Health Myanmar By HIV Education Myanmar

17/09/2026

မြစ်ကြီးနားမှာ အေအာတီဆေး အရေးပေါ်လိုတဲ့ သူတွေ ရှိရင် သောက်ဖို့ TLD ဆေးဘူး ၁လစာ ၃ဘူး လေယာဉ်နဲ့ FREE ပို့ပေးပါမယ်။ Page Admin
ဆက်သွယ်ပေးပါဦးနော်

ဆေးပျက်ခါနီး ဆေးလုံး နဲနဲပဲ ကျန်တဲ့သူရှိရင် မျှယူလို့ရအောင် ဒီ Page ကို ဆက်သွယ်ပေးပါနော်။

Edit : လေယာဉ် နဲ့ပို့ရမှာ Urgent ကလည်းဖြစ် Page ကလည်း Reply မလာလို့ Comment က မြစ်ကြီးနားမှာ ရှိတဲ့ မောင်လေး ကို ဆက်သွယ်ပေးပါနော်။

Profile Link လေး တင်ထားပါတယ် 👇🏻

မြစ်ကြီးနားမှာ အေအာတီဆေး အရေးပေါ်လိုတဲ့ သူတွေ ရှိရင် သောက်ဖို့ TLD ဆေးဘူး ၃လစာ ၂ဘူး လေယာဉ်နဲ့ FREE ပို့ပေးပါမယ်။ Page Admin
ဆက်သွယ်ပေးပါဦးနော်

ဆေးပျက်ခါနီး ဆေးလုံး နဲနဲပဲ ကျန်တဲ့သူရှိရင် မျှယူလို့ရအောင် ဒီ Page ကို ဆက်သွယ်ပေးပါနော်။

Edit : လေယာဉ် နဲ့ပို့ရမှာ Urgent ကလည်းဖြစ် Page ကလည်း Reply မလာလို့ Comment က မြစ်ကြီးနားမှာ ရှိတဲ့ မောင်လေး ကို ဆက်သွယ်ပေးပါနော်။

Profile Link လေး တင်ထားပါတယ် 👇🏻

16/09/2026

မင်္ဂလာပါ မောင်လေးညီမလေးတို့ရေ... 💖✨

ဒီရက်ပိုင်း မမမြင့်မာဆီကို မြစ်ကြီးနားဘက်နဲ့ နယ်ဝေးဒေသတွေက အဓိကလာမေးကြတာလေးတွေ၊ စိုးရိမ်နေကြတာလေးတွေ အများကြီးရှိနေပါတယ်ရှင်။ 🤲

အထူးသဖြင့် ဆေးအခက်အခဲဖြစ်မှာစိုးလို့၊ ဆေးကုန်မှာစိုးလို့ဆိုပြီး စိတ်ပူနေကြတဲ့ HIV ပိုးဖြင့် ယှဉ်တွဲနေထိုင်သူ ညီအစ်ကိုမောင်နှမတွေအတွက် မမ ဒီပိုစ့်လေးနဲ့ အသေးစိတ် မျှဝေပေးချင်ပါတယ်နော်။ 🩺

ဆေးအခက်အခဲဖြစ်လာတဲ့အခါ တစ်ခါတလေ ကိုယ့်ဘာသာကိုယ် အကြံနဲ့ ဆေးကိုလျှော့သောက်တာမျိုးတွေ လုပ်တတ်ကြပါတယ်။ 💊⚠️

ဒါပေမယ့် HIV ကုသမှု (ART) နဲ့ပတ်သက်လာရင် ဆရာဝန်ကြီးတွေနဲ့ ကျန်းမာရေးသုတေသနတွေက Treatment Interruption (ဆေးသောက်တာ ရပ်တန့်ခြင်း / အလွဲသုံးခြင်း) ဟာ ခန္ဓာကိုယ်အတွက် အလွန်အန္တရာယ်များတယ်လို့ အခါခါ သတိပေးထားပါတယ်ရှင်။ 📉

ဆေးပြတ်တဲ့အခါ၊ အလွဲသုံးတဲ့အခါ ဆရာဝန်ကြီးတွေနဲ့ သုတေသနတွေက ဘာတွေပြောလဲဆိုတော့ -

🦠 ဗိုင်းရပ်စ်ပိုး ပြန်တက်လာခြင်း (Viral Rebound): ဆေးပြတ်သွားတာနဲ့ ခန္ဓာကိုယ်ထဲမှာ မပေါ်ဘဲ ငြိမ်နေတဲ့ HIV ပိုးတွေက သွေးထဲမှာ ချက်ချင်း ပြန်လည်များပြားလာပါတယ်။

🛡️ ခုခံအားကျဆင်းခြင်း (CD4 Decline): ခုခံအားတွေ ပြန်ကျသွားတဲ့အတွက် အလွယ်တကူ ဖျားနာတာ၊ အခြား ရောဂါပိုးတွေ ဝင်ရောက်လာတာမျိုးတွေ ခံစားရနိုင်ပါတယ်။ 🤒

🧬 ဆေးယဉ်ပါးမှုဖြစ်ခြင်း (Drug Resistance): ဒါက အရေးအကြီးဆုံးပါပဲ။ ဆေးကို ရက်ခြားသောက်တာ၊ ချိုးဖဲ့သောက်တာတွေ လုပ်ရင် ခန္ဓာကိုယ်ထဲမှာ ဆေးပမာဏ လုံလောက်မှုမရှိတော့ဘဲ ဗိုင်းရပ်စ်က ဆေးကို ခံနိုင်ရည်ရှိသွားပါတယ်။ (ဆိုလိုတာက နောက်ပိုင်းမှာ အဲ့ဒီဆေးက လုံးဝမတိုးတော့ဘဲ ပိုပြင်းတဲ့ဆေးတွေ ပြောင်းသောက်ရတဲ့အထိ ဒုက္ခရောက်တတ်ပါတယ်)။ ⚠️

ဒါကြောင့် မမမြင့်မာပေးချင်တဲ့ လက်တွေ့ကျတဲ့ အကြံပြုချက်လေးတွေကတော့ - 💡

🚫 ဆေးကို လုံးဝ (လုံးဝ) မချိုးပါနဲ့၊ ရက်ခြားမသောက်ပါနဲ့။
"ဆေးကုန်မှာစိုးလို့ နည်းနည်းစီပဲ မျှသောက်မယ်" ဆိုပြီး ဆေးကို ချိုးဖဲ့သောက်တာ၊ တစ်ရက်ခြား သောက်တာတွေဟာ ဗိုင်းရပ်စ်ကို ဆေးယဉ်ပါးအောင် တမင်ဖိတ်ခေါ်နေသလိုပါပဲ။ ဒီလိုလုပ်တာထက် မလုပ်တာက ပိုဆိုးသွားနိုင်ပါတယ်ရှင်။

