲမစားရဘူး
-အနီရောင် အသီးအနှံတွေ မစားရဘူး
-မြေပေါ်/မြေအောက် ၇ လက်မအတွင်း ပေါက်တဲ့ အစားအစာတွေကို ရှောင်ရမယ် ဆိုပြီး အစားအစာတွေ အများကြီးကို ဖြတ်ပစ်ဖို့ တိုက်တွန်းကြတာကို မကြာခဏ ကြုံတွေ့ရတတ်ပါတယ်။

ဒါပေမယ့် Evidence-Based Nutrition အရ Gout Diet ကို “မြေပေါ်/မြေအောက်” ဆိုပြီး ခွဲခြားသတ်မှတ်ထားတာ မရှိပါဘူး။
အဓိကကြည့်ရမှာက Purine ပမာဏ၊ အစားအစာအမျိုးအစား၊ စားသုံးတဲ့ပမာဏနဲ့ Overall Dietary Pattern ဖြစ်ပါတယ်။

👉မြေအောက်အစားအစာတွေကို လုံးဝရှောင်ဖို့ လိုပါသလား?
အာလူး၊ ကန်စွန်းဥ၊ မုန်လာဥ၊ မုန်လာဥနီ စတဲ့ မြေအောက်သီးနှံတွေကို မြေအောက်မှာပေါက်လို့ မစားရဘူး ဆိုတာမျိုး Evidence မရှိပါဘူး။
အချို့မှာ Purine ပါနိုင်ပေမယ့် လုံးဝရှောင်ဖို့ မလိုပါဘူး။
Gout လူနာတွေအတွက် အရေးကြီးတာက အစားအစာတစ်မျိုးတည်းကို ကြောက်ပြီး ဖြတ်ပစ်တာထက် Balanced Diet ဖြစ်အောင် စားသုံးနိုင်ဖို့ ပါ။

👉အနီရောင်အသီးအနှံတွေကော?
စတော်ဘယ်ရီ၊ ခရမ်းချဉ်သီး၊ ဖရဲသီး၊ ပန်းသီး စတဲ့ အနီရောင်/အရောင်ရင့် အသီးအနှံတွေကို အနီရောင်ဖြစ်လို့ ရှောင်ရမယ်ဆိုတာလည်း Evidence မရှိပါဘူး။
အသီးအနှံတွေမှာတော့ အရောင်ထက် စားသုံးတဲ့ပမာဏနဲ့ Fructose ပါဝင်မှု ကို ပိုအာရုံစိုက်သင့်ပါတယ်။

🌟🌟🌟 တကယ်သတိထားစားရမှာတွေက ဘာတွေလဲ?

👉Purine အလွန်များတဲ့ အစားအစာတွေကို ပမာဏနဲ့ အကြိမ်ရေ သတိထားသင့်ပါတယ်။
အထူးသဖြင့်
- Organ meats — အသည်း၊ ကျောက်ကပ်၊ နှလုံး စတဲ့ အတွင်းကလီစာများ
- Red meat — အမဲ၊ ဝက်၊ သိုး၊ ဆိတ် စတဲ့ အနီ ရောင်အသားများ
- ငါးနဲ့ Seafood အချို့ — Anchovy၊ Sardine၊ Mackerel နဲ့ Shellfish အချို့ တို့မှာ Purine မြင့်နိုင်ပါတယ်။
ဒါပေမယ့် ဒါ‌တွေအားလုံး မစားရ ဆိုတာမျိုး မဟုတ်ပါဘူး။ High-purine အစားအစာတွေကို တစ်ထိုင်တည်း အများကြီး စားတာမျိုး မဟုတ်ဘဲ နဲ့ ပမာဏနဲ့ အကြိမ်ရေကို သတိထားဖို့ ဖြစ်ပါတယ်။

👉အရက်‌ သောက်သုံးခြင်းကိုလည်း သတိထားပါ
အထူးသဖြင့် Beer သောက်သုံးခြင်းဟာ Gout ဖြစ်နိုင်ခြေနဲ့ Gout flare ဖြစ်နိုင်ခြေကို တိုးစေနိုင်တာကြောင့် ဖြစ်နိုင်ရင် ရှောင်တာ ပိုသင့်တော်ပါတယ်။

