Being With You

Call Contact the practice

Being With You Mental Health Counseling Services Being with you ဆိုတာ ဘာလဲ…? Members of "Being with you" always welcome everyone to share your emotion and feeling warmly.

Being with you ဆိုတာ လူသားတိုင်းရဲ့ mental health supportပေးနိုင်ရန်အတွက် လူသားချင်းကိုယ်ချင်းစာပေးနိုင်မှု၊မျှဝေခံစားပေးနိုင်မှု၊နွေးထွေးနိုင်မှုတွေကို အားလုံးအပေါ်မှာ တပြေးညီပေးစွမ်းနိုင်ဖို့အတွက် ရည်ရွယ်ထားတဲ့ social platform တစ်ခုပဲဖြစ်ပါတယ်။

ယနေ့ခေတ်ကာလမှာ စိန်ခေါ်မှု ၊လူသားချင်းဝေးကွာမှု၊အထီးကျန်မှု…စတဲ့ စိတ်ခံစားမှုတွေကြောင့် လူတိုင်းနီးပါးဟာ စိတ်ပင်ပန်းမှု အနည်းနှင့်အများကြုံတွေ့ခံစားနေကြရပါတယ်။ဒီစိတ်ခံစားမှုတွေကို ဂရုမပြုမိတဲ့အခါ စိတ်ကျန်းမာရေးနှင့်ဆိုင်တဲ့ ပြဿနာတွေ ဖြစ်ပေါ်လာနိုင်ပါတယ်။

မိမိတို့ရဲ့စိတ်ခံစားချက်တွေ မျှဝေခံစားဖြေရှင်းပေးနိုင်ရန်အတွက် သင်နှင့်အတူ “Being With You” အဖွဲ့သားများက နွေးထွေးစွာကြိုဆိုလျှက်ရှိပါတယ်ရှင်။

"Being with you" is a social plaltform which is for helping every person's mental health support with full of sympathy,warmth and empathy. Nowadays,most of people are confronting with emotional stress due to a lot of challenges,loneliness and keeping one's distance.If we ignore to relieve these emotional stress,we may have mental health problem in our daily lives.

29/09/2026

Being With You နဲ့ 11:11 Cafe & Bistro တို့ ပူးပေါင်းကျင်းပခဲ့တဲ့ "Unlearning Insecurity: Rewiring Love" Private Seminar & Emotional Wellbeing Workshop လေးကို ပြီးခဲ့တဲ့ September 26 (စနေ) နေ့က အောင်မြင်စွာ ကျင်းပပြီးစီးခဲ့ပြီဖြစ်ပါတယ်။

ဒီပွဲလေးမှာ Being With You မှ Dr. Shun Lei Oo က –
📌 "နှောင်ကြိုးတွေအကြောင်း တစေ့တစောင်း" – ဆက်ဆံရေးများတွင် ဖြစ်ပေါ်တတ်သော မလုံခြုံမှုများ၏ အဓိကဇစ်မြစ်များ
📌 Insecurity မှသည် Self-Love ဆီသို့ – စိုးရိမ်စိတ်နှင့် စိတ်ဖိစီးမှုများကို နားလည်ပြီး တစ်ဆင့်ချင်းစီ ဖြည်လျှော့နည်းများ
📌 Healthy Attachment & Boundaries – ပျော်ရွှင်ကျန်းမာသော ဆက်ဆံရေးတစ်ခုကို ပြန်လည်ပုံဖော် တည်ဆောက်နည်းများ… စသည့် ဗဟုသုတများစွာကို စိတ်ဝင်စားဖွယ် ဆွေးနွေးမျှဝေသွားခဲ့ပါတယ်။ 🌿

တက်ရောက်လာကြပြီး စိတ်ခွန်အားတွေ၊ အသိအမြင်သစ်တွေ အတူတူမျှဝေပေးခဲ့ကြတဲ့ တက်ရောက်သူတစ်ဦးချင်းစီတိုင်းကို အထူးပင် ကျေးဇူးတင်ရှိပါတယ်။

ရှေ့ဆက်ပြီးတော့လည်း စိတ်ချမ်းမြေ့စရာ Wellbeing ပွဲလေးတွေမှာ ပြန်လည်ဆုံတွေ့ကြရအောင်နော်။ 💗 🌸




မိမိကိုယ်ကို ဒါမှမဟုတ် အချစ်ရေးနဲ့ လူမှုဆက်ဆံရေးတွေမှာ မလုံခြုံစိတ်တွေ၊ နှောင်ကြိုးတွေကြောင့် လေးလံနေပါသလား? 💭"နှောင်ကြိ...
20/09/2026

မိမိကိုယ်ကို ဒါမှမဟုတ် အချစ်ရေးနဲ့ လူမှုဆက်ဆံရေးတွေမှာ မလုံခြုံစိတ်တွေ၊ နှောင်ကြိုးတွေကြောင့် လေးလံနေပါသလား? 💭

"နှောင်ကြိုးတွေအကြောင်း တစေ့တစောင်း" နဲ့အတူ မလုံခြုံမှုတွေကို တစ်ဆင့်ချင်းစီ ဖြည်လျှော့ပြီး ချစ်ခြင်းမေတ္တာတွေကို ပျော်ပျော်ရွှင်ရွှင်ပြန်လည် တည်ဆောက်ဖို့ Unlearning Insecurity: Rewiring Love ဆိုတဲ့ Emotional Well-being Workshop လေးကို ဖိတ်ခေါ်ပါရစေ။

📅 ရက်စွဲ - September 26, 2026 (Saturday)
📍 နေရာ - 11.11 Café & Bistro
🧠 Co-organized by - Being With You & 11:11 Bistro

တက်ရောက်လိုသူများ အနေနှင့် အောက်ပါLinkမှာ စာရင်းပေးသွင်းထားနိုင်ပါတယ် 📩✨
https://forms.gle/tw2DXuECbFoF36K46




🌎 ဒီနေ့ စက်တင်ဘာ ၁၀ ရက်နေ့ ဟာ World Su***de Prevention Day နေ့ရက်တစ်ရက် ဖြစ်ပါတယ်။ကျွန်မတို့ ပတ်ဝန်းကျင်မှာ အပြင်ပန်းအား...
10/09/2026

🌎 ဒီနေ့ စက်တင်ဘာ ၁၀ ရက်နေ့ ဟာ World Su***de Prevention Day နေ့ရက်တစ်ရက် ဖြစ်ပါတယ်။

ကျွန်မတို့ ပတ်ဝန်းကျင်မှာ အပြင်ပန်းအားဖြင့် ပြုံးပြုံးရွှင်ရွှင်နဲ့ တာဝန်ကျေပြနေပေမယ့်၊ ရင်ထဲမှာတော့ တစ်နေ့ထက်တစ်နေ့ တိတ်ဆိတ်စွာ ပြိုလဲနေရသူတွေ၊ "ငါ ဒီကမ္ဘာပေါ်မှာ ဝန်ထုပ်ဝန်ပိုးများ ဖြစ်နေမလား" ဆိုတဲ့ အတွေးနဲ့ ရုန်းကန်နေရသူတွေ အများကြီး ရှိနေပါတယ်။

