08/09/2026
ဆေးထိုးခြင်းဖြင့် ကိုယ်အလေးချိန်ချခြင်း ဆိုရာဝယ်…
ဆေးခန်း ထိုင်ချိန်မှာ weight ချဖို့လာတဲ့လူနာလေးတွေ ကြည့်ရပါတယ်။ လူနာအဟောင်းတွေပါသလို အသစ်လေးတွေလည်း လာကြပါတယ်။
ဒီအခါမှာ သူတို့ အမေးဆုံး မေးခွန်းက “ပိန်ဆေး ထိုးချင်တယ် ရလားဆရာမ” ဆိုတဲ့ မေးခွန်းပါပဲ။
ပိန်ဆေးလို့ အလွယ်ခေါ်ကြတဲ့ ဒီဆေးမှာ တကယ်တမ်းက အမျိုးအစား အများကြီးရှိပါတယ်။ ထိုးပြီး ၁၃ နာရီလောက်ပဲ အာနိသင်ခံတဲ့ဆေးရှိသလို ၅-၇ ရက်ထိခံတဲ့ဆေးတွေလည်း ရှိပါတယ်။ ဆေးတွေရဲ့ အမျိုးအစားပေါ်လိုက်ပြီး နောက်ဆက်တွဲ ခံစားရတဲ့ (ပျို့အန်ခြင်း၊ ရင်ပြည့်ခြင်း၊ ခေါင်းမူးခြင်း) အနည်းအများစတာတွေလည်း ကွာခြားပါတယ်။
💯 ဒီဆေးတွေ မထိုးခင်….
(၁) ရောဂါရာဇဝင်မေးရဲ့လား (ဘာကြောင့် မေးတယ်ဆိုတာ ရှင်းပြလား)
(၂) သင့်တော်/မတော်ကို သွေးသေချာစစ်ရဲ့လား (စစ်တဲ့ သွေးအမျိုးအစားတွေကရော မှန်ရဲ့လား)
(၃) ကိုယ်အလေးချိန်တိုင်းတာ၊ ချိန်တာ၊ Inbody test စတာတွေရော စစ်ရဲ့လား
(၄) ဆေးရဲ့ ကောင်းကျိုးဆိုးပစ်တွေ ရှင်းပြရဲ့လား
(၅) ဆေးမထိုးခင် အစားအစာ၊ လေ့ကျင့်ခန်း နည်းလမ်းတွေကို ရွေးချယ်ကြိုးစားကြည့်ဖို့ တိုင်ပင်ရဲ့လား
(၆) တခြားသောက်နေတဲ့ ဆေးတွေ (အလှအပဆိုင်ရာ ကုထုံးတွေ) နဲ့ ကိုက်ညီရဲ့လား
(၇) ဆေးထိုးချိန် စားသောက်မှုပုံစံ စနစ်တကျ ပေးလား
စတာတွေကို မေးမြန်းတတ်ရပါမယ် ✅
ဆေးက ထိုးတိုင်းမပြီးပဲ ဆေးအတိုးအလျှော့တွေလည်း လုပ်ဖို့ လိုတာရှိနိုင်ပါတယ်။ အထူးသဖြင့် ပေါင် ၂၀ ခန့်ကျအပြီးမှာ ဘာလို့ ဝိတ်ကျတာ နှေးသွားလဲ တန့်သွားလဲ -
(၁) ထိုးတဲ့ပမာဏ မမှန်ခြင်း
(၂) ဇီဝကမ္မဖြစ်စဉ် ပြောင်းသွားခြင်း
(၃) ခန္ဓာကိုယ်က အနည်းငယ်သားစားခြင်းကို ကျင့်သားရသွားခြင်း
စတာတွေကြောင့်ဖြစ်ပါတယ်။
တကယ်လိုအပ်တဲ့သူတွေအတွက် ဒီဆေး ထိုးပုံထိုးနည်းက Mayo Clinic နဲ့ အခြားသော research paper တွေလို စနစ်တကျချမှတ်ထားတဲ့ guideline တွေမှာ ရှိပါတယ်။
ဒါ့အပြင် ဒီဆေးထိုးဖို့ မသင့်တော်တဲ့ရောဂါတွေလည်း ရှိတာကြောင့် မထိုးခင် သေချာတိုင်ပင်ဆွေးနွေးဖို့ လိုအပ်ပါတယ်။
ဘယ်ဆေးမဆို “တန်ဆေး၊ လွန်ဘေး” မဟုတ်ပါလား။
