28/08/2026
༓ ကျန်းမာရေးက စလို့ တစ်သက်တာ စီးပွားတိုးတက်ကြစေဖို့ ༓
တောင်တန်းသာသာနာပြု ဆရာတော်ဘုရားကြီး ဦးဥတ္တမသာရ ကိုယ်တော်တိုင် ကျန်းမာရေးအတွက် ချီးမြှင့်တော်မူခဲ့တဲ့နည်းတစ်ခုဟာ နောက်ဆုံးမှာ တစ်သက်တာ စီးပွားတိုးတက်စေဖို့အထိ အကျိုးပေးနိုင်ခဲ့တဲ့ အကြောင်းလေးကို ရေးပေးပါမယ်။ ဆရာတော်ဘုရားကြီးနဲ့ စီးပွားလာဘ်လာဘကိစ္စကို တွဲပြီး ဆိုလိုက်ရင် ရေစက်တိုက်ဆိုင်သူအချို့အနေနဲ့ ဂုဏ်တော်ကွန်ချာကို ပြေးမြင်မိကြနိုင်ပေမယ့် ဒီနည်းထဲမှာ မပါဝင်ပါဘူး။ ဒီအကြောင်းကို ပြန်ပြောပြခဲ့သူဟာ ခုနှစ်သက္ကရာဇ်အတိအကျတွေကိုတော့ မပြောသွားခဲ့ပဲ လွန်ခဲ့တဲ့ ဆယ်စုနှစ်ပေါင်းများစွာတုန်းက ရှေးဟောင်းနှောင်းဖြစ်အနေနဲ့သာ ပြောပြသွားခဲ့တာ ဖြစ်ပါတယ်။
အဲဒီအချိန်တုန်းက ဆရာတော်ဘုရားကြီးဟာ ဖလမ်းမြို့အနီး ချင်းတောင်တန်းပေါ်မှာ သီတင်းသုံးနေဆဲပါ။ တစ်နေ့မှာတော့ ပန်းနာရင်ကျပ်ရောဂါကို ပြင်းပြင်းထန်ထန် ခံစားနေရတဲ့ လူနာ ဒကာကြီးတစ်ဦးဟာ သူ့ရဲ့ဆရာတစ်ဦးထံကနေ ဆရာတော်ဘုရားကြီး သီတင်းသုံးတော်မူတဲ့နေရာအတိအကျကို ရလို့ ကျန်းမာရေးကိစ္စ ဖြစ်ကြောင်းကုန်စင်ကို စာတိုက်မှတစ်ဆင့် ပေးပို့ လျှောက်ထားခဲ့ပါတယ်။
ဒါကြောင့် ဆရာတော်ဘုရားကြီးဟာ နတ်ဆေးဂမုန်းများနဲ့ ပူးတွဲစာထဲမှာ ရွတ်ဆိုပူဇော်နည်းတစ်ခုကို ရေးသားပြီး ပြန်လည် ပေးပို့ ချီးမြှင့်တော်မူခဲ့ပါတယ်။ နောက်ပိုင်းမှာ ဆရာ၊ ဒကာ အကြိမ်ကြိမ် အဆက်အသွယ်ရလာပြီး ဆရာတော်ဘုရားကြီးဟာ နတ်ဆေးဂမုန်းများကို မကြာခဏ ပေးပို့တော်မူခဲ့သလို ဒကာကြီးလည်း နောက်ဆုံးမှာတော့ ရောဂါဝေဒနာတွေ သက်သာပျောက်ကင်းသွားခဲ့ပါတယ်။ ဒီမှာပဲ ဒကာကြီးဟာ တစ်ဆင့်တက်ပြီး စီးပွားလာဘ်လာဘအတွက် အရဲစွန့်လျှောက်ထားလိုက်ပါတော့တယ်။
အဲဒီအခါ ဆရာတော်ဘုရားကြီးက ယခင်ပူးတွဲစာထဲက ရွတ်ဆိုပူဇော်နည်းကိုပဲ ပြန်ရေးပေးကာ "ကျန်းမာရေး၊ စီးပွားရေး၊ လာဘ်လာဘ၊ ဘေးအန္တရာယ်မှ စ၍ ကောင်း၏" လို့ ဒီမျှသာ ထပ်မံ အမိန့်ရှိတော်မူလိုက်ပါတယ်။ ဒါကြောင့် ဒကာကြီးလည်း မကျန်းမာစဉ်ကထက် ပိုတိုးပြီး ယုံကြည်စွာ အကြိမ်ကြိမ် ရွတ်ဆိုခဲ့တဲ့အတွက် ပင်စင်ယူပြီးနောက်မှာတောင် စားဝတ်နေရေးအတွက် မပူပင်ရရုံသာမက စီးပွားရေးတွေ ဒီရေအလား တိုးတက်လာခဲ့ကာ ဆယ်စုနှစ်အတော်ကြာအောင် ဘာရောဂါမှ ထပ်မဖြစ်တော့ပဲ ကျန်းကျန်းမာမာလည်း နေထိုင်သွားခဲ့ရပါတော့တယ်။
