မေမေ ဒေါက်တာမို့ - Healthy Baby & Happy Mom

24/06/2026

တခါက သူငယ်ချင်းတယောက်နဲ့ ပြောဖူးတယ်။ "ကလေးကြည့်ရမဲ့အစား 24 hours dutyသာ ပြေးဆင်းလိုက်ချင်တယ်"ဆိုပြီး။ ကလေးအမေ ဘဝနဲ့ MO ဘဝဟာ တစ်ခုနဲ့တစ်ခု ပုံစံမတူပေမဲ့ နှစ်ခုလုံးက စိန်ခေါ်မှုများတဲ့ အလုပ်တွေချည်းပဲ။ အဲဒါကြောင့်မို့ ဘယ်ဟာက ပိုခက်ခဲလဲမေးလာရင် ဖြေရခက်ပါတယ်။ စိတ်ခံစားမှုချင်း၊ တာဝန်ယူရတဲ့ ပုံစံချင်း မတူကြတာကြောင့်ပါ။ ကဲ... ဒါဆို ​ဒီဘဝနှစ်ခုရဲ့မတူညီတဲ့ ခက်ခဲတဲ့အခြေအနေတွေကို နှိုင်းယှဉ်ကြည့်ရအောင်....

​၁။ Medical Officer (MO) ဘဝရဲ့ ခက်ခဲမှုများ🩺
​MO တစ်ယောက်ရဲ့ ဘဝကတော့ ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ ဖိအားအလွန်များတဲ့ အခြေအနေမျိုးပါ။
📌​ တာဝန်ယူမှု: လူနာတစ်ယောက်ရဲ့ အသက်က ကိုယ့်ရဲ့ ဆုံးဖြတ်ချက်ပေါ်မှာ မူတည်နေတာမို့ dutyချိန်တိုင်းမှာ စိတ်ဖိစီးမှုကို ရင်ဆိုင်ရပါတယ်။
📌​ပင်ပန်းနွမ်းနယ်မှု: Night dutyတွေ၊ 24 Hr, 36 Hr, duty ဆက်တိုက် တာဝန်ထမ်းဆောင်ရတာတွေကြောင့် အိပ်ရေးပျက်လို့ ပင်ပန်းနွမ်းနယ်တာ၊ stressကြောင့် ၀က်ခြံထွက်တာ၊ ဆံပင်ကျွတ်တာတွေကို ခံစားရပါတယ်။
📌​ပတ်ဝန်းကျင် ဖိအား: လူနာရှင်တွေရဲ့ စိုးရိမ်စိတ်ကြောင့် ဖြစ်လာတဲ့ ဒေါသတွေ၊ မျှော်လင့်ချက်တွေကို စိတ်ရှည်လက်ရှည် ရှင်းပြပြီး ပြန်ဖြေရှင်းပေးရတယ်။ အဲဒါအပြင် လုပ်ငန်းခွင်အတွင်းက အထက်/အောက်ကလူတွေရဲ့ ဖိအားကလဲ ရှိပါသေးတယ်။

​၂။ ကလေးအမေ ဘဝရဲ့ ခက်ခဲမှုများ🤱
​ကလေးအမေတစ်ယောက်ရဲ့ ဘဝကတော့ ဘယ်တော့မှ အနားယူလို့မရတဲ့ အချိန်ပြည့်တာဝန်ဖြစ်ပြီး ကိုယ့်ကလေးဆိုတော့ စိတ်ခံစားမှုကလဲ ပိုမိုပြင်းထန်နက်ရှိုင်းပါတယ်။
​📌တာဝန်ယူမှု: အမေဆိုတာ (၂၄/၇) တာ၀န်ကျပြီး duty offချိန်၊ ပိတ်ရက်ဆိုတာ မရှိပါဘူး။ အထူးသဖြင့် ကလေးငယ်တဲ့အချိန်မှာ အိပ်ရေးပျက်တာ၊ လျှောက်သွားတတ်တဲ့အချိန်ကျတော့လဲ ကလေးနောက် လိုက်ကြည့်နေရတာတွေက ရုပ်ပိုင်းဆိုင်ရာကို အလွန်ပင်ပန်းစေပါတယ်။
📌​စိတ်ပိုင်းဆိုင်ရာ ပူပန်မှု: ကလေးရဲ့ ကျန်းမာရေး၊ ပညာရေး၊ အစားအသောက်ကအစ အနာဂတ်အထိ အရာရာကို အမြဲတွေးပူနေရပြီး တခါတလေကျ "ငါ အမေကောင်းတစ်ယောက် ဖြစ်ရဲ့လား" ဆိုတဲ့ ကိုယ့်ကိုယ်ကိုယ် သံသယဝင်မှု ဖိအားက ကြီးမားပါတယ်။
📌​ကိုယ်ပိုင်အချိန် ပျောက်ဆုံးခြင်း: ကိုယ့်အတွက် အချိန် (Me-time) လုံးဝမရှိသလောက် ဖြစ်သွားပြီး
ကိုယ့်ရဲ့လွတ်လပ်ခွင့်တွေကို ကျေနပ်စွာ စွန့်လွှတ်လိုက်ရတာမျိုး ဖြစ်တတ်ပါတယ်။