🛒 ကြိုတင်ပြင်ဆင်ပြီး စီစဉ်ဝယ်ယူပါ။
ဆေးကုန်ခါနီးမှ ထွက်ဝယ်တာမျိုးမဟုတ်ဘဲ မြို့ပြဒေသတွေဆိုရင် အနည်းဆုံး (၂) ပတ်၊ နယ်ဝေးဒေသတွေဆိုရင် (၁) လ လောက်ကတည်းက စောပြီး ကြိုတင်စီစဉ် ဝယ်ယူစုဆောင်းထားပါနော်။ 📦

🆘 ဆေးလုံးဝပြတ်သွားတဲ့ အခြေအနေမျိုးဆိုရင်...
အကယ်၍ အကြောင်းအမျိုးမျိုးကြောင့် ဆေးက လုံးဝပြတ်သွားပြီး ရှာမရတော့ဘူးဆိုရင် သောက်လိုက်ပျက်လိုက် (Stop & Go) လုပ်တာမျိုး လုံးဝ မလုပ်ပါနဲ့။

ဆေးလုံးဝပြတ်တောက်သွားတဲ့ အခြေအနေ (Treatment Interruption) ကို နောက်ဆုံးအနေနဲ့သာ ဆင်ခြင်ရမှာဖြစ်ပြီး

ဖြစ်နိုင်ရင် နီးစပ်ရာ ကျန်းမာရေးဝန်ထမ်း၊ ဆေးခန်း ဒါမှမဟုတ် အသင်းအဖွဲ့တွေနဲ့ အမြန်ဆုံး ဆက်သွယ်တိုင်ပင်ပေးပါရှင်။ 🤝🩺

အခက်အခဲတွေကြားကနေ အတူတူ ရုန်းကန်ဖြတ်ကျော်ကြရအောင်နော်။

မမမြင့်မာက အမြဲတမ်း အနားမှာ ရှိပါတယ်ရှင်။ 🫂✨

#မမမြင့်မာ

13/09/2026

ART ဆေးဝါးရရှိရေး အဆင်မပြေဖြစ်နေတဲ့ မောင်လေး၊ ညီမလေးတို့အတွက် မမမြင့်မာတို့ အကူအညီပေးနေပါတယ်❤️

လက်ရှိမှာ မြစ်ကြီးနားမြို့အပါအဝင် နယ်မြို့အသီးသီးမှာ အေအာတီ (ART) ဆေးဝါးရယူဖို့ အခက်အခဲရှိနေကြတယ်လို့ သိရပါတယ်။

ART ဆေးဆိုတာ မပြတ်သောက်ဖို့နဲ့ အချိန်မှန်သောက်ဖို့ အရမ်းအရေးကြီးတာမို့ မမမြင့်မာတို့ဆီမှာ ကျန်းမာရေးဆိုင်ရာ ဆွေးနွေးတိုင်ပင်မှုနဲ့အတူ မန္တလေးမြို့ ကားဂိတ်များမှတစ်ဆင့် ဆေးဝါးရရှိရေး ကူညီချိတ်ဆက်ပေးနေပါတယ်နော်။

တစ်ခုတော့ မမမြင့်မာ အလေးအနက် သတိပေးပါရစေ…

လက်ရှိ နယ်ဝေး လမ်းကြောင်း အခြေအနေများကြောင့် ကားဂိတ်မှတစ်ဆင့် ကူညီပို့ဆောင်ပေးရာမှာ ၂ ပတ်မှ ၃ ပတ်ခန့် ကြာမြင့်နိုင်ပါတယ်။

ဆေးပြတ်သွားပါက ဆေးယဉ်ပါးမှုအန္တရာယ်ဖြစ်နိုင်တာမို့ မိမိလက်ထဲရှိ ဆေးမကုန်မီ အနဲဆုံး (၁)လ ဝန်းကျင် ကြိုတင်ပြီး ဆွေးနွေးတိုင်ပင်ပေးကြပါနော်။

ကျန်းမာရေးစောင့်ရှောက်မှုနဲ့ ဆေးဝါးအဆင်ပြေရေးအတွက် Chat Box (Inbox) သို့ အချိန်မရွေး လာရောက်ဆွေးနွေး ကူညီတောင်းခံနိုင်ပါတယ်။

မမမြင့်မာတို့က မောင်လေး၊ ညီမလေးတို့၏ ကျန်းမာရေးနှင့် ဆေးဝါးလက်လှမ်းမီရေးအတွက် အမြဲတမ်း ကူညီပေးဖို့ အဆင်သင့်ရှိနေပါတယ်။

#မမမြင့်မာ ေး #ကျန်းမာရေး

10/09/2026

မိတ်ဆွေ မောင်နှမများအားလုံး မင်္ဂလာပါရှင့်။

HIV ပိုးဖြင့် ယှဉ်တွဲနေထိုင်သူများအနက် ကျန်းမာရေးနှင့် ဆေးဝါးသောက်သုံးမှုဆိုင်ရာ အခက်အခဲ၊ လိုအပ်ချက်ရှိနေကြတဲ့ မိတ်ဆွေများအတွက် မမမြင့်မာတို့ Page မှ အဆင်ပြေစေရန် TLE ဆေးရှိရန် ကူညီထောက်ပံ့ပေးသွားဖို့ ရှိပါတယ်ရှင့်။

ထောက်ပံ့ပေးနိုင်သည့် ပမာဏ အကန့်အသတ်ရှိသဖြင့် အမှန်တကယ် လိုအပ်ချက်ရှိသော မိတ်ဆွေများကို ဦးစားပေးစနစ်ဖြင့် ကူညီဆောင်ရွက်ပေးသွားပါမည်။

အကူအညီ လိုအပ်သူများအနေဖြင့် မိမိ၏ လိုအပ်ချက်ကို Page Messenger မှတစ်ဆင့် မမမြင့်မာဆီသို့ တိုက်ရိုက် ဆက်သွယ် အကြံဉာဏ်ရယူနိုင်ပါတယ်ရှင့်။


#မမမြင့်မာ

21/08/2026

🚨 HIV ဗိုင်းရပ်စ် ဆဲလ်ထဲ မဝင်နိုင်အောင်
ပိတ်ပစ်လိုက်တဲ့ နည်းလမ်း နဲ့ နောက်ထပ် အမြစ်ပြတ် သက်သာသွားသူ (၂) ယောက် ထပ်မံ ထွက်ပေါ်လာ 🧬✨

HIV ရောဂါပိုး အမြစ်ပြတ် ကုသနိုင်ရေးအတွက် အင်မတန် အားတက်စရာကောင်းတဲ့ သတင်းကြီးတစ်ခု ရီယိုဒီဂျာနေရိုမြို့မှာ ကျင်းပခဲ့တဲ့ (၂၆) ကြိမ်မြောက် နိုင်ငံတကာ AIDS ညီလာခံ (AIDS 2026) ကနေ ထွက်ပေါ်လာခဲ့ပါတယ်။

Stem Cell (ပင်မဆဲလ်) အစားထိုးကုသမှု ခံယူပြီးတဲ့နောက် HIV ပိုး လုံးဝမတွေ့ရတော့ဘဲ သက်သာသွားသူ (၁၂) ယောက်မြောက်နဲ့ (၁၃) ယောက်မြောက် လူနာသစ် (၂) ဦး ထပ်မံ ပေါ်ထွက်လာခဲ့တာပါ။

💡 CCR5-delta32 Mutation ဆိုတာ ဘာလဲ? HIV ကို ဘယ်လို ပျောက်ကင်းစေတာလဲ?