စိတ်ပညာအရ "အသက်ရှင်ချင်စိတ် ပျောက်ဆုံးနေခြင်း" ဟာ သေဆုံးချင်တာထက်စာရင် "ခံစားနေရတဲ့ နာကျင်မှုကို မခံစားနိုင်တော့လို့ ရပ်တန့်ချင်ရုံ" သာ ဖြစ်တတ်ကြပါတယ်။ ဒါဟာ အားနည်းတာလည်း မဟုတ်သလို၊ အသုံးမကျတာလည်း မဟုတ်ပါဘူး။ စိတ်ကလေးဟာ ရုန်းကန်ရလွန်းလို့ အစွမ်းကုန် မောပန်းသွားတဲ့အခါ ပြသတတ်တဲ့ သင်္ကေတတစ်ခုပါပဲ။

ဒီနေ့မှာ ကျွန်မအနေနဲ့ စိတ်ထဲမှာ လေးလံနေရသူတွေကို စိတ်အေးအေးလေး အားပေးချင်ပါတယ်။

✅သင့်ခံစားချက်တွေကို ထုတ်ပြောဖို့ မကြောက်ပါနဲ့: "ငါ အဆင်မပြေဘူး" လို့ ပြောလိုက်တာဟာ အားနည်းတာ မဟုတ်ဘဲ ကိုယ့်ကိုယ်ကိုယ် ကာကွယ်ဖို့ သတ္တိရှိကြောင်း ပြသတာပါ။

✅ကူညီဖို့ လက်ကမ်းပေးမယ့်သူတွေ ရှိပါတယ်: သင့်ကို လေးစားစွာနဲ့ နားထောင်ပေးချင်တဲ့ စိတ်ကျန်းမာရေး ပညာရှင်တွေ၊ စာနာပေးမယ့် အသိုင်းအဝန်းနဲ့ ချစ်ခင်ရသူတွေ အမြဲရှိနေပါတယ်။

✅သနားစရာအဖြစ် မဟုတ်ဘဲ နားလည်ပေးပါ: သင့်အနီးနားက လူတစ်ယောက်ဟာ ခါတိုင်းထက် တိတ်ဆိတ်သွားရင် သို့မဟုတ် အကူအညီမဲ့နေသလို ခံစားနေရရင် "အဆင်ပြေရဲ့လား" လို့ နွေးထွေးစွာ မေးမြန်းပေးပါ။

သင်ဟာ ဒီကမ္ဘာပေါ်မှာ အရေးပါပြီး၊ သင့်ရဲ့ ဖြစ်တည်မှုဟာလည်း တန်ဖိုးရှိပါတယ်။ အရာရာကို တစ်ယောက်တည်း ဒိုင်ခံထမ်းပိုးထားစရာ မလိုပါဘူး။

Being With You ကလည်း သင့်ရဲ့ ရင်ဘတ်ချင်း နီးစပ်ရာ လုံခြုံတဲ့ နားခိုရာအဖြစ် အမြဲတမ်း ရှိနေပေးပါမယ်။ ✨


30/08/2026

💕✨🪷 လူတိုင်းမှာ မတူညီတဲ့ ချစ်ခြင်းမေတ္တာ ဘာသာစကား (Love Languages) အသီးသီး ရှိကြသလို ဆက်ဆံရေးတစ်ခုစီရဲ့ နောက်ကွယ်မှာလည်း မတူညီတဲ့ မျှော်လင့်ချက်တွေ ကိန်းဝပ်နေတတ်ပါတယ်။

မနေ့က စနေနေ့ နေ့လည်ခင်းလေးမှာတော့ ကျွန်မတို့ Being With You က 11:11 Cafe & Bistro နဲ့ ပူးပေါင်းပြီး Love Language Workshop လေးကို Free-Entry နဲ့ ပြုလုပ်ခဲ့ပါတယ်ရှင်။

ဒီ Workshop လေးမှာ Being With You ရဲ့ Senior Counselor မဖူး ကနေပြီး “LOVE LANGUAGES & Human mind through relationships” ဆိုတဲ့ ခေါင်းစဉ်နဲ့အတူ ချစ်ခြင်းမေတ္တာရဲ့ ဘာသာစကားနဲ့ ဆက်ဆံရေးတွေကြားမှာ ဖြစ်တတ်တဲ့ လူ့စိတ်သဘောတရားတွေကို နွေးထွေးစွာ လမ်းညွှန် မျှဝေပေးသွားခဲ့ပါတယ်။

ထို့နောက် ပါဝင်သူတစ်ဦးချင်းစီရဲ့ ကိုယ်ပိုင် အတွေ့အကြုံလေးတွေကို ရင်ဖွင့် မျှဝေကြရင်း တစ်ယောက်ရဲ့ ဒဏ်ရာနဲ့ ခံစားချက်ကို တစ်ယောက်က နားလည်ခွန်အားပေးကာ မေတ္တာစကားများနဲ့ အပြန်အလှန် အားပေး Support ပေးခဲ့ကြပါတယ်။

နောက်လတွေမှာလည်း ဒီလိုမျိုး စိတ်ကို အနားယူစေပြီး နွေးထွေးသွားစေမယ့် Workshop လေးတွေကို ဆက်လက် ပြုလုပ်ပေးသွားဖို့ ရှိပါတယ်

✨လတစ်လတိုင်းရဲ့ နောက်ဆုံးအပတ် စနေနေ့တိုင်းမှာ✨….

💕 Being With You နဲ့ 11:11 Bistro ☕️ တို့ ပူးပေါင်းပြီး စိတ်ဝင်စားဖွယ်ရာ Workshop လေးတွေကို စီစဉ်ပေးသွားမှာ ဖြစ်တာကြောင့် ကျွန်မတို့ရဲ့ Page လေးတွေကို စောင့်ကြည့်ပေးကြဖို့ နွေးထွေးစွာ ဖိတ်ခေါ်လိုက်ရပါတယ်ရှင်။




✨ YOUR FUTURE. YOUR NEXT MOVE. ✨ Let’s explore what’s next together. 🌱အနာဂတ်အတွက် စဉ်းစားနေတဲ့ လူငယ်တစ်ယောက်အနေနဲ့…“ကိုယ...
28/08/2026

✨ YOUR FUTURE. YOUR NEXT MOVE. ✨
Let’s explore what’s next together. 🌱

အနာဂတ်အတွက် စဉ်းစားနေတဲ့ လူငယ်တစ်ယောက်အနေနဲ့…

“ကိုယ့် Passion က ဘာလဲ?”
“ကိုယ့် Skills တွေကို ဘယ်လိုအသုံးချရမလဲ?”
“ကျောင်းပြီးရင် ဘာဆက်လုပ်ရမလဲ?”
“AI ခေတ်မှာ ကိုယ့် Career Path က ဘယ်လိုပြောင်းလဲလာမလဲ?”