👉သကြားပါတဲ့ အချိုရည်တွေလည်း လျှော့ပါ
Soft drinks၊ Sugar-sweetened beverages နဲ့ Fructose များတဲ့ အချိုရည်တွေကို မကြာခဏသောက်တာက Uric Acid နဲ့ Gout risk ကို တိုးစေနိုင်ပါတယ်။
ဒါကြောင့် 100% Fruit Juice ဖြစ်ရင်တောင် အများကြီးသောက်ဖို့ မလိုပါဘူး။ Whole fruit ကို ပိုဦးစားပေးနိုင်ပါတယ်။

👉ဒါဆို ပဲ၊ မှို၊ မျှစ်၊ ဟင်းသီးဟင်းရွက်တွေကော?
ပဲအမျိုးမျိုး၊ ပဲပင်ပေါက်၊ ဟင်းနုနွယ်၊ မှို၊ မျှစ် စတဲ့ Plant-based foods အချို့မှာ Purine ပါနိုင်ပါတယ်။
ဒါပေမယ့် “Purine ပါတယ် ၊ Gout ရှိရင် လုံးဝမစားရ” ဆိုတာ မဟုတ်ပါဘူး။
Plant-based Purine sources တွေကို အသားနဲ့ Seafood တွေလို Gout flare ကို တူညီစွာ ဖြစ်စေတဲ့အစားအစာတွေအဖြစ် မသတ်မှတ်သင့်ပါဘူး။
ဒါကြောင့် အာဟာရမျှတမှုမပျက်အောင် ဟင်းသီးဟင်းရွက်၊ ပဲနဲ့ Whole foods တွေကို သင့်တော်တဲ့ပမာဏနဲ့ ထည့်သွင်းစားသုံးနိုင်ပါတယ်။

👉 Low-fat milk၊ Yogurt လို Dairy foods တွေကိုလည်း သင့်တော်တဲ့ပမာဏနဲ့ ထည့်သွင်း သောက်သုံးနိုင်ပါတယ်။

👉ကိုယ်အလေးချိန်ကိုလည်း ထိန်းပါ
အ၀လွန်ရောဂါ ရှိသူတွေမှာ ကျန်းမာရေးနဲ့ညီညွတ်တဲ့ ၀ိတ်ချခြင်းက ဂေါက်ရောဂါကုသမှုရဲ့ အစိတ်အပိုင်းတစ်ခု ဖြစ်ပါတယ်။
ဒါပေမယ့် Crash Diet၊ အလွန်အမင်း Fasting နဲ့ အလွန်မြန်မြန် ဝိတ်ချတာမျိုးကိုတော့ မလုပ်သင့်ပါဘူး။

အတိုချုပ်ပြောရရင်…
Gout Diet ဆိုတာ “မစားရတဲ့အစားအစာစာရင်း” တစ်ခု မဟုတ်ပါဘူး။

❌ မြေအောက်မှာပေါက်လို့ မစားရ
❌ Purine ပါလို့ အစားအစာအားလုံး မစားရ
❌ အသား/ပဲကို လုံးဝဖြတ်ရ ဆိုတာထက်

✅ High-purine animal foods ကို လျှော့ပါ
✅ Alcohol ကို ရှောင်/လျှော့ပါ
✅ Sugar-sweetened & fructose-rich drinks ကို လျှော့ပါ
✅ Protein sources တွေကို မျှတစွာ ရွေးချယ်ပါ
✅ ဟင်းသီးဟင်းရွက်နဲ့ Whole foods တွေကို မျှတစွာ စားပါ
✅ ကိုယ်အလေးချိန်များပါက ကျန်းမာရေးနဲ့ညီညွတ်အောင် ထိန်းပါ
✅ Overall Dietary Pattern ကို အာရုံစိုက်ပါ

နောက်ထပ် အရေးကြီးတဲ့အချက်က Nutrition က Gout Management ရဲ့ အစိတ်အပိုင်းတစ်ခုသာ ဖြစ်ပါတယ်။
Uric Acid အလွန်မြင့်နေသူ၊ Gout Attack မကြာခဏဖြစ်သူ၊ Tophi ရှိသူ၊ Kidney Disease ရှိသူ စတဲ့ လူနာတွေမှာ ဆေးကုသမှု လိုအပ်နိုင်ပါတယ်။

✨✨✨ဒါကြောင့် Uric Acid လျှော့ချဆေးတွေကို မိမိဘာသာ စတင်ခြင်း၊ ရပ်ခြင်း မပြုဘဲ သက်ဆိုင်ရာ သမားတော်/ဆရာဝန်ကြီးများနဲ့ ပြသပြီး မိမိရဲ့ ရောဂါအခြေအနေအလိုက် ကုသမှုခံယူပါ။