ဒါကို မမမြင့်မာ တို့ လွယ်လွယ်ကူကူ မြင်သာအောင် ပြောပြရရင်တော့ -

🧬 CCR5 ဆိုတာ ဘာလဲ: သာမန်အားဖြင့် HIV ဗိုင်းရပ်စ်ပိုးဟာ ကျွန်မတို့ရဲ့ CD4 ကိုယ်ခံအားဆဲလ်တွေထဲကို ဝင်ရောက်ဖို့အတွက် ဆဲလ်မျက်နှာပြင်ပေါ်မှာရှိတဲ့ CCR5 ဆိုတဲ့ လက်ခံကိရိယာ (Receptor) ကို "သော့ပေါက်" တစ်ခုလို အသုံးချပြီး ဝင်ရောက်ဖျက်ဆီးပါတယ်။

🧬 CCR5-delta32 Mutation ဆိုတာ: ဒါဟာ ကမ္ဘာ့လူဦးရေရဲ့ ၁% နီးပါး (အထူးသဖြင့် ဥရောပနွယ်ဖွားများ) မှာ သဘာဝအတိုင်း တွေ့ရလေ့ရှိတဲ့ မျိုးရိုးဗီဇ ပြောင်းလဲမှု (Gene Mutation) တစ်ခု ဖြစ်ပါတယ်။

ပျောက်ကင်းမှုနဲ့ ဘယ်လို ဆက်စပ်လဲ: ဒီ mutation (၂) စုံလုံး ပါဝင်တဲ့သူတွေရဲ့ ဆဲလ်တွေမှာ CCR5 ဝင်ပေါက် လုံးဝ ပါမလာတော့ပါဘူး။

ဝင်ပေါက် မရှိတော့တဲ့အတွက် HIV ဗိုင်းရပ်စ်ဟာ ဆဲလ်အတွင်းကို ဝင်ရောက် ကူးစက်နိုင်ခြင်း မရှိတော့ဘဲ သေဆုံးသွားရပါတယ်။

ဒါကြောင့် ဒီလို mutation ပါတဲ့ Stem Cell တွေကို သွေးကင်ဆာပါရှိနေတဲ့ HIV လူနာတွေထံ အစားထိုး ထည့်သွင်းပေးလိုက်တဲ့အခါ လူနာရဲ့ ကိုယ်ခံအားစနစ်အသစ်ဟာ HIV ပိုး မဝင်ရောက်နိုင်တဲ့ "သံမဏိ ကိုယ်ခံအား" ဖြစ်သွားပြီး ပိုးအမြစ်ပြတ် သက်သာသွားရခြင်း ဖြစ်ပါတယ်။

📌 အသစ်တွေ့ရှိရသည့် လူနာ (၂) ဦး၏ ထူးခြားချက်များ

✅၁။ Essen လူနာ (ဂျာမနီ):
နောက်ခံ: ၂၀၀၃ ခုနှစ်တွင် HIV (CD4 - ၁၄၆) တွေ့ရှိခဲ့ပြီး ၂၀၁၀ တွင် နာတာရှည် သွေးကင်ဆာ (CLL) ဖြစ်ပွားခဲ့သူပါ။

❕ကုသမှု: ၂၀၂၀ တွင် ဓာတ်ရောင်ခြည်နှင့် ကီမိုဆေးများ သုံးပြီးနောက် CCR5-delta32 mutation ပါသည့် အလှူရှင်ထံမှ Stem Cell ရယူခဲ့သည်။

ထူးခြားချက်: သူသည် HIV အပြင် အသည်းရောင် အဝါဘီပိုး (HBV) ပါ ပူးတွဲပါရှိနေသူဖြစ်ပြီး ဘီပိုးပါရှိလျက်နှင့် HIV ပျောက်ကင်းသွားသည့် ပထမဆုံး လူနာဖြစ်လာသည်။

❕ထို့အပြင် CCR5 မဟုတ်ဘဲ CXCR4 ကို သုံးသည့် HIV ဗိုင်းရပ်စ်ပါရှိသော်လည်း ဆေးဖြတ်ထားသည်မှာ (၁၄) လအထိ HIV ပိုး လုံးဝ ပြန်မပေါ်တော့ပါ။ ဘီပိုး ပြန်ကြွမှုကိုလည်း ဘီပိုးသောက်ဆေး Entecavir ဖြင့် ကုသရာ လက်ရှိတွင် စနစ်သစ် ကိုယ်ခံအားက ဘီပိုးကိုပါ ထိန်းချုပ်နိုင်သည့် Functional Cure သို့ ဦးတည်နေသည်။

✅၂။ Kansas City လူနာ (အမေရိကန်):
နောက်ခံ: ၂၀၁၈ တွင် HIV (CD4 - ၂၃) တွေ့ခဲ့ရပြီး ၂၀၂၀ အသက် ၂၁ နှစ်တွင် သွေးကင်ဆာ (AML) ဖြစ်ပွားခဲ့သဖြင့် Stem Cell အစားထိုး ကုသမှုခံယူသူများအနက် အသက်အငယ်ဆုံး ဖြစ်သည်။

ကြုံတွေ့ခဲ့ရသည်များ: ပထမအကြိမ် Stem Cell အဆင်မပြေ၍ ဒုတိယအကြိမ် ထပ်မံဖြည့်တင်းခဲ့ရသည်။ အလှူရှင်ဆဲလ်က လက်ခံသူကို ပြန်တိုက်သည့် Severe GVHD ဝေဒနာ၊ ဘက်တီးရီးယား၊ မှိုနှင့် CMV အူလမ်းကြောင်း ရောဂါဆိုးများကြောင့် အထူးကြပ်မတ်ကုသဆောင် (ICU) အထိ တက်ရောက်ခဲ့ရသည်။

❕လက်ရှိအခြေအနေ: ၂၀၂၅ ဖေဖော်ဝါရီလမှစ၍ ART ဆေးဝါးများ ရပ်ဆိုင်းထားသည်မှာ (၁၇) လအထိ ရှိပြီဖြစ်ပြီး သွေးထဲတွင် HIV ဗိုင်းရပ်စ် လုံးဝ ရှာမတွေ့တော့ပါ။

