What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

https://www.facebook.com/677391968784324/

Swan Pharmacy - စွမ်းဆေးဆိုင်, 71B, Yay Kyaw Road, Yangon (2026)

11/08/2026

ဆေးတစ်ကြိမ်စာ ထိုးဖို့ မြန်မာငွေ ၁၀ဘီလီယံ ကျော် ပေးရတယ်ဆိုတာ ယုံနိုင်ကြမလား? 💸💊

ဒီနေ့ Pharmacy Fun Fact အဖြစ် "ကမ္ဘာ့ဈေးအကြီးဆုံး ဆေးဝါး" အဖြစ် စံချိန်တင်ထားတဲ့ Lenmeldy (atidarsagene autotemcel) အကြောင်း ပြောပြပေးချင်ပါတယ်။

ဆေးတစ်ကြိမ်စာကို $4.25 Million...

ဒီဆေးရဲ့ ဈေးနှုန်းဟာ တစ်ကြိမ်စာ ကုသမှုအတွက်ကိုတင် အမေရိကန်ဒေါ်လာ ၄.၂၅ သန်း (မြန်မာငွေ ၁၀ ဘီလီယံ ကျော်) အထိ ကျသင့်တာဖြစ်လို့ လက်ရှိမှာ ကမ္ဘာ့ဈေးအကြီးဆုံး ဆေးအဖြစ် ရပ်တည်နေတာပါ။

ဒီလောက်တောင် ဈေးကြီးလှတဲ့ ဆေးက ဘာရောဂါကို ကုတာလဲ?

သူက Metachromatic Leukodystrophy (MLD) လို့ခေါ်တဲ့ အလွန်ရှားပါးတဲ့ မျိုးရိုးလိုက် ဗီဇရောဂါကို ကုသတာပါ။ ဒီရောဂါဟာ ကလေးငယ်တွေရဲ့ ဦးနှောက်နဲ့ အာရုံကြောစနစ်ကို တဖြည်းဖြည်း ပျက်စီးစေပြီး လမ်းလျှောက်တာ၊ စကားပြောတာနဲ့ မှတ်ဉာဏ်တွေကို လျော့နည်းသွားစေကာ အသက်အန္တရာယ်အထိ စိုးရိမ်ရတဲ့ ရောဂါဖြစ်ပါတယ်။

သူ့ရဲ့ ကုသပုံ နည်းပညာကော...

Lenmeldy ဟာ အဆင့်မြင့် Gene Therapy (ဗီဇကုထုံး) ဖြစ်ပါတယ်။ လူနာရဲ့ ကိုယ်ပိုင် ပင်မဆဲလ် (Stem cells) တွေကို ခန္ဓာကိုယ်ထဲက ထုတ်ယူပြီး ချို့ယွင်းနေတဲ့ DNA ဗီဇကို ဓာတ်ခွဲခန်းထဲမှာ ပြန်လည်ပြင်ဆင်ပြီးမှ ခန္ဓာကိုယ်ထဲ ပြန်ထည့်ပေးရတာပါ။

ဘာလို့ ဒီလောက်တောင် ဈေးကြီးရတာလဲ?

တစ်သက်မှာ တစ်ကြိမ်ပဲ ကုသရန် လိုခြင်း: သာမန်ဆေးတွေလို ရာသက်ပန် နေ့တိုင်း သောက်/ထိုးနေစရာ မလိုဘဲ တစ်ကြိမ်တည်း ကုသရုံနဲ့ ရောဂါငြိမ်းသွားနိုင်လို့ပါ။
သုတေသန စရိတ် မဟာစိုက် ရင်းရခြင်း: နည်းပါးလှတဲ့ လူနာအရေအတွက်အတွက် အဆင့်မြင့် နည်းပညာတွေသုံးပြီး နှစ်ပေါင်းများစွာ ဘီလီယံနဲ့ချီ သုတေသန ပြုလုပ်ခဲ့ရလို့ ဖြစ်ပါတယ်။

(💡 Lenmeldy မတိုင်မီက Hemgenix ($3.5 Million) နဲ့ Zolgensma ($2.1 Million) တို့က ကမ္ဘာ့ဈေးအကြီးဆုံး ဆေးတွေအဖြစ် စံချိန်တင်ခဲ့ကြတာ ဖြစ်ပါတယ်)

ဒီလို အလွန်အမင်း ဈေးကြီးလှပေမဲ့လည်း ကုသရခက်ခဲတဲ့ ရောဂါသည် ကလေးငယ်တွေနဲ့ မိဘတွေအတွက်တော့ ဒီဆေးဟာ အဖိုးမဖြတ်နိုင်တဲ့ "ဒုတိယအကြိမ် အသက်ဆက်ခွင့်" ပါပဲ။ ✨

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

#ဆေးဝါးဗဟုသုတ
#ကျန်းမာရေးဗဟုသုတ

10/08/2026

အိပ်ရေးဝအောင် အိပ်ထားပေမဲ့ တစ်နေကုန် မောပန်းနွမ်းနယ်နေတာ၊ ခဏခဏ ရေငတ်လို့ ရေသောက်နေရပြီး ဆီးခဏခဏ သွားနေရတာမျိုး ခံစားဖူးပါသလား?