❤️❤️❤️ အားလုံးပဲ မှန်ကန်တဲ့ ရွေးချယ်မှုနဲ့ အတူ အာဟာရရှိတဲ့ ကျန်းမာတဲ့ နေ့ရက်လေးတွေအမြဲထာ၀ရပိုင်ဆိုင်နိုင်ပါစေ ။

ဒေါက်တာဇွန်သီရိ
အာဟာရဆိုင်ရာ ဆရာ၀န်

#ဂေါက်ရောဂါ
#အာဟာရဆေးပညာ

22/08/2026

👉👉👉 Mini-Nutrition Bag အကြောင်း ပြောပြထားတဲ့ Video ထဲမှာပါတဲ့ Healthy Snack လေးတွေကို အနီးကပ် ပုံလေး‌တွေနဲ့ ပြန်ပြထားတာပါ ...

❤️❤️❤️ မှန်ကန်တဲ့ ရွေးချယ်မှုနဲ့အတူ အာဟာရရှိတဲ့ ကျန်းမာတဲ့ နေ့ရက်လေးတွေ အမြဲထာ၀ရ ပိုင်ဆိုင်နိုင်ပါစေ

Disclaimer: ဤ Post တွင် ဖော်ပြထားသော Product/Brand များသည် ဥပမာအနေဖြင့်သာ အသုံးပြုထားခြင်းဖြစ်ပါသည်။ မိမိနှင့် သင့်တော်သော Product များကို Nutrition Information နှင့် Individual Health Condition ပေါ်မူတည်၍ ရွေးချယ်နိုင်ပါသည်။

ဒေါက်တာဇွန်သီရိ
အာဟာရဆိုင်ရာဆရာ၀န်

22/08/2026

ဆေးရုံ/ဆေးခန်းမှာ OPD သွားပြရင် "Mini-Nutrition Bag"လေး တစ်အိတ် ဆောင်သွားကြမလား?

OPD လာပြတဲ့အခါ၊ သွေးစစ်/ဆေးစစ်ဖို့ စောင့်ရတဲ့အခါ၊ Medical Check-up လုပ်ရင်း အဆင့်ဆင့်စောင့်ရတဲ့အခါ လူက ဗိုက်ဆာပြီး ကတုန်ကယင်ဖြစ်တာမျိုး ကြုံရတတ်ပါတယ်။

အထူးသဖြင့် စောင့်ချိန်ကြာနိုင်တဲ့နေ့တွေမှာ အလွယ်တကူစားသုံးလို့ရမယ့် Mini-Nutrition Bag လေးတစ်ခု ဆောင်ထားရင် အဆင်ပြေပါတယ်။

👉👉👉Mini-Nutrition Bag ထဲမှာပါသင့်တဲ့ အစားအစာ လေးတွေက တော့

၁။ လတ်ဆတ်တဲ့ အသီးအနှံ
ပန်းသီး၊ သစ်တော်သီး စတဲ့ အသီးတွေကို
ဆေးကြောပြီး လှီးကာ ဘူးလေးနဲ့ ထည့်ဆောင်နိုင်ပါတယ်။
ဗိုက်ဆာချိန်မှာ အချိုမုန့်၊ အကြော်တွေကိုပဲ ရွေးစားတာထက် အသီးအနှံက ပိုကောင်းတဲ့ Snack Option တစ်ခုပါ။

🌟သတိထားရန် - လှီးထားတဲ့အသီးကို အချိန်ကြာကြာ အပူချိန်ပတ်ဝန်းကျင်မှာ မထားသင့်ပါဘူး။

၂။ ငှက်ပျောသီး
အလွယ်တကူ သယ်ဆောင်နိုင်ပြီး
ဘူး၊ ဇွန်း မလိုဘဲ ချက်ချင်းစားလို့ရတဲ့ Snack ပါ။

စောင့်ရင်း ဗိုက်ဆာလာတဲ့အချိန်
အမြန်စားလို့ရတာကြောင့် Mini Bag ထဲမှာ ထည့်ဆောင်ဖို့ အဆင်ပြေပါတယ်။

