Мэндцэцэн ӨЭМТ-ийн жирэмсэн болон төрсөн ээжүүд

11/07/2026

Ургийн өсөлтийн саатал

01/07/2026

01/07/2026

Жирэмсний дунд 3 сард хийгдэх үзлэгүүдийн талаар мэдээлэл хүргэж байна.
Энэ сэдвээр асуух асуулт байвал коммент үлдээгээрэй.

Хэрэгтэй хүмүүст нь шейр хийгээрэй.
Амжилт 🥰🥰🥰

25/06/2026

ЖИРЭМСНИЙ ХЯНАЛТЫН АЧ ХОЛБОГДОЛ
🔹Жирэмсний хяналтад орсноор жирэмсний тээлтийн хугацаанд үүсэж болох олон төрлийн эрсдэлээс сэргийлэх боломжтой.
🔹Жирэмсэн эмэгтэй 12 долоо хоногийн дотор жирэмсний хяналтад орж анхны үзлэгийг хийлгэнэ.
🔹Жирэмсний тээлтийн хугацаанд хэвийн явцтай жирэмсэн эх 6 удаа, өндөр эрсдэлтэй жирэмсэн эх 8 удаа үзүүлнэ.
🔹Эрт буюу 12 долоо хоногийн дотор хяналтад орох нь дараах ач холбогдолтой.
🤰🏼Жирэмсний хугацааг хамгийн зөв тодорхойлно
📆Жирэмсний амралт авах хугацаа, төрөх хугацааг нарийвчлан тогтооно
🔸Эхийн биед буй эрхтэн тогтолцооны эмгэгийг эрт оношилж, жирэмсний явцад хүндэрч амь насанд аюул учруулах эрсдэлтэй эсэхийг урьдчилан тогтоож, эмчилнэ
🔸Жирэмсний бүх хугацаанд эхийн биеийн байдлыг нарийвчлан хянаж, жирэмсний эмгэг үүсэж буй эсэхийг цаг алдалгүй оношилж эмчлэх боломж бүрдэнэ.
🔸Хэрэв та энэ удаагийн жирэмслэлтийг хүсэхгүй эсвэл жирэмсний болон төрөлтийн явцад хүндрэл үүсэж таны амь насанд аюул учирч болох эрсдэлтэй бол жирэмслэлтийг эрт хугацаанд, аюул багатайгаар шийдэх боломж бүрдэнэ
🔸Хэвлий дэх ургийн өсөлтийг хянаж ургийн эмгэгийг эрт илрүүлж эмчлэхээс гадна төрсний дараах нярайн эрт үеийн тусламжийг цаг алдалгүй үзүүлэх боломж бүрдэнэ
🔸Залуу эцэг эхчүүдэд жирэмсний болон төрөлтийн явцад сахивал зохих эрүүл ахуйн дэглэмийг эзэмшихэд тустай
🔸Төрөлтийн өвдөлтийг хөнгөвчлөх дасгал хөдөлгөөн бусад аргуудыг эзэмшинэ
🔸Жирэмсэн эх болон түүний гэр бүлийнхэнд жирэмсэн үеийн хооллолт, ажил амралтын дэглэмийг зохицуулах, нөхөн үржихүйн эрүүл мэнд, гэр бүл төлөвлөлтийн талаар мэдлэг олгох ач холбогдолтой.

11/06/2026

🤰🧠Жирэмсэн үед ой санамж муудахыг буюу "жирэмсний тархи" эсвэл "момнези" гэж нэрлэдэг бөгөөд түр зуурын хугацаанд илэрдэг түгээмэл үзэгдэл юм. Энэ нь таны бие махбодь ээж болоход дасан зохицож өөрчлөгдөж байгаагийн нэг шинж юм. Жирэмсэн үед ой тогтоолт муудах нь дараах шалтгаануудтай. Үүнд:
1. Дааврын өөрчлөлт : Эстроген болон прогестероны өөрчлөлт нь танин мэдэхүйн үйл ажиллагаа болон ой санамжид нөлөөлдөг гэж үздэг.
2. Тархины шинэчлэл: MRI судалгаагаар жирэмсэн тархины тодорхой хэсгүүдэд саарал бодисын хэмжээ буурч байгааг харуулсан бөгөөд судлаачид үүнийг тархи дахин шинэчлэгдэж хүүхдэдээ илүү анхаарлаа төвлөрүүлж, эх үрийн холбоог сайжруулахад тусалдаг гэж үзэж байна.
3. Нойрны хямрал ба стресс: Ядаргаа, нойргүйдэл, удахгүй болох амьдралын өөрчлөлтийн талаарх түгшүүр нь анхаарал төвлөрөл болон ой тогтоолтод ихээхэн саад учруулдаг.
Хэрэв энэ мартамхай байдал таны өдөр тутмын амьдралд саад учруулж байвал дараах аргуудыг хэрэглээрэй.
❇️Сануулга ашиглах: Утсан дээрээ хуанлийн аппликейшн ашиглах, халаасны төлөвлөгч авч явах, уулзалт, өдөр тутмын ажлуудад сэрүүлэг тавих.
❇️ Нэг хэвийн дадалтай болох: Байнга хэрэглэдэг зүйлс болох түлхүүр, түрүүвч гэх мэт зүйлсийг өдөр бүр яг нэг газарт байрлуулж хэвшил болгоорой.
❇️ Сайн амрах : нойрны чанарт анхаарч, хэт их ажиллахгүй завсарлага авч сурах хэрэгтэй.
Хэрэв ой санамж муудах нь таны өдөр тутмын ажил болон амьдралд саад учруулж байнгын сэтгэл гутрал шинж илэрч ердийн үед дуртай зүйлдээ сонирхолгүй болох зэрэг шинж тэмдэг илэрвэл эмчийн зөвлөгөө авах хэрэгтэй.