ဒီလို လက္ခဏာတွေဟာ သာမန် ပင်ပန်းရုံတင် မဟုတ်ဘဲ သင့်ခန္ဓာကိုယ်ထဲမှာ သွေးတွင်းသကြားဓာတ် တဖြည်းဖြည်း မြင့်တက်လာနေတဲ့အတွက် ခန္ဓာကိုယ်က ပေးနေတဲ့ သတိပေးအချက်ပြသံ (Warning Signs) တွေပဲ ဖြစ်ပါတယ်။ ဆီးချိုရောဂါဟာ အစပိုင်းမှာ သိသာတဲ့ ဝေဒနာ မပြဘဲ တိတ်တဆိတ် ရောက်လာတတ်တာကြောင့် "တိတ်ဆိတ်သော လူသတ်သမား" လို့ပင် ခေါ်ဆိုကြပါတယ်။

📌 ဆီးချိုရောဂါ အမျိုးအစားများနှင့် ဖြစ်ပွားရသည့် အကြောင်းအရင်းများ

ဆီးချိုရောဂါဟာ ဖြစ်ပွားပုံ မတူညီတဲ့ အမျိုးအစားများစွာ ရှိကြပြီး အဓိကအားဖြင့် အောက်ပါအတိုင်း ခွဲခြားနိုင်ပါတယ် -

ဆီးချို အမျိုးအစား (၁) - ခန္ဓာကိုယ်၏ ကိုယ်ခံအားစနစ် မမှန်ကန်ရာမှ မုန့်ချိုအိတ်အတွင်းရှိ အင်ဆူလင် ထုတ်ပေးသည့် ဆဲလ်များကို မှားယွင်းဖျက်ဆီးလိုက်ခြင်းကြောင့် အင်ဆူလင် လုံးဝ မထွက်တော့သည့် ရောဂါဖြစ်ပါသည်။ မျိုးရိုးဗီဇနှင့် ဗိုင်းရပ်စ်ပိုး ဝင်ရောက်မှုများကြောင့် အသက်ငယ်စဉ် သို့မဟုတ် ကလေးဘဝကတည်းက စတင်ဖြစ်ပွားလေ့ရှိပါသည်။

ဆီးချို အမျိုးအစား (၂) - လူအများဆုံး ဖြစ်ပွားသည့် အမျိုးအစားဖြစ်ပြီး အင်ဆူလင် ထွက်ရှိသော်လည်း ခန္ဓာကိုယ်က ထိရောက်စွာ မသုံးစွဲနိုင်ခြင်း (Insulin Resistance) ကြောင့် ဖြစ်သည်။ အဝလွန်ခြင်း၊ ဝမ်းဗိုက်အဆီစုခြင်း၊ ကိုယ်လက်လှုပ်ရှားမှု နည်းခြင်း၊ အချိုနှင့် အဆီများ အလွန်အကျွံ စားသုံးခြင်းနှင့် အသက်အရွယ် ရလာခြင်းတို့ကြောင့် ဖြစ်ပွားရပါသည်။

ကိုယ်ဝန်ဆောင် ဆီးချို - ကိုယ်ဝန်ဆောင်ချိန်တွင် ထွက်ရှိလာသည့် ဟော်မုန်းများကြောင့် အင်ဆူလင် လုပ်ဆောင်ချက် လျော့ကျကာ သွေးတွင်းသကြားဓာတ် မြင့်တက်လာခြင်း ဖြစ်သည်။ မီးဖွားပြီးပါက ပြန်ကောင်းသွားလေ့ရှိသော်လည်း နောင်တစ်ချိန်တွင် ဆီးချို အမျိုးအစား (၂) ဖြစ်နိုင်ခြေ ပိုများပါသည်။

အခြားသော ဆီးချို အမျိုးအစားများ - မုန့်ချိုအိတ် ရောဂါများ၊ စတီးရွိုက် (Steroid) သောက်ဆေးများ ရေရှည်သုံးစွဲခြင်း၊ ဟော်မုန်း မမှန်သည့် ရောဂါများ (ဥပမာ- PCOS) နှင့် အခြား သွေးတိုးရောဂါများ ကြောင့်လည်း ဖြစ်နိုင်ခြေ များပါတယ်။

📌 ဆီးချိုရောဂါ ဖြစ်စေသည့် အဓိက တရားခံများ

ဆီးချိုရောဂါ (အထူးသဖြင့် ဆီးချို အမျိုးအစား ၂) ဟာ အကြောင်းတစ်ခုတည်းကြောင့် ဖြစ်တာမဟုတ်ဘဲ နေ့စဉ် လူနေမှုပုံစံနဲ့ အခြား အချက်အလက်များစွာ ပေါင်းစပ်မှုကြောင့် ဖြစ်ပွားရတာပါ။

အဝလွန်ခြင်းနှင့် ဝမ်းဗိုက်အဆီ စုပုံခြင်း - ခန္ဓာကိုယ်မှာ အဆီပိုတွေ များလာတဲ့အခါ (အထူးသဖြင့် ဝမ်းဗိုက်ပိုင်း အဆီ) အင်ဆူလင် (Insulin) ဟော်မုန်းရဲ့ အလုပ်လုပ်ဆောင်မှုကို ပိတ်ပင်လိုက်သလို ဖြစ်သွားပြီး အင်ဆူလင်ယဉ်ပါးမှု (Insulin Resistance) ကို ဖြစ်စေပါတယ်။

