Nway Oo Healing Space

Nway Oo Healing Space Counselling Therapy Through this program, people from conflicted zones reached out to us and NOHS had an opportunity to provide counselling service to them.

Operating Hours:
Mon - Thurs: 10 AM - 7 PM
Sat & Sun: 10 AM - 7 PM
Closed on Friday

Nway Oo Healing Space (NOHS) was founded in March 2021 to support social emotional support and provide a cozy, safe environment to alleviate the stresses and challenges facing many people at a time of political instability and the high incidence of the Covid-19. The organization was initially founded by two friends who are deeply passionate about helping people during crisis, and has now evolved into a fabulous and dynamic team of 1 supervisor, 7 counsellors and 2 admin staffs. NOHS offered psychological counselling under the supervision of Psychoanalyst, Psychotherapist Daw Theingi Lwin for the purpose of providing effective counselling sessions in an ethical and safe manner. NOHS volunteer projects are as follow:

�Within the scope of 1 year (March 2021 – March 2022), NOHS had accepted over 300 clients for individual counselling sessions and accumulated over 2500 counselling hours.

�In November 2021, NOHS launched a new group counselling project called “Nway Htway Mya Ku Phalal Yu” to reach out to and help more people in the community. This project was designed to provide group counselling to closed groups where participants take part in a five-week sessions and a total of ten hours of counselling. During a period of 4 months, NOHS team successfully facilitated 6 different groups and provided free group mental health counselling service. As a result of participating in the group counseling program, the participants learned some tips that helped improve their coping skills and build resilience.

�NOHS Team participated in the events organized by AIESEC, yIGF Myanmar, YouthHood and Falcom Academy as a speaker to present on mental health related issues and awareness.

�In the period between November 2021 and February 2022, NOHS charged clients who took more than 10 counselling sessions, and donated 100% of the revenue to Myanmar charity organizations.

�In the last week of January 2021, a three-month experiential learning program called WEvolve Training Program was introduced by NOHS Training Department with a purpose of training more counsellors to reinforce their existing skills and competencies and assisting them in becoming contributing members of society. As a result of this program, NOHS had a chance to to work with 8 valuable counsellors and help them upgrade their skills to better serve the community in the future. Currently, NOHS team is providing individual counselling service with different approaches, Psychological and Philosophical, with an affordable price. Please reach out for more info to our admin team.

“ကျွန်မတို့ ကြောက်တဲ့အခါ.. ​”😱👿ကြောက်ရွံ့တဲ့ ခံစားချက်တွေဟာ ကိုင်တွယ်ရ အင်မတန်ခက်ခဲလှတဲ့ ခံစားချက်တွေ ထဲမှာပါတယ်။​😫ကြောက...
19/07/2026

“ကျွန်မတို့ ကြောက်တဲ့အခါ.. ​”😱👿

ကြောက်ရွံ့တဲ့ ခံစားချက်တွေဟာ ကိုင်တွယ်ရ အင်မတန်ခက်ခဲလှတဲ့ ခံစားချက်တွေ ထဲမှာပါတယ်။​😫

ကြောက်စိတ်ဖြစ်လာတယ်ဆိုရင် တပန်းရှုံးသွားသလို ပဲ။ 😰

ကြောက်စိတ်ကနေ အမှားတွေ ထပ်လုပ်မိတယ်။ 😥

အမှားပိုများလာတဲ့အခါ ပိုကြောက်လာတဲ့အတွက် ဒီ ကြောက်တဲ့ သံသရာထဲမှာ မထွက်နိုင်ပဲ ပိုပြီး ဆိုးတဲ့ အခြေအနေတွေကိုပဲ ထပ် ပြီး ဖန်တီးမိသလို ဖြစ်ပါတယ်။☠️

လူတိုင်း ကြောက်တဲ့စိတ်ကို မလွဲမသွေ ခံစားဖူးကြမှာပါ။ ❗

ဒီ အထဲမှာမှ လူကြီးတစ်ယောက် ကြောက် စိတ် အပေါ် တုန့်ပြန်ပုံ နဲ့ကလေးတစ်ယောက် ကြောက်စိတ် အပေါ် ပုံ တုန့်ပြန် ပုံ မတူညီနေပါဘူး။ 💭

အရွယ်ရောက်ပြီးသား လူကြီးတစ်ယောက် ကြောက်ရွံ့တဲ့စိတ်ကိုရင်ဆိုင်တဲ့အခါမှာ လက်ရှိ ကြုံနေရတဲ့ အခြေအနေကို သုံးသပ်နိုင်တဲ့ အသိဥာဏ်၊ ကိုယ့်ကိုကိုယ် ကာကွယ်နိုင်တဲ့ အင်အားနဲ့ လက်ရှိအခြေအနေကနေ ထွက်သွားနိုင်တဲ့ ခြေလှမ်းတွေ ရှိပါတယ်။ 😊💪

ဒါပေမယ့် ကလေးတစ်ယောက်အတွက် ကြောက်တဲ့စိတ် ဆိုတာ သူ့အတွက် ကမ္ဘာလောက ကြီးတစ်ခုလုံး မဲမှောင်ကျသွားပြီး ပျက်စီးတော့မယ်လို့ ထင်တယ်။ 👶

သူလည်း အဲ့ဒီကမ္ဘာလောကကြီးနဲ့အတူ ဝါးမျိုခံရပြီး ပျက်စီး ပျောက်ကွယ်သွားနိုင်တယ်လို့ ယုံကြည်တဲ့စိတ် နဲ့ အင်မတန် ထိတ်လန့်တုန်လှုပ် ဖွယ်ရာ ခံစားချက်မျိုး ဖြစ်ပါ တယ်။ 👁️

ကလေးတစ်ယောက်ဟာ နူးညံ့ဖွံ့ဖြိုးဆဲ ကာလ ဖြစ်တဲ့ အားလျော်စွာ သူ့ဘေးနားက သူ့ထက် လုပ်နိုင်၊ကိုင်နိုင်တယ်ဆိုတဲ့လူကြီး တွေကို မှီခို အားပြု ရှင်သန်နေရတဲ့အတွက် ပြဿနာတွေကို ကိုယ်တိုင် ဖြေရှင်းနိုင်တဲ့ လုံလောက်တဲ့ အင်အားမရှိသေး ပါဘူး။ 🤕🫥

သူ့ရဲ့ အတွေးတွေမှာ အလယ်မှာရှိတဲ့ အရာ တွေကို လူကြီးတစ်ယောက်လို မတွေးနိုင်သေးတော့ Black and White Thinking လို့ ခေါ်တဲ့ အဖြူအမည်း အစွန်းနှစ်ဖက် တွေးခေါ်မှုပုံစံ လေး ထဲမှာပဲ လည်ပတ်နေဆဲ ဖြစ်တယ်။🗨️

ဒါကြောင့် သူ့ ပတ်ဝန်းကျင်မှာ အခက်အခဲ တစ်ခု ကြုံတိုင်း ပတ်ဝန်းကျင်က မတည်ငြိမ်တဲ့ ပြောင်းလဲမှု တိုင်းဟာ သူ့အတွက် အန္တရာယ် ဖြစ်သလို၊ အားကိုးရာမဲ့သွားတဲ့ ခံစားချက်တွေ၊ အပစ်ပယ် ခံလိုက်ရနိုင်တယ်ဆိုတဲ့ ကြောက်ရွံ့မှုတွေ နဲ့ တုန်လှုပ်ခြောက်ခြားမှုတွေ၊ အဆိုးဆုံးဆိုတာတွေ နဲ့ ပြည့်နေပါတယ်။ ‼️🥺

ဒီ အခက်အခဲ တွေ ကြုံရတိုင်း သူ့ အတွက် အသက်ရှင်သန်ခွင့် ရပ်တန့်သွားနိုင်တယ် ဆိုတဲ့ ခံစားချက်တွေကို လည်း ပြင်းပြင်းထန်ထန် ခံစားရ တယ်။ 👣🥺

ဒီထိတ်လန့်တုန်လှုပ်ခဲ့တဲ့ကြောက်ရွံ့တဲ့ ခံစားချက်တွေဟာ ကျွန်မတို့ အသက်ကြီးလာတဲ့အချိန်အထိ မသိစိတ်ထဲမှာ သေသေချာချာ မှတ်မိနေဆဲ ဖြစ်တယ်။ 🫥

အခုလက်ရှိ မှာ လူတစ်ယောက်က ကိုယ့်ကို အသံ ကျယ်ကျယ် ပြောလိုက်တာပဲ ဖြစ်ဖြစ်၊ တစ်ယောက်ယောက် ဆီက ဥပေက္ခာ အပြုခံလိုက်ရတဲ့အခါ မှာပဲ ဖြစ်ဖြစ် အစွန့်ပစ်ခံလိုက်ရတယ်ဆိုတဲ့ အခြေအနေမျိုးကြုံလာရတဲ့အခါမှာ ကျွန်မတို့ရဲ့ ထိတ်လန့်တဲ့ ခံစားချက်ဟာ ပြန်အသက်သွင်းခံလိုက်ရသလို ချက်ချင်း ရောက်လာတတ်ပါတယ်။ ❗👣

ဒီလို အခြေအနေ ရောက်သွားတဲ့အခါ မှာ ကိုယ် လုပ်နိုင် ကိုင်နိုင်၊ တွေးခေါ်နိုင်တဲ့ အစွမ်းအစ တွေ အကုန်လုံး Freeze အလုပ်ခံလိုက်ရသလိုမျိုး လှုပ်လို့ မရတော့အောင်၊ ကိုယ်မဟုတ်တဲ့ သူတစ်ယောက် လို သေးသေးလေး ဖြစ်သွားသလိုနဲ့ အားကိုးရာမဲ့တဲ့နေရာလေးမှာ ဘာမှ မလုပ်တတ်၊ မကိုင်တတ်တွေ ဖြစ်လာပါ တယ်။ 🪨👤

ဒါမှ မဟုတ်ဘူးဆိုရင်လည်း ကြောက်စိတ် ကနေ အခု လက်ရှိ ရှိနေတဲ့ လောကကြီးကို မယုံကြည်တော့ပဲ လောကကြီးမှာ အသက်ရှင်ရတာ မလုံခြုံတဲ့ ခံစားချက်တွေ ခံစားရသလို၊ ကိုယ့်ကို ဘယ်သူမှ ကာကွယ်ပေးမှာ မဟုတ်ဘူးဆိုတဲ့ အစွန်းတစ်ဖက်က ကလေးလေး တစ်ယောက်တွေးခေါ်တဲ့ ပုံစံလေးတွေဆီကို မသိမသာ ပြန်ရောက်သွားတတ် ပါတယ်။​ 🥀