🌟​ဘယ်ဟာ ပိုခက်ခဲလဲ။
​အဓိက ကွာခြားချက်ကတော့ "ထွက်ပေါက်" ရှိ၊မရှိပါပဲ။
​MO ဘဝမှာတုန်းက ဘယ်လောက်ပဲ ပင်ပန်းပါစေ။ အခက်အခဲတွေ ရှိပါစေ၊ ဂျူတီပြီးလို့ အိမ်ပြန်ရောက်ရင် ( သို့မဟုတ် ) ခွင့်ယူပြီး relaxation လုပ်လိုက်ရင် အဲဒီတာဝန်တွေကနေ ခဏရုန်းထွက်ပြီး အနားယူလို့ ရပါတယ်။
အခု​ကလေးအမေ ဘဝမှာတော့ ဘယ်လောက်ပဲ လူပင်ပန်း၊ စိတ်ပင်ပန်းနေပါစေ "ငါ ဒီနေ့တော့ အမေ မလုပ်တော့ဘူး" ဆိုပြီး ခွင့်ယူလို့ မရပါဘူး။ တစ်သက်လုံးစာ ဖြုတ်ချလို့မရတဲ့ ၅၂၈ချစ်ခြင်းမေတ္တာကြိုးနဲ့ ချည်ထားတဲ့ တာဝန်ဝတ္တရား ဖြစ်ပါတယ်။
🌟 ပိုပြီးခက်ခဲတာကတော့ "မေမေလည်းဖြစ်တဲ့အပြင် MO ပါလုပ်နိုင်တဲ့ မမတို့ရဲ့ဘဝပဲ ဖြစ်လိမ့်မယ်လို့ ထင်တယ်နော်။ အခုထိ ကိုယ်မလုပ်နိုင်သေးပေမဲ့ working mom တွေအားလုံးကို တကယ်လေးစားအားကျရပါတယ် 🥰
#မေမေဒေါက်တာမို့

of the day

22/06/2026

Hello! မေမေတို့ရေ... Dr မို့ပြန်လာပါပြီ။
ကျွန်မက ဆရာ၀န်တယောက်ဖြစ်သလို ကိုယ်တိုင်လည်း လက်ရှိမှာ ၉ လအရွယ် babyလေးတစ်ယောက်ရဲ့ မိခင်ဖြစ်ပါတယ်။ ကလေးတစ်ယောက်ကို ပြုစုစောင့်ရှောက်ရတာ ဘယ်လောက်ပင်ပန်းပြီး စိုးရိမ်စရာတွေများလဲဆိုတာကို နေ့တိုင်းကြုံတွေ့နေရပါတယ်ရှင်။ အဲ့​ဒါကြောင့် ကိုယ်တွေလို နယ်မြို့မှာ နေထိုင်ပြီး ကလေးကျန်းမာရေးနဲ့ အာဟာရအတွက် စိုးရိမ်ပူပန်နေရတဲ့ မေမေတွေကို ကူညီပေးချင်လို့ အားတဲ့အချိန်လေးတွေမှာ ဒီPage လေးကနေတစ်ဆင့် မေမေတို့သိချင်နေကြတဲ့ ဆေးပညာအရ မှန်ကန်တဲ့ကလေးပြုစုစောင့်ရှောက်နည်းတွေကို မျှဝေပေးသွားမှာ ဖြစ်ပါတယ်။
​"Healthy Baby & Happy Mom" ဆိုတဲ့အတိုင်း... သားသားမီးမီးတို့လည်း ကျန်းမာမှ မေမေတို့လည်း စိတ်ချမ်းသာပြီး ပျော်ရွှင်ရအောင်လို့ မေမေတို့ရဲ့ အနားမှာ တိုင်ပင်ဖော်အဖြစ် အမြဲရှိနေပေးပါမယ်နော် 🥰

07/08/2024

There is no cure for PCOS but treatments can improve symptoms.

