14/04/2026
🍃ဆရာမကြီးပြောပြသည့် Oxalates ဆိုတာ ဘာပါလဲ? အပိုင်း(၁)မှ(၅)
✨Oxalates(အပိုင်း -၁)
အပင်တွေမှာ သဘာဝအားဖြင့် ပါနေသည့် Oxylic acid ဖြစ်ပါတယ်။
အပင်တွေ ကြီးထွားရှင်သန်မျိုးပွါးဖို့အရေးမှာ လိုအပ်ပါတယ်။
ထို့အပြင် အပင်တွေက သူတို့ကို ပိုးမွှားတိရစ္ဆာန် လူတွေပါ မစားနိုင်အောင် သဘာဝ တန်ပြန်လက်နက်တစ်မျိုး ဖြစ်ပါတယ်။
စားပြီးလို့ ခန္ဓာကိုယ်ထဲ ရောက်သွားရင် oxylic acid ဟာ calcium နဲ့ ပေါင်းစပ်သွားပြီး
Calcium oxalate crystals ထုံးမှန်ကျောက်တွေ ဖြစ်သွားတတ်ပါတယ်။
ထုံးမှန်ကျောက်တွေဟာ အချွန်အထက်တွေ ပုံစံ ဖြစ်နေတာမို့ ခန္ဓာကိုယ် နေရာမျိုးစုံမှာ ပြဿနာ ဖြစ်တတ်ပါတယ်။
အဓိက ပြဿနာကတော့ ကျောက်တည်တာပါပဲ။
ကျီးပေါင်းအပါအဝင်ပေါ့။
လူတွေဟာ ကျောက်တည် ဖို့ဆိုရင် Calcium ကြောင့်လို့ပဲ ထင်နေတတ်ကြပါတယ်။
ကျောက်တည်ဖို့ဆိုတာ Calcium တစ်မျိုးတည်းနဲ့ မဖြစ်နိုင်ဘူးဆိုတာကို သဘောမပေါက်ကြပါ။
ကျောက်တည်ဖို့ Oxalate / Phosphate တွေ လိုပါတယ်။
ကျောက်တည်ရင် Calcium ကိုသာ ရှောင်ခိုင်းတတ်ကြပါတယ်။
Vitamin D ကိုတောင် အဆစ်ဆွဲထည့်လိုက်ကြပြန်ပါတယ်။
“Oxalate / Phytates တွေကို ထည့်ပြီး မစဉ်းစားကြတာ အမှန်ပါပဲ”
အချို့ လူတွေကြပြန်တော့လဲ မွေးရာပါဗီဇတွေကြောင့် အသည်းဟာ Oxalate တွေ ပိုထုတ်တဲ့လူတွေလဲ ရှိပြန်ပါတယ်။
အသက်ငယ်ငယ်လေးတွေနဲ့ ကျောက်တည်တတ်ကြပါတယ်။
ဒီအုပ်စုကတော့ Oxalate တွေကို ကြီးစွာသတိထားပြီး ရှောင်ကိုရှောင်သင့်ပါတယ်။
ဆက်ပါဦးမည်။
Oxalates / phytates တွေအကြောင်းကို သေသေချာချာ နားလည်ပြီးသတိထားမယ်ဆိုရင် ကျီးပေါင်း / ကျောက်တည်ခြင်းမှ အတော်သက်သာလာတာကို လက်တွေ့ ခံစားရပါလိမ့်မယ်။
ရောဂါမှ သက်သာချင်ရင် လိုက်နာသင့်တယ် မဟုတ်ပါလား?
✨Oxalates (အပိုင်း-၂)
ခန္ဓာကိုယ်ထဲမှာ Oxalates ပမာဏများနေတယ်ဆိုတာ ဘယ်လိုသိနိုင်ပါသလဲ?