ကျွန်မတို့ ဖြတ်သန်းခဲ့တဲ့ ဘဝတစ်လျှောက်မှာ ကြောက်စိတ်တွေ ရှိခဲ့ကြသလို ယခုလက်ရှိအထိလည်း ဒီကြောက်စိတ်တွေ ပြန်လည်နိုးထလာတာမျိုးတွေလည်း ဖြစ်နိုင်ပါတယ်။ ❗

ကြောက်စိတ်ကြောင့် ဘာမှမလုပ်နိုင်တော့တဲ့အခါတိုင်း ကျွန်မတို့ဟာ အတင်းအဓမ္မ ဖိနှိပ်ပြီး သန်မာပြဖို့ ကြိုးစားချင်ကြပါတယ်။

ဒါပေမဲ့ ဒီလိုဟန်ဆောင် သန်မာပြလိုက်ခြင်းဟာ တကယ့်စစ်မှန်တဲ့ အကြောက်တရားကင်းမှု တော့ မဟုတ်ပါဘူး။

ကိုယ်ဖိနှိပ်ထားတဲ့ အကြောက်တရားပြန်လာမှာကို စိုးရိမ် နေရသေး တယ်ဆိုရင် ဒါကို စစ်မှန်တဲ့ လွတ်လပ်မှုလို့ မဆိုနိုင်ပါဘူး။

ဒါဟာ ကိုယ့်ရဲ့ ကြောက်စိတ်ကို မမြင်ချင်ယောင်ဆောင်ပြီး ခန္ဓာကိုယ်နဲ့ စိတ်ခံစားချက်တွေ ကို အတင်းအဆက်အသွယ် ဖြတ်တောက်လိုက်တာ သာ ဖြစ်ပါတယ်။

တကယ်တော့ ကြောက်စိတ်ကို ကောင်းမွန်စွာ ကိုင်တွယ်နိုင်ဖို့ဆိုတာ ကြောက်ရွံ့မှုတွေကို ငြင်းပယ်ပစ်တာမဟုတ်ဘဲ၊ ကြောက်စိတ်နဲ့ အတူ ယှဉ်တွဲနေထိုင်ကြည့် ရင်း ကိုယ့်ရဲ့အတွင်းစိတ်ကို ပြန်လည်တည်ဆောက်ယူရတာ ဖြစ်ပါတယ်။ 🌻

ကိုယ့်အထဲမှာ အင်မတန် ထိတ်လန့်ကြောက်ရွံ့နေတဲ့ ကလေးလေး တစ်ယောက် ခံစားချက် တွေ ကို မေတ္တာနဲ့ ပြန်လည်ထွေးပွေ့ပြီး သူ့ရဲ့ အော်ဟစ်ညည်းတွားနေတဲ့ ကြောက်ရွံ့မှုတွေကို ငယ်ဘဝတုန်းကတော့ နားထောင်ဖို့ ပျက်ကွက်ခဲ့တယ် ဆိုပေမယ့် အခု လက်ရှိ အချိန်မှာတော့ အခွင့်အရေး ပေးပြီး သူ့ရဲ့ နာကျင်မှုတွေကို လူကြီးတစ်ယောက်လို စိတ်ရှည်စွာ နားထောင်ပေးခြင်းနဲ့ နေရာပေးလိုက်ခြင်းကသာ လက်ရှိဘဝရဲ့ အခက်အခဲတွေကို ရင့်ကျက်တဲ့ လူကြီးတစ်ယောက်လို ရဲရဲဝံ့ဝံ့ ကျော်လွှားနိုင်မှာ ဖြစ်ပါတယ်ရှင်။☘️❤️‍🩹

"The cave you fear to enter holds the treasure you seek." — Carl Jung

"ကိုယ် ဝင်ဖို့ ကြောက်နေတဲ့ ဂူထဲမှာပဲ ကိုယ် လိုချင်လို့ ရှာနေတဲ့ ရတနာတွေ ရှိနေတာဖြစ်တယ်။" - Carl Jung 💭

Shwe Yi
Therapist of Brief Therapy , Couple Therapist

#ကြောက်စိတ်

“ရင်ထဲက ဟာကွက်ကလေး “🫥လူတွေ ကိုယ့်အနားမှာ ဘယ်လောက်ပဲ ရှိရှိ အထဲက ဟာနေတဲ့ အကွက်ကလေးကို ကျွန်မတို့ ဘာလို့ မဖြည့်နိုင်ရတာလဲ?...
17/07/2026

“ရင်ထဲက ဟာကွက်ကလေး “🫥

လူတွေ ကိုယ့်အနားမှာ ဘယ်လောက်ပဲ ရှိရှိ အထဲက ဟာနေတဲ့ အကွက်ကလေးကို ကျွန်မတို့ ဘာလို့ မဖြည့်နိုင်ရတာလဲ?💔

အထီးကျန်တယ်။ နေလို့ မပျော်ဘူး။ တစ်ခုခု လိုအပ်နေသလို ထိုင်မရ၊ ထမရ၊ ဘာနဲ့မှ ဖြည့်လို့ မရ နဲ့ ဟာတာတာ လိုအပ်နေတဲ့ နေရာလေး ။❤️‍🩹

ကျွန်မတို့ဟာ အထီးကျန်ခြင်းကို သင်္ချာပုစ္ဆာတစ်ခုလို တွေးတတ်ကြပါတယ်၊🥹

“ငါတစ်ယောက်တည်းမို့လို့ အထီးကျန်တာ၊ ငါ့ဘေးမှာ လူတွေအများကြီးရှိရင် အထီးကျန်တာ ပျောက်သွားလိမ့်မယ်” ဆိုပြီးတော့ပေါ့။🤕

ဒါပေမဲ့ လူစည်ကားတဲ့ ပွဲတစ်ခုမှာ ဖြစ်ဖြစ်၊ ဒါမှမဟုတ် အိမ်ထောင်ရေး တစ်ခုထဲမှာ ဖြစ်ဖြစ် ရင်ထဲမှာ အင်မတန်ကိုမှ အထီးကျန်နေတဲ့ ခံစားချက်ကို ကြုံဖူးသူတိုင်း သိကြပါတယ်။ ☹️

အထီးကျန်ခြင်းဆိုတာ ကိုယ့် ဘေးမှာ ဘယ်သူရှိနေလဲ၊ ဘယ်သူ ထိုင်နေလဲဆိုတာကို သူ ဂရုမစိုက်ပါဘူး။ တကယ်လို့ ကိုယ်သာ အထီးကျန်မှုကို စိတ်ထဲကနေ မှန်မှန်ကန်ကန် ကိုင်တွယ် ပြီး နားမထောင် တတ်ခဲ့ဘူး ဆိုရင်၊ ကိုယ့် ပတ်ဝန်းကျင်မှာ ကိုယ့် ကိုချစ်တဲ့သူတွေ ဘယ်လောက်ပဲရှိနေပါစေဦးတော့ ကိုယ်ဆိုတာ ဘယ်တော့မှ ပျော်ရွှင်နိုင်မှာ မဟုတ်ပါဘူး။🥹

ကိုယ်နဲ့ ကိုယ် အေးအေးချမ်းချမ်း မနေတတ်တဲ့အခါမှာ ပြင်ပက တခြားလူတွေကို ကိုယ့်ရဲ့စိတ်ဝေဒနာအတွက် "အကိုက်အခဲပျောက်ဆေး" လိုမျိုး လိုက်သုံးမိ တတ်ပါတယ်။ ဒါပေမဲ့ အပြင်က လူတွေဆိုတာ ကိုယ့်ဘဝ အတွက် မှန်ချပ် တွေလိုသာဖြစ်ပြီး အတွင်းက ဟာကွက်ကို ကုသပေးနိုင်စွမ်းရှိတဲ့ အစွမ်းအစတော့ မရှိပါဘူး။ 😔

ကိုယ့် ရင်ထဲက ဟာကွက်ကို အပြင်က လူတွေ မဖြည့်ဆည်းပေးနိုင်တဲ့အခါ ကိုယ့်မှာ ပိုပြီးတော့တောင် ပြင်ပက လူတွေ နဲ့ အဆက်အသွယ် ပြတ်တောက်လာတယ်။ အထင်အမြင် လွဲခံရသလို ခံစားရပါလိမ့်မယ်။💔

စိတ်ပညာ သဘောတရားအရ ဆိုရင် အထီးကျန်တယ်ဆိုတာ ကိုယ့်ဆီကို အခုလို မဖိတ်ခေါ်ပဲနဲ့ ဝင်လာခဲ့တာမျိုးတော့ မဟုတ်ပါဘူး။

ဘေးနားမှာ လူမရှိတဲ့ အတွက်ကြောင့်လည်း မဟုတ်ပါဘူး။ ❕

ကိုယ် နဲ့ ကိုယ် နဲ့ အဆက်အသွယ် ပြတ်တောက်နေတဲ့အတွက် ဖြစ်ပါတယ်။​ ‼️

ဒီအထီးကျန်တဲ့ ခံစားချက်ကို ကျွန်မတို့ အားလုံး ငယ်ဘဝမှာကတည်းက ခံစားခဲ့ဖူးကြပါတယ်။

သူတပါး အကြိုက်လိုက်နေရဖို့ အတွက်ပဲ ဖြစ်ဖြစ်၊ ဘေးကင်းလုံခြုံဖို့ အတွက်ပဲ ဖြစ်ဖြစ် ကိုယ့်ရဲ့ စစ်မှန်တဲ့ ခံစားချက် (ဒေါသ၊ ဝမ်းနည်းမှု၊ ကြောက်ရွံ့မှု)ဆိုတဲ့ အစိတ်အပိုင်းကို စွန့်ပစ်လိုက်ပြီး ဘယ်လို ဖုံးကွယ်ရမလဲ ဆိုတဲ့ နည်းကို သင်ယူလိုက်တဲ့ အခါမှာ ကိုယ့် ကိုကိုယ် စွန့်ပစ်လိုက်ရတဲ့ အတွက်ကြောင့်ရင်ထဲမှာ တံတိုင်းကြီးတစ်ခုလိုမျိုး ဖြစ်တည်သွားခဲ့တယ်။ ⚙️🛠️

လူကြားထဲမှာ ရောက်နေလဲ ဟာနေတဲ့ အရာကြီးက ရှိနေတယ်ဆိုတာ ခံစားလို့ ရနေတယ်။

လူတွေ ကြားထဲမှာ အထီးကျန်နေရတာလည်း ပိုခက်ခဲပါတယ်။ အင်မတန်လည်း ဝမ်းနည်း ဖို့ ကောင်းပါတယ်။

အထီးကျန်ပေမယ့် ဟန်ဆောင် မျက်နှာဖုံးကိုလည်း စွပ်ပြီး နေနေရတယ်။

လူတွေက ကိုယ့် မျက်နှာဖုံးကို ဘယ်လောက်ပဲ​ ချစ်ချစ်၊ အသိအမှတ်ပြုပြု၊ ကိုယ့် ရင်ထဲက စစ်မှန်တဲ့ ဖြစ်တည်မှု အစစ်အမှန်တွေကို ဘယ်သူမှ လှမ်းမြင်လို့ မရတဲ့ အခါ ဆက်ပြီး အထီးကျန်ပြန်တယ်။​