⚠️ ဆေးပညာရှင်များ၏ အရေးကြီးသော သတိပေးချက်

International AIDS Society ၏ ဥက္ကဋ္ဌ Dr. Beatriz Grinsztejn က "ဒီလို Stem Cell အစားထိုးမှုတွေဟာ အသက်အန္တရာယ်ရှိတဲ့ သွေးကင်ဆာ ရောဂါသည်တွေအတွက်သာ အသုံးပြုနိုင်တဲ့ အလွန်စွန့်စားရပြီး စရိတ်ကြီးတဲ့ ကုသမှုတွေ ဖြစ်ပါတယ်။

သာမန် HIV ပိုးရှိသူတိုင်းအတွက် တိုက်ရိုက် သုံးလို့ရတဲ့ နည်းလမ်းတော့ မဟုတ်သေးပါဘူး" ဟု ထောက်ပြထားပါတယ်။

သို့သော်လည်း ဒီလို ဖြစ်စဉ်တွေကနေတစ်ဆင့် သိပ္ပံပညာရှင်များသည် ကီမိုဆေးသွင်းစရာ မလိုဘဲ ဗီဇပြုပြင်ခြင်း (Gene Editing) နည်းပညာဖြင့် လူနာ၏ ဆဲလ်များပေါ်ရှိ CCR5 လက်ခံကိရိယာများကို ဖျက်ဆီးကာ လူတိုင်း လက်လှမ်းမီနိုင်မည့် HIV အမြစ်ပြတ် ကုသနည်းများ ဖော်ထုတ်ရန် လမ်းစအသစ်များ ရရှိနေပြီ ဖြစ်ပါတယ်။

#မမမြင့်မာ

21/08/2026

HIV Syphilis Duo Test နဲ့ တစ်ခါတည်း ၂ မျိူး စစ်လို ရပြီနော် ☝🏻🩸

မမမြင့်မာတို့ဆီမှာ သွေး ၂ ခါဖောက်စရာမလိုပဲ တစ်ကြိမ်တည်းနဲ့ ရလဒ် ၂ မျိူး သိနိုင်တဲ့ Abbott The Bioline™ HIV/Syphilis Antibody Duo Test Kit ရှိပါတယ်

Blood Test Kit တစ်စုံမှာ ဘာ‌တွေပါမလဲ ❓
👉 တစ်ခါသုံး သွေးဖောက်အပ် ၂ မျိူး
👉 Alcohol Pad
👉 Buffer Solution
👉 သွေး ယူရန် Tube နှင့် Buffer ယူရန် Pipette ၂ ခု
👉 Test Kit Device တစ်ခု
ပါ၀င်မှာဖြစ်တဲ့အတွက် အလွယ်တကူ အိမ်မှာ‌စစ်ဆေးနိုင်မှာ ဖြစ်ပါတယ်။

Abbott ကထုတ်တဲ့ Test Kit များကတော့ကမ္ဘာတစ်ဝှမ်းရှိ ဆေးရုံများ၊ ကျန်းမာရေးဌာနများတွင် အသုံးပြုလျက်ရှိပြီး

ပြည်တွင်းရှိ ဆေးရုံ ဆေးခန်း ဓာတ်ခွဲခန်းများ မှာဆိုရင် Confirm Test အထိ စစ်ဆေးကြတဲ့ အရည်အသွေးမြင့် Quality အကောင်းဆုံး Test Kit များဖြစ်ပါတယ်

ဘယ်လောက်အထိ မှန်လဲ ❓

- HIV : Sensitivity 99.91% / Specificity 99.67%
- Syphilis : Sensitivity 99.67% / Specificity 99.72%

✅စစ်ဆေးပြီး ရလဒ်အဖြေများကို ဆွေးနွေးပေးပြီး လိုအပ်ပါက ဆရာဝန်ဖြင့် ဆွေးနွေးလိုပါကလည်း မမြင့်မာတို့ဘက်ကနေ စီစဉ်ပေးနေပါပြီနော် 🧑🏻‍⚕️

🔻 Testing Kit မှာယူရန် 🔻

https://m.me/HIVEduMM

⚠️ သတိပြုရန်:
✅ HIV/Syphilis Duo Test Kit မှာတော့ သွေး ၁ စက် ၊ ဆေးရည် ၃ စက် သာ ထည့်ပေးရပါမယ်။
✅ HIV Antibody Window Period: ကူးစက်ခံရပြီး ၃ လ အတွင်း စမ်းသပ်မှသာ အတည်ပြုနိုင်ပါသည်။
✅ Syphilis Window Period: ကူးစက်ပြီး ၃-၆ ပတ် ကြာမှ ရလဒ်အတည်ပြုနိုင်ပါသည်။

အသုံးပြုနည်း Video အား ဒီမှာ ကြည့်နိုင်ပါတယ် > https://www.facebook.com/share/v/18qr2uoYkg/

12/08/2026

မောင်လေး ညီမလေးတို့ရေ... မိုးတွင်းကာလနဲ့ အခြေအနေအမျိုးမျိုးကြားမှာ ကိုယ်ကျန်းမာရေး၊ မိသားစုကျန်းမာရေးကို အထူးဂရုစိုက်ကြဖို့ လိုအပ်တဲ့ ကာလဝမ်းရောဂါ (Cholera) အကြောင်း ဗဟုသုတအနေနဲ့ ပြန်လည်မျှဝေပေးလိုက်ပါတယ်။

🔴 အဓိက သိထားရမယ့် အချက်များ

* အန္တရာယ်ကြီးမားမှု: ကာလဝမ်းရောဂါ (ပြင်းထန်ဝမ်းပျက်ဝမ်းလျှောရောဂါ) ဆိုတာ ရုတ်တရက်ဖြစ်ပွားတတ်ပြီး အချိန်မီ ကုသမှုမရရှိခဲ့ရင် နာရီပိုင်းအတွင်းမှာတင် အသက်အန္တရာယ် ထိခိုက်ဆုံးရှုံးနိုင်တဲ့ ရောဂါတစ်မျိုး ဖြစ်ပါတယ်။
*
* ဖြစ်ပွားရသည့် အကြောင်းရင်း: သန့်ရှင်းစိတ်ချရတဲ့ ရေနဲ့ အခြေခံမိလ္လာ၊ ရေဆိုးစနစ်တွေ လက်လှမ်းမမီနိုင်တဲ့ နေရာတွေမှာ အဓိਕ ဖြစ်ပွားတတ်ပြီး Vibrio cholerae ဘက်တီးရီးယားပိုး ပါဝင်နေတဲ့ အစားအစာ သို့မဟုတ် ရေကို စားသုံးမိရာကနေ ကူးစက်တတ်ပါတယ်။
*
* ကမ္ဘာ့အခြေအနေ: ကမ္ဘာတစ်ဝန်းမှာ နှစ်စဉ် ကာလဝမ်းရောဂါ ဖြစ်ပွားသူ ၁.၃ သန်းကနေ ၄ သန်းအထိ ရှိပြီး လူပေါင်း ၂၁,၀၀၀ ကနေ ၁၄၃,၀၀၀ အထိ သေဆုံးမှု ရှိတယ်လို့ ပညာရှင်တွေ ခန့်မှန်းထားပါတယ်။