ဆရာတော်ဘုရားကြီး ချီးမြှင့်တော်မူခဲ့တဲ့ နည်းထဲမှာ အပိုင်း ၃ ခု ပါဝင်ပြီး အားလုံးကို အစဉ်အတိုင်း တွဲဖက် ရွတ်ဆိုရမှာပါ။ ရွတ်ဆိုပူဇော်နည်းကို ပြောပြပါမယ်။
"""တောင်တန်းသာသာနာပြု ဆရာတော်ဘုရားကြီး ဦးဥတ္တမသာရ ချီးမြှင့်တော်မူခဲ့သော ရွတ်ဆိုပူဇော်နည်းတစ်ခု"""
၁။ ဗုဒ္ဓံ သရဏံ ဂစ္ဆာမိ။
ဓမ္မံ သရဏံ ဂစ္ဆာမိ။
သံဃံ သရဏံ ဂစ္ဆာမိ။
ဒုတိယမ္ပိ ဗုဒ္ဓံ သရဏံ ဂစ္ဆာမိ။
ဒုတိယမ္ပိ ဓမ္မံ သရဏံ ဂစ္ဆာမိ။
ဒုတိယမ္ပိ သံဃံ သရဏံ ဂစ္ဆာမိ။
တတိယမ္ပိ ဗုဒ္ဓံ သရဏံ ဂစ္ဆာမိ။
တတိယမ္ပိ ဓမ္မံ သရဏံ ဂစ္ဆာမိ။
တတိယမ္ပိ သံဃံ သရဏံ ဂစ္ဆာမိ။
၂။ နတ်လူသတ္တဝါအားလုံး ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာ ကျန်းမာချမ်းသာကြပါစေ။ ကောင်းကျိုး လိုအင်ဆန္ဒ ပြည့်ကြပါစေ။ (၃ ကြိမ်)
၃။ *ဗောဇ္ဈင်္ဂသုတ်*
.........
အမှတ် ၁ ကနေ ၃ အထိ အစဉ်အတိုင်း တွဲဖက် ရွတ်ဆိုပြီးမှသာ တစ်ခေါက်အဖြစ် သတ်မှတ်ရမှာပါ။ ကျွန်တော့်ရဲ့အယူအဆအရတော့ စီးပွားလာဘ်လာဘ သိသာစွာ တိုးတက်လိုတယ်ဆိုရင် နေ့စဉ်တစ်ခေါက်စီ ရွတ်ရုံနဲ့တော့ လုံလောက်မှာ မဟုတ်ပဲ အနည်းဆုံး ၇ ခေါက်ကနေ ဒီထက်မက ပိုပြီး ရွတ်ဆိုပေးသင့်ပါတယ်။ မရွတ်ဆိုခင်မှာ မြတ်စွာဘုရားကို ဆွမ်း၊ ပန်း၊ ရေချမ်း၊ ဆီမီး၊ အမွှေးတိုင် စသဖြင့် ပူဇော်ပေးနိုင်ရင်လည်း အတိုင်းထက်အလွန် ကောင်းပါလိမ့်မယ်။
ဗောဇ္ဈင်္ဂသုတ်ရဲ့အဓိပ္ပါယ်ကို သေသေချာချာ ဖတ်ကြည့်လိုက်ရင် ကျန်းမာရေးအတွက်သာမက စီးပွားရေးနဲ့ အခြားသောကိစ္စတွေအတွက်ပါ ဘာကြောင့်အကျိုးပြုလဲဆိုတာကို နားလည်သဘောပေါက်သွားမှာပါ။ သရဏဂုံနဲ့ မေတ္တာပို့ကတော့ ပြောစရာလိုတော့မယ် မထင်ပါဘူး။ လိုအပ်သူတို့ ရွတ်ဆိုပွားများ ကုသိုလ်ယူနိုင်ကြစေဖို့ အဖိုးမဖြတ်နိုင်တဲ့နည်းတစ်ခုကို ဖော်ပြလိုက်ရပါတယ်။ ယနေ့ကျရောက်တဲ့ ဝါခေါင်လပြည့်နေ့က စလို့ ရေစက်တိုက်ဆိုင်သူအပေါင်း ကျန်းမာချမ်းသာခြင်းများနဲ့ ပြည့်စုံနိုင်ကြပါစေ။ share ထားနိုင်ပါတယ်။ နောက်ရက်တွေမှာလည်း လောကီပညာအကြောင်း စာတွေဆက်ရေးသွားဦးမှာမို့ ဖတ်လိုရင် follow လုပ်ထားနိုင်ပါတယ်ခင်ဗျာ။
⬧⬧⬧⬧⬧⬧⬧⬧⬧⬧
✶ ပညာဒါနစာတွေနဲ့ ပတ်သက်ပြီးဖြစ်စေ၊ လောကီပညာအကြောင်းဖြစ်စေ၊ သိချင်တာရှိရင် လာမေးနိုင်ပါတယ်။ တတ်နိုင်သလောက် ဖြေကြားပေးပါမယ်။
✶ ကိစ္စပေါင်းစုံအတွက် အဟောမေးနိုင်ပါတယ်။ ဆေးဖယောင်းတိုင် အစီအရင်လည်း ပြုလုပ်ပေးပါတယ်။
09780992963 ဖုန်း/viber/telegram
