Travel with Kit

  • Home
  • Travel with Kit
Call Contact the practice

Travel with Kit Traveling is FUN.

ငြိမ်သက်ခြင်းဆိုတာ အရှုံးပေးလိုက်တာ မဟုတ်ဘူး ။စကားနည်းလာတိုင်း စိတ်ဓာတ်ကျနေတာ မဟုတ်ဘူး ။ငြင်းခုံရမှာ ပျင်းလို့ ၊ သက်သေပြ...
27/08/2026

ငြိမ်သက်ခြင်းဆိုတာ အရှုံးပေးလိုက်တာ မဟုတ်ဘူး ။
စကားနည်းလာတိုင်း စိတ်ဓာတ်ကျနေတာ မဟုတ်ဘူး ။
ငြင်းခုံရမှာ ပျင်းလို့ ၊ သက်သေပြရမှာ မောလို့ပဲ ။

အသက်တစ်နှစ်ကြီးလာတိုင်း
ပြဿနာတိုင်း ဝင်မပါချင်တော့ဘူး ။
လူတိုင်းကို နားလည်အောင် လိုက်ရှင်းပြနေရတာ မတန်ဘူး။

ကိုယ့်တန်ဖိုးကို သိတဲ့သူက
စကားမပါလည်း သိတယ် ။
ကိုယ့်ကို အထင်သေးတဲ့သူက
ပါးစပ်နဲ့ ဘုရားစူးပြောလည်း ယုံမှာ မဟုတ်ဘူး ။

အဲဒီအခါ ပြုံးပြီး ငြိမ်နေလိုက်တယ် ။

လူတစ်ယောက်ရဲ့ မျက်လုံးကို ကြည့်ရင်
စေတနာအတု ၊ အပြုံးအတုကို ရိပ်မိတယ် ။
နှလုံးသားက လိမ်လို့မရဘူး ။

ဟန်ဆောင်ကောင်းတဲ့သူတွေက
ဇာတ်လမ်းတိုပဲ ကပြနိုင်တယ် ။
ဇာတ်လမ်းရှည်မှာတော့ မောပန်းပြီး မျက်နှာဖုံးကျွတ်ကျတာပဲ။

ဒါကြောင့် တခါတလေ နားလည်မှုလွဲရင်
စကားနဲ့ မဖြေရှင်းဘဲ အချိန်ကိုပဲ ထားလိုက်တယ် ။

ငါ့ရဲ့ ငြိမ်သက်မှုဟာ ငါ အားနည်းလို့ မဟုတ်ဘူး ။
ငါ့ စွမ်းအင် ဖြုန်းဖို့ မထိုက်တန်လို့ပဲ ။

Two face တွေကို မြင်ဖူးကြသလား ကျမကတော့ မြင်ဖူးတယ် 🫣ကိုယ့်ကို ပုခုံးဖက်ပေါင်းတိုင်း "အစ်မကို ချစ်ခင်လေးစားနေပါတယ်" ပြောနေ...
09/08/2026

Two face တွေကို မြင်ဖူးကြသလား
ကျမကတော့ မြင်ဖူးတယ် 🫣

ကိုယ့်ကို ပုခုံးဖက်ပေါင်းတိုင်း
"အစ်မကို ချစ်ခင်လေးစားနေပါတယ်" ပြောနေတိုင်း
တကယ်ချစ်နေ လေးစားနေတာ မဟုတ်တာကို နောက်ပိုင်းမှာ ပိုပိုသိလာရတယ် 🤗

အဲ့လိုလုပ်တတ်သူတွေမှာလေ
လူသာပြောင်းသွားမယ် ဇာတ်လမ်းကတော့ အတူတူပဲ
သူ့ကို မြင်လိုက်ရင် TwoFace နဲ့
နေနိုင်လိုက်တာဟယ်ဆိုပြီး
တကယ့်ကို တအံ့တဩ အံ့ဩစရာကောင်းလောက်အောင် စိတ်ပျက်မိရတယ် 🫩🫩🫩