* ကုသနိုင်စွမ်း: ရောဂါကူးစက်ခံရသူအများစုမှာ လက္ခဏာမပြတာ သို့မဟုတ် ပုံမှန်အပျော့စားလက္ခဏာတွေပဲ ခံစားရတတ်ပြီး ဓာတ်ဆားရည် သောက်သုံးခြင်းဖြင့် အောင်မြင်စွာ ကုသနိုင်ပါတယ်။ ပြင်းထန်တဲ့လူနာတွေကတော့ ဆေးရုံဆေးခန်းမှာ အကြောဆေးသွင်းတာနဲ့ လိုအပ်တဲ့ ကုသမှုတွေ အမြန်ဆုံး ခံယူဖို့ လိုအပ်ပါတယ်။

🔴 ရောဂါလက္ခဏာများ
* ကာလဝမ်းရောဂါပိုး ဝင်ရောက်လာတဲ့အခါ ရောဂါလက္ခဏာပြဖို့ ၁၂ နာရီကနေ ၅ ရက်အထိ ကြာမြင့်တတ်ပါတယ်။

* လူနာအများစုဟာ အပျော့စား သို့မဟုတ် အတန်အသင့် လက္ခဏာတွေကို ခံစားရပေမဲ့ လူနာအနည်းစုမှာတော့ ရေလိုမျိုးကြည်ပြီး ရုတ်တရက် ပြင်းထန်စွာ ဝမ်းသွားတဲ့ ပြင်းထန်သော ရေဓာတ်ခမ်းခြောက်မှု ဝမ်းရောဂါ ဖြစ်ပွားတတ်ပါတယ်။

* ကုသမှု နှေးကွေးသွားပါက အသက်အန္တရာယ် စိုးရိမ်ရတဲ့အထိ ဖြစ်စေနိုင်ပါတယ်။

🔴 ကာကွယ်ခြင်းနှင့် ထိန်းချုပ်ခြင်း နည်းလမ်းများ
ရောဂါမဖြစ်ပွားအောင် ထိန်းချုပ်ဖို့အတွက် အောက်ပါအချက်တွေကို အထူးဂရုစိုက်ကြရပါမယ် -

* သန့်ရှင်းသောရေနှင့် အစားအစာ: သောက်သုံးရေကို ကျိုချက်သောက်သုံးဖို့၊ အစားအစာများကို သန့်ရှင်းလတ်ဆတ်စွာ ချက်ပြုတ်စားသောက်ဖို့။

* တစ်ကိုယ်ရေ သန့်ရှင်းရေး: ဆပ်ပြာနဲ့ လက်ကို မကြာခဏ စနစ်တကျဆေးကြောတဲ့ အလေ့အထကို ကျင့်သုံးဖို့။

* စနစ်တကျ ကုသမှုခံယူခြင်း: အပျော့စား ဝမ်းပျက်ဝမ်းလျှောဖြစ်တာနဲ့ WHO/UNICEF စံချိန်မီ ဓာတ်ဆားရည်ကို ချက်ချင်းဖျော်စပ် သောက်သုံးပေးဖို့။

* ကာကွယ်ဆေးများ အသုံးပြုခြင်း: ရောဂါဖြစ်ပွားနိုင်ခြေ မြင့်မားတဲ့ ဒေသတွေနဲ့ အကျပ်အတည်းကာလတွေမှာ ရေနဲ့ မိလ္လာစနစ် တိုးတက်ကောင်းမွန်အောင် လုပ်ဆောင်တာတွေနဲ့ အတူ ကာလဝမ်းရောဂါ ကာကွယ်သောက်ဆေး (Oral Cholera Vaccines) များကို တွဲဖက်အသုံးပြုသင့်ပါတယ်။

မမမြင့်မာအနေနဲ့ မောင်လေး ညီမလေးတို့ အားလုံး ကျန်းမာပျော်ရွှင်စွာနဲ့ ဘေးဥပဒ်ကင်းဝေးကြဖို့ အမြဲဆန္ဒပြုရင်း ဒီကျန်းမာရေး အသိပညာပေးလေးကို မျှဝေပေးလိုက်ပါတယ်။

#မမမြင့်မာ #ကျန်းမာရေးဗဟုသုတ

10/08/2026

📣 ART ဆေးမှာ Dolutegravir ဆေးတွဲက ပိုထိရောက်တယ် ဆိုတဲ့ သုတေသနအဖြေတွေ ထွက်ပေါ်လာပါပြီရှင်! 💖

ဘရာဇီးနိုင်ငံ၊ ရီယိုဒီဂျင်နေးရိုမြို့မှာ ကျင်းပပြုလုပ်သွားတဲ့ (၂၆) ကြိမ်မြောက် နိုင်ငံတကာ HIV ညီလာခံ (AIDS 2026) ကနေ အသုံးဝင်တဲ့ ဆေးပညာသုတေသန အသစ်အဆန်းတွေကို မမမြင့်မာက ဒီနေ့ မျှဝေပေးချင်ပါတယ်ရှင့်။ 💖

ပုံမှန်အားဖြင့် HIV ကုသရေး ပထမတန်းစား (First-line ဆေးတွဲ) မှာ ART ဆေးအနည်းဆုံး ၃ မျိုး ပါဝင်လေ့ရှိပါတယ် (ဥပမာ- တွဲဖက်ဆေး ၂ မျိုးနှင့် Tenofovir တခြားဆေး ၁ မျိုး ပေါင်းစပ်ခြင်း)။ 💊

ပြင်သစ်နိုင်ငံက သုတေသီတွေရဲ့ လေ့လာတွေ့ရှိချက်အရ ဥရောပ နဲ့ အနောက်နိုင်ငံတွေရဲ့ပထမတန်းစား ကုသမှုဆေးဝါးတစ်မျိုးဖြစ်တဲ့

💊 Bictegravir ပါတဲ့ဆေးတွေထက်

💊 Dolutegravir ပါဝင်တဲ့ ART ၂ မျိူးဆေးတွဲဟာ ဗိုင်းရပ်စ်ပိုးပမာဏ (Viral Load) အလွန်များနေသူတွေမှာ ပိုးကို ပိုပြီးမြန်မြန်ဆန်ဆန် ကျဆင်းစေနိုင်လို့ ဆိုပါတယ်။ 📈

DAT’AIDS observational cohort လေ့လာမှု (၂၀၀၉ မှ ၂၀၂၃ ထိ) အရ သိရတာတွေကတော့-

👉 ၂၄ ပတ်အကြာမှာ: Dolutegravir သောက်သုံးသူတွေရဲ့ ၇၄.၉ ရာခိုင်နှုန်းဟာ ဗိုင်းရပ်စ်ပိုးပမာဏ ၅၀ အောက်ကို ကျဆင်းသွားခဲ့ပြီး၊ Bictegravir သောက်သုံးသူတွေမှာတော့ ၆၉.၁ ရာခိုင်နှုန်း ရှိပါတယ်။ 📉