လှုပ်ရှားမှုနည်းသည့် လူနေမှုပုံစံ - တစ်နေကုန် ထိုင်ပြီး အလုပ်လုပ်ခြင်း၊ လေ့ကျင့်ခန်း မလုပ်ခြင်းတို့က သွေးတွင်းမှာရှိတဲ့ သကြားဓာတ်တွေကို စွမ်းအင်အဖြစ် မလောင်ကျွမ်းနိုင်ဘဖြစ်စေပြီး သွေးတွင်းသကြားဓာတ်ကို လျင်မြန်စွာ မြင့်တက်စေပါတယ်။

အချိုနှင့် ပြုပြင်ထားသော အစားအစာများ လွန်ကဲခြင်း - အချိုရည်များ၊ မုန့်ပဲသရေစာများ၊ အမြန်အစားအစာ (Fast Food) နှင့် ဖြူဖွေးအောင် ပြုပြင်ထားသော ကာဗိုဟိုက်ဒရိတ် (ဥပမာ- ပါမုန့်ဖြူ၊ ခေါက်ဆွဲ) စသည်တို့ကို အလွန်အကျွံ စားသုံးခြင်း။

မျိုးရိုးဗီဇနှင့် အသက်အရွယ် - မိသားစု သွေးဆွေနီးစပ်ထဲမှာ ဆီးချိုရောဂါ ရာဇဝင်ရှိပါက အခြားသူများထက် ဖြစ်နိုင်ခြေ ပိုများသည့်အပြင် အသက် ၃၅-၄၀ ကျော်လာပါက မုန့်ချိုအိတ် စွမ်းဆောင်ရည် ကျဆင်းလာတတ်ပါတယ်။

စိတ်ဖိစီးမှုနှင့် အိပ်ရေးပျက်ခြင်း - ရေရှည် စိတ်ဖိစီးမှုများခြင်းနှင့် ညဘက် အိပ်ချိန် မမှန်ခြင်းတို့သည် Stress Hormone (Cortisol) များကို ထွက်ရှိစေပြီး သွေးတွင်းသကြားဓာတ် ထိန်းချုပ်မှုကို ကမောက်ကမ ဖြစ်စေပါတယ်။

💡 ဆီးချို ကို ထပ်ပြီး မပြန့်ပွားအောင် ဘယ်လို ကာကွယ်ရမလဲ?

ဆီးချို အမျိုးအစား (၂) ဟာ စောစောစီးစီး သိရှိပြီး ပြုပြင်နေထိုင်ပါက ကာကွယ် ထိန်းချုပ်နိုင်တဲ့ ရောဂါဖြစ်ပါတယ်။

၁။ အာဟာရကို မျှတစွာ စားသုံးပါ - ထမင်းပန်းကန်၏ တစ်ဝက်ကို ဟင်းသီးဟင်းရွက်၊ သီးနှံများဖြင့် ဖြည့်ပါ၊ အချိုရည်နှင့် အချိုလွန်ကဲသော မုန့်များကို တတ်နိုင်သမျှ ရှောင်ကြဉ်ပါ။

၂။ ပုံမှန် ကိုယ်လက်လှုပ်ရှားပါ - တစ်ပတ်လျှင် အနည်းဆုံး ၁၅၀ မိနစ် (တစ်နေ့လျှင် မိနစ် ၃၀ ခန့်) လမ်းမှန်မှန်လျှောက်ခြင်း သို့မဟုတ် လေ့ကျင့်ခန်း လုပ်ပါ။

၃။ ကျန်းမာရေး ပုံမှန်စစ်ဆေးပါ - အထူးသဖြင့် အသက် ၃၅ နှစ်ကျော်ပါက တစ်နှစ်လျှင် အနည်းဆုံး တစ်ကြိမ် သွေးတွင်းသကြားဓာတ် (Fasting Blood Glucose) စစ်ဆေးပါ။

သင့်ရဲ့ ဒီနေ့ ပြောင်းလဲလိုက်တဲ့ သမားရိုးကျ လေ့ကျင့်ခန်းလေးတစ်ခုနဲ့ အစားအသောက် ဆင်ခြင်မှုက မနက်ဖြန်ရဲ့ ကျန်းမာရေးအတွက် အကောင်းဆုံး ရင်းနှီးမြှုပ်နှံမှုပဲ ဖြစ်ပါတယ်။ ❤️

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

#ဆီးချိုရောဂါအကြောင်းသိကောင်းစရာ

09/08/2026

ဗုဒ္ဓဟူးနေ့က မေးထားတဲ့🪨 +🧑‍🎣+ 🚧 = ? အီမိုဂျီ ပဟေဠိရဲ့ အဖြေမှန်လေးကတော့... "ကျောက်တံတား" မြို့နယ် ဖြစ်ပါတယ်။ (ကျောက်+ တံ + တား =ကျောက်တံတား)
ပါဝင်ဖြေဆိုပေးကြတဲ့ တစ်ယောက်ချင်းစီတိုင်းကို ကျေးဇူးအထူးတင်ရှိပါတယ်။

အဖြေမှန်သွားတဲ့ ကံထူးရှင်တွကို "စွမ်းဆေးဆိုင်" မိသားစုမှ လှိုက်လှဲစွာ ဂုဏ်ပြုလိုက်ပါတယ်။

90, Ground Floor, Anarahta Road, Kyauk Tadar Tsp, Yangonမှာ ဖွင့်လှစ်တော့မယ့် "စွမ်းဆေးဆိုင်ခွဲ အသစ်" ရဲ့ ဖွင့်ပွဲနေ့ သတင်းကောင်းတွေကိုလည်း ဆက်လက်စောင့်မျှော်ပေးကြပါဦးနော်။