၃။ အခွံမာသီး အနည်းငယ်

Almond၊ Cashew စတဲ့ အခွံမာသီးတွေကို
လက်တစ်ဆုပ်စာလောက် ဘူးသေးသေးလေးနဲ့ ထည့်ဆောင်နိုင်ပါတယ်။
အသီးတစ်မျိုးတည်းစားတာထက်
အခွံမာသီး အနည်းငယ်နဲ့ တွဲစားရင် ပိုပြီး ဗိုက်ဝပြီး ကျေနပ်မှုရှိတဲ့ Snack ဖြစ်နိုင်ပါတယ်။

🌟ဒါပေမယ့် အများကြီးတစ်ခါတည်း စားဖို့တော့ မလိုပါဘူးနော်။

၄။ UHT Milk သို့မဟုတ် Soy Milk

အစာစားချိန်မမှန်တဲ့အခါ၊
ဗိုက်ဆာပေမယ့် အစာအပြည့်စားဖို့ မလွယ်တဲ့အချိန်မှာ
Ready-to-drink Milk သို့မဟုတ် Soy Milk အသေးဘူး လေးတွေက အဆင်ပြေပါတယ်။

🌟ဖြစ်နိုင်ရင် Added sugar များတဲ့အချိုရည်တွေထက် နို့ သို့မဟုတ် သကြားမများတဲ့ Soy Milk ကို ရွေးနိုင်ပါတယ်။

၅။ ရေဘူး

စောင့်ရင်းနဲ့ ရေသောက်ဖို့ မမေ့ပါနဲ့။
အထူးသဖြင့် ဆေးရုံသွားတဲ့နေ့မှာ လမ်းသွားလမ်းလာ၊ စောင့်ဆိုင်းရတာတွေကြောင့် ရေဘူးလေးတစ်ဘူး ဆောင်ထားတာက အရမ်းအသုံးဝင်ပါတယ်။

✨✨✨Mini Nutrition Bag ဆိုတာ အများကြီးထည့်သွားဖို့ မဟုတ်ပါဘူး

ဗိုက်ဆာတဲ့အချိန် အဆင်ပြေပြေစားနိုင်ဖို့၊
စောင့်ရတဲ့အချိန်မှာ အာဟာရမကောင်းတဲ့ Snack တွေကို အလွယ်တကူဝယ်စားမိတာ လျှော့နိုင်ဖို့
ကိုယ့်အတွက် သင့်တော်တဲ့ Snack လေးတွေ ကြိုတင်ပြင်ဆင်ထားတာပါ။

ဒါပေမယ့် ဆေးစစ်မှုအတွက် Fasting လုပ်ရန် ညွှန်ကြားထားသူများ ကတော့ ဆရာဝန် သို့မဟုတ် ဆေးစစ်ဌာနရဲ့ ညွှန်ကြားချက်ကို အရင်လိုက်နာရပါမယ်။

နောက်တစ်ခါ OPD သွားရင်…
ကိုယ့် Mini Nutrition Bag ထဲမှာ ဘာတွေထည့်သွားမလဲ? ဆိုတာ Comment မှာ မန့်ခဲ့ပေးလို့ရပါတယ် ...

Disclaimer: ဤ Post တွင် ဖော်ပြထားသော Product/Brand များသည် ဥပမာအနေဖြင့်သာ အသုံးပြုထားခြင်းဖြစ်ပါသည်။ မိမိနှင့် သင့်တော်သော Product များကို Nutrition Information နှင့် Individual Health Condition ပေါ်မူတည်၍ ရွေးချယ်နိုင်ပါသည်။

ဒေါက်တာဇွန်သီရိ
အာဟာရဆိုင်ရာဆရာ၀န်

21/08/2026

ကျန်းမာဖို့အတွက် ဘယ်အမူအကျင့်က ပြင်ဖို့ အခက်အခဲဆုံးလဲ??

#ပေါ့ပေါးပါးပါးဖြေကြမယ်

20/08/2026

ဗိုက်ဖောင်း၊ လေတက်တာနဲ့ အစားအစာတွေ အများကြီး မဖြတ်လိုက်ပါနဲ့!!!!!

