18/06/2026
အိပ်ခါနီးတိုင်း အတိတ်က အမှားတွေ ပြန်သတိရနေတတ်ကြလား? 🌙
ညအိပ်ရာဝင်ချိန်ရောက်လာတဲ့အခါ ကိုယ်လုပ်ခဲ့ဖူးတဲ့ အမှားတွေ...မပြောသင့်ခဲ့တဲ့ စကားတွေ၊ လက်လွတ်ဆုံးရှုံးခဲ့ရတဲ့ အခွင့်အရေးတွေကို ပြန်ပြန်တွေးမိနေတတ်ကြပါတယ်
တကယ်တော့ ဒါက လူအများစု ကြုံတွေ့ရတတ်တဲ့ အတွေ့အကြုံတစ်ခုပါ
ကျွန်မတို့ကနေ့ဘက်မှာ အလုပ်တွေ၊ တာဝန်တွေ၊ လူမှုဆက်ဆံရေးတွေကြား စိတ်အာရုံပျံ့နှံ့နေတဲ့အတွက် အတွေးတွေကို သိပ်မသတိထားမိနိုင်ပါဘူး.. ဒါပေမယ့် ညဘက် တိတ်ဆိတ်လာတဲ့အခါ ဦးနှောက်က မဖြေရှင်းရသေးတဲ့ အတွေ့အကြုံတွေ၊ စိတ်မကျေနပ်သေးတဲ့ ခံစားချက်တွေကို ပြန်လည်ဆန်းစစ်တတ်ပါတယ် 🧠
အထူးသဖြင့်...
“အဲ့ဒီတုန်းက ဒီလိုလုပ်ခဲ့ရင် ကောင်းမလား?”
“ဘာလို့ အဲ့ဒီလို ပြောမိခဲ့တာလဲ?”
“ငါ့အမှားကြောင့်ပဲ ဖြစ်သွားတာလား?”
ဆိုတဲ့ အတွေးတွေက ထပ်ခါထပ်ခါ ပေါ်လာတတ်ပါတယ်
ဒါက ကိုယ်အားနည်းလို့ မဟုတ်ပါဘူး။
လူ့ဦးနှောက်ရဲ့ သဘာဝက အမှားတွေကနေ သင်ယူဖို့...အနာဂတ်မှာ ထပ်မဖြစ်အောင် ကာကွယ်ဖို့ ကြိုးစားတတ်တာကြောင့် ဖြစ်ပါတယ် 🍀
ဒါပေမယ့် အတိတ်ကို ပြန်သုံးသပ်တာနဲ့ အတိတ်ထဲမှာ ပိတ်မိနေတာက မတူပါဘူး 📌
တချို့အချိန်တွေမှာ အမှားတစ်ခုက ကိုယ့်ကို သင်ခန်းစာပေးနိုင်ပေမယ့် အဲဒီအမှားကိုပဲ ထပ်ခါထပ်ခါ တွေးနေမိရင်တော့ စိတ်ပင်ပန်းမှု၊ စိုးရိမ်ပူပန်မှုနဲ့ အိပ်မပျော်မှုတွေကို ဖြစ်စေနိုင်ပါတယ်
🌱ညဘက်အိပ်ခါနီးအတွေးတွေအရမ်းများလာပြီဆိုရင် ကိုယ့်ကိုယ်ကို သတိပေးနိုင်တဲ့စကားလေးတွေကိုမျှဝေပေးလိုက်ပါတယ်ရှင်
📌အတိတ်ကို ပြောင်းလဲလို့ မရပေမယ့် အနာဂတ်ကိုတော့ ရွေးချယ်လို့ ရပါတယ်
📌အမှားတွေက ကိုယ့်ရဲ့ တန်ဖိုးကို သတ်မှတ်ပေးတာ မဟုတ်ပါဘူး
📌အဲ့ဒီအချိန်က ကိုယ်သိသလောက်၊ တတ်သလောက်နဲ့ အကောင်းဆုံး ကြိုးစားခဲ့တာ ဖြစ်နိုင်ပါတယ်
📌သင်ယူပြီး ရှေ့ဆက်သွားခြင်းက ကိုယ့်ကိုယ်ကို အပြစ်တင်နေခြင်းထက် ပိုအကျိုးရှိပါတယ် 🤍
အိပ်ခါနီး အတွေးတွေများလာတဲ့အခါ
အသက်ရှူကို ဖြည်းဖြည်းချင်း အာရုံစိုက်ပါ...
"ဒီအတွေးက အခု ဖြေရှင်းရမယ့် အရာလား၊ မနက်ဖြန်အတွက် ခဏထားလို့ရတဲ့ အရာလား" လို့ ကိုယ့်ကိုယ်ကို မေးကြည့်ပါ
တစ်ခါတရံမှာကျွန်မတို့က စိတ်အေးချမ်းစွာ အနားယူဖို့လည်း လိုအပ်ပါတယ် 🤍
အတိတ်က အမှားကို ဘဝတစ်ခုလုံးအဖြစ် မသတ်မှတ်ပါနဲ့...သင်ဟာ အမှားတွေထက် ပိုမိုတန်ဖိုးရှိတဲ့ လူတစ်ယောက် ဆိုတာအချိန်တိုင်းသတိထားပေးပါရှင် 🌙✨
ပြီးတော့သင်ဟာ တစ်ယောက်တည်း မဟုတ်ပါဘူး။
mental heal ကသင့်ရဲ့ နာကျင်မှုတွေကို ပွင့်ပွင့်လင်းလင်း ချပြနိုင်တဲ့၊ လုံခြုံတဲ့ ရင်ခွင်တစ်ခု ဖြစ်နေပေးပါတယ်နော် 🤍
သင့်ရဲ့ စိတ်ခံစားချက်တွေကို နားထောင်ပေးဖို့ ကျွန်မတို့ အမြဲရှိနေပါတယ်။ ပိုမိုပေါ့ပါးတဲ့ စိတ်အခြေအနေကို ပိုင်ဆိုင်နိုင်ဖို့ အခုပဲ Counseling Session အတွက် စာရင်းပေးသွင်းနိုင်ပါပြီရှင်။
https://www.facebook.com/share/1C5Ut5HPWp/
https://www.facebook.com/share/14WWq5fybcK/
"အခုကစပြီး . . . အတူတူ လျှောက်လှမ်းကြရအောင်နော်"