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

08/08/2026

🚨 "သဘာဝကရတာဆိုတော့ ဘာဆိုးကျိုးမှ မရှိဘူး" လို့ ထင်နေတုန်းပဲလား? 🚨

ဆေးသောက်ရမှာ ကြောက်လို့ "တိုင်းရင်းဆေးလေးပဲ သောက်တော့မယ်၊ သဘာဝအတိုင်း လုပ်ထားတာဆိုတော့ ဘာမှမဖြစ်ပါဘူး" ဆိုပြီး တွေးဖူးကြတယ်မလား။
တကယ်တော့ ဒါဟာ လူတော်တော်များများ မှားနေကြတဲ့ အယူအဆပါ။

သဘာဝကရတာ ဖြစ်ပေမဲ့ "အမြဲတမ်း ဘေးကင်းတယ်" လို့တော့ မဆိုလိုပါဘူး။

အထူးသဖြင့် ဆရာဝန်ပေးထားတဲ့ ဆေးသောက်နေရသူတွေဆို ပိုသတိထားရပါတယ်။ သဘာဝအပင်တွေ၊ သစ်ဥသစ်ဖုတွေနဲ့ လုပ်ထားတဲ့ အားဆေးတွေဟာ သာမန်ဆေးတွေနဲ့ သွားဓာတ်ပြုနိုင်လို့ပါ။

⚠️ တွဲသောက်လိုက်တဲ့အခါ -
ပုံမှန်သောက်နေတဲ့ ဆေးအာနိသင် ပျောက်သွားတာ
ဆေးအာနိသင်တွေ လွန်ပြီး ဘေးထွက်ဆိုးကျိုး ပိုခံရတာ
ကျောက်ကပ်နဲ့ အသည်းကို ဝန်ပိသွားတာမျိုးတွေ ဖြစ်လာနိုင်ပါတယ်။

ဒါကြောင့် ဘာဆေးပဲဖြစ်ဖြစ် "သဘာဝ" ဆိုတဲ့ စကားတစ်ခွန်းတည်းနဲ့ စိတ်မချပါနဲ့။ လက်ရှိ ဆေးသောက်နေရရင် ဘာအားဆေးပဲဖြစ်ဖြစ် မသောက်ခင် ကုသပေးနေတဲ့ ဆရာဝန်နဲ့ အရင်တိုင်ပင်တာ အကောင်းဆုံးပါပဲနော်။

မိသားစုနဲ့ မိတ်ဆွေတွေလည်း သတိထားမိအောင် ဒီစာလေးကို မျှဝေပေးလိုက်ပါဦးနော် 🩺✨

💚“ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

06/08/2026

“စွမ်း” page ရဲ့ follower လေးတွေ ဉာဏ်ဘယ်လောက်ကောင်းလဲ စမ်းကြည့်ရအောင်!!

ကျန်းမာရေးအတွက် အမြဲအားကိုးရတဲ့ "စွမ်းဆေးဆိုင်" ရဲ့ ဆိုင်ခွဲအသစ်ကို မကြာမီ ဖွင့်လှစ်တော့မှာ ဖြစ်ပါတယ်။

"စွမ်းဆေးဆိုင်" အသစ်လေး ဘယ်မှာဖွင့်မလဲ... Emoji လေးတွေကြည့်ပြီး ခန့်မှန်းကြည့်ရအောင်ပါ"

မေးခွန်း -🗿 +🧑‍🎣+ 🚫= ?

"ဒီ အီမိုဂျီ (၃) ခု ပေါင်းစပ်ထားတဲ့ ရန်ကုန်ရဲ့ မြို့နယ်နာမည်ကို အဖြေမှန်အောင် မန့်ပေးပါ"
အဖြေမှန်ကို Comment မှာ မန့် ခဲ့ပေးရုံပါပဲ။

အဖြေမှန်သူများထဲက ကံထူးရှင် (၅) ဦးကို တနင်္ဂနွေနေ့ မှာ ထုတ်ပြန်ပေးသွားပါမယ်။
ကဲ... အဖြေမှန်ကို အမြန်ဆုံး ခန့်မှန်းလိုက်ကြရအောင်!

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

05/08/2026

📌 ဆေးသောက်ပြီးရင် ချက်ချင်း မအိပ်ပါနဲ့!! 🚫💊

ညဘက် ဆေးသောက်ပြီးတာနဲ့ အိပ်ရာထဲ တန်းဝင်လှဲလိုက်တဲ့ အကျင့်ရှိပါသလား? ဒါဆိုရင်တော့ ဒီအချက်လေးကို သတိထားဖို့ လိုပါမယ်။

ဆေးသောက်ပြီးပြီးချင်း ချက်ချင်း လှဲအိပ်လိုက်တာဟာ အဝတ်အစားဝတ် ရေချိုးသလို ရိုးရိုးရှင်းရှင်းလေး ထင်ရပေမဲ့ ကျွန်မတို့ရဲ့ ကျန်းမာရေးအတွက်တော့ မထင်မှတ်ထားတဲ့ ဘေးထွက်ဆိုးကျိုးတွေ ပေးနိုင်ပါတယ်။

❓ ဘာကြောင့် မအိပ်သင့်တာလဲ?