အရမ်းအမြင်ကတ်ပါတယ်လို့ ပြောဖူးတဲ့သူကို Social မှာ ချစ်ပြနိုင်တယ်
လေးစားနေရကြောင်း ရေးတင်နိုင်တယ်
သူနဲ့တွဲပြီး ပုံတွေ ရိုက်ပြီး ချစ်ပြနိုင်တယ် 🫢

ဟော.. သူ့ရဲ့ အလုပ်တွေကို ခိုးနေပါတယ် စည်းမရှိပါဘူးဆိုပြီး အရမ်းစိတ်ဆိုးရပါတယ်လို့
သူလာပြောပြဖူးတဲ့သူကိုလည်း
“အချစ်ရဆုံး အတော်ဆုံး လို့ ကွန့်မန့်ရေးနိုင်တယ် ချိုနိုင်တယ်တော့် 🙄

သူကအကျင့်မကောင်းဘူး
ဇွတ်ဖြူစင်ပြနေပါတယ်လို့ လာပြောတဲ့သူနဲ့လည်း
“အရမ်းအားပေးနေတာနော်” လို့ သူပြောနိုင်တယ် 🫠

အလုပ်အတူလုပ်နေတဲ့ ပါတနာ အကျင့်မကောင်းဘူးနော် သူ့အပေါ် အကျင့်ယုတ်တယ် သတိထားလို့ လာတားပေမယ့်
သူကတော့ social မှာ "တအားချစ်စရာကောင်းပြီး လေးစားရတယ် လို့ ရေးတင်နိုင်တယ် 🫡

သူက ကိုယ်ကျင့်သိက္ခာမကောင်းဘူး
အနေထိုင်မတတ်ဘူး ပြောထားသူကိုလည်း ချစ်ခင်လေးစားရကြောင်းတွေနဲ့ တသွင်သွင် ရေးတင်နိုင်တယ် 😐

သူ့ကိုသတိထားပေါင်းနော် ဘယ်လိုမကောင်းတာပါပြောပေမယ့် "ချစ်လိုက်တာ လှလိုက်တာ" ဆိုပြီး Comment ရေးနိုင်ကြပြန်တယ် 😫

သူ့ကိုမြင်ရင် တအားစိတ်ပျက်တာပဲ အာရုံအရမ်းနောက်ရတယ် သတိထားနော်လို့ ပြောဆိုနေပေမယ့် အဲ့ဒီလူနဲ့ သူမသိသူမသိ cbမှာ ပလူးနေနိုင်ကြတယ် 😵‍💫

လူမှုဆက်ဆံရေးတွေ ကောင်းဖို့ဆိုတဲ့နေရာမှာ
ဒီလို Two Face တွေနဲ့ နေရမှ
လူတွယ်ကျယ်ဖြစ်ပြီး အရမ်းဆက်ဆံရေးကောင်းတယ်လို့ ထင်ခံရမှာမို့လိုလားရှင်... !

အဲလို လူတွေကို စိတ်ရှုပ်လွန်းလို့ Social Media မှာတောင် ဘာမှသိပ် မတင်ဖြစ်တော့ဘူး..
ခုလဲ တချို့ ပိုစ့်တွေ မြင်ရတာ စိတ်ပျက်လွန်းလို့ ရေးမိပြန်တယ်ရှင် 🤐🤐🤐
ပညာတွေလဲ ရတာ မကုန်နိုင်သောပါနော်
တော်သေးဘီ
😂😂😂

ခေတ်သစ်အမျိုးသမီးများအတွက် လိုက်နာသင့်သည့် "ပညတ်တော် ၁၀ ပါး"​၁။ ကိတ်မုန့်နဲ့ ပန်းသီး ကြားမှာ ရွေးရမယ်ဆိုရင် ရေတစ်ဖန်ခွက်...
04/06/2026