ဆိုတဲ့ မေးခွန်းတွေ တစ်ခါတလေ ကိုယ့်စိတ်ထဲမှာ ရှိနေတတ်ပါတယ်။ 💭

ဒီလို Career နဲ့ Future အကြောင်းတွေကို စဉ်းစားဖို့၊ Explore လုပ်ဖို့နဲ့ လူငယ်တွေအတွက် အခွင့်အရေးကောင်းတွေကို ရှာဖွေဖို့အတွက်…

✨ PASSION TO PROFESSION IN AI ERA ✨
မှာ Being With You – Counselling & Mental Health Services က Booth တစ်ခု အနေနဲ့ ပါဝင်သွားမှာဖြစ်ပါတယ်။ 💙🩷

📍 Being With You Booth မှာ ဘာတွေရှိမလဲ?

ပွဲကိုလာရောက်တဲ့ လူငယ်တွေအနေနဲ့ ကျွန်မတို့ Booth ကို ဝင်ရောက်ပြီး -

🧠 Fun & Meaningful Quizzes လေးတွေ ဆော့ကစားနိုင်မယ်
💭 ကိုယ့်ကိုယ်ကို ပိုမိုသိရှိစေမယ့် Self-Discovery Activities လေးတွေ ပါဝင်နိုင်မယ်
💬 Mental Health နဲ့ Self-Discovery အကြောင်းတွေကို ကျွန်မတို့ Team နဲ့ ပေါ့ပေါ့ပါးပါး စကားပြောနိုင်မယ်

🎁အဲ့ဒီအပြင် ပွဲမှာလည်း ကံစမ်းမဲအနေနဲ့ Being With You ရဲ့ Services တွေနဲ့ ပတ်သက်ပြီး Special Gift Vouchers 43 မဲတိတိကိုလည်း ပါဝင်ကံစမ်းပြီး ရယူနိုင်ပါဦးမယ် 🎁

ပြီးတော့… 🍀
Career, Education & Personal Growth အကြောင်းတွေကို စိတ်ဝင်စားတဲ့ လူငယ်တွေအတွက်လည်း ကိုယ့်အနာဂတ်ကို ပြန်လည်စဉ်းစားဖို့ အချိန်ကောင်းလေးတစ်ခု ဖြစ်လာမှာပါ။

✨ A career is not only about choosing a job.�It is also about understanding yourself.

ဒါကြောင့် ဒီတစ်ရက်တာ Event ကို
အနာဂတ်အတွက် အဖြေတစ်ခုရဖို့အတွက်ပဲ မဟုတ်ဘဲ…
ကိုယ့်ကိုယ်ကို ပိုသိနားလည်ဖို့၊ �ကိုယ့်ရဲ့ Strengths တွေကို Explore လုပ်ဖို့၊� အခြားလူငယ်တွေရဲ့ Journey တွေကို နားထောင်ဖို့၊� ပြီးတော့ ကိုယ့်ရဲ့ Next Move ကို စတင်စဉ်းစားဖို့အတွက် အသုံးချလိုက်ပါ။ 🌱

🎉 Come visit the Being With You Booth!

Quiz လေးတွေ ဝင်ဆော့ရင်း၊ စကားလေးတွေပြောရင်းနဲ့ ကိုယ့်အတွက် အမှတ်တရလေးတစ်ခုနဲ့ ပြန်သွားနိုင်မှာပါ။ 💙

━━━━━━━━━━━━━━━━━━

✨ PASSION TO PROFESSION IN AI ERA ✨

📅 30 August 2026 (Sunday)
⏰ 9:00 AM – 5:00 PM
📍 KINGS International School (Thuwanna Campus)
🎟️ 100% FREE ENTRY | Limited Seats Only

🌱 Your future deserves a plan.�Let’s start exploring yours.

Being With You – Counselling & Mental Health Services

Speak to Your Heart. 💙🩷









💕 ကိုယ့်ဘက်ကမေတ္တာတွေ ဘယ်လောက်ပဲ ပေးနေပါစေ၊ ကိုယ့်ရဲ့ အိမ်ထောင်ဖက်၊ ချစ်သူ (ဒါမှမဟုတ်) မိသားစုဝင်တွေဘက်က အပြည့်အဝ မခံစား...
21/08/2026

💕 ကိုယ့်ဘက်ကမေတ္တာတွေ ဘယ်လောက်ပဲ ပေးနေပါစေ၊ ကိုယ့်ရဲ့ အိမ်ထောင်ဖက်၊ ချစ်သူ (ဒါမှမဟုတ်) မိသားစုဝင်တွေဘက်က အပြည့်အဝ မခံစားရသလို ဖြစ်နေတာမျိုးကြုံဖူးလား? 🤔

ချစ်ရသူတွေနဲ့ ပိုမိုခိုင်မြဲတဲ့ ဆက်ဆံရေးကို တည်ဆောက်နိုင်ဖို့ 11:11 Café & Bistro နဲ့ Being With You တို့ ပူးပေါင်းပြီး "Love Language" ဆိုတဲ့ခေါင်းစဉ်နဲ့ Counselling Workshop လေး လုပ်ပေးသွားမယ့်အကြောင်းလေး သတင်းကောင်းပါးချင်ပါတယ်🤍

လူတိုင်းမှာ ချစ်ခြင်းမေတ္တာကို ဖော်ပြတဲ့၊ လက်ခံယူတဲ့ "Love Language" (အချစ်ရဲ့ ဘာသာစကား) ပုံစံခြင်း မတူညီကြပါဘူး။ ဒီကွဲပြားမှုတွေကို နားလည်သဘောပေါက်ခြင်းက ဆက်ဆံရေးမှာ ဖြစ်ပေါ်လေ့ရှိတဲ့ နားလည်မှုလွဲမှားခြင်းတွေကို ဖြေရှင်းပေးနိုင်မယ့် အဓိကသော့ချက်ဖြစ်ပါတယ်။

"Love Language" Counselling Workshop လေးမှာ Being With You ရဲ့ Professional Counseller တွေနဲ့ private ဆန်ဆန် ကိုယ့်ရဲ့ စိတ်ခံစားချက်တွေကို ပွင့်ပွင့်လင်းလင်းဖွင့်ပြော ဆွေးနွေးရင်း လက်တွေ့လေ့ကျင့်ခန်း Workshop မှာ ပါဝင်ပြီး မိမိချစ်ရသူတွေနဲ့ ပိုမိုနက်ရှိုင်းတဲ့ စိတ်ခံစားချက်ချင်း ချိတ်ဆက်မှုတွေကို တည်ဆောက်နိုင်မယ့် ဘဝနေထိုင်နည်း အကြံဉာဏ်တွေကို ပေးသွားမှာဖြစ်ပါတယ်။