အစာရေမြိုပြွန် လောင်ကျွမ်းနိုင်ခြင်း: ဆေးပြား/ဆေးတောင့်တွေဟာ လည်ချောင်းနဲ့ အစာရေမြိုပြွန်မှာ ကပ်ကျန်ခဲ့ပြီး အစာအိမ်ထဲ တန်းမရောက်ဘဲ ဖြစ်နေတတ်ပါတယ်။ ဆေးအစိမ်းက အစာရေမြိုပြွန် အမြှေးပါးကို ပျက်စီးစေပြီး အနာဖြစ်တာ၊ ပြင်းထန်စွာ ရောင်ရမ်းတာတွေ ဖြစ်စေနိုင်ပါတယ်။

ရင်ပူပြီး အက်ဆစ်ပြန်တက်ခြင်း (Acid Reflux): ဆေးသောက်ပြီး ရေပြင်ညီ လှဲလိုက်တဲ့အခါ အစာအိမ်ထဲက အက်ဆစ်နဲ့ ဆေးအရှိန်တွေ အထက်ကို ပြန်တက်လာပြီး ရင်ဘတ်အောင့်တာ၊ စပ်ဖျင်းဖျင်းဖြစ်တာတွေ ကြုံရတတ်ပါတယ်။

ဆေးအာနိသင် ထိရောက်မှု လျော့နည်းခြင်း: ဆေးက အစာအိမ်ထဲ မရောက်ဘဲ လမ်းခုလတ်မှာ တင်ကျန်နေရင် ခန္ဓာကိုယ်က ဆေးအာနိသင်ကို ပြည့်ပြည့်ဝဝ စုပ်ယူနိုင်မှာ မဟုတ်ပါဘူး။

💡 ဆေးသောက်တဲ့အခါ ဒါလေးတွေ သတိထားရအောင်

၁။ ရေများများသောက်ပါ: ရေတစ်ငုံစာမကဘဲ ရေဖန်ခွက် တစ်ခွက်အပြည့် (၂၀၀-၂၅၀ မီလီလီတာ) သောက်ပေးပါ။

၂။ အချိန် ခေတ္တစောင့်ပါ: ဆေးသောက်ပြီးရင် အနည်းဆုံး မိနစ် ၂၀ မှ ၃၀ အထိ မလှဲဘဲ မတ်မတ်ထိုင်ပါ (သို့) မတ်မတ်ရပ်ပေးပါ။

၃။ ညအိပ်ခါနီး သောက်ရမယ့်ဆေးများ: ညအိပ်ခါနီး သောက်ရမယ်ဆိုရင်တောင် မအိပ်ခင် မိနစ် ၃၀ ကြိုသောက်တဲ့ အကျင့်လေး လုပ်ပေးပါ။

မသိသေးတဲ့ မိသားစုဝင်တွေနဲ့ မိတ်ဆွေတွေကိုဆီကိုလည်း Share ပေးပြီး သတိပေး လိုက်ပါဦးနော်။ ✨

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

#ကျန်းမာရေးဗဟုသုတ
#ဆေးသောက်နည်း

Care

04/08/2026

🥤 "သင်နေ့တိုင်းသောက်နေတဲ့ အအေးတွေက တစ်ချိန်က 'ဆေး' ဖြစ်ခဲ့ဖူးတယ်ဆိုတာ သိပါသလား" 💊

ဒီနေ့ခေတ်မှာ ကျွန်မတို့ သောက်သုံးနေကြတဲ့ ကမ္ဘာကျော် Soft Drinks (အအေး) တော်တော်များများဟာ ဆေးဝါးကျွမ်းကျင်သူ (Pharmacist) တွေရဲ့ လက်ထဲကနေ စတင်မွေးဖွားလာခဲ့တာဖြစ်ပါတယ်။

၁၉ ရာစုတုန်းက Pharmacist တွေဟာ ဆေးဆိုင်လာတဲ့ လူနာတွေရဲ့ အစာမကြေတာ၊ ခေါင်းကိုက်တာနဲ့ စိတ်ဖိစီးတာတွေကို သက်သာစေဖို့ "ဆေးရည်ချို (Tonic Syrup)" တွေကို စတင်ဖော်စပ်ခဲ့ကြရာကနေ ဒီနေ့ခေတ် Soft Drinks တွေ ဖြစ်လာခဲ့တာပါ။

Pharmacist တွေ တီထွင်ခဲ့တဲ့ နာမည်ကြီး Soft Drinks များ

Coca-Cola:
၁၈၈၆ ခုနှစ်မှာ John Stith Pemberton ဆိုတဲ့ ဆေးဝါးကျွမ်းကျင်သူက ခေါင်းကိုက်တာနဲ့ နာတာရှည် ရောဂါဝေဒနာတွေကို သက်သာစေဖို့ ဆေးရည်အဖြစ် စတင်ဖော်စပ်ခဲ့တာပါ။

Pepsi:
၁၈၉၃ ခုနှစ်မှာ Caleb Bradham ဆိုတဲ့ Pharmacist က အစာကြေစေဖို့နဲ့ အင်အားပြည့်ဝစေဖို့ ရည်ရွယ်ပြီး "Brad's Drink" ဆိုတဲ့ အမည်နဲ့ စတင်ဖော်စပ်ခဲ့ပြီး နောက်ပိုင်းမှ Pepsi-Cola လို့ ပြောင်းလဲခဲ့ပါတယ်။(Pepsi ဆိုတဲ့ နာမည်က အစာချေအင်ဇိုင်း 'Pepsin' ကနေ ဆင်းသက်လာတာ ဖြစ်ပါတယ်)