👉 စတင်ကူးစက်ခါစ (Acute HIV) လူနာများတွင်: Dolutegravir သောက်သုံးသူ ၈၁.၈% နဲ့ Bictegravir သောက်သုံးသူ ၇၂.၇% အသီးသီး ရှိပါတယ်။ ⏱️

👉 ဗိုင်းရပ်စ်ပိုး အလွန်များသူများ (၅၀၁,၀၀၀ ကျော် / ၅.၇ log10 အထက်): Dolutegravir သောက်သုံးသူ ၆၈.၇% နဲ့ Bictegravir သောက်သုံးသူ ၅၈.၇% ရှိပြီး ပိုးနှိမ်နင်းနိုင်မှု ပိုမိုမြန်ဆန်ကြောင်း တွေ့ရပါတယ်။ 🔥

ဒါ့အပြင် ကိုယ်ခံအားစနစ် ပြန်လည်ကောင်းမွန်လာမှုမှာလည်း Dolutegravir က အားသာချက်အနည်းငယ် ရှိနေပြီး HIV reservoir (ပိုးခိုအောင်းရာနေရာ) ကြီးထွားမှုကို ထိန်းချုပ်ပေးနိုင်တယ်လို့ Dr Antoine Chéret က ရှင်းပြခဲ့ပါတယ်ရှင်။ 🛡️

Bictegravir (Biktarvy) ဆိုတာ ဘာလဲ၊ မြန်မာနိုင်ငံမှာ ရနိုင်လား? 🤔

ဒီနေရာမှာ မောင်လေးညီမလေးတို့ သိချင်နေမယ့် Bictegravir အကြောင်းလေးကိုလည်း ရှင်းပြပေးချင်ပါတယ်ရှင်။

💡 Bictegravir ပါတဲ့ ဆေးတွဲကို Biktarvy လို့ ခေါ်ဆိုပြီး ဆေးတစ်လုံးတည်းမှာတင် (bictegravir / emtricitabine / tenofovir alafenamide) ဆိုတဲ့ အဓိကဆေးပစ္စည်း ၃ မျိုး ပေါင်းစပ်ပါဝင်တဲ့ ၃ မျိုးစပ် ဆေးတစ်မျိုး ဖြစ်ပါတယ်။ 💊

⚠️ အနောက်နိုင်ငံတွေမှာ အသုံးများတဲ့ Bictegravir ပါဝင်တဲ့ Biktarvyဆေးဟာ မြန်မာနိုင်ငံရဲ့ လက်ရှိဆေးဝါးဈေးကွက်နဲ့ ကုသရေးလမ်းညွှန်တွေမှာ မရရှိနိုင်သေးပေမယ့်၊ မမမြင့်မာတို့ လက်လှမ်းမီရရှိနိုင်တဲ့ Dolutegravir ရဲ့ စွမ်းဆောင်ရည်က အလွန်ပင် အားရစရာ ကောင်းနေပါတယ်ရှင်။

Dolutegravir ဟာ မြန်မာနိုင်ငံ HIV ကုသရေး လမ်းညွှန်မှာ အဓိက ပါဝင်တဲ့ ARTဆေး ဖြစ်ပါတယ်။

✅ ဆေး ٢ မျိုးစပ် (Dolutegravir / Lamivudine - Dovato) ရဲ့ အစွမ်းထက်မှု 🌟
ညီလာခံမှာ တင်ပြခဲ့တဲ့ နောက်ထပ် In VOGUE trial လေ့လာမှု အသစ်အရလည်း ဆေး ၂ မျိုးတည်းပါတဲ့ Dolutegravir / Lamivudine (Dovato) ဆေးဟာ ဆေး ၃ မျိုးစပ် Biktarvy နဲ့ ဘာမှမကွာဘဲ ထိရောက်မှု တူညီကြောင်း တွေ့ရှိရပါတယ်ရှင့်! 🤝

👉 လူနာ ၅၀၉ ဦးကို ထည့်သွင်းလေ့လာခဲ့ပြီး ၄၈ ပတ်အကြာမှာ ဗိုင်းရပ်စ်ပိုး ၅၀ အောက် လျော့ကျသွားမှုဟာ ၈၉% (Dovato) နှင့် ၉၂% (Biktarvy) အသီးသီး ရှိပါတယ်။ 📊

👉 ဆေးယဉ်ပါးမှု မရှိတာ၊ ဘေးထွက်ဆိုးကျိုး သိသိသာသာ မရှိတာတို့ကြောင့် HIV ပိုးရှိသူတွေအတွက် ဆေးအလုံးရေ လျော့သောက်နိုင်ပြီး ထိရောက်မှု အလွန်ကောင်းမွန်တဲ့ ရွေးချယ်စရာတစ်ခု ဖြစ်ကြောင်း ပါရီမြို့ Bichat တက္ကသိုလ်ဆေးရုံမှ Dr Jade Ghosn က ပြောကြားခဲ့ပါတယ်။

💊Tenofovir ဆေးပစ္စည်း မပါဝင်ခြင်းရဲ့ အဓိက အကျိုးကျေးဇူးများ 💚

✅ ဆေး ၂ မျိုးစပ် (ဥပမာ- Dovato) ကို ပြောင်းလဲအသုံးပြုခြင်းရဲ့ အကြီးမားဆုံး အားသာချက်တစ်ခုကတော့ ၃ မျိုးစပ်ဆေးတွေမှာ မဖြစ်မနေ ပါဝင်လေ့ရှိတဲ့ Tenofovir (TDF သို့မဟုတ် TAF) ဆေးပစ္စည်း မပါဝင်တော့တာပဲ ဖြစ်ပါတယ်။ 🥳

✅ Tenofovir မပါဝင်တော့ခြင်းအားဖြင့် ကျောက်ကပ်နှင့် အရိုးကျန်းမာရေးကို ကာကွယ်ပေးခြင်း: ရေရှည်စွဲသောက်ရတဲ့အခါ Tenofovir ကြောင့် ကျောက်ကပ်လုပ်ငန်းဆောင်တာနဲ့ အရိုးသိပ်သည်းဆအပေါ် ရေရှည်သက်ရောက်နိုင်တဲ့ ဘေးထွက်ဆိုးကျိုး စိုးရိမ်ရမှုကို သိသိသာသာ လျော့ကျစေပါတယ်။ 🦴💪