ဒါကြောင့် ဘေးနားမှာ လူတွေ မရှိလဲ ဒီခံစားချက်က ပျောက်မသွားတာပဲ ဖြစ်တယ်။ 👤

အထီးကျန်ခြင်းကို အောင်နိုင်တယ်ဆိုရင် မိမိကိုယ်ကို ဘယ်နေရာမှာပဲ ရှိနေနေ ဖြစ်တည် ရှိနေရတာကို ပျော်မွေ့နိုင်တဲ့ နေရာကို ပိုင်ဆိုင်နိုင်မှာ ဖြစ်ပါတယ်။ (Solitude State) 👤💞

ဒ့ါအတွက် ကြောက်ဖို့ ကောင်းတဲ့ ၊ ခြောက်ခြားစရာ ကောင်းတဲ့၊ နာကျင်လို့ မခံနိုင်ဘူးလို့ ထင်ရတဲ့ တိတ်ဆိတ်မှုတွေ ဆီကနေ အတင်း ထွက်ပြေးချင်တယ်။ ❕❕

ပတ်ဝန်းကျင် တစ်ခုလုံး တိတ်ဆိတ်သွားတဲ့အခါမှာ အထီးကျန်ခြင်း ခံစားချက် တက်လာတာကို ဘယ်လိုမှ မနေနိုင်တဲ့အတွက် ချက်ချင်း ဖြည့်ဖို့ အတွက် အာရုံစိုက်စရာ တန်းမိတာ (ဥပမာ -ဖုန်း ချက်ချင်းကောက်ဖွင့်လိုက်တာ၊ တီဗွီဖွင့်တာ၊ သူငယ်ချင်း ဖုန်းဆက်တာ၊ အစာထစားလိုက်တာ၊ စျေးဝယ်ဖို့ လိုက်ကြည့်တာ ) ‼️

ဒီခံစားချက်တွေကို ခဏလောက်အောင့်ထားပြီး တိတ်ဆိတ်မှုထဲမှာ ငြိမ်ငြိမ်လေး နေရတာဟာ ငရဲလို ကြောက်ဖို့ကောင်းတယ်။ 🫥

ဘာအာရုံလွှဲစရာမှ မရှိတော့တဲ့အခါ “ကိုယ့်ရင်ထဲမှာ ဘယ်လိုခံစားချက်တွေ တက်လာမလဲနော်? ”🪴

တကိုယ်တည်း ရှိနေတဲ့အချိန်မှာတောင် ကိုယ့်ကိုယ်ကိုယ်နဲ့ ကြားမှာ ငြိမ်းချမ်းတယ်ဆိုတဲ့ ခံစားချက်လေး မလုပ်နိုင်သရွေ့ ကိုယ့်အတွက် ဘဝဆိုတာ သူများရဲ့ မျက်လုံးနဲ့ အပြောမှာပဲ ကိုယ့်ရဲ့တန်ဖိုးကို လိုက်ရှာနေမိမှာဖြစ်တယ်။ 🗨️

အထီးကျန်ခြင်းဆိုတဲ့ ကိုယ့်ရဲ့ မသိစိတ်ထဲက တောင်းဆိုတဲ့ တောင်းဆိုမှုတစ်ခု ဖြစ်ပြီး ဒီတောင်းဆိုမှု က သူများဆီက တောင်းဆိုနေတာ မဟုတ်ပဲ ကိုယ့်ဆီကနေ ပျက်ဆီးခဲ့ဖူးတဲ့ ဂရုစိုက်မှု တစ်ခု ကို ပြန်လည်တောင်းဆိုနေတာ ဖြစ်တဲ့အတွက် အထီးကျန်ခြင်းကနေ အတွင်းပိုင်း အေးချမ်းခြင်းဆီ ကူးပြောင်းနိုင်ဖို့ ဒီစာလေး ကနေ အခုလိုလေး ခံစားနားလည်ထားတဲ့ အရာလေးတွေ ချိတ်ဆက်ပြီး မျှဝေပေးလိုက်ချင်ပါတယ်ရှင်။ 💞✨🏡

Shwe Yi
Therapist of Brief Therapy
Couple Therapist

#စိတ်ပညာ #စိတ်ကျန်းမာရေး #အထီးကျန်ခြင်း

နှစ်ဦးသားကြားထဲမှာ မမြင်ရတဲ့ အက်ကြောင်းတစ်ခု… 🌪️⛓️‍💥ကျွန်တို့ ဟာ ကိုယ်ချစ်ရတဲ့ သူတွေနဲ့ ဘဝ တစ်ခု တည်ဆောက်ကြတဲ့အခါ လုံခြ...
11/07/2026

နှစ်ဦးသားကြားထဲမှာ မမြင်ရတဲ့ အက်ကြောင်းတစ်ခု… 🌪️⛓️‍💥

ကျွန်တို့ ဟာ ကိုယ်ချစ်ရတဲ့ သူတွေနဲ့ ဘဝ တစ်ခု တည်ဆောက်ကြတဲ့အခါ လုံခြုံစိတ်ချရတဲ့ အိမ်လေးတစ်လုံး ဆောက်ချင်ကြပါတယ်။ 🪺

ဒီအိမ်လေးမှာ နှစ်ဦးသားအတူတူ ကြားစကားဝင်ရောက် နှောင့်ယှက်မှုတွေ မရှိပဲ ပျော်ရမယ့် နေရာလေးတစ်ခု အဖြစ် နှစ်ဦးစလုံး မျှော်လင့်ကြတာလည်း သဘာဝပါပဲ။ ☘️

ဒါပေမယ့် တခါတလေ ကျွန်မတို့ သတိမထားမိလိုက်တဲ့ အပြုအမူသေးသေးလေးတစ်ခု ကနေလဲ နှစ်ဦးသား စိတ်ဝမ်းကွဲ ပျက်ပြားတဲ့ အခြေအနေတွေကို မသိမသာ တွန်းပို့ခံလိုက်ရတဲ့ အခြေအနေလည်း ရောက်သွားနိုင်ပါတယ်။ 👣

ဒီ အခြေအနေလေးဟာ အင်မတန်သိမ်မွေ့လွန်းတဲ့အတွက် သတိထားကြည့်မှ မြင်နိုင်တဲ့ အရာလေးဖြစ်ပါတယ်။​❗

ဒီအရာကတော့ ကိုယ်နဲ့ ကိုယ့်လက်တွဲဖော်ကြားမှာ ပြင်ပက လူတွေ ရဲ့ ဆုံးဖြတ်ချက်၊ အကြံဥာဏ်ကို ဦးစားပေးလိုက်မိခြင်းဆိုတဲ့ အချက်ပါပဲ။ ‼️

ကျွန်မတို့ဟာ ပြဿနာတစ်ခုခုဖြစ်လာတိုင်း ၊ဆုံးဖြတ်ချက် တစ်ခုခု ချခါနီးအချိန်တိုင်း နှစ်ဦးသား တိုင်ပင် ပြီး တစ်ဖက်နဲ့ တစ်ဖက် မတူတဲ့ အမြင်တွေကို မကြိုက်ပေမယ့် ရင်ဘတ်ဖွင့် နားထောင်ရင်း၊ Middle Ground တစ်ခု ရှာပြီး ဆုံးဖြတ်ချက် ချရမယ့် အစား ပြင်ပ က သူငယ်ချင်း၊ မိဘဆွေမျိုး၊ အင်တာနက်ပေါ်က အကြံပြုစာတွေကို ကိုယ့်ဆုံးဖြတ်ချက်အဖြစ်လွှမ်းမိုးခွင့်ပေးလိုက်တဲ့၊ ဦးစားပေးလိုက် တဲ့ အကျင့်တစ်ခု ရှိနေတတ်ပါတယ်။ 💭🗨️

ကိုယ့် ပြဿနာကို ကိုယ်တိုင် သုံးသပ်တာထက် ပြင်ပက လူတွေကို မှီခို ခြင်းပြု လိုက်တာ၊ နားထောင်လိုက်တယ် ဆိုတာဟာ ကိုယ့်လက်တွဲဖော်ထက် ပြင်ပ ကလူတွေက ပိုအရေးကြီးတယ်လို့ သတ်မှတ်ပေး လိုက်သလိုဖြစ်သွားပါတယ်။ ☠️

ဒီနေရာမှာ သူနဲ့ကိုယ် နဲ့ အဖွဲ့တစ်ခု အဖြစ် “ငါတို့“ ဆိုတာ ဖြစ်တည်လာရမယ့် အစား “သူ” နဲ့ “ကိုယ့် ဘက်က အကြံပေးတဲ့ အဖွဲ့” ဆိုတဲ့ အဖွဲ့ နှစ်ခု ဖြစ်တည်သွားပြီး သူနဲ့ ကိုယ် နဲ့ ကြားမှာ မမြင်ရတဲ့ စည်းတစ်ခု ခြားလိုက်သလို ဖြစ်သွားပါတယ်။​🥺

အဲ့လို ဘေးဖယ်ထားခြင်းခံရတဲ့ လက်တွဲဖော်ဟာ သူ့ကိုယ်သူ တန်ဖိုးမရှိသလို ခံစားလာ ရပြီး စိတ်ပိုင်းဆိုင်ရာ လုံခြုံမှု ကင်းမဲ့လာပါတော့တယ်။ 👤🥀

သူကတော့ ကိုယ် တစ်ယောက်တည်းနဲ့ အိမ်ထောင်ပြုခဲ့တာ ဖြစ်ပေမယ့် တကယ်တမ်းကျတော့ နောက် ကွယ်ရာက သူ မသိတဲ့ လူအများကြီးနဲ့ပါ အတူတူ ဆက်ဆံရေးတစ်ခုကို အတူတူ ဖြတ်သန်းနေရသလို ဖြစ်လာပါတော့ တယ်။ 🪨🫥

အပြင်က လူတွေ ဆိုတာ ဘယ်လိုပဲ ဖြစ်ဖြစ် ကိုယ်ပြောပြတဲ့ ဇာတ်လမ်းတစ်ဝက်ကိုပဲ​ ကြားရတဲ့ သူတွေ ဖြစ်တယ်။ တခါတလေ ကိုယ့်ဘက် က ရပ်တည်ပေးပြီး ဆုံးဖြတ်ပေးချင်တာ၊ အကြံပေးချင်တာ အစရှိ တဲ့ စိတ်တွေ ကလည်း သူတို့ အတွက် သဘာဝ ကျပါတယ်။ 💭