Dr Pepper:
၁၈၈၅ ခုနှစ်မှာ Charles Alderton ဆိုတဲ့ ဆေးဝါးကျွမ်းကျင်သူက တီထွင်ခဲ့တာဖြစ်ပြီး Coca-Cola ထက်တောင် သက်တမ်း ပိုရင့်ပါတယ်။

7Up:
၁၉၂၉ ခုနှစ်မှာ Charles Leiper Grigg တီထွင်ခဲ့စဉ်က စိတ်ဓာတ်ကျတာနဲ့ စိတ်ဖိစီးမှုကို သက်သာစေတဲ့ Lithium Citrate တွေ ပါဝင်ခဲ့လို့ ဆေးဝါးအဖြစ် သုံးခဲ့ကြပါတယ်။ (နောက်ပိုင်းမှ ဒီဓာတ်ကို ဖြုတ်လိုက်တာပါ)။

💡 ဆေးဆိုင်ကနေ ကမ္ဘာကျော် အချိုရည်များဖြစ်လာပုံ

အဲ့ဒီခေတ်က ဆေးဆိုင်တွေမှာ ဆေးရည်တွေကို ကာဘွန်နိတ်ရေ (Soda Water) နဲ့ ရောစပ်ပေးတဲ့ "Soda Fountain" ဆိုတဲ့ ကောင်တာလေးတွေ ရှိခဲ့ပါတယ်။ ဆေးသောက်ရမှာ ကြောက်တဲ့သူတွေအတွက် သောက်ရလွယ်အောင် ရောစပ်ပေးရင်းကနေ လူကြိုက်များပြီး ကမ္ဘာကျော် Soft Drinks တွေ ဖြစ်လာခဲ့တာပဲ ဖြစ်ပါတယ်။

⚠️ မူလက ဆေးဝါးအဖြစ် တီထွင်ခဲ့ကြသော်လည်း ယနေ့ခေတ် Soft Drinks များတွင် သကြားဓာတ် (Sugar) များစွာ ပါဝင်သဖြင့် ပမာဏလွန်ကဲစွာ သောက်သုံးခြင်းကို ရှောင်ကြဉ်ပြီး ကျန်းမာရေးအတွက် လျှော့သောက်ဖို့လည်း မမေ့နဲ့နော်။ ❤️

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

HealthcareTips

03/08/2026

ဩဂုတ် (၁) ရက်ကနေ (၇) ရက်နေ့အထိဟာ ကမ္ဘာ့မိခင်နို့တိုက်ကျွေးရေး ရက်သတ္တပတ် (World Breastfeeding Week) ပဲဖြစ်ပါတယ်… 🤱✨

"နို့တိုက်ရတာ ကြည့်ရသလောက် မလွယ်ပါဘူး" ဆိုတာ မေမေတိုင်း ခါးခါးသီးသီး ကြုံဖူးကြမှာပါ။ ညဘက် အိပ်ရေးပျက်တာ၊နို့ခဲတာတွေအပြင် "ကလေးကို နို့မဝအောင် မတိုက်ဘူးလား" ဆိုတဲ့ ဘေးလူတွေရဲ့ စကားတွေကြား စိတ်ဓာတ်ကျစရာတွေနဲ့ ရင်ဆိုင်ရလေ့ရှိပါတယ်။
ဒါပေမဲ့ မိခင်နို့ဟာ ကလေးအတွက် မေမေပေးနိုင်တဲ့ အကောင်းဆုံး ကာကွယ်ဆေးနဲ့ သဘာဝလက်ဆောင် ပါပဲ။
💡 မိခင်နို့ရဲ့ အကျိုးကျေးဇူးများ -
အထူးကောလင်းစထရမ် (Colostrum)
မီးဖွားပြီးစ ပထမဆုံးထွက်တဲ့ နို့ဦးရည်ဟာ ကလေးအတွက် ပထမဆုံးနဲ့ အာနိသင်အရှိဆုံး သဘာဝကာကွယ်ဆေးဖြစ်ပါတယ်။
သဘာဝအာဟာရ ရရှိမှု
အသက် (၆) လအထိ ရေတောင်တိုက်စရာမလိုဘဲ မိခင်နို့တစ်မျိုးတည်းဖြင့် လိုအပ်တဲ့ အာဟာရနှင့် ရောဂါခုခံအား အပြည့်အဝရရှိစေပါတယ်။
မိခင်နို့တိုက်ကျွေးခြင်းဆိုတာ မေမေတစ်ယောက်တည်း ကြိုးစားရမယ့် တာဝန်မဟုတ်ပါဘူး။ ဖေဖေတွေရဲ့ ကူညီမှု၊ မိသားစုရဲ့ နားလည်ပေးမှုနဲ့ အလုပ်ခွင်ရဲ့ ပံ့ပိုးမှုတွေ စနစ်တကျ ရှိမှသာ မေမေတို့ စိတ်အေးချမ်းစွာ တိုက်ကျွေးနိုင်မှာပါ။

ဒီ ဩဂုတ် ၁-၇ ရက်နေ့အထိ ကမ္ဘာ့မိခင်နို့တိုက်ကျွေးရေး ရက်သတ္တပတ်မှာ မေမေတို့ရဲ့ နို့တိုက်ကျွေးမှု ခရီးစဉ်အတွက် အားလုံးက အနီးကပ် ဝိုင်းဝန်းကူညီပေးကြရအောင်။
မေမေတို့ရော ကလေးကို နို့တိုက်ရတာ ဘယ်လိုအခက်အခဲတွေ ကြုံခဲ့ရလဲ? အမှတ်တရလေးတွေ Comment မှာ ဝေမျှသွားကြပါဦးနော် 👇💭

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

02/08/2026

"ဆေးတိုင်းကို အစာစားပြီးမှ သောက်သုံးသင့်လား?????"

