22/05/2026
အမျိုးသားများ counseling session ယူတဲ့အခါ(၉)
ဒီတခါပြောချင်တာကတော့ provider guilt အကြောင်းပါ၊ အမျိုးသား clients တော်တော်များများမှာ ဒီကိစ္စ ကို တွေ့ရတတ်ပါတယ်။
“နေမကောင်းရင်လဲ guilty ဖြစ်မိတယ်”
“လူတိုင်းကို စိတ်ပျက်အောင်လုပ်မိမှာ စိုးရိမ်တယ်”
“အိမ်ထောင်ဦးစီးဆိုတော့ တခုခုအဆင်မပြေရင် ကိုယ့်တာဝန်ပဲလေ”
ဒီလိုစကားတွေကို သူ့နယ်ပယ်နဲ့သူ နေရာတခုရထားတဲ့ အမျိုးသားတွေဆီကနေကြားရတာပါ။ သူတို့ရဲ့တူညီချက်က “ငါတာဝန်မကျေဘူး” ဆိုတဲ့ ခံစားချက်ကကြီးစိုးနေတာပါ။
အမျိုးသားတွေဟာ အပြင်မှာ strong and calm ဖြစ်နေပေမယ့် အတွင်းထဲမှာတော့ “ငါမလုံလောက်သေးဘူး” ဆိုတဲ့အသံက မတိတ်သွားပါဘူး။ ယောကျာ်းဆိုတာ ဘယ်လိုရှိရမယ်ဆိုတဲ့ လူမှုအသိုင်းအဝိုင်းရဲ့ သတ်မှတ်ချက်တွေနဲ့ ကြီးပြင်းလာရတဲ့အခါ သူတို့ရဲ့ self-worth ကို ငါဘယ်လောက် အသုံးဝင်သလဲ၊ ဘယ်လောက်provide(ထောက်ပံပေး)နိုင်လဲ ဆိုတာနဲ့ပဲ တိုင်းတာတတ်လာကြပါတယ်။
ဒါကြောင့် ပင်ပန်းရင်တောင် မနားဘူး
အကူအညီလိုရင်တောင် မပြောရဲဘူး
မစွမ်းတဲ့သူ၊ weak ဖြစ်တဲ့သူ ဖြစ်သွားမှာကြောက်လို့။
သူတို့ကို “ဘယ်တော့ ကိုယ့်ကိုယ်ကို လုံလောက်
တယ်လို့ ခံစားရမှာလဲ” လို့ မေးကြည့်ရင်
တချို့က “ဘယ်သူ့ကို ဘာလုပ်ပေးနိုင်ရင်”
တချို့က “ ပိုက်ဆံဘယ်လောက်ရှာနိုင်ရင်”
စသည်ဖြင့် စစချင်း မတိကျတဲ့ ဝေဝေဝါးဝါးအဖြေတွေပေး တတ်ကျပေမယ့်၊ တကယ်အသေအချာအတူတူစဉ်းစားအဖြေရှာလိုက်ရင် “သေချာမသိဘူး” ဆိုတဲ့အဖြေရလေ့ရှိတာကလဲ ကိုယ့်ရဲ့ self worth ကိုတချိန်လုံး တခုခုနဲ့သက်သေပြနေရတာကြောင့်ပါ။
ကိုယ့်ကိုကိုယ်မလုံလောက်ဘူလို့ခံစားရတဲ့အဲ့ဒီ guilt ကိုချက်ချင်း ဖျောက်ဖို့ မကြိုးစားပါဘူး။ အရင်ဆုံး self worth နဲ့ဆိုင်တဲ့ core beliefတွေ ကို တဖြည်းဖြည်း challenge လုပ်ယူပြီး နောက်ပိုင်းမှာတော့ အရာအားလုံးက ကိုယ့်အပြစ်တော့မဟုတ်ဘူး ဆိုတဲ့ belief လိုတွေရှိလာအောင်အစားထိုးရပါတယ်။
သင်လည်း အမြဲ မလုံလောက်သလို ခံစားနေရရင်... အဲ့ဒါ သင် weak ဖြစ်လို့ မဟုတ်ပါဘူး။ “လုံလောက်တဲ့သူ ဖြစ်ဖို့” တစ်ချိန်လုံး ရုန်းကန်နေရလို့ စိတ်က တိတ်တိတ်လေး မောနေခဲ့တာ ဖြစ်နိုင်ပါတယ်။