ဒီပွဲလေးမှာ ဘယ်လိုအစီအစဉ်လေးတွေ ပါဝင်သွားမလဲ ❓❓❓

💕 Being With You ရဲ့ Professional Counseller တွေကနေ စိတ်ကျန်းမာရေးနှင့် ဆက်ဆံရေးဆိုင်ရာ ရေရှည်ခိုင်မြဲသော ဆက်ဆံရေးတည်ဆောက်ပုံများကို လေ့လာနိုင်မယ့် Mini Seminar လေးလည်း ပါဝင်သွားမယ်။

💕 Love Language ကို ရှာဖွေရင်း မိမိနှင့် မိသားစု၊ လက်တွဲဖော် တို့ရဲ့ မတူညီသော မေတ္တာဖော်ပြမှု ပုံစံများကို သေချာစွာ နားလည်သိရှိနိုင်မယ်။

💕 တစ်ယောက်နဲ့တစ်ယောက် နားလည်မှုလွဲမှားခြင်းများကို လျှော့ချပြီး မိမိလိုလားချက်များကို ကောင်းမွန်စွာ ထုတ်ဖော်ပြောဆိုဆက်ဆံရေး နည်းလမ်းကောင်းများကို ကောင်းစွာနားလည်သွားမယ်။

ချစ်ရတဲ့သူတွေနဲ့ ရေရှည်ခိုင်မြဲသောဆက်ဆံရေး “Love Language” တစ်ခုတည်ဆောက်ဖို့အတွက်ဆို ဒီ Workshop လေးကတော့ မဖြစ်မနေ Join သင့်တဲ့ Workshop လေးပဲ ဖြစ်ပါတယ်နော်။

Unlock the Secret to Stronger Relationships & Family Harmony 🤍

Event Details:

📅 Date: 29.8.2026 (Saturday)
⏰ Time: Strating from 3:00PM
📍Address: 11:11 Cafe & Bistro_No.76/77, Aung Thukha Street, Thingangyun Township, Yangon.
📌Google Map: https://maps.app.goo.gl/k6cyBei8sHAvhGDn8

ရန်ဖြစ်ပြီးတိုင်း မခေါ်မပြော လုပ်တတ်တဲ့သူတွေနဲ့ ဘယ်လိုဆက်ဆံမလဲ?ပြဿနာတစ်ခုခုဖြစ်တိုင်း သို့မဟုတ် စကားများပြီးတိုင်းမှာ စက...
16/08/2026