ဒါပေမယ့် သူတို့ဟာ ကိုယ်တို့ နှစ်ဦးရဲ့ နူးညံ့တဲ့ အခိုက်အတန့်တွေ၊ မမြင်ရတဲ့ ဆက်နွယ်မှု ၊ သမိုင်းကြောင်းတွေ အလုံးစုံကိုတော့ သိိနိုင်မှာ မဟုတ်တာတော့ သေချာပါတယ်။​😞

နှစ်ဦးသား သက်တောင့် သက်သာမရှိတဲ့ စကားဝိုင်းလေးတွေကို စိတ်ရှည်ရှည်နဲ့ ပြောခြင်းနဲ့ ကိုယ့် လက်တွဲဖော်ရဲ့ တဖက် အမြင်ကို နားလည်အောင် လုပ်ပြီး နှစ်ဦးသား ဆုံးဖြတ်တဲ့ ဆုံးဖြတ် ချက်ဖြစ်ရမယ့်အစား အပြင် လူတစ်ဦးရဲ့ စကားကို ရှေ့တန်းတင် အတည်ယူလိုက်တဲ့ အခါမှာ နှစ်ဦးသား ရဲ့ အလယ် ဗဟို ဆုံမှတ်ကို မမြင်နိုင် တော့ပဲ ကိုယ်ပဲ အနိုင်ရဖို့ ဆိုတဲ့ ဖက်ကိုပဲ ဦးတည် သွားပါတော့တယ်။ 💀

တစ်ဦးထဲ နိုင်တယ်ဆိုတဲ့ အခြေအနေတွေဟာ အပေါ်ယံမှာတော့ တစ်ဦးက အနိုင်ရ သွားတယ်လို့ ထင်ရပေမယ့် တကယ်တော့ နှစ်ဦးစလုံး ရှုံးသွားခဲ့တာ ပါ။ 👣

အိမ်ထောင်ရေး နှစ်ဦးသားဆက်ဆံရေးတွေမှာ အမှန်တကယ် အနိုင်ရတယ်ဆိုတာ ဘယ်သူမှ ရှုံးမသွားပဲ နှစ်ဦးစလုံး မတူညီမှုတွေကြားထဲက အေးချမ်းစွာ အတူတကွ တည်ရှိနိုင်ခြင်းဆိုတဲ့ အရည်အချင်းတစ်ခု ဖြစ်ပါတယ်။ 🌻

ကျွန်မတို့ ကလေးဘဝတုန်းက ကလေးလေး တစ်ယောက် ဟာ အမှားလုပ်မိမှာကို ကြောက်လေ့ရှိကြတယ်။ 👁️

ဘာလို့လဲ ဆိုတော့ မှားသွားခဲ့ရင် အပြစ်ပေးခံရနိုင်သလို၊ အပြစ်တင်ခံရနိုင်တယ်။ ❗

အစွန့်ပစ်လည်းခံရနိုင်တဲ့ အတွက် မှားမှာစိုးတယ် ဆိုတဲ့ စိတ်ကလေးတစ်ခုကနေ မမှားအောင်၊ ပြည့်စုံနေအောင်၊ တော်နေအောင်၊ အကောင်းဆုံးဖြစ်အောင် ဆိုတာကိုပဲ ရွေးချယ် ချင်တယ်။ 👶

မှားတယ် ဆိုတာ ဘယ်လောက် ကြောက်ဖို့ ကောင်းလဲ ဆိုရင် ကလေးတစ်ယောက်အတွက် တည်ရှိမှု၊ ဖြစ်တည်မှု ပျက်စီးသွားနိုင်တယ်ဆိုတဲ့အထိ ကို စိုးရိမ် ကြောက်လန့် ရတဲ့ အတွက် အမှားမရှိအောင် အကောင်းဆုံးဖြစ်မယ့် အခြေအနေတစ်ခုကို ဖန်တီးလိုစိတ် ဖြစ်တည်သွားတာလည်း သဘာဝ ကျပါတယ်။ 😫

​ဒီလိုနဲ့ ဆုံးဖြတ်ချက်တွေကို အပြင်က လူတွေဆီက အကြံဥာဏ်ကို ဝယ် ရင်းနဲ့ ဘဝကို တည်ဆောက်သွားတာ ကြာလာတဲ့ အခါမှာ အကျင့်တစ်ခု ဖြစ်လာပြီး တကယ်လို့ တစ်ခုခုဖြစ်လို့ လွဲချော်သွားတဲ့အခါ ကိုယ့် စိတ်ထဲမှာ မသိမသာနဲ့ ကိုယ့် ရွေးချယ်မှုကို တာဝန်ယူရဲ တဲ့ သတ္တိ ကို ဖုံးကွယ်လို့ ရနိုင်တဲ့ ထောင်ချောက်လေး တစ်ခုလို ဖြစ်နေလို့ ဖြစ်ပါတယ်။ 😰

အိမ်ထောင်ရေးရဲ့စစ်မှန်တဲ့ အနှစ်သာရတွေဟာ မတူညီတဲ့ အမြင်နှစ်ခု ကြားမှာ ခက်ခက်ခဲခဲ နှစ်ဦးသားရပ်တည် တတ်အောင် အပြန်အလှန်ကြိုးစားပြီး သင်ယူတတ်ဖို့ ဖြစ်ပါတယ်။​ 🤍

ဒီလို နဲ့မှ လုံခြုံမှုကို တည်ဆောက်နိုင်တာ ဖြစ်ပါတယ်။​❤️

အမှားလုပ်မိမှာ ကြောက်လို့ ကိုယ့် လုံခြုံမှုပေးနိုင်မယ့် အိမ်သော့ကို အပြင်က လူတစ်ယောက်ကို အပ်နေမယ့် အစား ဒီသော့ကို နှစ်ဦးသား လက်ထဲမှာ တာဝန်ယူပြီး လုံလုံခြုံခြုံ ကိုင်ထားနိုင်လာ တဲ့အခါ ကိုယ့် လက်တွဲဖော် ရဲ့ စကားကို ဦးစားပေးနားထောင် တန်ဖိုးထားပေးရင်း နဲ့ လုံခြုံစစ်မှန်တဲ့ အိမ်ကလေးကို အတူတူ ပိုင်ဆိုင်နိုင်ကြမှာ ဖြစ်ပါတယ်ရှင်။ ❤️🏡

Shwe Yi
Therapist of Brief Psychotherapy , Couple Therapist

#အိမ်ထောင်ရေး #စိတ်လုံခြုံမှု #စိတ်ကျန်းမာရေး

ယုံကြည်မှုဆိုတာ သူ့အတွက်ပေး ဆပ်လိုက် တာလား? ဒါမှ မဟုတ် ကိုယ့်စိတ် နှလုံးသား အတွက်လား? 💭🌹နူးညံ့လိုက်ရမှာ ကို ကြောက်လို့ က...
07/07/2026

ယုံကြည်မှုဆိုတာ သူ့အတွက်ပေး ဆပ်လိုက် တာလား? ဒါမှ မဟုတ် ကိုယ့်စိတ် နှလုံးသား အတွက်လား? 💭🌹

နူးညံ့လိုက်ရမှာ ကို ကြောက်လို့ ကိုယ့် Relationship တွေ ဘယ်လောက် ဆုံးရှုံးခဲ့ပြီလဲနော်?❤️‍🩹

နူးညံ့မှု၊ နာကျင်တဲ့ အစိတ် အပိုင်းတွေကို လှစ်ဟထုတ်ဖော်ပြနိုင်မှုတွေဟာ Relationship နောက်တစ်ဆင့်ကို ဆက်သွားနိုင်ဖို့ မရှိမဖြစ်လိုအပ်တဲ့ အရင်းအမြစ်တွေ ဖြစ်ပါတယ်။​ 🌱🍃

ကျွန်မတို့ သင်ကြားလာခဲ့ရတဲ့ လူမှု ရေစီးကြောင်းမှာ နူးညံ့မှု၊ ကိုယ့်ရဲ့ အားနည်းချက်တွေကို တဖက်သူကို ပြသခြင်းဟာ မပြုလုပ်သင့်ဖို့ အထပ်ထပ်အခါအခါ သင်ကြားခံခဲ့ ရတယ်။ 🪹

အားနည်းချက်ဆိုတာ ကိုယ့်ကို အောက်ဖဲလှန်ဖို့၊ ဆွဲချခံရဖို့၊ အထားခဲ့ခံရဖို့ အတွက် လက်နက်ဖြစ်သွားနိုင်တဲ့ အတွက် ဒီနာကျင်မှုဟာ ကျွန်မတို့ ကာကွယ်ရမယ်။ 🕸️

ယုံကြည်မှုတွေ ပျက်ဆီးသွားပြီးနောက်မှာ လူတွေနဲ့ ဆက်ဆံတိုင်း အားနည်းချက်ကို ထုတ်မပြဖြစ်တော့ဖို့လည်း ကိုယ့်အတွင်းဆန္ဒတွေက လှုံ့ဆော်ပြန်တယ်။

“ကိုယ့်ရဲ့ စိတ်အေးချမ်းမှုကို ကာကွယ်ပါ” လို့ ပြောကြတယ်…⚠️

အတင်းအကြပ် ကာကွယ် နေရတဲ့ အရာတစ်ခုဟာ စစ်မှန်တဲ့ စိတ်အေးချမ်းသာမှုလို့ဆိုနိုင်ပါသလား? ❓

ကာထားလို့ကော နာကျင်တဲ့ ဖြစ်ရပ်တွေကနေ အလုံးစုံကာကွယ်နိုင်ခဲ့လား ? ❓

နူးညံ့လိုက်ရမှာကို ကြောက်တဲ့ စိတ်က ကျွန်မရဲ့ Relationshipတွေကို မသိမသာ ဖျက်ဆီးမိနေတယ်ဆိုတာ ကို စိတ်အေးချမ်းမှုကို ကာကွယ်တဲ့အနေနဲ့ ကိုယ့် အားနည်းချက်ကို ဖုံးကွယ် နေရင်းနဲ့ ကျွန်မ သတိထားလာမိတယ်။ ➖

တဖက်သူကို အားနည်းချက်မပြဖို့ ကြိုးစားရတာဟာ ကိုယ့်စိတ်အေးချမ်းမှုကို ကာကွယ်နေတာထက် ကိုယ့်ကို မြင်သွားမှာစိုးလို့ ကာနေရတယ်ဆိုတာ၊ အထားခဲ့ခံရမှာ စိုးလို့ ကာထားခဲ့မိတာ ဒါဟာ အစွန့်ပစ်ခံရမှာ ကြောက်တဲ့စိတ် ၊ကြောက်စိတ်ကနေ လာနေတဲ့ ညွှန်ကြားချက်တွေ ဖြစ်နေခဲ့တယ်။ ❗