ဆေးသောက်တော့မယ်ဆိုရင် “ ဗိုက်ထဲ အစာမရှိရင် အစာအိမ် ထိခိုက်လိမ့်မယ်" ဆိုပြီး ဆေးတိုင်းကို မနက်စာ သို့မဟုတ် အစာစားပြီးမှပဲ သောက်နေတုန်းပဲလား…❓

ဒါဆိုရင်တော့ သောက်နေတဲ့ ဆေးအာနိသင် မရဘဲ အလဟဿ ဖြစ်နေနိုင်ပါတယ်။

ကျွန်မတို့ အများစုဟာ ဆေးဆိုရင် အစာမရှိပဲ မသောက်ရဘူး၊ အစာစားပြီးမှ သောက်ရမယ်လို့ စွဲမြဲစွာ မှတ်ယူထားတတ်ကြပါတယ်။

ဒါပေမဲ့ "ဆေးတိုင်းကို အစာစားပြီးမှ သောက်ရတာ မဟုတ်ပါဘူး" ❌

အချို့သော ဆေးဝါးတွေဟာ အစာအိမ်ထဲမှာ အစာ (သို့) အက်ဆစ်ဓာတ်ရှိနေရင် ဆေးအာနိသင် လျော့နည်းသွားတတ်တာကြောင့် မနက်စောစော အစာမရှိတဲ့အချိန် (သို့) အစာမစားမီ (မိနစ် ၃၀ - ၁ နာရီ) သောက်မှသာ ခန္ဓာကိုယ်က အပြည့်အဝ စုတ်ယူနိုင်မှာ ဖြစ်ပါတယ်။

💊 အစာမစားမီ (မနက်စောစော) မဖြစ်မနေ သောက်ရမည့် ဆေးများ-

သိုင်းရွိုက်ရောဂါသောက်ဆေးများ (Thyroid Medications)

👉 မနက်နိုးနိုးချင်း ဗိုက်ဟောင်းလောင်း မှာ ရေရိုးရိုးတစ်ဖက်ခွက်နဲ့ သောက်ပေးရပါမယ်။ (အစာ၊ ကော်ဖီ ဒါမှမဟုတ် နို့နဲ့ တွေ့သွားရင် ဆေးအာနိသင် စုတ်ယူမှုကို တားဆီးလိုက်လို့ပါ။)

အရိုးပါးရောဂါ ကာကွယ်/ကုသဆေးများ ( Bisphosphonates)

👉 ဆေးအာနိသင် ခန္ဓာကိုယ်ထဲ အပြည့်အဝ စုတ်ယူနိုင်ဖို့အတွက် အစာမစားမီ ကြိုတင် သောက်သုံးပေးရပါမယ်။

ဆီးချိုသောက်ဆေးများ (Oral Diabetes Pills)

👉 ဆေးအမျိုးအစားအလိုက် အစာမစားမီ သတ်မှတ်ထားတဲ့ အချိန်အတိအကျ (ဥပမာ - အစာမစားမီ မိနစ် ၃၀ ကြိုသောက်ရန်) လိုက်နာပြီး သောက်သုံးပေးရပါမယ်။

💡ဒီဆေးတွေဟာ ဗိုက်ထဲမှာ အစာ သို့မဟုတ် အခြားသောက်စရာတွေ ရှိနေရင် ဆေးအာနိသင် ထိရောက်မှု မရှိတော့တာမို့ ဆရာဝန်နဲ့ ဆေးဝါးကျွမ်းကျင်သူတွေ ညွှန်ကြားတဲ့ အချိန်အတိအကျအတိုင်း သောက်ပေးဖို့ အထူးအရေးကြီးပါတယ်။

🍽 အစာစားပြီးမှသာ သောက်ရမည့် ဆေးများ-

အကိုက်အခဲပျောက်ဆေးများ (Ibuprofen, Diclofenac) နဲ့ စတီရွိုက်ဆေးများ (Prednisolone) ကတော့
အစာအိမ်အမြှေးပါးကို ယားယံ/ထိခိုက် စေနိုင်တာမို့ အစာစားပြီးမှသာ သောက်သုံးရပါမယ်။

📊 ဆေးဘက်ဆိုင်ရာ အလွဲများ

❌ : ဆေးတိုင်းကို အစာစားပြီးမှ သောက်ရမယ်။ အစာမရှိရင် အစာအိမ် ထိခိုက်မယ်။

✅ : ဆေးတိုင်း မဟုတ်ပါ။ အချို့ဆေးများသည် ဗိုက်ဟောင်းလောင်း သောက်မှသာ အာနိသင် အပြည့်အဝ ရရှိပါမည်။
မိမိနဲ့ မိသားစုဝင်တွေ ဆေးဝါးများကို မှန်ကန်စွာ သောက်သုံးနိုင်ဖို့အတွက် ဒီ Post လေးကို Share ပြီး သိမ်းထားလိုက်ကြရအောင်နော်… 💙

💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

01/08/2026

အဆုတ်ကင်ဆာကို ကာကွယ်တားဆီးနိုင်လား??????