ရန်ဖြစ်ပြီးတိုင်း မခေါ်မပြော လုပ်တတ်တဲ့သူတွေနဲ့ ဘယ်လိုဆက်ဆံမလဲ?
ပြဿနာတစ်ခုခုဖြစ်တိုင်း သို့မဟုတ် စကားများပြီးတိုင်းမှာ စကားတစ်ခွန်းမှ မပြောတော့ဘဲ နှုတ်ဆိတ်သွားတာ၊ ဖုန်းမကိုင်တော့တာ၊ ဒါမှမဟုတ် အိမ်မှာရှိနေလျက်နဲ့ မမြင်ချင်ယောင် ဆောင်နေတာမျိုးတွေကို ကြုံဖူးကြပါသလား။
ဒီလို ပြဿနာကို ရင်မဆိုင်ဘဲ မခေါ်မပြောတော့ခြင်းဖြင့် တုံ့ပြန်တာကို စိတ်ပညာမှာ Silent Treatment (သို့မဟုတ်) Stonewalling လို့ ခေါ်ပါတယ်။ ဒီလိုပြုမူခြင်းဟာ တစ်ဖက်လူအတွက်တော့ ဘာလုပ်ရမှန်းမသိ၊ ဘာကြောင့်ဖြစ်နေမှန်းမသိဘဲ ရင်ထဲမှာ အထီးကျန်မှုနဲ့ နာကျင်မှုကို ခံစားရစေပါတယ်။
အမှန်တကယ်တော့ Silent Treatment ဟာ “စကားမပြောဘဲ ပစ်ထားခြင်းအားဖြင့် တစ်ဖက်လူကို စိုးရိမ်စိတ်ဝင်လာအောင်၊ အပြစ်မရှိဘဲ တောင်းပန်လာအောင် စိတ်ပိုင်းဆိုင်ရာ ဖိအားပေးတာ” (Emotional Manipulation) တစ်ခု ဖြစ်သွားတတ်ပါတယ်။ ဒါကို ရေရှည် ကြုံတွေ့ရတဲ့အခါ ဆက်ဆံရေးမှာ ယုံကြည်မှုတွေ ပြိုလဲလာပြီး နောက်ဆုံးမှာတော့ နှစ်ဦးစလုံးကြား ပိုမိုဝေးကွာသွားစေတဲ့ မကျန်းမာတဲ့ စက်ဝန်းဆိုးကို ဖန်တီးလိုက်သလို ဖြစ်သွားရပါတယ်။
ဒါဆိုရင် Silent Treatment လုပ်တတ်တဲ့သူတွေနဲ့ ကြုံလာရတဲ့အခါ ကိုယ်တိုင် ဒဏ်ရာမရအောင်၊ ဒီအခြေအနေကို ကျန်းမာတဲ့နည်းလမ်းတွေနဲ့ ရင်ဆိုင်နိုင်အောင် ဘယ်လို ဆက်ဆံကြမလဲဆိုတာကို ကျွန်မတို့ Being With You က အချက်ငါးချက်နဲ့ မျှဝေပေးချင်ပါတယ်။
၁။ ဒါဟာ ကိုယ့်ကြောင့် မဟုတ်ဘူးဆိုတာ သတိရပါ (Don't take it personally)
သူတို့ရဲ့ တိတ်ဆိတ်သွားခြင်းဟာ သင့်ရဲ့ အပြစ်ကြောင့် သို့မဟုတ် သင့်ရဲ့ ပင်ကိုတန်ဖိုးနည်းပါးသွားလို့ မဟုတ်ပါဘူး။ ဒါဟာ သူတို့ကိုယ်တိုင် ပြဿနာကို အေးဆေးစွာ ဖြေရှင်းဖို့ စိတ်ခံစားချက် ရင့်ကျက်မှု (Emotional Maturity) နည်းပါးနေတာ ဒါမှမဟုတ် ရှောင်ဖယ်လိုတဲ့ Avoidant Attachment Style ရှိနေလို့သာ ဖြစ်ပါတယ်။ ဒါကြောင့် "ငါ့ကြောင့်ပါလား" ဆိုပြီး အပြစ်မရှိဘဲ လိုက်လံ တောင်းပန်တာမျိုး မလုပ်ပါနဲ့နော်။
၂။ ဒေါသတကြီး လိုက်တောင်းဆိုတာ၊ အတင်းလိုက်ရှင်းတာမျိုး မလုပ်ပါနဲ့
တစ်ဖက်လူက တံတိုင်းခတ်ထားချိန်မှာ အတင်းလိုက်အော်ဟစ်တာ၊ မက်ဆေ့ခ်ျတွေ ပုံမှန်ပို့ပြီး အတင်းစကားပြောခိုင်းတာမျိုးက တစ်ဖက်လူကို ပိုမို မွန်းကြပ်စေပြီး တံတိုင်းကို ပိုထူထဲသွားစေတတ်ပါတယ်။ အဲဒီအစား ကိုယ့်ဘက်က စိတ်ကို အေးအေးထားပြီး ကိုယ်ပိုင် Space လေး ယူလိုက်ပါ။
၃။ သေချာ ရေရာတဲ့ တံခါးလေးတစ်ခု ဖွင့်ပေးထားပါ
သူတို့ကို အတင်းလိုက်ရှင်းခိုင်းစရာ မလိုပေမဲ့ ပွင့်ပွင့်လင်းလင်းနဲ့ အေးဆေးစွာ စာတစ်စောင် ပို့ထားလို့ ရပါတယ် - "မင်း ခဏလောက် ငြိမ်ငြိမ်လေး နေချင်တာကို ငါနားလည်ပါတယ်။ ဒါပေမဲ့ ငါတို့ကြားမှာ စကားမပြောဘဲ တိတ်ဆိတ်နေတာက ငါ့အတွက် အဆင်မပြေပါဘူး။ မင်းဘက်က စကားပြောဖို့ အဆင်သင့်ဖြစ်တဲ့အခါကျရင် ငါတို့ အေးဆေး ဆွေးနွေးကြတာပေါ့" ဆိုပြီး ပြောထားပေးပါ။
၄။ ကိုယ့်ရဲ့ စိတ်ဓာတ်နှင့် လုံခြုံရေးကို အရင်ကာကွယ်ပါ
တစ်ဖက်လူရဲ့ Silent Treatment အကွက်ထဲ ပါသွားပြီး အမြဲတမ်း စိုးရိမ်ပူပန် မနေပါနဲ့။ အဲဒီအချိန်မှာ ကိုယ့်ရဲ့ စိတ်ချမ်းသာမှုအတွက် စာဖတ်တာ၊ ဝါသနာပါရာ လုပ်တာ၊ သူငယ်ချင်းတွေနဲ့ စကားပြောတာမျိုး ပြုလုပ်ပြီး ကိုယ့်စိတ်ကို Grounding ပြန်လုပ်ထားပါ။
၅။ အခြေအနေ တည်ငြိမ်သွားချိန်မှာ ကျန်းမာတဲ့ စည်းမျဉ်း (Boundary) သတ်မှတ်ပါ
သူတို့ စကားပြန်ပြောလာတဲ့အခါ ပြဿနာကို ဒီအတိုင်း မေ့ပျောက်မသွားပါစေနဲ့။ "နောက်ဆို ရန်ဖြစ်ရင် ခဏအနားယူချင်လို့ စကားမပြောချင်သေးဘူးလို့ ပွင့်ပွင့်လင်းလင်း ပြောလို့ရပါတယ်။ ဒါပေမဲ့ ရက်ပေါင်းများစွာ လုံးဝ စကားမပြောဘဲ ပစ်ထားတာမျိုးကိုတော့ ငါ့ဘက်က လက်မခံနိုင်ပါဘူး" လို့ ပွင့်ပွင့်လင်းလင်း တိုင်ပင်ညှိနှိုင်းထားဖို့ လိုအပ်ပါတယ်။
Silent Treatment လုပ်တတ်သူအများစုဟာ စိတ်ထဲက ဒေါသနဲ့ နာကျင်မှုကို ကျန်းမာစွာ ထုတ်ဖော်မပြတတ်လို့ စကားမပြောတဲ့နည်းနဲ့ အပြစ်ပေးတတ်ကြတာပါ။
ဒါပေမဲ့ ဘာပဲဖြစ်ဖြစ် သင့်မှာလည်း လေးစားခံရခွင့်နဲ့ ပွင့်လင်းစွာ စကားပြောဆိုခွင့် ရှိပါတယ်။ ဒီလိုအခြေအနေမျိုး ကြုံရရင် ကိုယ့်ကိုယ်ကိုယ် အပြစ်မတင်ဘဲ စိတ်ကို အေးအေးထားကာ ကျန်းမာတဲ့ စည်းမျဉ်းလေးတွေနဲ့ ရင်ဆိုင်သွားကြရအောင်နော်။

စိတ်ထဲက ဝန်ထုတ်ဝန်ပိုးတွေကို အမိန့်ပေး ရပ်တန့်လို့မရတဲ့အခါ... (Overthinking Cycle)"တိတ်ဆိတ်တဲ့ ညဉ့်နက်ပိုင်း ရောက်ပြီဆို...
15/08/2026