ကာထားတဲ့ တံတိုင်းတွေရဲ့ အနောက်မှာ တံတိုင်းဟာ လျော့မလာပဲ ပိုပို မြင့်လာတာပဲ ရှိတယ်။ တံတိုင်းရဲ့ အနောက်မှာ လူတွေ နဲ့ ပိုပို ဝေးလာခဲ့တယ်။ ကျွန်မကို မြင်ဖို့လည်း မဖြစ်နိုင်တော့ဘူး။ ‼️📴

ဒီတံတိုင်းရဲ့ အနောက်ကွယ်မှာ တိတ်တိတ်လေး ငိုကြွေးရင်း အထီးကျန်တဲ့ ခံစားချက်တွေ ပိုများလို့ လာတယ်။ 👣💭

ကျွန်မကိုယ် ကျွန်မလည်း သိတယ် ။ တံတိုင်းတွေ နောက်ကွယ်မှာ အထီးကျန်စွာ ငိုကြွေးပြီး အခုလို အစွန့်ပစ်ခံရမှာ ကြောက်လို့ ကိုယ့် ကိုကိုယ် ခက်ခက်ခဲခဲ ကာကွယ်နေရတဲ့ ဘဝနဲ့လည်း တသက်လုံး နေသွားဖို့ မဖြစ်နိုင်ဘူးဆိုတာ ကျွန်မ နှလုံးသားက ပြောတဲ့ အရာတွေ နားထောင်ကြည့်လိုက်တာနဲ့ သိလိုက်တယ်။ 🥺🤕

နှလုံးသား သဘာဝကို သတ်ပစ် မှ နာကျင်မှု ကို ကာကွယ်နိုင်မယ်ဆိုတဲ့ နေထိုင်ခြင်းဟာ ကျွန်မ တန်ဖိုးထားတဲ့ နေထိုင်ခြင်းမျိုး မဟုတ်နေပြန်ဘူး။ 🥀

မှန်ပါတယ်။

ယုံကြည်မှုပေးလိုက်တယ်ဆိုတာ သူများအတွက် ပေးတယ်ဆိုရင်တော့ ကြောက်စရာ ကောင်းတယ်၊ ရှုံးနိမ့်နိုင်ချေ များတယ်။

သစ္စာအဖောက်ခံရနိုင်တဲ့ အရာတွေလည်း ရင်ဆိုင်ကောင်းရင်ဆိုင်ရနိုင်တယ်။​ 🫥

ဒီအနောက်မှာ အစိတ်အစိတ်အမွှာမွှာ ကွဲကျ ပျက်စီးသွားပြီး ပြန်လည် မတည်ဆောက်နိုင်တော့ဘူးလို့ ထင်ရတဲ့ နာကျင်မှုတွေ လည်းရနိုင်တယ်။​ 👤

တဖက်က ကိုယ်ပေးလိုက်တဲ့ ယုံကြည်မှုအပေါ် ထပ်တူညီပြန်ရမှာလား၊ ပြန်မရဘူးလားဆိုတဲ့ အပေါ် သင်မထိန်းချုပ်နိုင်ပေမယ့် ကိုယ်သူ့ကို ပေးမယ့် ယုံကြည်မှု အပေါ်မှာတော့ အပြည့်အဝ ထိန်းချုပ်နိုင်စွမ်းရှိပါတယ်။ 💓

တဖက်သူကိုပေးလိုက်တဲ့ ယုံကြည်မှုဟာ သူကိုယ့်ကို နာကျင်အောင် ပြန်မလုပ်ဘူးဆိုတဲ့ အာမခံချက်တော့ မရှိနေပါဘူး။
❤️‍🩹

ဒါပေမယ့် ယုံကြည်မှုဆိုတာ ကိုယ့်အတွက် တည်ဆောက်ဖို့ လိုအပ်တဲ့အတွက် သူ့ကို ပေးလိုက်တာမျိုးဆိုရင် တော့ ဒီ အရင်းအနှီး ဟာ ကြီးလွန်းပြီး စွန့်စားရတယ် ဆိုပေမယ့် ကိုယ် ပြန်ရမယ့် စိတ်အေးချမ်းသာမှုကလဲ လဲဖို့ ထိုက်တန် တဲ့ တန်ဖိုးတစ်ခု ဖြစ်တယ်။ ❤️

ကိုယ်ပေးလိုက်တဲ့ ယုံကြည်မှုထဲမှာ-
✅ကိုယ့်အတွက် တဖက်က ချေမွသွားခဲ့ရင်တောင်မှ ကိုယ့်ကိုကိုယ် ပြန်လည် တည်ဆောက်နိုင်တယ်ဆိုတဲ့ ယုံကြည်မှု ၊
✅ကိုယ် ဆိုတာ ဆက်ပြီး လူတစ်ယောက်အနေနဲ့ ပြည့်စုံနေသေးတယ် ဆိုတဲ့ ယုံကြည်မှု၊
✅သူ့လုပ်ရပ်တွေနဲ့ ကိုယ့်ရဲ့ တန်ဖိုး၊ ဖြစ်တည်မှုနဲ့ ဆက်နွယ်မှု မရှိဘူး၊ သပ်သပ်စီ ဖြစ်တယ် ဆိုတဲ့ ကိုယ့် ကိုကိုယ် ခွဲခြား ရပ်တည် နိုင်စွမ်းအပေါ်မှာ ပေးတဲ့ ယုံကြည်မှုတွေ ပါဝင်တယ်..💓💗

ပုန်းနေမိတဲ့ တံတိုင်းတွေရဲ့ အနောက်ကနေ ယုံကြည်မှုကို တည်ဆောက်လို့ မရပါဘူး။

စွန့်စားယုံကြည်ခြင်းကနေပဲ ယုံကြည်မှုကို တည်ဆောက်နိုင်တာ ဖြစ်တယ်။

အဲ့လို ဖွင့်ပေးလိုက်တဲ့ တံခါးကြောင့် နာကျင်မှု ရလာခဲ့တယ် ဆိုရင်တောင် ဒီနာကျင်မှုကနေပဲ ကိုယ့်ရဲ့ ခံနိုင်ရည် အတိုင်းအတာ၊ (Limit) တွေကို ကိုယ်တိုင် သင်ယူ နားလည်ပြီး သိလာရမှာ ဖြစ်တယ်။💗
​
ကိုယ်ဘယ်လောက်အထိ ခွင့်လွှတ်နိုင်လဲ၊ ဘယ်အတိုင်းအတာ အထိ တောင့်ခံနိုင်မလဲ၊ ဘယ်နေရာဆိုရင်တော့ နောင်တ မရှိမယ့် အရာတွေကို ရွေးချယ်မှာ လဲ ဆိုတဲ့ အရာတွေ သိမြင်လာရခြင်းတွေပေါ့။ ❤️ ❤️

အချစ်တွေ အပြန်အလှန် နှစ်ဦးနှစ်ဖက် စီးဆင်းနိုင်ဖို့ ဆိုတာ သွယ်တန်းနေတဲ့ တံတားလိုအပ်ပါတယ်။​

ယုံကြည်မှု တည်ဆောက်နိုင်လာတာနဲ့ အမျှ ကိုယ့် Relationship (အိမ်ထောင်ရေး၊ သူငယ်ချင်း၊ လူမှုဆက်ဆံရေး )နယ်ပယ် အကုန်လုံးဟာ ပို လေးနက်လာတယ်၊​ပို နက်ရှိုင်းလာပြီး စိတ်လုံခြုံမှု တွေ လွှမ်းခြုံလာတဲ့ အပြန်အလှန် စီးဆင်းမှု ရှိတဲ့ အသိုက်အမြုံလေးတစ်ခု အဖြစ် ပြောင်းလဲသွားပါတယ်။ ​🪺🌻

ယုံကြည်မှု တည်ဆောက်ဖို့ ခက်ခဲတဲ့ ခံစားချက်တွေ နဲ့ ကိုယ့်ရဲ့ Relationshipမှာ ခက်ခဲနေခဲ့တယ်၊ Relationshipတွေကို တည်မြဲဖို့ ကြိုးစားတဲ့ လမ်းမှာ ခက်ခဲနေခဲ့တယ်လို့ ခံစားနေရရင် Professional တွေရဲ့အ ကူအညီကို ရယူဖို့လည်း အကြံပြုချင်ပါတယ်ရှင်။ ☘️

တစ်ဦးချင်းစီ Counselling Session တွေ ရယူပြီး ဖြေရှင်းကြည့်လို့ ရသလို၊ Couple နှစ်ဦးစလုံး တစ်ခါ ထဲ အတူတူ သွားကြည့်လို့ ရတဲ့ Couple Session တွေကိုလည်း ရှာဖွေပြီး အတူတူ အဖြေရှာကြည့်လို့ ရပါတယ်။ 💭🗨️

ဒီလို လိုအပ်တဲ့အချိန်မှာ Professional တွေ နဲ့ ဖြေရှင်းလိုက်ခြင်းအားဖြင့် မလိုအပ်ပဲ Relationship တွေ ထပ်ခါ ထပ်ခါ စွန့်ပစ်ရတဲ့ အခက်အခဲ၊ ဆုံးရှုံးမှုတွေကနေ ကျော်လွှားနိုင်ပါတယ်။ ❤️

အားလုံးပဲ​ နူးညံ့မှုကို ရဲဝံ့စွာ ပြ သနိုင်ရင်းနဲ့ ချစ်နိုင်ကြပါစေ..❤️

Shwe Yi
Therapist of Brief Therapy
Couple Therapist

#အိမ်ထောင်ရေး #ဆက်ဆံရေး #စိတ်ကျန်းမာရေး #ယုံကြည်မှု

“စုံတွဲ Therapy (Couple Therapy) အလုပ်လုပ်ပုံ”🪑👥❤️စုံတွဲတွေ Therapy ယူတယ်ဆိုတာ ဒီ Session ထဲမှာ “ဘယ်သူ မှန်တယ်” ဆိုတာ ဆု...
04/07/2026

“စုံတွဲ Therapy (Couple Therapy) အလုပ်လုပ်ပုံ”🪑👥❤️

စုံတွဲတွေ Therapy ယူတယ်ဆိုတာ ဒီ Session ထဲမှာ “ဘယ်သူ မှန်တယ်” ဆိုတာ ဆုံးဖြတ်ပေးဖို့ လုံးဝ မဟုတ်ပါဘူး။ စုံတွဲအများစုဟာ Therapy ကို အတူတူ လာရင် သူတို့ မျှော်လင့်ချက်က “တဖက်သူကို ပြုပြင်ပေးဖို့ ၊ သူ ဘယ်လောက်မှားနေလဲ ဆိုတာကို ပြောပြပေးဖို့ “ဆိုတာ ရှိကြပါတယ်။ ❕