🌟 8 signs that your PCO$ is under control🌟

1. Your periods cycle will start becoming regular

2. The dark patches will start to reduce, and your skin will become clearer

3. You will see a drastic change in your acne

4. You will start losing weight

5. You will see that there is no more growth of unwanted facial hair

6. You will feel much more energetic

7. You will sleep better

8. You will also feel less anxious and stressed.

18/01/2024

22/06/2023

📌 ခုလိုအချိန်ကာလတွေမှာ စိတ်ဖိစီးစရာတွေများလွန်းလှပါတယ်။ လူတိုင်း ကောင်းမွန်စွာ အိပ်စက်နိုင်စေဖို့ ဒီအချက်လေးတွေကို အရင်ဆုံးလုပ်ကြည့်ပါနော် 👍

11/06/2023

အဆင်ပြေလား မမေးနဲ့ ...
နားကြပ်ကိုပဲ ကြည့်လိုက်တော့... ☺️
အရင်လို "L" ဆိုတဲ့စာလုံးမပါတော့ဘူး... 😂

29/01/2023

Self-care challenge

အခုလို ခက်ခဲတဲ့အချိန်ကာလတွေမှာ ကျွန်မတို့ဟာ တနေ့တနေ့ လူနာတွေနဲ့မိသားစုကို ဂရုစိုက်ရတာနဲ့ ကိုယ့်ကိုယ်ကို ဂရုစိုက်ဖို့ မေ့နေတတ်ကြပါတယ်။ Self-care ဆိုတာ ကိုယ်ရော၊စိတ်ရော ကျန်းမာဖို့အတွက် ပိုက်ဆံအများကြီးမကုန်ဘဲ အလွယ်တကူလုပ်နိုင်တာမျိုးပါ။ အဲ့ဒါကြောင့် ဒီနေ့မှာတော့ ကိုယ့်ကိုယ်ကိုဂရုစိုက်ခြင်း အနုပညာလေး စလုပ်လိုက်ကြရအောင် ☺️

1) Physical self-care
ဒါကတော့ ကိုယ့်ခန္ဓာကိုယ် ပိုမိုကောင်းမွန်စွာ အလုပ်လုပ်နိုင်ဖို့အတွက် လောင်စာဆီဖြည့်တာပါ။ ကျွန်မကတော့
⭐ညဘက် အိပ်ရာစောစောဝင်ပြီး အိပ်ရေး၀အောင် အိပ်ပါတယ်။
⭐အာဟာရပြည့်၀တဲ့အစားအစာတွေ ချက်စားမယ်။ ကိုယ်စားချင်တဲ့ အသီးအနှံတွေ ၀ယ်စားမယ်။
⭐ အချိန်ပေးပြီး ခေါင်းလျှော်ပြီး ဆံပင်ပေါင်းတင်မယ်။ Body scrub လုပ်မယ်။ လက်သည်းခြေသည်းလေးတွေကို သန့်ရှင်းရေးလုပ်ပြီး အလှဆင်မယ်။
⭐ကိုယ်နဲ့သင့်တော်တဲ့ ကိုယ်လက်လှုပ်ရှားမှုလေးတွေ လုပ်ပါမယ်။

2) Social self-care
လူဆိုတာ တစ်ဦးတယောက်တည်း သီခြားခွဲနေလို့ မရဘူးလေနော်။ အဲဒါကြောင့် အလုပ်ရှုပ်နေချိန်မှာ ပျက်ကွက်ခဲ့တဲ့ လူမှုရေးကိစ္စတွေကို အချိန်ပြန်ပေးနိုင်ပြီပေါ့နော်။
👨‍👩‍👧‍👦မိဘတွေဆီ ဖုန်းဆက်စကားပြောတာမျိုး၊ family video call ခေါ်တာမျိုး လုပ်မယ်။
👭 သူငယ်ချင်းတွေနဲ့ ရုပ်ရှင်ကြည့်တာ၊ လျှောက်လည်တာမျိုး
🍽️ ချစ်တဲ့သူနဲ့ Dinner date တာမျိုးတို့က စိတ်ညစ်တာတွေ၊ အထီးကျန်တာကို သက်သာစေမှာပါ။