ခေတ်သစ်အမျိုးသမီးများအတွက် လိုက်နာသင့်သည့် "ပညတ်တော် ၁၀ ပါး"

​၁။ ကိတ်မုန့်နဲ့ ပန်းသီး ကြားမှာ ရွေးရမယ်ဆိုရင် ရေတစ်ဖန်ခွက်ကိုပဲ ရွေးလိုက်ပါ။
​ကျန်းမာရေးနဲ့ အလှအပအတွက် ကယ်လိုရီတွေ၊ သကြားတွေကို လျှော့ချပြီး ရေများများသောက်တာက အကောင်းဆုံးပါပဲ။
​၂။ သန်းခေါင်ကျော်နေပြီဖြစ်ပြီး ခေါင်းလျှော်ဖို့၊ ခြေထောက်မွေးရိတ်ဖို့၊ လက်သည်းညှပ်ဖို့ ကျန်သေးတယ်ဆိုရင် အမြဲတမ်း "အိပ်စက်ခြင်း" ကိုပဲ ရွေးချယ်ပါ။
​ခြေထောက်ကို ဖုံးထားလို့ရတယ်၊ ဆံပင်ကို မြင်းမြီးပုံစံ စည်းထားလို့ရတယ်၊ လက်သည်းကိုတော့ နောက်မှ အရောင်လွင်လွင်လေး ဆိုးလိုက်လို့ရတယ်။ ဒါပေမဲ့ ပင်ပန်းနွမ်းနယ်နေတဲ့ မျက်နှာနဲ့ စိတ်တိုဒေါသထွက်နေတဲ့ မူဒ် (Mood) ကိုတော့ ဘာနဲ့မှ ဖုံးကွယ်လို့ မရနိုင်ပါဘူး။
​၃။ အခွင့်အရေးရတိုင်း ခရီးထွက်ပါ။
​အတွေ့အကြုံသစ်တွေဟာ အသက်ကြီးရင့်သွားရုံတင်မဟုတ်ဘဲ ရင့်ကျက်တည်ငြိမ်တဲ့ ပညာတွေကို ရရှိစေမယ့် အကောင်းဆုံးနည်းလမ်းဖြစ်ပါတယ်။
​၄။ တစ်စုံတစ်ယောက် ဒါမှမဟုတ် တစ်ခုခုကို မဝေဖန်၊ မဆုံးဖြတ်ခင် ကိုယ့်ကိုယ်ကိုယ် အရင်မေးပါ - "ဒါ ငါနဲ့ တကယ်ပဲ ဆိုင်ရဲ့လား?" လို့။
​ပြီးရင်တော့ ပါးစပ်ကိုပိတ်ပြီး ကိုယ့်ဘဝကိုယ် အေးအေးဆေးဆေး ရှင်သန်လိုက်ပါ။
​၅။ စိတ်သောကများရတဲ့ အချစ်ဇာတ်လမ်းနဲ့ ပိုက်ဆံရှာနိုင်မယ့် အခွင့်အလမ်း ကြားမှာဆိုရင် "ပိုက်ဆံ" ကိုပဲ ရွေးချယ်ပါ။
​ကိုယ့်ခြေထောက်ပေါ်ကိုယ် ရပ်တည်နိုင်ခြင်းက ပိုပြီး စိတ်အေးချမ်းရပါတယ်။
​၆။ ပါတီပွဲက ဘယ်လောက်ပဲ ကြာကြာ၊ ဘယ်လောက်ပဲ ပျော်ဖို့ကောင်းကောင်း မိမိရဲ့ ကိုယ်ပိုင်အိပ်ရာပေါ်မှာပဲ ပြန်နိုးထနိုင်ဖို့ ဘာမဆို လုပ်ပါ။
​ကိုယ့်အိမ်၊ ကိုယ့်အိပ်ရာကသာ အလုံခြုံဆုံးနဲ့ အသက်တောင့်ဆုံးပါပဲ။
​၇။ စိတ်အခြေအနေ မတည်ငြိမ်တဲ့သူတစ်ယောက်အတွက် ကိုယ့်ရဲ့အချိန်တွေ၊ ခံစားချက်တွေကို ပေးဆပ်နေရတာဟာ...
​သင်က သူတို့ဆီက ပိုက်ဆံရနေတဲ့ စိတ်ရောဂါကုထုံးပညာရှင် (Therapist) တစ်ယောက်ဖြစ်မှပဲ ထိုက်တန်ပါလိမ့်မယ်။ (မဟုတ်ရင်တော့ အချိန်ကုန်၊ လူပန်းရုံပါပဲ။)
​၈။ အငြင်းအခုန်တွေဟာ အမှန်တရားကို ထွက်လာစေတာ ရှားပါတယ်။ ခေါင်းကိုက်တာပဲ အဖတ်တင်တတ်ပါတယ်။
​"အေးပါ... နင်ပြောသလိုပဲ ထားပါတော့" ဆိုတဲ့ စကားစုလေးက သင့်အချိန်တွေကိုရော၊ သင့်ရဲ့ အာရုံကြောတွေကိုပါ ကယ်တင်ပေးနိုင်ပါတယ်။
​၉။ တစ်ယောက်တည်း အေးအေးဆေးဆေး ဖြတ်သန်းရတဲ့ နေ့တစ်နေ့ဟာ...
​ဘယ်လို Spa (စပါး) သွားတာထက်မဆို သင့်ရဲ့ခွန်အားတွေကို ပိုပြီး ပြန်လည်ပြည့်ဖြိုးစေပါတယ်။
​၁၀။ မသက်မသာဖြစ်စေတဲ့ ဖိနပ်အကျပ်ကြီးတွေကို စီးပြီး အောင့်ခံနေရလောက်အောင်...
​ဒီလောကမှာ ဘယ်ယောက်ျားမှ မထိုက်တန်ပါဘူး။ (ကိုယ့်ကိုယ်ကိုယ် သက်သောင့်သက်သာရှိဖို့က အဓိကပါ။)