ဗိုက်ဖောင်းတယ်…
လေတက်တယ်…
ဗိုက်နာတယ်…
ဝမ်းလျှောတယ်…
ဒီလို အစာအိမ်နဲ့ အူလမ်းကြောင်းဆိုင်ရာ လက္ခဏာတွေ ဖြစ်လာရင် လူအများစုက “ဒီအစားအစာနဲ့ မတည့်ဘူးထင်တယ်”
“ဒါစားလို့ ဖြစ်တာပဲ” ဆိုပြီး အစားအစာတွေကို တစ်မျိုးပြီးတစ်မျိုး ဖြတ်ပစ်တတ်ကြပါတယ်။

-နို့မသောက်တော့ဘူး
- ဂျုံပါတာတွေ မစားတော့ဘူး
- ပဲအားလုံးရှောင်တယ်
- ဟင်းသီးဟင်းရွက်တချို့ ဖြတ်တယ်
- ဆီ၊ အဆီတွေ အကုန်ရှောင်တယ်
ဒီလိုနဲ့ နောက်ဆုံး စားလို့ရတဲ့ အစားအစာတွေက ပိုပိုပြီး နည်းလာတတ်ပါတယ်။

ဒါပေမယ့် ဗိုက်ဖောင်းတာ၊ လေတက်တာ ဖြစ်တိုင်း အစားအစာတွေကို အများကြီးဖြတ်ပစ်တာက အမြဲတမ်း မှန်ကန်တဲ့နည်းလမ်းတော့ မဟုတ်ပါဘူး။

👉နို့သောက်လို့ ဗိုက်ဖောင်းရင် နို့ထွက်ပစ္စည်းအားလုံး ရှောင်ရမှာလား?
မဖြစ်မနေ အကုန်ရှောင်စရာ မလိုပါဘူး။
တချို့သူတွေမှာ နို့ထဲက သကြားတစ်မျိုးဖြစ်တဲ့ Lactose ကို ကောင်းကောင်းမချေဖျက်နိုင်တာ ရှိနိုင်ပါတယ်။
ဒါပေမယ့် လူတိုင်းက တူညီတဲ့ပမာဏကို မခံနိုင်တာမျိုး မဟုတ်ပါဘူး။
တချို့သူက နို့တစ်ခွက်သောက်ရင် လက္ခဏာဖြစ်ပေမယ့် ပမာဏနည်းနည်းတော့ သောက်လို့ရနိုင်ပါတယ်။
တချို့သူတွေက ဒိန်ချဉ်၊ ဒိန်ခဲလို နို့ထွက်ပစ္စည်းတချို့ကိုတော့ စားနိုင်ပါတယ်။
ဒါကြောင့် နို့သောက်လို့ ဗိုက်ဖောင်းတယ် လို့ သံသယရှိတာနဲ့ နို့နဲ့ နို့ထွက်ပစ္စည်းအားလုံးကို တစ်သက်လုံးဖြတ်ရမယ် လို့ မဆိုလိုပါဘူး။

👉ဗိုက်ဖောင်းတာနဲ့ ဂျုံပါတာတွေ အကုန်ရှောင်ရမှာလား?
မလိုအပ်ဘဲ အကုန်မဖြတ်သင့်ပါဘူး။
ဂျုံနဲ့ဆိုင်တဲ့ အစားအစာတွေကို တကယ်ရှောင်ရန်လိုအပ်တဲ့ ရောဂါအခြေအနေတွေ ရှိပါတယ်။
ဒါပေမယ့် ဗိုက်ဖောင်းတာ၊ လေတက်တာတိုင်းဟာ ဂျုံကြောင့်ပဲ ဖြစ်တယ် လို့ မသတ်မှတ်နိုင်ပါဘူး။
အကြောင်းရင်းကို မသိဘဲ
👎ပေါင်မုန့်ဖြတ်တယ်
👎ခေါက်ဆွဲဖြတ်တယ်
👎ကိတ်မုန့်ဖြတ်တယ်
👎ဂျုံပါတဲ့အစားအစာအားလုံး ဖြတ်တယ် ဆိုတာမျိုးက မလိုအပ်ဘဲ ကိုယ့်အစားအသောက်ရွေးချယ်ခွင့်ကို ပိုနည်းသွားစေနိုင်ပါတယ်။

