11/05/2025
သွားကျဥ်ခြင်းဆိုတာဘာလဲ?
သွားကျဥ်ခြင်းဆိုတာ အပူ၊ အအေး စတာတွေကို စားလိုက်တဲ့အခါ သွားကိုက်ခြင်း၊ သွားကြားပွတ်ကြိုးအသုံးပြုလိုက်တဲ့အခါသွားမှာ စူးပြီး နာသွားတဲ့ခံစားမှုမျိုးပါ။ လေအေးတိုက်တဲ့အချိန်မှာတောင် သွားကျဥ်တာမျိုးရှိနိုင်ပါတယ်။
သွားကျဥ်ခြင်းဖြစ်စေတဲ့ အကြောင်းကတော့ သွားရဲ့ဒုတိယအလွှာဖြစ်တဲ့ Dentine လို့ခေါ်တဲ့ မွသွားလွှာမျက်နှာပြင်ဖြစ်ပေါ်နေရခြင်းကြောင့်ပါ။
ကျွန်ုပ်တို့ သွားကို အလွှာသုံးလွှာနဲ့ဖွဲ့စည်းထားပါတယ်...
1. Enamel (ကြွေသွားလွှာ)
2. Dentine (မွသွားလွှာ)
3. Pulp (အာရုံကြောလွှာ).... ပါ
ပုံမှန် Enamel - ကြွေသွားလွှာရှိတဲ့ သွားတစ်ချောင်းဟာ နာတာကျဥ်တာ မရှိနိုင်ပါဘူး။ ကြွေသွားလွှာ ပျက်စီးပြီး Dentine - မွသွားလွှာပေါ်နေပြီဆိုရင်တော့ ကျဥ်တဲ့ဝေဒနာကို စတင်ခံစားရမှာပါ။ ဒါပေမဲ့ အချိန်မှီကုသနိုင်ရင်တော့ ပြန်လည်ကောင်းမွန်နိုင်ပါတယ်။ ကြွေသွားလွှာပျက်စီးပီး မွသွားလွှာပေါ်စေတဲ့ အကြောင်းရင်းတွေကတော့...
1. သွားပိုးစား၍ အပေါက်ဖြစ်လာခြင်း
2. အမာဝါးမိရာမှ သွားတွင်အက်ရာဖြစ်လာခြင်း
3. ထိခိုက်ဒဏ်ရာတစ်ခုခုကြောင့် သွားပဲ့သွားခြင်း၊ ကျိုးသွားခြင်း
4. သွားဖုံးများနိမ့်သွားရာမှ သွားအမြစ်များပေါ်လာခြင်း
5. သွားများရှည်ထွက်လာ၍ အမြစ်များပေါ်လာခြင်း
6. သွားတိုက်မှုနည်းစနစ်မှားရာမှ သွားတွင်ချိုင့်များဖြစ်လာခြင်း
7. အချဥ်စားလွန်းခြင်းကြောင့် သွားရှိ ကြွေလွှာပျက်စီးလာခြင်း
8. သွားဖြူအောင် ကုသမှုယူထားခြင်း စသည်တို့ကြောင့် ဖြစ်ပါတယ်။
သွားကျဥ်လာရင် ဘာလုပ်ရမလဲ?
သွားကျဥ်လာရင် နီးစပ်ရာ သွားနှင့်ခံတွင်းဆေးခန်းကိုသွားပြီး ကျွမ်းကျင်သော သွားနှင့်ခံတွင်းဆရာဝန်နှင့်တိုင်ပင်ကာ သွားကျဥ်ရခြင်းအကြောင်းအရင်းကိုရှာဖွေပြီး ကုသမှုခံယူရမှာဖြစ်ပါတယ်။ သွားကျဥ်ခြင်းဟာ ပျောက်ကင်းနိုင်တဲ့ရောဂါဖြစ်တာကြောင့်ဘအမြန်ဆုံးကုသမှုခံယူဖို့ လိုအပ်ပါတယ်။
(လင်းရောင်ခြည် သွားနှင့်ခံတွင်းဆေးခန်း) 09-799849228