အေးတော့ ရေနွေးကြမ်းလေး လုပ်သောက်ရင်းသတိရပြီး ရေးချင်လာလို့ ရေနွေးကြမ်းသောက်တဲ့အခါ အနံ့လေးကို အရင်ရှူသွင်းပြီး ဒီအချိန်မှ...
19/01/2026

အေးတော့ ရေနွေးကြမ်းလေး လုပ်သောက်ရင်းသတိရပြီး ရေးချင်လာလို့

ရေနွေးကြမ်းသောက်တဲ့အခါ
အနံ့လေးကို အရင်ရှူသွင်းပြီး
ဒီအချိန်မှာ ရေနွေးလေးကို
အခုလို အေးဆေးစွာထိုင်သောက်နိုင်တဲ့အတွက်
ကိုယ့်ကိုကိုယ် ကျေးဇူးတင်ပါတယ် လို့တွေးရမယ်တဲ့
ပြီးရင် တစ်ငုံသောက်လိုက်ပြီး
ဒီရေနွေး သောက်ခွင့်ရအောင်လုပ်ပေးသူကို
ကျေးဇူးတင်ပါတယ် လို့တွေးပါတဲ့
( လက်ဖက်ရည်ဆိုင်က စားပွဲထိုးလေးလဲ ဖြစ်နိုင်သလို
ဧည့်ခံတဲ့အိမ်ရှင် ဒါမှမဟုတ် ကိုယ့် မိသားစု
ရေနွေးတိုက်တဲ့သူ မည်သူမဆိုပေါ့လေ )
ပြီးရင်နောက် တစ်ငုံသောက်ပြီး
လက်ဖက်ခြောက် လက်ဆောင်ပေးတဲ့သူ
ရောင်းတဲ့ ကုန်သည် စိုက်တဲ့တောင်သူ အဆုံးပေါ့လေ
တစ်ငုံချင်းစီသောက်ရင်း
တကယ် လှိုက်လှိုက်လှဲလှဲ
ကျေးဇူးတင်ပါတယ်လို့ တွေးပါ တဲ့