အဆစ်တွေနာကျင်ကိုက်ခဲ ရောင်ကိုင်းနေမယ်။
အရိုးအရွတ်တွေလဲ နာကျင်နေတတ်ပါတယ်
ဗိုက်နာ အစာမကြေ
ဆီးဟာနောက်နေတတ်တယ်
ဆီးပူ ဆီးခဏခဏသွားချင်နေ ဆီးကြင် ဆီးအောင့် ဆီးထဲမှာ သွေးပါတတ်ပါတယ်
ကျောက်ကပ်ကျောက်တည်တတ်တယ်
သွားတွေ နာနေတတ် သွားနဲ့ သွားဖုံး ကြားထဲမှာ ကြေးတက်တတ် ( dental plaque )
ပါးစပ် ပူစပ်နေတတ်
လိင်အင်္ဂါ ပူစပ်နေတတ်
အရေပြား ယားယံနေတတ်
မျက်စိကြည့်ရတာ အမြင်မရှင်း
ခေါင်းမကြည်
လက်ဖျားခြေဖျားတွေ အေးစက်နေတတ်
အကြောင်းမရှိဘဲ အရိုးကျိုးတတ်
ဝမ်းထဲမှာ သွေးစသွေးန ပါနေတတ်ပါတယ်။
ဓာတ်ခွဲခန်းမှာ စစ်ဆေးကြည့်ရင်
ဆီးထဲမှာ သွေးပါနေတတ်
သွေးဖောက်စစ်ကြည့်ရင် serum creatinine အနည်းငယ် တက်နေတတ်
eGFR ကျဆင်းနေတတ်
သွေးဥနီ သွေးဥဖြူ ပမာဏ ကျဆင်းနေတတ်
သွေးအားနည်းနေတတ်
Oxalates တွေရဲ့ အဓိကပြဿနာတွေကတော့
ကလာပ်စည်းတွေရဲ့ သတ္တုဓာတ်တွေ အထူးသဖြင့် calcium ထိန်းထားနိုင်မှုကို ပျက်ပြားစေပါတယ်။
Enzymes တွေရဲ့ ဝန်ဆောင်မှုကိုလည်း လျော့ကျ လာစေပါတယ်။
ကလာပ်စည်း စွမ်းအင်ထုတ်လုပ်သည့် စက်ရုံတွေကိုလဲ ပျက်စီးစေပါတယ်။
ကလာပ်စည်း နံရံ ဗီဇတွေကအစ ပျက်စီးယိုယွင်းတတ်ပါတယ်။
အဓိက အရေးကြီးတဲ့ အကြောင်းတစ်ပါးကတော့ အူလမ်းကြောင်းမှ သတ္တုဓာတ်တွေကို စုတ်မယူနိုင်အောင် တားမြစ်တဲ့သတ္တိရှိသည့် anti nutrient ဖြစ်နေပါတယ်။
✨Oxalates (အပိုင်း-၃)
ခန္ဓာကိုယ်ထဲကနေ Oxalates တွေကို ထုတ်ပစ်ဖို့ရာမှာ ကျောက်ကပ်ကနေတဆင့် ဆီးထဲမှ ထုတ်ပစ်ရပါတယ်။
လူတွေ ပြောနေကြတဲ့ ရေများများသောက်ပြီး စွန့်ပစ်လို့ ပြောနေကြတာ မှန်သင့်သလောက်မှန်ပေမဲ့ ကျန်းမာနေတဲ့ကျောက်ကပ်ကနေ ထုတ်ပစ်ပေးနိုင်စွမ်းရှိတဲ့ ပမာဏကလဲ ရှိနေပြန်ပါတယ်။
ကျောက်ကပ်ကနေ ထုတ်ပစ်ပေးနိုင်သည့် ပမာဏထက် ကျော်လွန်သွားရင်တော့ ခန္ဓာကိုယ်ထဲမှာ စုပုံလာပြီ ဖြစ်ပါတယ်။
Kidney threshold လို့ ခေါ်ပါတယ်။
၂၄ နာရီအတွင်း less than 25 mg ဆိုရင်တော့ ကျန်းမာနေတဲ့ ကျောက်ကပ်ဟာ အေးအေးဆေးဆေး ထုတ်ပစ် ပေးနိုင်ပါတယ်။
ပိုပြီးစားလာရင် 26-40 mg ဆိုရင်တော့ ပမာဏဟာ များလာပါပြီ။
အလွန်များတဲ့ပမာဏ ကတော့ 40mg အထက်ပါတဲ့။