အားလုံးပဲ ကျန်းမာရေးနဲ့ညီညွတ်တဲ့ လူနေမှုဘဝကို ပိုင်ဆိုင်နိုင်ကြပါစေရှင်። ဆေးကုသမှုခံယူနေစဉ်မှာ ဆရာဝန်ညွှန်ကြားချက်အတိုင်း အခါမလည်တမ်း ပုံမှန်သောက်သုံးဖို့ မမေ့ကြနဲ့နော်။ 🤗

မောင်လေး ညီမလေးများအနေနဲ့ မိမိလက်ရှိသောက်သုံးနေတဲ့ ဆေးဝါးတွေနဲ့ ပတ်သက်ပြီး

အပြောင်းအလဲလုပ်ချင်တာပဲဖြစ်ဖြစ်၊

ART ဆေးဝါးတွေနဲ့ ပတ်သက်ပြီး အကူအညီ လိုအပ်တာပဲဖြစ်ဖြစ်၊ မမမြင့်မာရဲ့ Message Box ကနေ အချိန်မရွေး ဆက်သွယ်မေးမြန်းနိုင်ပါတယ်ရှင့်။

မမမြင့်မာ အမြဲတမ်းကူညီပေးဖို့ အဆင်သင့်ရှိပါတယ်ရှင်။ 💌😊

#မမမြင့်မာ

04/08/2026

HIV ပိုးရှိလို့ ART ဆေးပေးရင် ဘာကြောင့် ဆေးတွဲတွေက မတူကြတာလဲ? 🎗

မမမြင့်မာကို ART ဆေးစသောက်မယ့် မောင်လေး ညီမလေးတွေက ဆေးတွဲဘာကြောင့်မတူကြတာလဲ?

ဆိုပြီး မကြာခဏ မေးကြပါတယ်။ တကယ်တော့…

📣 ART ဆေးတစ်ဖုံဆိုတာ HIV ပိုးကို ထိန်းချုပ်ဖို့ ဆေးတစ်မျိုးတည်းနဲ့မရဘူးနော်။ အနည်းဆုံး ဆေး (၃) မျိုး (သို့) အထက် ပေါင်းစပ်ပြီး ပိုးအားနည်းအောင် တိုက်ရတာပါ။

📣 ဆေးတွဲတစ်ခုမှာ ဆေး (၂) မျိုးပါတာလည်း ရှိပါတယ်။ ဒါပေမယ့် ဒါက အထူးလိုအပ်ချက် ရှိတဲ့သူတွေအတွက်သာ ဆရာဝန်ညွှန်ကြားချက်နဲ့ သုံးရတာပါ။

ဘာကြောင့် ဆေးတွဲချင်းမတူတာလဲ?

🔹 မိမိရဲ့ ကျန်းမာရေးအခြေအနေ (ကျောက်ကပ်၊ အသည်း သွေးအဖြေများ)

🔹 ဘေးထွက်ဆိုးကျိုး နည်းမယ့်ဆေး

🔹 နောက်ဆုံးပေါ် WHO/FDA အတည်ပြုဆေးတွဲ

🔹ပိုးကောင်ရေ မကျ ဆေးမတိုးတဲ့သူဖြစ်ပါက ပိုပြီး ထိရောက်တဲ့ 2nd Line ဆေးတွဲအုပ်စုများ ကို ရွေးချယ်ရပါတယ်။

ART ဆေးအုပ်စုများ ဆိုရင်လည်း နောက်ဆုံး လေ့လောချက်တွေအရ WHO/FDA အတည်ပြုထားတဲ့

✅ NNRTIs (ဥပမာ—Efavirenz)

✅ NRTIs (ဥပမာ—Tenofovir, Lamivudine)

✅ INSTIs (ဥပမာ—Dolutegravir - WHO ညွှန်ကြားတဲ့ဦးစားပေးဆေးတွဲ ဖြစ်လို့ အခုနောက်ပိုင်း လူနာအသစ်တွေအတွက် အသုံးများပါတယ်)

✅ P*s (ဥပမာ—Atazanavir)

✅ အခြား (Fusion/Attachment Inhibitors, CCR5 antagonists)

ဒါကြောင့် ဆရာဝန်က သွေးစစ်၊ ကျန်းမာရေးစစ်ဆေး

ပြီးမှသာ အသင့်တော်ဆုံး ဆေးတွဲကို ရွေးပေးတာပါ။ 👩‍⚕️

ART ဆေးစသောက်မယ့်သူများ သိထားရမယ့်အချက်များ
1️⃣ ဆေးကို ပုံမှန်သောက်ပါ - (မေ့ရင် ပိုးက ဆေးယဉ်ပါးလာနိုင်တယ်)

2️⃣ ဆေးအသစ်စသောက်ချိန် (၃-၆ လ) မှာ ဆရာဝန်နဲ့ ပုံမှန်ပြသပါ။

3️⃣ ဘေးထွက်ဆိုးကျိုး - (အနီစက်၊ အနီကွက်ထတာမျိုး) ရှိရင် ဆရာဝန်နဲ့ အမြန်ဆုံး ပြန်ပြပါ။

4️⃣ ပိုးကောင်ရေ ၁ နှစ် တစ်ခါ နှင့် ၆ လ တစ်ခါ ကျောက်ကပ်နှင့် အသည်းဓာတ် (လိုအပ်ပါက) စစ်ဆေးဖို့ လိုပါတယ်။

⚠️တကယ်လို့ ဆရာဝန်နဲ့မပြဖြစ်တာ ကြာပြီဆိုရင်တော့ ကိုယ်သောက်နေတဲ့ ART ဆေးတွေက နောက်ဆုံးပေါ် လမ်းညွှန်ချက်တွေနဲ့ ကိုက်ညီရဲ့လားဆိုတာ သေချာစစ်ဆေးပါနော်။

✅လမ်းညွှန်ချက်တွေက မကြာခဏ ပြောင်းလဲနေပြီး ဆေးအသစ်တွေက ဘေးထွက်ဆိုးကျိုး ပိုနည်းပါတယ်။

မောင်လေး ညီမလေးတို့အနေနဲ့ ART ဆေးအကြောင်းမေးစရာရှိတာတွေ၊ အကူအညီလိုတာတွေ ဒါမှမဟုတ် ဆရာဝန်နဲ့ တိုက်ရိုက်ဆွေးနွေးချင်တာတွေ ရှိရင် မမမြင့်မာရဲ့ Message Box ကို အချိန်မရွေး ဆက်သွယ်နိုင်ပါတယ်ရှင် 💌

#မမမြင့်မာ

02/08/2026

✨ နောက်ထပ် တစ်ပတ်မှာ တစ်ကြိမ်ပဲ သောက်ရမယ့် ART ဆေးတွဲသစ်တစ်မျိုး ပေါ်ထွက်လာပါပြီ! ✨

တစ်ပတ်တစ်ကြိမ် သောက်ရတဲ့ဆေးမှာ Islatravir + Lenacapavir တင် မဟုတ်ပဲ နောက်ထပ်ဆေးတွဲတစ်ခု ရှိနေပါပြီ။