ရေနွေးလေးသောက်တဲ့အချိန်ခဏမှာ
စိတ်ကလေး ငြိမ်းချမ်းပြီး ပတ်သက်ဆက်စပ်သမျှ
အားလုံးကို ကျေးဇူးတင်ရတာဟာ
တကယ်ကို အရသာ ရှိပါတယ် 💜

ဒါပေမယ့်လေ ကျွန်မတို့ နေ့စဉ်ဘဝမှာ
ဒီလိုလေး အေးဆေးစွာ နေဖြစ်တဲ့အချိန်ကတော့
တကယ်ကို ရှားပါတယ်

အဲ့လို ရှားပါးတဲ့အခိုက်တန့်လေးတွေ
ရရှိပိုင်ဆိုင်ခွင့် ရနေတယ်ဆိုရင်
သင်ဟာ ကံအကောင်းဆုံး လူပါပဲ 🍀

ရေနွေးကြမ်းလေး တစ်ခွက်က အစပြုလို့
စဉ်းစားလိုက်ရင်တောင် ကျေးဇူးတင်စရာတွေများတာ
ကျွန်မတို့နေ့စဉ်ဘဝမှာ ပတ်သက် ဆက်စပ်နေသမျှ
လူတွေအားလုံး ဖြစ်ရပ်တွေအားလုံးကို စဉ်းစားလိုက်ရင်
ကျေးဇူးတင်စရာ တကယ်ကို အများကြီးပါ 😇

အခုချိန်ကတော့
စိတ်ကြည်နေတုန်းမို့
အကြည်ဓာတ်လေးတွေ
မျှဝေတာပါ 😊
အဆုံးထိဖတ်ပေးလို့ ကျေးဇူးတင်ပါတယ် 🙏🙏🙏

2026 မှာ သူငယ်ချင်းတွေ ကို အကြံပေးချင်တဲ့စကားတစ်ခုကတော့ မိမိကိုယ်ကိုပဲ focus ထားပြီးရှင်သန်ဖို့ပဲ။ ကိုယ်ဖြစ်ချင်တဲ့ အရာတ...
31/12/2025

2026 မှာ သူငယ်ချင်းတွေ ကို အကြံပေးချင်တဲ့စကားတစ်ခုကတော့ မိမိကိုယ်ကိုပဲ focus ထားပြီးရှင်သန်ဖို့ပဲ။

ကိုယ်ဖြစ်ချင်တဲ့ အရာတွေ၊ကိုယ်လုပ်ချင်တဲ့အလုပ်တွေကိုပဲ ခေါင်းထဲထည့်ပြီး ကိုယ်လိုချင်တဲ့လမ်းကိုသွားဖို့ ဖြေးဖြေးနဲ့မှန်မှန် ကြိုးစားသွား။

ကိုယ့်ရဲ့စိတ်ချမ်းသာမှု၊စိတ်အေးချမ်းမှုကို ဦးစားပေးပြီးရှင်သန်ပါ။ကိုယ့်ကိုရွေးချယ်တဲ့လူတွေကိုပဲ ရွေးချယ်ပါ။ ကိုယ့်ကိုမရေရာတဲ့ခံစားချက်ပေးတဲ့လူတွေဆီက ပြတ်ပြတ်သားသား ထွက်လာခဲ့ပါ။

လူတိုင်းက ကိုယ့်ကို မချစ်တာ ၊ မခင်တာ ၊ မကြည်ဖြူတာတွေကို လိုတာထက်ပိုပြီးအာရုံစိုက်မနေပါနဲ့။ လူတိုင်းမှာ Favorite ကိုယ်စီရှိတတ်ကြပြီး အဲ့ဒီfavorite က ကိုယ်မဟုတ်လည်း it doesn’t matter .