ဒါပေမယ့် Couple Therapist တစ်ဦးဟာ ဘယ်ဘက်ကိုမှလည်း လိုက်မှာ မဟုတ်သလို၊ တရားသူကြီး တစ်ဦးလိုလည်း အလုပ်မလုပ်ပါဘူး။ ဒီ Session မှာ ကုသမှုပေးလိုက်ရမယ်ဆိုတဲ့ သူလည်း ဘယ်သူမှ မရှိသလို တကယ်တမ်း အလုပ်လုပ်မှာက နှစ်ဦးသားကြားထဲက “ဆက်ဆံရေး”ကိုသာ အတူတူ ရှာဖွေနားထောင် ပေး တာ ဖြစ်ပါတယ်။ ✨🗨️

အိမ်မှုကိစ္စ၊ ငွေကြေး၊ ဒါမှမဟုတ် ဖုန်းပြန်တာ နောက်ကျတဲ့ကိစ္စတွေနဲ့တင် အဆုံးမရှိ ရန်ဖြစ်နေတဲ့ သံသရာထဲ ပိတ်မိနေတဲ့အခါမှာ တကယ်တော့ အပြင်ပန်းမှာတော့ စုံတွဲတွေဟာ အပေါ်ယံကိစ္စတွေကိုပဲ
ရန်ဖြစ်နေကြတယ်လို့ ထင်ရပါတယ်။​❕

Couple Therapy ဆိုတာ အဲဒီအပေါ်ယံအလွှာကို ခွာချပြီး ကိုယ့်ရှေ့မှာ ရှိတဲ့ စုံတွဲတွေရဲ့ တကယ်တမ်း
ရန်ဖြစ်နေရတဲ့ အတွင်းက အကြောင်းရင်းအမှန် (ဥပမာ - လုံခြုံမှုမရှိဘူးလို့ ခံစားရတာ၊ အစွန့်ပစ်ခံရမှာ ကြောက်နေတာ၊ ဒါမှ မဟုတ် ကိုယ့်ကို ဂရုမစိုက်တော့ဘူးလို့ အထင်မှားနေတာ) ဆိုတဲ့ အရာတွေကို ရည်ရွယ်တာ ဖြစ်ပါတယ်။ 💭

Couple Therapy ကနေ သူနဲ့ ကိုယ်နဲ့ ရန်သူလိုမျိုး
ပြိုင်ဆိုင် တိုက်ခိုက်နေရာကနေ “နှစ်ယောက်သား ပေါင်းစည်းပြီး အတူတူ” ပြဿနာ တွေကို ကြည့်နိုင်ဖို့ ဆီကို ဦးတည်ပါတယ်။ နှစ်ဦးသား အဖြေရှာမရ ပိတ်မိနေတဲ့ ကွယ်နေတဲ့ ထောင်ချောက် နေရာလေးတွေကို ရှာပါတယ်။ စိတ်ခံစားချက်တွေ ရဲ့ အနောက်က အောက်ခံ အရာတွေကို နူးညံ့ပြီး ထိခိုက်လွယ်တဲ့ ခံစားချက်အစစ်အမှန်တွေကို ရင်ဖွင့်ဖို့ ဘေးကင်းတဲ့ နေရာတစ်ခု အဖြစ်တည်ရှိပါတယ်။ ဒီကနေ နှစ်ဦးသား အပြန်အလှန် နားလည်နိုင်မယ့် ဘာသာစကားအသစ်တွေကို တည်ဆောက်ဖို့ လည်း အထောက်အပံ့ တစ်ခု အနေနဲ့ Therapy Tools တွေက တည်ဆောက်ပေးထားပါတယ်။​ 🛠️💞

နာကျင်စေမယ့် စကားလုံးတွေ ရွေးချယ်သုံးမိလို့ နှလုံးသားချင်း ဝေးကွာနေရမယ့် အစား ကိုယ့် တကယ့်လိုအပ်ချက် အစစ်အမှန်ကို တဖက်သူ ကြားအောင်၊ တကယ်နားလည်သွားအောင် ၊ ကိုယ့်ဘက်ကလည်း
သူ့ ခံစားချက်တွေ ပြောလာခဲ့ရင် နားထောင်ပေး
နိုင်အောင် လိုအပ်တဲ့ ကျန်းမာတဲ့ အလေ့အကျင့်ကောင်းလေးတွေကိုလည်း နှစ်ဦးသား ကြိုက်တဲ့ ပုံစံလေး ဖန်တီးလို့ ရအောင် လက်တွေ့ ရှာဖွေ ကြတာ ဖြစ်ပါတယ်။ 🪴🏡

ဒီ Therapy Session တွေ ကနေ ရန်ဖြစ်နေတဲ့
အခြေအနေတွေကို လုံးဝ ရပ်တန့်ပေးလိုက်တာမျိုးတော့ မဟုတ်ပေမယ့် ရန်ဖြစ်တဲ့ ပုံစံလေးတွေကို ပြောင်းပေးနိုင်ပါတယ်။ အရင်က နာကျင်စေတဲ့ ရန်ပွဲတွေကနေ ပိုပြီး နီးစပ်သွားမယ့် လေးနက်တဲ့ စကားဝိုင်းတွေ အဖြစ် ပြောင်းလဲ ပေးနိုင်ပါတယ်။​❤️

နှစ်ဦးသား အခြေခံ အုတ်မြစ်ပိုမာခိုင်မာ လာဖို့
ကြိုတင်ပြင်ဆင်တဲ့ နေရာပဲ ဖြစ်ဖြစ်၊ သံယောဇဥ်တွေ ပြန်လည်နွေးထွေးလတ်ဆတ်ပြီး ရှင်သန် လာစေဖို့ အရွယ်ရောက်ပြီးသား အိမ်ထောင်ဖက်တွေရဲ့ မပြောရဲတဲ့ အခက်အခဲ တွေကို လုံခြုံစွာ ပြောဆိုလို့ ရတဲ့ နေရာလေးတစ်ခုပဲ ဖြစ်ပါတယ်။ 🏡

Couple Therapy Session တွေ နဲ့ ပတ်သက်ပြီး အသေးစိတ် ထပ်မံသိချင်တယ်ဆိုရင်တော့ Page မှာ လာရောက်စုံစမ်းလို့ ရပါပြီရှင် ❤️❤️

#စုံတွဲ #အိမ်ထောင်ရေး #လက်တွဲဖော်

“စိတ်ပိုင်းဆိုင်ရာ နောက်ပြန် ပြန်ဆုတ်ခြင်း”👣👾ကျွန်မတို့ စိတ်ဖိစီးလာတဲ့အခါ ဘာလို့ ကလေးတစ်ယောက်လိုမျိုး မလုပ်နိုင်မကိုင်နိ...
03/07/2026

“စိတ်ပိုင်းဆိုင်ရာ နောက်ပြန် ပြန်ဆုတ်ခြင်း”👣👾

ကျွန်မတို့ စိတ်ဖိစီးလာတဲ့အခါ ဘာလို့ ကလေးတစ်ယောက်လိုမျိုး မလုပ်နိုင်မကိုင်နိုင်ပြု မူသွားကြရတာလဲ? 👶

နောက်ပြန်ဆုတ်သွားပြီး ဘာမှလည်းမတိုးတက်တော့တဲ့ အခြေအနေကို သိသိသာသာ ဘဝမှာ သတိထား မိတယ်ဆိုပေမယ့် ဘာကြောင့် ဒီလိုနေရာကို ရောက်ရောက်သွားခဲ့တာလဲ၊ အထိမခံနိုင်တဲ့ နေရာလေးတွေ၊ ဘယ်နေရာတွေက ဆက်စပ်မှု ရှိနေခဲ့တာလဲ ဆိုတဲ့ အရာလေးတွေ တွေးကြည့်ဖူး ကြမလားနော်? ❕

ကျွန်မကိုယ်တိုင်ဆိုရင် ဘဝမှာ နှေးနှေးကျသွားပြီး လုပ်တတ်နေကျ အရာတွေ၊ လုပ်နိုင်ကိုင်နိုင် နေကျ နေရာတွေကနေ ဘယ်လိုလုပ်လုပ် ပြန်သွားလို့ မရတော့ ပဲ​၊ မစီးဆင်းနေတော့တဲ့ မြောင်းတစ်ခုလိုမျိုး ရပ်တန့် နောက်ဆုတ်သွားတဲ့ အခိုက်အတန့်တွေ ခဏခဏ ကြုံရတယ်။⚙️

အဲ့ဒီအချိန်မှာဆိုရင် ပြင်ပက သူများတွန်းလဲ မရွေ့သလို၊ ကိုကိုယ်တိုင် တွန်းကြည့်လဲ ရွေ့မလာပဲ​ ဘယ်နေရာက ပြဿနာ တက်နေလို့ တက်နေမှန်းမသိပဲ ပိတ်မိ နေတတ် တယ်။

ဆတ်ဆတ်ခါအောင် ဒေါသတွေ ထွက်တယ်၊​ ကလေးလေးတစ်ယောက် လိုမျိုး သေးငယ် အားငယ်သွားပြီး လူကြီးတစ်ယောက်မဟုတ်တော့တဲ့ အခြေအနေမျိုး ကြုံဖူးပါသလား?👶

ဒါဟာ စိတ်ပညာ အမြင်အရဆိုရင် “စိတ်ပိုင်းဆိုင်ရာ နောက်ပြန်ဆုတ်ခြင်း” (Regression) ဖြစ်တာလို့ ခေါ်ပါတယ်။ ပြင်ဆင်လို့ မရတဲ့ ချို့ ယွင်းနေတဲ့ ရောဂါ တစ်ခု မဟုတ်ပါဘူး။ ကျော်လွှားရ အကြပ်တွေ့တဲ့ အခက်အခဲ​တစ်ခု ဖြစ်ပါတယ်။ 💭

Regression ဆိုတာ အခုလက်ရှိ ကိုယ့်ကို အတိတ်တွေဆီကို ပြန်ခေါ်ဆောင်သွားနေတာ ဖြစ်တယ်။

လက်ရှိကြုံတွေ့နေရတဲ့ အခြေအနေတစ်ခုက ကိုယ့်ကို စိတ်ဖိစီးမှု အလွန်များနေစေတာ ဖြစ်ပြီး ဒါမှမဟုတ် ငယ်ငယ်တုန်းက စိတ်ဒဏ်ရာ ရခဲ့ဖူးတဲ့ အနာဟောင်းတစ်ခုနဲ့ တူညီတဲ့ ခံစားချက်တွေ ပြန်လည် ခံစားလိုက်ရတဲ့ အချိန်တစ်ခုနဲ့ ထပ်တူညီနေတဲ့ အခါ ကိုယ့်ရဲ့ ဦးနှောက်က ကလေးဘဝဆီကို အလို အလျောက် ပြန်လည်ခေါ် သွားတာမျိုးဖြစ်ပါတယ်။​ 👣👣