3) Mental self-care
လူတယောက်ဟာ တနေ့ကို အတွေးပေါင်း ၆၂၀၀ လောက်တွေးနေပါသတဲ့။ စိတ်ညစ်စရာတွေကို တွေးမိလေလေ လူက negative ဘက် ရောက်သွားလေလေပါပဲ။ ဒီနေ့မှာတော့
(၁) ကိုယ့်ရဲ့ဖြစ်တည်မှုတိုင်းကို အရှိအတိုင်း လက်ခံနိုင်ဖို့
(၂) အကောင်းမြင်စိတ်နဲ့ များများတွေးနိုင်ဖို့
(၃) အသိပညာအသစ်၊ အသစ်တွေလေ့လာနိုင်ဖို့ ကြိုးစားပါမယ်။

4) Spiritual self-care
ကိုယ့်စိတ်ဝိညာဉ်လေးပါ အေးချမ်းဖို့အတွက်
ဘုရားရှိခိုးတာ၊ တရားထိုင်တာ၊ အေးချမ်းတိတ်ဆိတ်တဲ့ သဘာ၀ပတ်၀န်းကျင်ရှိတဲ့နေရာမှာ အနားယူတာ၊ Yoga ဆော့တာမျိုး လုပ်သင့်ပါတယ်။

5) Emotional self-care
ပြီးခဲ့တဲ့‌နေ့ရက်တွေမှာ စိတ်ဖိစီးမှုတွေ၊ အလိုမကျ၊ ဒေါသထွက်ရတာတွေ၊ ၀မ်းနည်းမှုတွေနဲ့ ဖြတ်သန်းခဲ့ရတယ် မဟုတ်လား။ ဒီနေ့မှာတော့ ကိုယ်ယုံကြည်ရတဲ့ သူငယ်ချင်းတယောက်နဲ့ စကားပြောမယ်။ တကယ်လို့ ရင်မဖွင့်ချင်ဘူးဆိုရင်လဲ ကိုယ့်ခံစားချက်တွေကို စာအုပ်တအုပ်ထဲမှာ ချရေးတာမျိုး လုပ်လို့ရပါတယ်။ Toxic environmentတွေ၊ relationship တွေကနေ Break ယူတာမျိုး လုပ်သင့်ပါတယ်။

Positive energy တွေရဖို့၊ ကိုယ်ရဲ့ activitiesတွေ ပိုကောင်းမွန်လာဖို့ တပတ်တခါလောက်ဖြစ်ဖြစ် Self-care လေး လုပ်ကြည့်ကြဖို့ တိုက်တွန်းချင်ပါတယ်ရှင့်။

28/01/2023

Duty Free Zone....

👩‍🍳 အလုပ်သွားရတဲ့ရက်တွေမှာဆို အပြင်စာတွေပဲ နေ့တိုင်းလိုလိုစားနေရတော့ အခုလို အားတဲ့ရက်လေးတွေမှာ Healthy diet လေးတွေ ချက်စားမယ် 🥦🥩🍽️
🌅 မနက်တိုင်း နာရီ၀က် လမ်းလျှောက်မယ်။
🙏 ညတိုင်း ဘုရားသေချာရှိခိုးမယ်။
👩 Skin care ပိုလုပ်မယ်။
📖 စာကိုလဲ ပိုဖတ်ရမယ်။

✨နေ့ရက်တိုင်းမှာ ကိုယ့်ခန္ဓာကိုယ်က ကျန်းမာနေဖို့လိုအပ်သလို စိတ်ကလေးကိုလဲ ပျော်ရွှင်အောင်ထားရမယ်မဟုတ်လား ?

19/08/2022

ခုခေတ်မှာ အလှမကြိုက်တဲ့သူဆိုတာ မရှိသလောက်ရှားမယ် ထင်ပါတယ်။ ကျွန်မကတော့ နှုတ်ခမ်းနီမပါရင် လူမမာနဲ့တူလို့ နေ့တိုင်းဆိုးပါတယ်😂။

ခုလို ‌‌ကုန်‌ဈေးနှုန်းတွေတက်ပြီး အားလုံးကျပ်တည်းနေကြတဲ့အချိန်မှာ လက်ရှိသုံးနေတဲ့ My Budget lip tintလေးတွေကို Sharing လုပ်ပေးချင်ပါတယ်။ ဒီ Baby Bright ကတချောင်း ၃၀၀၀ကျော်လေးပဲဆိုတော့ 3ချောင်းပေါင်းရင်တောင် Peripara တချောင်းဖိုး မရှိပါဘူး 😁
***Not Sponsored post. ကွကိုယ် နှင်းဆီနီစတိုးက ၀ယ်ဆိုးတာပါနော် 😁

🌟Color အကြိုက်ဆုံးက Matte tint No.15 Dry leaf ပါ။
🌟 Texture ကိုတော့ ခလယ်က Velvet tint ကိုပိုကြိုက်ပါတယ် 💝