မကြာသေးမီက ရီယိုဒီဂျာနေးရိုးမြို့မှာ ကျင်းပခဲ့တဲ့ ၂၆ ကြိမ်မြောက် အပြည်ပြည်ဆိုင်ရာ ညီလာခံ (AIDS 2026) မှာ တစ်ပတ်ကို တစ်ကြိမ်ပဲ သောက်ရမယ့် နောက်ထပ် ART ဆေးတွဲသစ်တစ်ခုရဲ့ စမ်းသပ်သုတေသန ရလဒ်တွေကို အောင်မြင်စွာ ထုတ်ပြန်ကြေညာသွားခဲ့ပါတယ်။

🧪 ဆေးတွဲသစ်မှာ ဘာတွေပါဝင်သလဲ?
ဒီဆေးတွဲမှာတော့ Islatravir နဲ့ Ulonivirine ဆိုတဲ့ ဆေးနှစ်မျိုး ပေါင်းစပ်ထားတာဖြစ်ပါတယ်။

* Islatravir (2mg): NRTTI အမျိုးအစား ဆေးသစ်ဖြစ်ပြီး HIV ဗိုင်းရပ်စ် ပွားများမှုကို နည်းလမ်းသစ်နဲ့ တားဆီးပေးတာပါ။

ယခင်စမ်းသပ်မှုတွေတုန်းက ဆေးပမာဏများသွားလို့ အဖြူဥဆဲလ် (CD4) ခေတ္တကျဆင်းခဲ့ဖူးပေမဲ့၊ အခုအခါမှာတော့ ဘေးထွက်ဆိုးကျိုးမရှိတဲ့ ပမာဏနည်းနည်း (2mg) နဲ့ ထိရောက်စွာ သုံးစွဲနိုင်ပြီ ဖြစ်ပါတယ်။

* Ulonivirine (200mg): နောက်ဆုံးပေါ် NNRTI အမျိုးအစားဖြစ်ပြီး ယခင်ဆေးဝါးအဟောင်းတွေကို ဆေးယဉ်ပါးနေတဲ့ ဗိုင်းရပ်စ်မျိုးစိတ်တွေကိုပါ နှိမ်နင်းနိုင်စွမ်း ရှိပါတယ်။

📊 သုတေသန စမ်းသပ်ချက် အချက်အလက်များနှင့် ကိန်းဂဏန်းများ
စမ်းသပ်မှုကို အမေရိကန်၊ သြစတြေးလျ နှင့် ဆဗစ်ဇာလန်နိုင်ငံတို့မှ သုတေသနစခန်း ၂၀ ကျော် မှာ လူနာ ၁၅၇ ဦး နဲ့ စမ်းသပ်ခဲ့တာဖြစ်ပါတယ်။

* ပါဝင်သူများ၏ အခြေအနေ:
* Biktarvy ဆေးကို နေ့စဉ်သောက်နေပြီး ဗိုင်းရပ်စ်ပမာဏ (Viral Load) ၅၀ အောက် အနည်းဆုံး ၆ လကြာ ထိန်းထားနိုင်သူများ ဖြစ်ကြပါတယ်။

* ပျမ်းမျှအသက်မှာ ၄၈ နှစ် ဖြစ်ပြီး၊ ပျမ်းမျှ CD4 count မှာ 810 ထိရှိသည့် ခုခံအား ကောင်းမွန်သူများဖြစ်ပါတယ်။

* စမ်းသပ်ပုံစံ (၂၄ ပတ် ရလဒ်):
* ပါဝင်သူများကို အုပ်စုနှစ်စုခွဲပြီး တစ်စုကို တစ်ပတ်လျှင် တစ်ကြိမ် Islatravir (2mg) + Ulonivirine (200mg) ဆေးတွဲသို့ ပြောင်းသောက်စေခဲ့ပြီး၊ အခြားအုပ်စုကိုတော့ Biktarvy ကိုပဲ ဆက်သောက်စေခဲ့ပါတယ်။

💡 ၂၄ ပတ်အကြာ စမ်းသပ်မှု ရလဒ်များ
* ဗိုင်းရပ်စ် ထိန်းချုပ်နိုင်မှု:
* ဆေးတွဲသစ် သို့ ပြောင်းသောက်သူများ၏ ၉၄.၉% သည် ဗိုင်းရပ်စ်ပမာဏ < 50 အောက် ဆက်လက်ထိန်းထားနိုင်ခဲ့ပါတယ်။

* မူလ Biktarvy ဆေး ဆက်သောက်သူများတွင် ၉၇.၅% ထိန်းထားနိုင်ခဲ့တာမို့ ထိရောက်မှုချင်း ယှဉ်ပြိုင်နိုင်စွမ်းရှိတာကို တွေ့ရပါတယ်။

* ဆေးယဉ်ပါးမှု မရှိခြင်း:
* စမ်းသပ်သူ မည်သူမျှ ဗိုင်းရပ်စ်ပမာဏ ၂၀၀ အထက် ပြန်တက်လာခြင်း မရှိသည့်အတွက် ဆေးယဉ်ပါးမှု (Drug Resistance) ဖြစ်ပွားခြင်း လုံးဝ မရှိခဲ့ပါ။

* ဘေးကင်းလုံခြုံမှု:
* ပြင်းထန်သော ဘေးထွက်ဆိုးကျိုးများ လုံးဝ မတွေ့ရပါ။
* Low dose (2mg) ပြောင်းလိုက်သည့်အတွက် CD4 နှင့် Lymphocyte ဆဲလ် ပမာဏ မလိုလားအပ်ဘဲ ကျဆင်းသွားခြင်းမျိုး မရှိတော့ကြောင်း အတည်ပြုနိုင်ခဲ့ပါတယ်။

🎯 ရှေ့ဆက်သွားမည့် အနာဂတ်မျှော်လင့်ချက်

ဒီစမ်းသပ်မှုရလဒ်တွေအရ Islatravir + Ulonivirine ဆေးတွဲဟာ လုံခြုံစိတ်ချရပြီး ထိရောက်မှုရှိကြောင်း သက်သေပြနိုင်ခဲ့ပါတယ်။ ရှေ့ဆက်ပြီးတော့လည်း အဆင့် (၃) သုတေသန (Phase III SYMPHORIA trials) မှာ ဆေးတစ်ပြားတည်း ပေါင်းစပ်ထားတဲ့ (Single-tablet) တစ်ပတ်တစ်ကြိမ် သောက်ဆေးအဖြစ် ဆက်လက်စမ်းသပ်ထုတ်လုပ်သွားတော့မှာ ဖြစ်ပါတယ်။

HIV နဲ့ ပတ်သက်တဲ့ နောက်ဆုံးပေါ် ဆေးဝါးသုတေသန သတင်းတွေကို မမမြင့်မာ က ဆက်လက်မျှဝေပေးသွားပါဦးမယ်နော်! ❤️

#မမမြင့်မာ