ဒါဟာ ကိုယ့် ကိုကိုယ် ပြန်လည် ကာကွယ်နိုင်ဖို့ (Defense Mechanism) အရင်ဆုံးတတ်မြောက်ခဲ့တဲ့ ကလေးဘဝက တုန့်ပြန်တဲ့ နည်းတွေဆီကို ပြန်သွားတာဖြစ်ပါတယ်။​🛠️

ဒီအကြောင်းအရာလေးဟာ ကျွန်မတို့ ဘဝမှာ ပိတ်မိတယ်ဆိုတဲ့ ခံစားချက်နဲ့လည်း သက်ရောက်မှု ရှိနေပါတယ်။ ကျွန်မတို့ရဲ့ ဘဝတွေဟာ မသိစိတ်ရဲ့ နောက်ပြန်ဆုတ်ခြင်း သံသရာအောက်မှာ လည်ပတ်နေတတ်ကြပါတယ်။​ 🫥

စိတ်က နောက်ပြန်ဆုတ်နေတဲ့အခါ ကျွန်မတို့ ဟာ လက်ရှိ “ပစ္စုပ္ပန်” အမှန်တရားကို ရင်ဆိုင်နေတာ မဟုတ်တော့ပဲ “အတိတ်”ကိုပဲ လှမ်းပြီးတုန့်ပြန် နေမိတာ ဖြစ်ပါတယ်။​❤️‍🩹

ဒါတွေကြောင့် အမူအကျင့်တွေ နောက်ပြန်ဆုတ်သွားတယ်။ အပြင်မှာ အောင်မြင်နေတဲ့ သူတစ်ယောက်ဟာ အိမ်ပြန်ရောက်လို့ ချစ်သူ က ဝေဖန်အပြစ်တင်တယ်လို့ ခံစားလိုက်ရတာနဲ့ ချက်ချင်းစိတ်ကောက်ပြီး ရက်အတော် အကြာ စကားမပြောပဲ နေမိတယ်။​

ဘာလို့ လဲ ဆိုတော့ သူ့ရဲ့ ရင်ထဲမှာ ငယ်ငယ်က သူ့ကို စိမ်းကားဖူးခဲ့တဲ့ မိဘတွေကြားမှာ “နှုတ်ဆိတ်”နေခဲ့ရခြင်းနဲ့ ရုန်းကန်ခဲ့ရတဲ့ ၊ ကိုယ်ပြောချင်တာ ပြောလို့ မရဘူးလို့ တွေးခဲ့ဖူးတဲ့၊ ကိုယ့် အတွက်ကိုယ် ရပ်တည်ဖို့ မဝံ့မရဲ သေးတဲ့ ငယ်ဘဝ ကလေးအသက်အရွယ် အပိုင်းအခြား လောက် (၇)နှစ် ပတ်ဝန်းကျင် လောက်ကို နောက်ပြန်ဆုတ်သွားတာဖြစ်ပါတယ်။​💔

ပိတ်မိနေခြင်း (Stuckness) တွေ ခံစားရတယ်။ 🥹ကိုယ့်ဘဝမှာ ရှေ့ဆက်လို့ မရနိုင်တော့ပဲ ပိတ်မိတယ် ခံစားရတာဟာ လူကြီး ဘဝက ပြဿနာတွေကို ကလေးဘဝက ကာကွယ်ခုခံခဲ့တဲ့ ဖြေရှင်းနည်း စနစ် (Defense Mechanism) တွေ (ဥပမာ -ကြောက်လို့ ရင်မဆိုင်ပဲ ထွက်ပြေးလိုက်တာ၊ ငိုယို တာ၊ တံခါးစောင့်ပိတ်လိုက်တာ၊ အတင်းအလိုက်သင့်နေတာ၊ ဂျီကျတာ) နဲ့ လိုက်ပြီး ဖြေရှင်းနေလို့ ဖြစ်ပါတယ်။​

‼️ကလေးတစ်ယောက်ရဲ့ စနစ်ဆိုတာဟာ ကိုယ့်ကိုယ်ကိုယ် ကာကွယ်ဖို့ပဲ သုံးလို့ရပြီး ရင့်ကျက်တဲ့ ဘဝတစ်ခုကို တည်ဆောက်ဖို့အတွက်ဆိုရင်တော့ သုံးလို့မရပါဘူး။ ဘယ်လိုမှလဲ အသုံးမဝင်နိုင်တော့ပါဘူး။ ☹️

ဒီသံဿရာထဲက ရုန်းထွက်နိုင်ဖို့ အတွက်ဆိုရင် စစ်မှန်တဲ့ စိတ်ခံစားချက် အတွင်းပိုင်း ငြိမ်းချမ်းမှုရဖို့ အတွက် အဲ့လို နောက်ပြန်ဆုတ်သွားတဲ့ ကိုယ့် ကိုကိုယ် သတိပြုပြီး နေထိုင်ခြင်းတွေ ကနေ စတင်နိုင် ပါတယ်။

နောက်တစ်ကြိမ် စိတ်ထဲမှာ အရမ်းအားငယ်ပြီး သေးငယ် သွားတယ်လို့ ခံစားရတဲ့အခါ ခဏလောက် ရပ်တန့်ပြီး "ငါ အခု အသက် ဘယ်လောက်အရွယ်လို ခံစားနေရတာလဲ" လို့ ကိုယ့်ကိုယ်ကိုယ် တစ်ခါ လောက် မေးကြည့်ပြီး နားထောင်ကြည့်ပါ။ 🤕

ကိုယ့် ရင်ထဲက တည်ရှိခဲ့ဖူးတဲ့ နာကျင်ခဲ့တဲ့ ကလေးက အခု လက်ရှိဘဝရဲ့ လည်ပတ်တဲ့စနစ်ရဲ့ မောင်းနှင်ခလုတ်ကို လာလုနေတယ် ဆိုတာကို သတိပြုမိလိုက်တယ် ဆိုရင်ကို ဒီ ဝဲဂယက်ရဲ့ လွတ်မြောက်ခြင်းကို စတင်နိုင်ပါတယ်။ 🪴

ထိတွေ့လိုက်မိတဲ့ ကိုယ့်ရဲ့ ကလေးခံစားချက်လေးကို လည်း သူနာကျင်ခဲ့ဖူးတဲ့ နေရာလေးကို စာနာ ပြီး နူးနူးညံ့ညံ့ ဆက်ဆံပေးဖို့ ၊ သူစိတ်ပူပြီး အလိုအလျောက် အခုလို ကာကွယ်ပေးဖို့ မလိုပဲ၊ လုံခြုံနေကြောင်း၊ လူကြီးတစ်ယောက် ဖြစ်နေကြောင်းကို ကိုယ့် ကိုကိုယ် သတိထားပြီး လွတ်မြောက်ခွင့် ပေးဖို့ တွေကို အခု ကိုယ်က ပြန်လည် တုန့်ပြန် လို့ ရပါတယ်။​✨✨

အတိတ်က ခံစားချက်တွေ ထဲမှာ ပိတ်မိနေတာလည်း အင်မတန်ကိုမှ ခက်ခဲ ပါတယ်။​

အခုလို စိတ်ပညာ သဘောတရားလေးတွေ နားလည်သွားတိုင်းလည်း မလွတ်မြောက်သေး တာလည်း ဖြစ်ကောင်းဖြစ်နိုင်ပါတယ်။

ဘာလို့ဆို နာကျင်ခဲ့ဖူးတဲ့ ခံစားချက်လေးတစ်ခု ကျေလည်သွားနိုင်ဖို့ အတွက် ကိုယ်ချင်းစာစိတ် အပြည့် ဝေဖန်ခြင်း ကင်းကင်းနဲ့ နားထောင်ပေးနိုင်တဲ့ နှလုံးသားတစ်စုံ ၊ နေရာလေး တစ်ခု နဲ့ ကျေလည်အောင် လုပ်ဖို့လို အပ်တဲ့ အတွက် ကိုယ့်မှာ လိုအပ်လာခဲ့တယ် ဆိုရင် ကိုယ့် ကိုကိုယ် အသုံးပြုခွင့် ပေး လိုက်ပါ။

Therapy Session တွေ အလုပ်ဖြစ်တယ် ဆိုတာ စာတွေ့နဲ့ မျှဝေတိုက်တွန်းနေတာမျိုး မဟုတ်ပဲ ကျွန်မ ကိုယ်တိုင်လွတ်မြောက်ဖို့ ကြိုးစားခဲ့ ဖူးတဲ့ ကိုယ်ပိုင် အတွေ့အကြုံ ရဖူးတဲ့ သူ တစ်ဦးနေရာကနေ ရိုးသားစွာ မျှဝေနေတာ ဖြစ်ပါတယ်။ ❤️❤️

အခု ခံစားချက်လေးနဲ့ ပတ်သတ်ပြီး ကိုယ့်အတွေ့အကြုံလေးတွေကို မျှဝေပေးချင်တယ်ဆိုရင်လည်း လွတ်လပ်စွာမျှဝေပေးဖို့ ဖိတ်ခေါ်ချင်ပါတယ်ရှင်။ ✨❤️

Shwe Yi
Therapist of Brief Therapy
Couple Therapist

#စိတ်ပညာ #စိတ်ကျန်းမာရေး

အခုလောလောဆယ်အထိ Nway Oo Healing Space မှာ Counselling Services မရရှိ နိုင်သေးပေမယ့် Nway Oo ရဲ့ Founder တစ်ဦးဖြစ်တဲ့ မရွ...
08/06/2026

အခုလောလောဆယ်အထိ Nway Oo Healing Space မှာ Counselling Services မရရှိ နိုင်သေးပေမယ့် Nway Oo ရဲ့ Founder တစ်ဦးဖြစ်တဲ့ မရွှေရည်ရဲ့ "Embracing your Ah Myu Tay " ဆိုတဲ့ page "လေးမှာ Counselling Services တွေကို ဆက်သွယ် ရယူနိုင်တာဖြစ်လို့ အားလုံးနဲ့ အတူ မျှဝေပေးလိုက်ရပါတယ်ရှင် ❤️

Nway Oo Page ဘက်ကနေလည်း Activity တွေ ပြန် Run ပြီး ပြန်လာနိုင်ဖို့လည်း စီစဉ် နေပါတယ်ဆိုတဲ့ သတင်းကောင်းလေးလဲ ပါးပါရစေရှင် ❤️

See you!!!