👉 ပဲစားရင် လေတက်လို့ ပဲအားလုံးဖြတ်ရမလား?
ပဲစားပြီး လေတက်တယ်ဆိုတာနဲ့ ပဲအားလုံးကို အပြီးတိုင်ရှောင်စရာ မလိုပါဘူး။
အရင်ဆုံး
👍 ဘယ်ပဲစားလို့ ဖြစ်တာလဲ?
👍 ဘယ်လောက်စားလို့ ဖြစ်တာလဲ?
👍 နည်းနည်းစားရင်လည်း ဖြစ်လား?
👍 ဘယ်လိုချက်စားထားတာလဲ?
👍 ပဲတစ်မျိုးတည်းကြောင့်လား၊ တခြားအစားအစာနဲ့တွဲစားလို့လား? ဆိုတာတွေကို ကြည့်ဖို့လိုပါတယ်။
✨ပဲဟာ ပရိုတင်းဓာတ်၊ အမျှင်ဓာတ်နဲ့ ခန္ဓာကိုယ်အတွက် အရေးကြီးတဲ့ အာဟာရဓာတ်တွေ ရရှိစေတဲ့ အစားအစာပါ။
ဒါကြောင့် “လေတက်တယ်” ဆိုတဲ့အကြောင်းတစ်ခုတည်းနဲ့ ပဲအားလုံးကို ဖြတ်ပစ်လိုက်တာ မလိုအပ်နိုင်ပါဘူး။

🌟🌟🌟 အစားအစာတွေကို မလိုအပ်ဘဲ အများကြီးဖြတ်ရင် ဘာဖြစ်နိုင်လဲ?

၁။ လိုအပ်တဲ့ အာဟာရဓာတ်တွေ မလုံလောက်နိုင်ပါဘူး
အစားအစာတစ်အုပ်စုလုံးကို ဖြတ်လိုက်တဲ့အခါ—
- ပရိုတင်းဓာတ်
- ကယ်လ်စီယမ်
- အမျှင်ဓာတ်
- ဗီတာမင်နဲ့ သတ္တုဓာတ် တွေ လျော့နည်းသွားနိုင်ပါတယ်။

၂။ စားသောက်တဲ့ ပမာဏနည်းလာပြီး ကိုယ်အလေးချိန်ကျနိုင်ပါတယ်
“ဒါလည်းမစားရဘူး၊ ဟိုဟာလည်းမစားရဘူး” ဆိုပြီး စားစရာတွေ ပိုနည်းလာတဲ့အခါ
တစ်နေ့တာ လုံလောက်အောင် မစားနိုင်တော့ဘဲ
➡️ ကိုယ်အလေးချိန်ကျခြင်း
➡️ ကြွက်သားလျော့နည်းခြင်း
➡️ အားနည်းခြင်း
➡️ အာဟာရချို့တဲ့ခြင်း တွေ ဖြစ်လာနိုင်ပါတယ်။
အထူးသဖြင့် အစာအိမ်၊ အူလမ်းကြောင်းရောဂါရှိပြီးသားသူတွေမှာ အစားအသောက်ကို မလိုအပ်ဘဲ ထပ်ဖြတ်လိုက်ခြင်းက အာဟာရချို့တဲ့မှုကို ပိုဆိုးစေနိုင်ပါတယ်။

၃။ စားရမှာကိုတောင် ကြောက်လာနိုင်ပါတယ်
“ဒါစားရင် ဗိုက်နာမလား?”
“ဒါစားရင် ဝမ်းလျှောမလား?”
“ဒါနဲ့ မတည့်ရင် ဘယ်လိုလုပ်မလဲ?” ဆိုပြီး စိုးရိမ်လာရင်း အစားအစာတွေကို ပိုပိုပြီးရှောင်လာနိုင်ပါတယ်။
နောက်ဆုံးမှာတော့ စားလို့ရတဲ့အစားအစာစာရင်းက အရမ်းတိုသွားတတ်ပါတယ်။

၄။ တကယ့်အကြောင်းရင်းကို ရှာမတွေ့ဘဲ နေနိုင်ပါတယ်
ဗိုက်ဖောင်းတိုင်း၊ ဝမ်းလျှောတိုင်း
အစားအစာတစ်မျိုးပြီးတစ်မျိုး ဖြတ်နေတာထက်
“ဘာကြောင့် ဒီလိုဖြစ်နေတာလဲ?” ဆိုတာကို ရှာဖို့ ပိုအရေးကြီးပါတယ်။
တချို့မှာ နို့သကြားကို မချေဖျက်နိုင်တာ ဖြစ်နိုင်သလို၊
တချို့မှာ အူလမ်းကြောင်းရောဂါတစ်ခုခု ရှိနေနိုင်ပါတယ်။
ဒါကြောင့် အစားအစာကိုပဲ အပြစ်တင်ပြီး အကုန်ဖြတ်မပစ်ဘဲ အကြောင်းရင်းကို မှန်မှန်ကန်ကန် ရှာဖွေဖို့လိုပါတယ်။