ဘဝမှာ မိမိရဲ့စိတ်အေးချမ်းသာယာမှုကအရေးအကြီးဆုံးပဲဆိုတာကိုမမေ့နဲ့။ ဘဝမှာ လုပ်ယူလို့မရတာလုပ်ယူလို့ရတာတွေရှိတယ်။ လုပ်ယူလို့မရတာက တစ်ယောက်ယောက်ရဲ့စိတ်ရင်းအမှန်၊ချစ်ခြင်းမုန်းခြင်းတွေဆိုတာ လုပ်ယူလို့မရဘူး။

လုပ်ယူလို့ရတာက ဖြစ်ချင်တာတွေ၊အိပ်မက်တွေဆိုတာကြိုးစားတည်ဆောက်ယူလို့ရတယ်။ အဓိကက ကိုယ့်ကိုယ်ကိုယ်မပျောက်ဆုံးစေနဲ့ပဲ။
2026 ဟာ အကောင်းဆုံးတွေသယ်ဆောင်လာမဲ့နှစ်တစ်နှစ်ထက် အကောင်းဆုံးလုပ်နိုင်တဲ့ နှစ်တွေထဲက တစ်ခုဖြစ်လာပါစေ ။

လောကမှာ မဆုံချင်ဆုံးကအနာပေးလိုက် ဆေးပေးလိုက် နဲ့ လူကိုစိတ်ကင်ဆာပေးတဲ့သူမျိုးတွေသူမကောင်းတာကို ကိုယ်မကောင်းတာလို့ထင်အောင်...
20/12/2025

လောကမှာ မဆုံချင်ဆုံးက

အနာပေးလိုက် ဆေးပေးလိုက် နဲ့ လူကို

စိတ်ကင်ဆာပေးတဲ့သူမျိုးတွေ

သူမကောင်းတာကို ကိုယ်မကောင်းတာလို့

ထင်အောင်လုပ်ပီး

သူ့အမှားကနေ ကိုယ့်အမှားဖြစ်အောင်လုပ်တဲ့သူတွေပဲ❤️‍🩹

အလိုရှိရင် လာပက်သက်မယ်၊

မလိုတော့ဖူးဆို စိတ်ဒုက္ခပေးသွားမယ်၊

ကိုယ်က ရှောင်လိုက်ပီဆို အတင်းပြန်လာရောမယ်❤️‍🩹

အားနာတဲ့စိတ်နဲ့ ပြန်ကောင်းပေးမိရင်

ထပ်ပီး ရင်ဝစောင့်/က/န် စိတ်ဒုက္ခထပ်ပေးမယ်၊

နောက်ဆုံး လုံးဝ မပက်သက်ချင်လို့

ဥပေက္ခာပြုလိုက်ရင်

ကိုယ်ကမကောင်းတဲ့သူ တယောက်လို

လူတကာကို လိုက်ပြောပီး ပန်းနုသွေးမယ်၊

အကြိမ်ကြိမ် အနာပေးလိုက် ဆေးပေးလိုက်

အချိုကျွေးလိုက် အခါးကျွေးလိုက်နဲ့

စိတ်ကို ကင်ဆာပေးတဲ့သူမျိုးတွေ

ဆက်ကောင်းပေးဖို့အတွက် လုံးဝကို

မတန်တဲ့သူမျိုးတွေ ဆိုတာရှိကိုရှိတယ်၊

ဥပေက္ခာပြုကို ပြုသင့်တဲ့ သူမျိုးတွေပေါ့ ❤️‍🩹❤️‍🩹❤️‍🩹

Address


Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:30 - 17:00
Saturday 09:00 - 14:00

Telephone

+9595139874

Website

Alerts

Be the first to know and let us send you an email when Travel with Kit posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Travel with Kit:

Shortcuts

  • Want your practice to be the top-listed clinic?

Share