စိတ်ထဲက ဝန်ထုတ်ဝန်ပိုးတွေကို အမိန့်ပေး ရပ်တန့်လို့မရတဲ့အခါ... (Overthinking Cycle)
"တိတ်ဆိတ်တဲ့ ညဉ့်နက်ပိုင်း ရောက်ပြီဆိုရင်ပဲ ခေါင်းထဲမှာ အတွေးပေါင်း သန်းချီပြီး ရောက်လာတော့တာပဲ" ဆိုတဲ့ အတွေ့အကြုံမျိုး သင် ကြုံဖူးပါသလား။
နေ့ခင်းဘက်တွေမှာ အလုပ်တွေ၊ တာဝန်တွေနဲ့ မအားလပ်နိုင်အောင် လှုပ်ရှားနေရပေမယ့် ညဘက် အိပ်ရာထဲရောက်လို့ ခန္ဓာကိုယ်က နားစပြုချိန်မှာတော့ စိတ်က တိတ်ဆိတ်စွာ အလုပ်ပြန်လုပ်လာတတ်ပါတယ်။ အတိတ်က လုပ်ခဲ့ဖူးတဲ့ အမှားတွေ၊ ရောက်မလာသေးတဲ့ မနက်ဖြန်အတွက် စိုးရိမ်စရာတွေကို ဆွဲထုတ်ပြီး "ဒီလိုသာ ဖြစ်ခဲ့ရင် ဘယ်လိုလုပ်မလဲ" ဆိုတဲ့ မေးခွန်းပေါင်းများစွာနဲ့ ဦးနှောက်က ခရီးဆက်နေတတ်ပါတယ်။ ဒီလိုနဲ့ပဲ အိပ်စက်ခြင်းဟာ ဝေးကွာသွားပြီး တွေးလွန်ခြင်း (Overthinking Cycle) ဆိုတဲ့ သံသရာစက်ဝန်းထဲမှာ သောင်တင်ကျန်ရစ်ခဲ့ရပါတယ်။
ဒီလိုအချိန်မျိုးမှာ ကိုယ့်ဦးနှောက်ကို "ခဏလောက် တိတ်တိတ်နေစမ်း၊ ဘာမှမတွေးနဲ့တော့" လို့ အမိန့်ပေး ရပ်တန့်ခိုင်းလို့ မရပါဘူး။ ဘာကြောင့်လဲဆိုတော့ အတွေးတွေကို ဖိနှိပ်လိုက်လေလေ၊ အဲဒီအတွေးတွေက ပိုမို ကြီးမားကျယ်လောင်လာလေလေ ဖြစ်တတ်လို့ပါပဲ။
ဒါဆိုရင် ဒီ အတွေးလွန်ခြင်း စက်ဝန်းကို ဘယ်လို နည်းလမ်းနဲ့ ဖြတ်တောက်ကြမလဲ? စိတ်ပညာအရတော့ Cognitive Reframing (တွေးခေါ်ပုံ အယူအဆကို အပြုသဘောပြောင်းလဲ စနစ်တကျ ပြန်လည်ပုံဖော်ခြင်း) နည်းလမ်းလေးတွေနဲ့ အောက်ပါအတိုင်း ဖြည်းဖြည်းချင်း ကျော်ဖြတ်ကြည့်လို့ ရပါတယ်…
၁။ အတွေးတွေကို အမှန်တရားလို့ မယူဆဘဲ သီးခြားခွဲထုတ်ကြည့်ပါ (I am not my thoughts)
တွေးမိသမျှ အရာတိုင်းဟာ အမှန်တရား မဟုတ်ပါဘူး။ "ငါ အမှားတစ်ခုခု လုပ်မိတော့မယ်" ဆိုတဲ့ အတွေးဝင်လာရင် ဒါဟာ မသိစိတ်ရဲ့ စိုးရိမ်စိတ်က ထုတ်လုပ်လိုက်တဲ့ အတွေးသက်သက်သာ ဖြစ်ပြီး တကယ့် လက်တွေ့ဖြစ်ရပ် (Fact) မဟုတ်ဘူးဆိုတာကို သတိပြုလိုက်ပါ။ "ငါ့ဆီမှာ စိုးရိမ်စိတ်နဲ့ ပတ်သက်တဲ့ အတွေးတစ်ခု ဝင်လာနေတာပါလား" လို့ သီးခြားခွဲထုတ်ကြည့်ပေးပါ။
၂။ "What if..." မှ "What is..." သို့ ပြောင်းလဲ စဉ်းစားပါ
Overthinking ဖြစ်တဲ့အခါ ဦးနှောက်က မဖြစ်သေးတဲ့ "မကောင်းတဲ့ အနာဂတ်" တွေကို ကြိုတင် စိတ်ကူးယဉ်တတ်ပါတယ်။ "ဒီလို ဖြစ်သွားရင် ဘယ်လိုလုပ်မလဲ (What if...)" ဆိုတဲ့ စိုးရိမ်စိတ်နေရာမှာ "အခု လက်ရှိမှာ တကယ် ဖြစ်နေတာက ဘာလဲ (What is...)" ဆိုတဲ့ အချက်ဆီ ပြန်လှည့်လာခဲ့ပါ။ လက်ရှိ ရောက်ရှိနေတဲ့ အချိန်နဲ့ နေရာကို သတိပြုမိခြင်းက စိုးရိမ်စိတ်ကို လျှော့ကျစေပါတယ်။
၃။ Brain Dump လုပ်ပြီး စက္ကန့်ပိုင်းအတွင်း ချရေးလိုက်ပါ
အိပ်ရာထဲမှာ အတွေးတွေ ရှုပ်ထွေးနေရင် စိတ်ကို ပေါ့ပါးသွားစေဖို့ စာအုပ်တစ်အုပ်နဲ့ ဘောပင်တစ်ချောင်း ယူလိုက်ပါ။ ခေါင်းထဲမှာ ရှိနေတဲ့ စိုးရိမ်စရာတွေ၊ လုပ်စရာတွေကို တိတိကျကျ စာရွက်ပေါ် ချရေးပစ်လိုက်ပါ (Brain Dump)။ စာရွက်ပေါ် ရောက်သွားတဲ့အခါ ဦးနှောက်က အဲဒီအကြောင်းအရာတွေဟာ လုံခြုံစွာ သိမ်းဆည်းခံလိုက်ရပြီလို့ ခံစားရတာကြောင့် ဦးနှောက်ရဲ့ ဝန်ထုပ်ဝန်ပိုးဟာ သက်သာသွားပါလိမ့်မယ်။
၄။ စိုးရိမ်စိတ်အတွက် သီးသန့်အချိန် သတ်မှတ်ပေးပါ (Worry Time)
ညဘက် အိပ်ခါနီးမှာ စိုးရိမ်စရာတွေ ရောက်လာရင် "အခုချိန်က ငါ့ရဲ့ အိပ်စက်ရမယ့် အချိန်ဖြစ်တယ်။ ဒီစိုးရိမ်စရာကို မနက်ဖြန် မနက် ၁၀ နာရီကနေ ၁၀ နာရီခွဲကြားမှာ သီးသန့် အချိန်ပေးပြီး တွေးမယ်/ဖြေရှင်းမယ်" လို့ စိတ်ကို ကတိပေးလိုက်ပါ။ စိုးရိမ်စိတ်ကို ငြင်းပယ်တာ မဟုတ်ဘဲ အချိန်ရွှေ့ဆိုင်းလိုက်တာ ဖြစ်လို့ စိတ်က ပိုမို အေးချမ်းသွားတတ်ပါတယ်။
ညဉ့်နက်ပိုင်းမှာ ရောက်လာတတ်တဲ့ အတွေးတွေဟာ အမှန်တရားထက် စိုးရိမ်စိတ် ရောနှောနေတာ ပိုများပါတယ်။ ဒါကြောင့် အိပ်ရာထဲမှာ အဖြေရှာဖို့ မကြိုးစားပါနဲ့နော်။
အကယ်၍ ညဘက်တွေမှာ အတွေးလွန်ပြီး အိပ်မပျော်နိုင်အောင် ဖြစ်နေရရင် ကိုယ့်ကိုယ်ကိုယ် မကျေမနပ်ဖြစ်ပြီး အပြစ်မတင်ပါနဲ့။ သင့်စိတ်ကလေးဟာ သင့်ကို ကာကွယ်ဖို့အတွက် ကြိုတင် ပြင်ဆင်ရင်း အပြင်အဆင် လွန်ကဲသွားတာ သာ ဖြစ်ပါတယ်။
ဒီနေ့ညမှာတော့ ခန္ဓာကိုယ်နဲ့ စိတ်ကို ညင်သာစွာ နားခွင့်ပေးလိုက်ပါ။ မနက်ဖြန်မှာ ပိုမို ရှင်းလင်းတဲ့ ဦးနှောက်နဲ့ အရာရာကို အေးဆေးစွာ ဖြေရှင်းနိုင်မှာပါနော်။

"အဆင်ပြေပါတယ်" ဆိုတဲ့ စကားလုံးနောက်ကွယ်က Masked Depression"အဆင်ပြေရဲ့လား" လို့ မေးခွန်းထုတ်လာတိုင်း "အဆင်ပြေပါတယ်" ဆိုတဲ...
14/08/2026

"အဆင်ပြေပါတယ်" ဆိုတဲ့ စကားလုံးနောက်ကွယ်က Masked Depression

"အဆင်ပြေရဲ့လား" လို့ မေးခွန်းထုတ်လာတိုင်း "အဆင်ပြေပါတယ်" ဆိုတဲ့ စကားလုံးကို နှုတ်ခမ်းဖျားကနေ အလိုလို ပြုံးပြပြီး ပြန်ဖြေမိဖူးပါသလား???