စားကြတဲ့အခါ ဘယ်သူကမှ တိတိကျကျ တိုင်းထွာ မကြည့်ကြပါ။
အကြမ်းဖြင်းလောက်သိရင် ပမာဏများတာတွေကို တစ်နေ့တည်းမှာ ပြိုင်တူမစားမိစေဖို့ သတိပြုသင့်ပါတယ်။
ပမာဏ သိပ်များနေလို့ ကျောက်ကပ်က ရှင်းထုတ်ပစ်နိုင်တဲ့ အခြေအနေကို ကျော်လွန်သွားရင်တော့ ခန္ဓာ ကိုယ် နေရာအနှံ့မှာ ကျောက်တည်ခြင်း ဖြစ်လာ
နိုင်ပါတယ်။
ကျောက်ကပ်ကနေ အစချီနိုင်ပါတယ်။
သွေးကြောနံရံတွေမှာလဲ ကျောက်တည်တတ်ပါတယ်။
✨Oxalates (အပိုင်း-၄)
Oxalate ပမာဏ များသည့် အစားအသောက်များ
( မိတ်ဆွေများ တောင်းဆိုချက်အရ )
ဟင်းနုနွယ် Amaranth
ရုံးပတီသီး Okra
မျှစ် Bamboo shoots
ငရုပ်ပွ Bell peppers especially the green ones
ဒန့်သလွန်ရွက် Moringa
အားလူး Potatoes
ကန်စွန်းဥ Sweet potatoes
မုန်လာဥနီ Carrots
သကြားမုန်လာ Beets
အာတာလွတ် Parsnips
ပလောပီနံ Cassava
ပဲမျိုးစုံ Beans and Legumes
နှမ်းမျိုးစုံ Sesame seeds
Almonds/ Peanuts/ Cashews
Soy / Tofu
Soy milk / Almond milk
လက်ဖက်အစို/ လက်ဖက်သုပ်
လက်ဖက်ရည်ကြမ်း ( black tea ) ကြာကြာနှပ်ထားလေ Oxalates ပမာဏများလာလေ
ကွမ်းရွက်/ ကွမ်းသီး/ကွမ်းယာ Paan/ Beetle nut
ပဲမှုံ့ Chick pea powder / Chana Daahl
Oxalate နည်းသည့် အစားအသောက်များ
Arugula မြန်မာလို မသိပါ။
Avocado ထောပတ်သီး
Bok choy တရုပ်မုန်ညင်း
Cabbage ဂေါ်ဖီထုတ်
Cauliflower ပန်းဂေါ်ဖီ
Cilantro နံနံပင်
Cucumber သခွါးသီး
Lettuce ဆလတ်ရွက်
Mustard greens ကျန်မဆိုင် အချဉ်တည်သည့်အရွက်
Mushrooms မှို
Water cress
Onion ကြက်သွန်နီ
Garlic ကြက်သွန်ဖြူ
Bell pepper မစပ်သည့် ငရုပ်ပွ
Green peas ပဲသီးစိမ်း
Kohlrabi နိုကိုဥ
Beef အမဲသား
Chicken ကြက်သား
Fish ငါး
Dairy နွားနို့ ထောပတ် ဒိန်ခဲ
Eggs ကြက်ဥ
ဗဟုသုတအတွက်သာ ဖြစ်ပါတယ်။
မိမိကျန်းမာရေးအခြေအနေအရ ချင့်ချိန်နိုင်ရအောင် တင်ပြပေးခြင်းဖြစ်ပါတယ်။
တစ်ဦးနဲ့တစ်ဦးဟာလဲ ခန္ဓာကိုယ်ရဲ့တုန့်ပြန်မှုတွေက မတူကြတာမို့ အဆင်ပြေသလို သာ ဆုံးဖြတ်စေချင်ပါတယ်။
✨Oxalates (အပိုင်း-၅)
Oxalates တွေကို ခန္ဓာကိုယ်ထဲကနေ ဘယ်လိုထုတ်
ပစ်ကြမလဲ?