🫁 ဩဂုတ်လ (၁) ရက် - ကမ္ဘာ့အဆုတ်ကင်ဆာနေ့ (World Lung Cancer Day) 🫁

အဆုတ်ကင်ဆာဟာ ကမ္ဘာတစ်ဝန်းမှာ ဖြစ်ပွားမှုနဲ့ သေဆုံးမှု အများဆုံး ကင်ဆာရောဂါတွေထဲက တစ်ခု ဖြစ်ပါတယ်။ အဆုတ်ကင်ဆာ ဖြစ်ပွားမှု တိုင်း ကို မဖြစ်အောင် ရာနှုန်းပြည့် မတားဆီးနိုင်ပေမဲ့ ဖြစ်ပွားနိုင်ခြေ လျှော့ချရေးနဲ့ စောစီးစွာ စစ်ဆေးတွေ့ရှိရေးတိုဖြင့် အသက်ပေါင်းများစွာကို ကယ်တင်နိုင်ပါတယ်။
🛡 အဆုတ်ကင်ဆာ အန္တရာယ်မှ ဘယ်လိုကာကွယ်မလဲ။
🚭ဆေးလိပ် ချက်ချင်းဖြတ်ပါ 🚭
ဆေးရွက်ကြီးနဲ့ ဆေးလိပ်ကို စွန့်လွှတ်ခြင်းဟာ အဆုတ်ကင်ဆာကို ကာကွယ်ဖို အထိရောက်ဆုံး နည်းလမ်းပါ။ မည်သည့်အသက်အရွယ်မှာမဆို ဆေးလိပ်ဖြတ်တာနဲ့ ကင်ဆာဖြစ်နိုင်ခြေ အချိန်နဲ့အမျှ ပိုမိုလျော့နည်းသွားပါလိမ့်မယ်။
🛑တစ်ဆင့်ခံ ဆေးလိပ်ငွေ့ကို ရှောင်ပါ 🛑
ကိုယ်တိုင် ဆေးလိပ်မသောက်ပေမဲ့ သူတစ်ပါးသောက်တဲ့ ဆေးလိပ်ငွေ့ကို ပုံမှန်ရှူရှိက်မိသူတွေမှာလည်း အဆုတ်ကင်ဆာဖြစ်နိုင်ခြေ မြင့်တက်လာနိုင်ပါတယ်။ သင့်အိမ်နဲ့ မော်တော်ကားကို ဆေးလိပ်ငွေ့ကင်းစင်အောင် ထားပါ။
🌫လေထုညစ်ညမ်းမှု ထိတွေ့မှု နည်းအောင်နေပါ 🌫
Air Quality Index (AQI) ကို စစ်ဆေးပါ၊ လေထုညစ်ညမ်းချိန်တွင် အပြင်ထွက်ပါက N95 Mask စနစ်တကျ တပ်ဆင်ပါ၊ အိမ်တွင်းမှာ Air Purifier (လေသန့်စင်စက်) သုံးပါ။
👷လုပ်ငန်းခွင် ဘေးအန္တရာယ်များမှ ကာကွယ်ပါ 👷
ကျောက်ဂွမ်း (Asbestos)၊ ဆီလီကာဖုန်မှုန့် (Silica dust)၊ ဒီဇယ်အိတ်ဇောငွေ့ သိုမဟုတ် အခြားဓာတုဒြပ်ပစ္စည်းများ ပါဝင်သည့် လုပ်ငန်းခွင်ဖြစ်ပါက သင့်တော်သော ကာကွယ်ရေးပစ္စည်းများကို စနစ်တကျ အသုံးပြုပါ။
🏠 ရာဒွန်ဓာတ်ငွေ့ (Radon Gas) ကို သတိပြုပါ 🏠
အဆောက်အအုံများအတွင်း မမြင်နိုင်၊ အနံ့မရဘဲ စုပုံနေတတ်တဲ့ ရာဒွန်ဓာတ်ငွေ့ ထိတွေ့မှုရှိသည်ဟု သံသယရှိပါက အိမ်တွင်း လေထုအဆင့် စစ်ဆေးမှု ပြုလုပ်ပါ။
⚠️ သတိပြုရန် အချက်
ကျန်းမာရေးနဲ့ ညီညွတ်စွာ စားသောက်ခြင်းနဲ့ ပုံမှန် ကိုယ်လက်လှုပ်ရှားမှုတိုဟာ အထွေထွေ ကျန်းမာရေးကို အထောက်အကူပြုပေမဲ့ ဆေးလိပ်သောက်ခြင်း သိုမဟုတ် ဓာတုပစ္စည်း/လေထုညစ်ညမ်းမှုများကြောင့် ဖြစ်လာမယ့် အန္တရာယ်များကိုတော့ အပြည့်အဝ ဖျက်ဆီးမပေးနိုင်ပါ။
ကျန်းမာသန့်ရှင်းတဲ့ လေကို ရှူရှိက်ရင်း ကင်ဆာကင်းစင်သော အနာဂတ်ဆီသို့ တူတူလှမ်းချီကြစို့။ 💙
💚 “ယုံကြည်စိတ်ချစွာ ‘စွမ်း’ မှာ ဆေးဝယ်ပါ” 💚

#စွမ်းဆေးဆိုင်

#အဆုတ်ကင်ဆာအသိပညာပေး

Swan Pharmacy - စွမ်းဆေးဆိုင်

11/08/2026

10/08/2026

09/08/2026

08/08/2026

06/08/2026

05/08/2026

04/08/2026

03/08/2026

02/08/2026

01/08/2026

Address

Opening Hours

Website

Alerts

Shortcuts

Share

Category

Listing takedown request

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00