အပြင်ပန်းမှာတော့ တာဝန်ကျေတဲ့သူ၊ အလုပ်တွေ တက်တက်ကြွကြွ လုပ်နိုင်သူ၊ အပေါင်းအသင်းတွေကြားမှာ ပြုံးပြုံးရွှင်ရွှင်နဲ့ ကူညီပေးတတ်သူတစ်ယောက်အဖြစ် မြင်တွေ့ရပေမယ့် တကယ်တမ်း ရင်ထဲမှာတော့ တစ်နေ့ထက်တစ်နေ့ ပိုပြီး ပြိုလဲနေရတဲ့ စိတ်အခြေအနေမျိုးကို စိတ်ပညာမှာ High-Functioning Depression (သို့မဟုတ်) Masked Depression (မျက်နှာဖုံးစွပ် စိတ်ဓာတ်ကျရောဂါ) လို့ ခေါ်ပါတယ်။

ဒီလို အခြေအနေကို ကြုံတွေ့နေရသူတွေဟာ အခြားသူတွေလို အိပ်ရာထဲက မထနိုင်တာမျိုး၊ အလုပ်မလုပ်နိုင်တော့တာမျိုး မဟုတ်ဘဲ ပုံမှန်အတိုင်း အရာရာကို ခင်းကျင်းပြသထားနိုင်ကြပါတယ်။ ဒါပေမဲ့ အဲဒီ အပြင်ပန်း "အဆင်ပြေမှု" မျက်နှာဖုံးရဲ့ နောက်ကွယ်မှာတော့ အသံမမြည်တဲ့ နာကျင်မှုတွေကို ကြိုးစားဖုန်းကွယ်ထားကြရပါတယ်။

အမြဲတမ်း ပင်ပန်းနွမ်းနယ်နေခြင်း: အပြင်မှာ ဘာမှမဖြစ်သလို ဟန်ဆောင်ထားရတာကြောင့် စိတ်ရဲ့ စွမ်းအင်တွေ အမြဲကုန်ခမ်းနေပြီး ရင်ထဲမှာ လေးလံဆို့နင့်နေတာ။

ကိုယ့်ကိုယ်ကိုယ် အပြစ်တင်စိတ် လွန်ကဲခြင်း: အောင်မြင်မှုတွေ၊ အရာရာ အဆင်ပြေနေမှုတွေ ရှိနေတာတောင်မှ "ငါ ဒါနဲ့ မထိုက်တန်ပါဘူး" ဆိုတဲ့ အတွေးနဲ့ ကိုယ့်ကိုယ်ကိုယ် သံသယဝင်နေတတ်တာ။

ခံစားချက်တွေကို ပိတ်လှောင်ထားခြင်း: "ငါ စိတ်ဓာတ်ကျနေတယ်" လို့ ပြောလိုက်ရင် အခြားသူတွေကို ဝန်ထုပ်ဝန်ပိုး ဖြစ်စေမှာစိုးလို့ သို့မဟုတ် အသုံးမကျဘူးလို့ ထင်သွားမှာစိုးလို့ ဒဏ်ရာတွေကို မြိုသိပ်ထားတာ။

ကျွန်မတို့ အနေနဲ့ ဒီလို ဟန်ဆောင်ပြုံးပြရင်း ပင်ပန်းနေရသူတွေကို စိတ်အေးအေးလေးနဲ့ ပြောပြချင်တာက "အဆင်မပြေတာဟာလည်း အဆင်ပြေပါတယ်" ဆိုတာပါပဲ။

သင်ဟာ အရာရာကို အမြဲတမ်း စူပါဟီးရိုးတစ်ယောက်လို ဒိုင်ခံ အဆင်ပြေပြနေစရာ မလိုပါဘူး။ ခံစားချက်တွေကို ထုတ်ဖော်ပြသတာ၊ အကူအညီတောင်းခံတာဟာ အားနည်းတာ မဟုတ်ဘဲ ကိုယ့်ကိုယ်ကိုယ် ချစ်မြတ်နိုးကြောင်း ပြသတဲ့ သတ္တိတစ်ခု ဖြစ်ပါတယ်။

မျက်နှာဖုံးကို ခဏလောက် ချွတ်ထားလိုက်ပါ။ သင့်မှာလည်း စိတ်ဓာတ်ကျခွင့်၊ ငိုကြွေးခွင့်နဲ့ အနားယူခွင့်တွေ ရှိပါတယ်နော်။

😞😔 Emotional Burnout ဖြစ်နေပြီဆိုတာ ပြသနေတဲ့ လက္ခဏာ (၅) မျိုး"ဘာမှလည်း အပင်ပန်းခံ မလုပ်ထားပါဘဲနဲ့ ဘာလို့ ဒီလောက်တောင် မေ...
09/08/2026

😞😔 Emotional Burnout ဖြစ်နေပြီဆိုတာ ပြသနေတဲ့ လက္ခဏာ (၅) မျိုး

"ဘာမှလည်း အပင်ပန်းခံ မလုပ်ထားပါဘဲနဲ့ ဘာလို့ ဒီလောက်တောင် မောပန်းနေရတာလဲ" လို့ ကိုယ့်ကိုယ်ကိုယ် ပြန်မေးမိဖူးပါသလား။

ခန္ဓာကိုယ် ပင်ပန်းတာက အိပ်ရေးဝဝအိပ်လိုက်ရင်၊ နားလိုက်ရင် သက်သာသွားတတ်ပေမဲ့ စိတ်ရောခန္ဓာပါ စွမ်းအင်ကုန်ခမ်းသွားတဲ့ "Emotional Burnout" ကတော့ အိပ်ရာနိုးလာရင်တောင် ထချင်စိတ်မရှိဘဲ လေးလံနေတတ်ပါတယ်။ ဒါဟာ အပြင်ပန်းမှာ ထင်ထင်ရှားရှား လက္ခဏာမပြတတ်ပါဘူး။
အကယ်၍ သင်ဟာ အောက်ပါ လက္ခဏာ (၅) မျိုးကို ခံစားနေရပြီဆိုရင်တော့ သင့်ရဲ့ စိတ်ကလေးက အကူအညီတောင်းနေပြီဆိုတာကို သတိပြုပေးဖို့ လိုနေပါပြီ။