Oxalates ပြဿနာဆိုတာကို မသိကြတဲ့သူတွေ များပါတယ်။
ဗဟုသုတ ရှိလာတဲ့အခါ ကိုယ်ဖြစ်နေတဲ့ရောဂါလက္ခဏာတွေကို သက်သာလာစေချင်တယ်ဆိုရင် ပြု ပြင်လို့ ရနိုင်ပါတယ်။
အစားအသောက်ကနေ ဖြစ်လာတာဆိုတော့ အရေးအကြီးဆုံးက အစားအသောက်ကနေ စပြီးရှောင်ရမယ်ဆိုတာ အဓိပ္ပါယ် ရှိပါတယ်။ နှစ်ပေါင်းများစွာ ခန္ဓာကိုယ်ထဲမှာ စုပုံနေတတ်တာမို့ အချိန်ယူရပါတယ်။
Oxalates များတဲ့ အစားအသောက်ကို ရှောင်ဖို့ဆိုတာ ထိပ်ဆုံးကနေ လာနေပါတယ်။
ခန္ဓာကိုယ်ထဲကနေ ထုတ်ပစ်ဖို့ ထွက်သွားဖို့ဆိုတာဟာလည်း အချက်အမျိုးမျိုးပေါ် မူတည်နေပြန်ပါတယ်။
၁.ကျောက်ကပ် ကျန်းမာရေး ကောင်း မကောင်း
၂.ခန္ဓာကိုယ် ရောင်ကိုင်းခြင်း အခြေအနေ
၃.ဇီဝဖြစ်စဉ် ပုံမှန် ဖြစ် မဖြစ်
၄.အာဟာရဓာတ်အခြေအနေ
၅.မျိုးရိုး ဗီဇ
၆.ခန္ဓာကိုယ်ထဲရှိ Oxalate ပမာဏ
အစကနဦးမှာ ——-
Oxalate ပမာဏများသည့် အစားအသောက်များကို လျော့ချပြီးစားပါ။
စွဲစွဲမြဲမြဲလုပ်ပါ။
အစားအသောက်တွေရဲ့ ပမာဏ အများအနည်းကို သိဖို့လိုအပ်ပါတယ်။
ပမာဏလျော့ကျအောင် ပြုလုပ်နည်း
ချက်လိုက်ရင် Oxalate ဓာတ် လျော့ကျသွားတယ်လို့ဆိုနေပေမဲ့ ဓာတ်အနေနဲ့ကတော့ ပျက်မသွားပါ။ ချက်ပုံချက်နည်းပေါ်မူတည်ပြီး ပမာဏ လျော့ကျသွားနိုင်ပါတယ်။
ရေဆူဆူထဲမှာ ပြုတ်ပစ်ခြင်းဖြင့် ပမာဏ လျော့ကျသွားနိုင်ပါတယ်။ ပြုတ်သည့်ရေကိုတော့ သွန်ပစ်ရပါမယ်။ Oxalate ဓာတ်ဟာ အကုန်လုံးတော့ ကုန်မသွားဘူးနော်။
ရေစိမ်ခြင်း
ရေစိမ်ရင် Lectin and Phytic acid က လျော့ကျသွားပေမဲ့ Oxalate ကတော့ မရပါ။
ပဲမျိုးစုံ / whole grains / ဟင်းသီးဟင်းရွက်မှာက အစုံပါနေပါတယ်။ Oxalates / Lectins / Phytic acid
အချဉ်ဖောက်ခြင်း
Oxalates တွေကို အနည်းအကျဉ်း ဖယ်ရှားပစ်နိုင်ပါတယ်။
Oxalates တွေနဲ့ဆက်နွယ်မှုရှိသော သတ္တုဓာတ်များ
Calcium ဟာ Oxalates နဲ့ ပေါင်းသွားပြီး Calcium Oxalates အသွင်နဲ့ ဝမ်းထဲကနေ ထုတ်ပစ်လိုက်ပါတယ်။
လိုအပ်သည့်အခါ အရိုးကနေ ယူရတာကြောင့် အရိုးပြဿနာလဲ တက်လာနိုင်ပြန်ပါတယ်။
Calcium ကို ပြန်ဖြည့်ပေးဖို့ လိုအပ်လာပါပြီ။
Calcium citrate နဲ့ ပြန်ဖြည့်သင့်ပါတယ်။
500mg a day. အစာစားချိန်မှာ သောက်ပါ။
လိုအပ်ရင် 1000mg - 1500 mg a day အထိ အချိန်ခွဲပြီး သောက်လို့ ရပါတယ်။
Plain calcium citrate ပါ။
Magnesium citrate က လဲ ထိုနည်းတူစွာ အထောက်အကူပြုပါတယ်။
400- 600 mg a day အချိန်ခွဲ သောက်ရမှာ ဖြစ်ပါတယ်။
Sulfur
1000mg a day
Methylsulfonylmethane MSM
Oxalates များနေသူတွေအတွက် အလွန်သင့်တော်ပါတယ်။
ရေကိုလည်းလုံလုံလောက်လောက်သောက်ပါ၊
သောက်ဖို့သင့်တဲ့ Vitamins တွေကတော့
B group of Vitamins —— B1 B6 (p5p ) B7
B complex သောက်လဲ ပြီးသွားတာပါပဲ။
Vitamin D သောက်ပါ။
Oxalate များနေသူများ Vitamin C ကို ပမာဏ အများကြီး မသောက်သင့်ပါ။
အရေးအကြီးဆုံးက Oxalate ပမာဏများသည့် အစား အသောက်တွေကို ရှောင်ဖို့ပါပဲ။
*လေးစားစွာဖြင့်-
To A Better Health