“ဘဝအခက်အခဲတွေကို အတူတူဖြေရှင်းကြမယ်”

“Therapist မိတ်ဆက် ”

မင်္ဂလာပါရှင့်…
ကျွန်မကို ရွှေရည် (သို့) Auriel လို့ ခေါ်ကြပါတယ်။ ကျွန်မကိုယ်ကျွန်မ ဒီ စာလေးကနေ တဆင့် မိတ်ဆက် ချင်ပါတယ်။ 💌

၂၀၂၁ ခုနှစ်တုန်းက ကျွန်မကိုယ်တိုင် အိပ်မပျော်ခြင်းဝေဒနာနဲ့ ရုန်းကန်ရင်း ဒီလမ်းကြောင်းကို စတင်ခဲ့သူဖြစ်ပါတယ်။
▫️ကျွန်မကိုယ်တိုင် စိတ်ဒဏ်ရာတွေနဲ့ ရုန်းကန်နေခဲ့ရတဲ့အချိန်မှာ...
✔️Therapist တစ်ယောက်ရဲ့ လိုအပ်တဲ့ Skills တွေကို To Day Psychology Classes ကနေ လေ့လာ ဆည်းပူးခဲ့တယ်
✔️ကိုယ်တိုင် 𝑇ℎ𝑒𝑟𝑎𝑝𝑦 ခံယူခဲ့ပြီး
✔️စာအုပ်စာပေတွေဖတ်ကာ လိုအပ်တဲ့ အသိပညာဆည်းပူးခဲ့ပါတယ်
✔️အခြားသူများအတွက် 𝐺𝑟𝑜𝑢𝑝 𝑇ℎ𝑒𝑟𝑎𝑝𝑦 များမှာလည်း 𝗩𝗼𝗹𝘂𝗻𝘁𝗲𝗲𝗿 အနေနဲ့လည်း ပါဝင်ကူညီခဲ့ပါတယ်
(2021 ခုနှစ် မတ်လမှ ကျွန်မနဲ့ ကျွန်မ ခင်မင်ရတဲ့ မိတ်ဆွေ တစ်ဦးနဲ့ အတူတူ Nway Oo Healing Space ဆိုတဲ့ စိတ်ပိုင်းဆိုင်ရာ အထောက်အကူပြုတဲ့ အဖွဲ့အစည်းကို တည်ထောင်ခဲ့ပါတယ်)

▫️ဒီအတွေ့အကြုံတွေက ကျွန်မကို နည်းလမ်း (၂) ခု နဲ့ ကြီးပြင်းစေခဲ့တယ် -
၁) လူသားတစ်ယောက် ရဲ့ နာကျင်မှုကို နားလည်ခြင်း
၂) Therapist တစ်ဦးအနေနဲ့ ကျွမ်းကျင်မှုရှိခြင်း

▫️ဒါကြောင့် ကျွန်မနဲ့အတူ 𝑇ℎ𝑒𝑟𝑎𝑝𝑦 𝑆𝑒𝑠𝑠𝑖𝑜𝑛 သွားမယ့်သူတိုင်းအတွက် -
💛 အတွေ့အကြုံနှစ်မျိုးလုံးရဲ့ နွေးထွေးမှုကို ရရှိမှာပါ
💛 အသိပညာနဲ့ စာနာမှု ပေါင်းစပ်ထားတဲ့အတွေ့အကြုံကို ပြန်လည်ပေးအပ်မှာ ဖြစ်ပါတယ်**

▫️ဘာကြောင့်ဒီလိုပြောနိုင်လဲဆိုတော့...
"ကျွန်မ ကိုယ်တိုင်လည်း သင်နဲ့တူတဲ့လမ်းကို လျှောက်ခဲ့ဖူးသူပါ"
▫️ကျွန်မတို့ရဲ့အခက်အခဲတွေကို ကျွန်မတို့ ဒီလို ဖြေရှင်းကြလေ့ရှိတယ်။
အများအားဖြင့် ကျွန်မတို့က ပြင်ပက အကြောင်းတရားတွေ၊ အဖြစ်အပျက်တွေကိုပဲ ဖြေရှင်း ပြီး ဘဝအခက်အခဲတွေကို ဖြေရှင်းနိုင်မယ်လို့ ထင်တတ်ကြပါတယ်။

▫️ဒါပေမယ့် အမှန်တကယ်တော့-
✔️ကျွန်မတို့အတွင်းမှာ ရှုပ်ထွေးနေတဲ့ ခံစားချက်တွေ
✔️မကျေနပ်မှုတွေ
✔️အဖြစ်အပျက်နဲ့ ခံစားချက်ကို ခွဲခြားမြင်နိုင်စွမ်း
✔️မျှတတဲ့အမြင်တွေ
ဒီအချက်တွေကို အရင်ဆုံး ကိုင်တွယ်ဖြေရှင်းနိုင်မှသာ တူညီတဲ့ပြဿနာကို အကြိမ်ကြိမ်ရင်ဆိုင်နေရတာမျိုး ကနေ လွတ်မြောက်နိုင်မှာပါ။

ကျွန်မတို့ရဲ့သော့ 🗝️
ကျွန်မတို့မှာ တကယ်တော့ အဖြေတွေရဲ့သော့က ကိုယ့်ဆီမှာပဲရှိပါတယ်။ ဒါကို ဘယ်မှာထားမိတယ်၊ ဘယ်လိုသုံးရမယ်ဆိုတာ မသိသေးတာကြောင့်သာ အခက်အခဲတွေ ထပ်ကာထပ်ကာကြုံရတာပါ။
တူညီတဲ့နည်းလမ်းနဲ့ ပုစ္ဆာကို တွက်နေသရွေ့ တူညီတဲ့အဖြေပဲ ထွက်မှာပါ။

▫️ခံစားချက်တွေနဲ့ပတ်သက်ပြီး
ခံစားချက်ဆိုတာ သဘာဝတရားက ပေးထားတဲ့အရာပါ။
✔️မကိုင်တွယ်ရင် မဖြစ်
✔️ဖိနှိပ်ထားရင် လူသားဆန်မှုပျောက်
ဒါကြောင့် ကျွန်မတို့ ခံစားချက်တွေကို နားလည်ပြီး ကောင်းမွန်စွာ စီမံနိုင်ဖို့ လိုပါတယ်။

▫️ဘယ်လိုလုပ်ရမလဲ?
ကိုယ့်ခံစားချက်တွေကို နားလည်ပြီး ဘယ်လိုကိုင်တွယ်ရမယ်ဆိုတဲ့ အမြင်သစ်တစ်ခုနဲ့ ကိုယ့်ကိုယ်ကို တည်ငြိမ်အောင် လုပ်နိုင်ပါတယ်။

ကျွန်မနဲ့အတူ 💛
ကျွန်မက 𝗧.𝗕.𝗦.𝗜 𝗧𝗲𝗰𝗵𝗻𝗶𝗾𝘂𝗲 ကိုအသုံးပြုပြီး Counseling လုပ်ပေးနေတဲ့ 𝐓𝐡𝐞𝐫𝐚𝐩𝐢𝐬𝐭 တစ်ဦးဖြစ်ပါတယ်။ ပြင်သစ်က (𝗣𝘀𝘆𝗰𝗵𝗼𝘁𝗵𝗲𝗿𝗮𝗽𝗶𝘀𝘁 𝗮𝗻𝗱 𝗣𝘀𝘆𝗰𝗵𝗼𝗮𝗻𝗮𝗹𝘆𝘀𝘁, 𝗙𝗿𝗮𝗻𝗰𝗲) ဆရာမ ဒေါ်သိင်္ဂီလွင် (𝐓𝐨 𝐃𝐚𝐲 𝐏𝐬𝐲𝐜𝐡𝐨𝐥𝐨𝐠𝐲 𝐂𝐥𝐚𝐬𝐬𝐞𝐬) ရဲ့ အနီးကပ် Supervision အောက်မှာ အလုပ်လုပ်ကိုင်နေပါတယ်။

▫️𝗧.𝗕.𝗦.𝗜 𝗧𝗲𝗰𝗵𝗻𝗶𝗾𝘂𝗲 နဲ့ သင်ဟာ -
✔️ အချိန်တိုအတွင်းမှာပင် မိမိရင်ဆိုင်နေရတဲ့ပြဿနာကို
ကိုယ်တိုင်သုံးသပ်ဆန်းစစ်နိုင်စွမ်း ရရှိမယ်
✔️ လုံခြုံစိတ်ချရတဲ့ နည်းလမ်းကျဖွဲ့စည်းပုံနဲ့ တည်ဆောက်ထားတဲ့ နည်းစနစ်တစ်ခုဖြစ်ပါတယ်။

▫️ဒါကို သင် အသုံးချနိုင်တဲ့အခါ-
✔️ပြဿနာတွေကို မြင်တဲ့ အမြင် ပြောင်းလာမယ်
✔️ကိုယ့်ဘဝအတွက် သင့်တင့်လျှောက်ပတ်တဲ့ ဖြေရှင်းနည်းတွေကို စတင် လုပ်နိုင်လာမယ်
✔️စိတ်အတွင်း ငြိမ်းချမ်းမှုကို တည်ဆောက်မှု အစ ပြုလာနိုင်မယ်
✔️ ကိုယ့်ကိုယ်ကို ယုံကြည်မှုတည်ဆောက်နိုင်တယ်

ကျွန်မရဲ့ခရီး💛
ကျွန်မကိုယ်တိုင်လည်း နာကျင်မှုတွေ၊ မှောင်မိုက်မှုတွေကို ဖြတ်သန်းခဲ့ရသူပါ။ ဒါကြောင့် သင့်ရဲ့ခံစားချက်တွေကို နားလည်ပါတယ်။🤲

ဒီစာမျက်နှာလေးမှာ စိတ်ပညာ၊ ဘဝအတွေ့အကြုံနဲ့ အခက်အခဲတွေကို အတူတူဖြေရှင်းနိုင်မယ့်
အသိအမြင်လေးတွေ နဲ့ မျှဝေချက်တွေကို အမြဲတင်ဆက်ပေးသွားမှာမို့...
👉 Like လုပ်ထားဖို့ ဖိတ်ခေါ်ပါတယ်ရှင့်!
👉 See First ခလုတ်လေးကိုပါ နှိပ်ထားရင် လွတ်မသွားဘူးနော် 💛

▫️သင့်အနေနဲ့-
✔️ နားလည်မှုရှိရှိ နားထောင်ပေးဖို့
✔️အတူတူဖြေရှင်းဖို့
✔️လုံခြုံနွေးထွေးတဲ့ နေရာလေးတစ်ခု
လိုအပ်တယ်ဆိုရင် ကျွန်မနဲ့ ဆက်သွယ်နိုင်ပါတယ်။

Counselling Session တွေ နဲ့ ပတ်သတ်ပြီး ဆက်သွယ်ရန်
💌 Email: [email protected]
📱 page Messenger
သင့်ရဲ့ခရီးတစ်လျှောက်မှာ ကျွန်မ အတူရှိပါမယ်… 👣🤲❤️

Address

Yangon

Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Saturday 10:00 - 19:00
Sunday 10:00 - 19:00

Website

Alerts

Be the first to know and let us send you an email when Nway Oo Healing Space posts news and promotions. Your email address will not be used for any other purpose, and you can unsubscribe at any time.

Shortcuts

Share

Category