🌟🌟🌟Clinical Nutritionist အနေနဲ့ ကျွန်တော်တို့ ဘာကို ကြည့်လဲ?
GI လက္ခဏာရှိသူတစ်ယောက်ကို
“ဒါမစားနဲ့၊ ဟိုဟာမစားနဲ့” လို့ စာရင်းရှည်ရှည်ပေးဖို့ မဟုတ်ပါဘူး။
အရင်ဆုံး
👍ဘာစားရင် ဖြစ်တာလဲ?
ဘယ်အစားအစာကို စားပြီးနောက် လက္ခဏာဖြစ်သလဲ?
👍ဘယ်လောက်စားရင် ဖြစ်တာလဲ?
နည်းနည်းစားရင်လည်း ဖြစ်သလား၊ များများစားမှ ဖြစ်သလား?
👍ဘယ်အချိန်မှာ ဖြစ်တာလဲ?
စားပြီး ချက်ချင်းလား၊ နာရီအနည်းငယ်ကြာမှလား?
👍ကိုယ်အလေးချိန်ကျနေသလား?
မရည်ရွယ်ဘဲ ပိန်လာတာ၊ ကြွက်သားလျော့လာတာ ရှိသလား?
✅တစ်နေ့တာ အာဟာရ လုံလောက်ရဲ့လား?
စားနိုင်တဲ့အစားအစာတွေ အရမ်းနည်းသွားနေပြီလား?
ဆိုတာတွေကို ကြည့်ဖို့လိုပါတယ်။

✨GI Nutrition ရဲ့ ရည်ရွယ်ချက်က “အစားအစာတွေကို အများဆုံးဖြတ်ဖို့” မဟုတ်ပါဘူး
တကယ်လိုအပ်တဲ့ အစားအစာကိုသာ လိုအပ်သလောက် ခဏတာ သို့မဟုတ် သင့်တော်တဲ့ပုံစံနဲ့ ကန့်သတ်ဖို့ ဖြစ်ပါတယ်။
ပြီးတော့ အခြေအနေကောင်းလာတဲ့အခါ
ကိုယ်နဲ့တည့်တဲ့ အစားအစာတွေကို ပြန်လည်ထည့်သွင်းပြီး စားနိုင်တဲ့အစားအစာတွေကို တတ်နိုင်သလောက် များများထားဖို့ ကလည်း အရေးကြီးပါတယ်။

✨GI လက္ခဏာရှိတာနဲ့ အစားအစာတွေကို တစ်မျိုးပြီးတစ်မျိုး အကုန်ဖြတ်ပစ်တာက အဖြေမဟုတ်ပါဘူး။
အာဟာရ ရှိစွာ စားသုံးရခြင်းရဲ့ ရည်ရွယ်ချက်က
✅လက္ခဏာသက်သာစေရန်
✅လိုအပ်တဲ့အာဟာရရရှိစေရန်
✅မလိုအပ်တဲ့ အစားအသောက်ကန့်သတ်မှုကို လျှော့ချရန် ဖြစ်ပါတယ်။
"ဘာတွေမစားရဘူးလဲ?” ဆိုတာထက်
“ဘာတွေကို လုံလောက်အောင် ဆက်စားနိုင်သေးလဲ?” ဆိုတာကို စဉ်းစားဖို့ ပိုအရေးကြီးပါတယ်။**

❤️❤️❤️ အားလုံးပဲ မှန်ကန်တဲ့ ရွေးချယ်မှုနဲ့ အတူ အာဟာရရှိတဲ့ ကျန်းမာတဲ့ နေ့ရက်လေးတွေအမြဲထာ၀ရပိုင်ဆိုင်နိုင်ပါစေ ။

ဒေါက်တာဇွန်သီရိ
အာဟာရဆိုင်ရာ ဆရာ၀န်

#အစာအိမ်အူလမ်းကြောင်းကျန်းမာရေး
#အာဟာရဆေးပညာ

Healthy Life by Dr. JUNE

29/08/2026

28/08/2026

27/08/2026

26/08/2026

24/08/2026

23/08/2026

22/08/2026

22/08/2026

21/08/2026

20/08/2026

Address

Website

Alerts

Shortcuts

Share

Listing takedown request