၁။ အရင်က ဝါသနာပါခဲ့တဲ့ အရာတွေပေါ်မှာ ဘာခံစားချက်မှ မရှိတော့ခြင်း
ပျော်စရာရှိရင်လည်း မပျော်နိုင်၊ ဝမ်းနည်းစရာရှိရင်လည်း ဝမ်းမနည်းနိုင်ဘဲ စိတ်ထဲမှာ "ဘာပဲဖြစ်ဖြစ်ပါ" ဆိုပြီး ထုံထိုင်းပြာကျနေတာမျိုးပါ။ အရင်က နှစ်သက်ခဲ့တဲ့ သီချင်းနားထောင်တာ၊ စာဖတ်တာ ဒါမှမဟုတ် ဝါသနာပါရာ အလုပ်တွေမှာတောင် စိတ်လှုပ်ရှားမှု မရှိတော့ဘဲ စိတ်ခံစားချက်တွေ ပျောက်ဆုံးနေတတ်ပါတယ်။

၂။ အသေးအဖွဲလေးတွေကအစ အားစိုက်ထုတ်ရလွန်းတယ်လို့ ခံစားရခြင်း
မျက်နှာသစ်တာ၊ ရေချိုးတာ၊ သွားတိုက်တာ ဒါမှမဟုတ် ရိုးရှင်းတဲ့ မက်ဆေ့ခ်ျတစ်ခု ပြန်စာရေးဖို့အတွက်တောင်မှ တောင်တစ်လုံးကို တက်ရသလိုမျိုး အင်မတန် အားစိုက်ထုတ်နေရတတ်ပါတယ်။ စိတ်ရဲ့ စွမ်းအင် (Mental Battery) လုံးဝ ကုန်ခမ်းနေတဲ့အခါ နေ့စဉ်ပုံမှန် ကိစ္စလေးတွေဟာလည်း ဝန်ထုပ်ဝန်ပိုးကြီး ဖြစ်လာတတ်ပါတယ်။

၃။ လူတွေနဲ့ ဝေးရာကို တိတ်တဆိတ် သီးခြားခွဲထွက်လာခြင်း
လူစကားပြောရမှာ၊ စကားဝိုင်းတွေမှာ ပါဝင်ရမှာကို မောပန်းလာပြီး ဖုန်းမကိုင်ချင်တာ၊ မက်ဆေ့ခ်ျတွေကို မဖြစ်မနေမှ ပြန်တော့တာမျိုးတွေ လုပ်လာမိပါတယ်။ ဒါဟာ ပတ်ဝန်းကျင်က (သို့မဟုတ်) ကိုယ်က တစ်ခုခုမှားနေလို့ မဟုတ်ဘဲ ကိုယ့်မှာ အခြားသူတွေရဲ့ ခံစားချက်ကို နားထောင်ပေးဖို့ သို့မဟုတ် တုံ့ပြန်ပေးဖို့ စွမ်းအင် (Emotional Capacity) မကျန်တော့လို့ ဖြစ်ပါတယ်။

၄။ စိတ်တိုလွယ်လာပြီး အားငယ်စိတ်တွေ မကြာခဏ ဝင်လာခြင်း
အစက အေးဆေးသည်းခံနိုင်ခဲ့တဲ့ အသေးအဖွဲ ကိစ္စလေးတွေမှာတောင် စိတ်မရှည် ဖြစ်လာတတ်ပါတယ်။ တစ်ခါတစ်ရည်မှာတော့ ဘာမဟုတ်တဲ့ အကြောင်းအရင်းလေးတစ်ခုကြောင့်နဲ့တင် ရင်ထဲက တင်းကျပ်လာပြီး ငိုချင်စိတ် ပေါက်လာတာမျိုး၊ သီးသန့်နေရာတစ်ခုမှာ တိတ်တဆိတ် ဝမ်းနည်းမိတာမျိုးတွေ ခံစားရတတ်ပါတယ်။

၅။ အမြဲတမ်း အိပ်ချင်နေတာ သို့မဟုတ် စိတ်အေးချမ်းစွာ အိပ်မပျော်နိုင်ခြင်း
ခန္ဓာကိုယ်က ဘယ်လောက်ပဲ နားနား စိတ်က စိုးရိမ်ပူပန်မှုတွေ၊ လေးလံမှုတွေနဲ့ ပြည့်နှက်နေတာကြောင့် အိပ်ရေးဝတယ်လို့ မရှိဘဲ နိုးလာတိုင်း မောပန်းနေတတ်ပါတယ်။ သို့မဟုတ်ရင်လည်း အိပ်ရာထဲမှာ အချိန်အကြာကြီး လဲလျောင်းနေမိပေမဲ့ စိတ်အေးချမ်းစွာ အိပ်မပျော်နိုင်ဘဲ ဦးနှောက်က အလုပ်လုပ်နေတတ်ပါတယ်။

ဒီလက္ခဏာတွေကို ဖတ်ကြည့်ရင်း ကိုယ့်အခြေအနေနဲ့ တူနေတယ်လို့ ခံစားရရင် ကျွန်မတို့ Being With You အနေနဲ့ အားပေးချင်တာကတော့ “သင်ဟာ ပျင်းရိနေတာလည်း မဟုတ်သလို အသုံးမကျတာလည်း မဟုတ်ပါဘူး။ သင်ရဲ့ စိတ်ရောခန္ဓာကပါ အစွမ်းကုန် ကြိုးစားရုန်းကန်ပေးခဲ့လို့ စိတ်ကလေးက “ခေတ္တခဏ နားခွင့်ပေးပါ" လို့ အကူအညီတောင်းနေတာ ဖြစ်ပါတယ်။

ဒါကြောင့် အဲ့လိုနေ့တွေမှာဆို ကိုယ့်ကိုယ်ကိုယ် အပြစ်တင်တာမျိုး မလုပ်ဘဲ ခဏလောက် နားလိုက်ပါနော်။ တခြားသူတွေရဲ့ အလိုကို လိုက်ပေးတာတွေ၊ တာဝန်တွေကို ခဏဘေးဖယ်ထားပြီး "ဒီနေ့တော့ ငါ့စိတ်ကလေး သက်သာဖို့ပဲ ငါ အချိန်ပေးတော့မယ်" ဆိုတဲ့ ခွင့်ပြုချက်လေး ကိုယ့်ကိုယ်ကိုယ် ပေးကြည့်ပါ။

💞သင့်မှာလည်း ပင်ပန်းခွင့်နဲ့ နားခွင့် အပြည့်အဝ ရှိပါတယ်နော်💕

Address

Yangon

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 09:00 - 21:00
Saturday 09:00 - 21:00

Telephone

+959883501860

Website

Alerts

Be the first to know and let us send you an email when Being With You posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Being With You:

Shortcuts

Share

Category