Сэлэнгэ аймаг Нэгдсэн эмнэлэг

30/08/2026

🫀 Зүрхээ хайрлая!

Зүрх судасны өвчнөөс сэргийлэхийн тулд өдөр тутамдаа:
-давсны хэрэглээг багасгаж
-зөв хооллож
-тамхинаас татгалзаж
-архины хэрэглээг хязгаарлан
-биеийн жингээ зохистой хэмжээнд барьж
-тогтмол дасгал хөдөлгөөн хийхийг зөвлөж байна.

20/08/2026

Насанд хүрсэн хүн хоногт авах нийт илчлэгийн 30%-иас илүүгүйг өөх тосноос авах нь зүйтэй.
- Ханасан тос: Амьтны гаралтай мах, сүү, цөцгийн тос /40гр/ ойролцоогоор 2 жижиг амны халбага
- Транс тос: Нийт илчлэгийн 1%-иас хэтрэхгүй байх шаардлагатай.

18/08/2026

🇲🇳🇨🇳 ХӨХ ХОТЫН ХЯТАД-МОНГОЛ АНАГААХ УХААНЫ ЭМНЭЛЭГТЭЙ ХАМТЫН АЖИЛЛАГААГАА ӨРГӨЖҮҮЛНЭ

Улсын Их Хурлын гишүүн Ч.Ундрамын санаачилгаар хэрэгжиж буй туршлага солилцох үйл ажиллагааны эхний ээлжийн оролцогчид болох Сэлэнгэ аймгийн Нэгдсэн эмнэлгийн эмч, мэргэжилтнүүд БНХАУ-ын Хөх хот дахь Хятад-Монгол уламжлалт анагаах ухааны эмнэлэгт туршлага судалж, эмнэлгийн тусламж, үйлчилгээний шинэ арга, дэвшилтэт технологитой танилцлаа.

Туршлага судлах үеэр уламжлалт болон орчин үеийн анагаах ухаан, сэргээн засах эмчилгээ, мэс засал, хавдар, эрдэм шинжилгээ, инноваци, телемедициний чиглэлээр харилцан туршлага солилцож, цаашид хамтран ажиллах боломжийн талаар санал солилцлоо.

Цаашид эмч, мэргэжилтнүүдийн сургалт, туршлага солилцоог тогтмолжуулж, Сэлэнгэ аймгийн Нэгдсэн эмнэлэгт нутагшуулах боломжтой сайн туршлага, шинэ арга технологийг нэвтрүүлэхээр зорьж байна.

18/08/2026

🇲🇳🇰🇷 ХАМТЫН АЖИЛЛАГАА ӨРГӨЖИЖ БАЙНА

Сэлэнгэ аймгийн Нэгдсэн эмнэлгийн эмч Б.Цогтбаатар 2026 оны 7 дугаар сард БНСУ-ын Жеонжү хотын Софиа эмнэлэгт эмэгтэйчүүдийн шээс задгайралын “Mini Sling Y-Yoddogi” мэс засал, үтрээний пластик, лазер эмчилгээ, филлер болон гоо сайхны мэс заслын чиглэлээр сургалтад хамрагдлаа.

Сургалтаас ирээд “Mini Sling Y-Yoddogi” мэс заслыг 3 үйлчлүүлэгчид амжилттай хийж, шинэ технологийг орон нутагт нутагшуулж байна.

🤝 2026.08.14-нд Сэлэнгэ аймгийн Нэгдсэн эмнэлэг БНСУ-ын Жеонжү хотын Софиа эмнэлэгтэй хамтын ажиллагааны гэрээ байгуулж, цаашид эмч, сувилагч нарыг дээрх чиглэлээр БНСУ-д сургах шинэ боломж нээгдлээ.

12/08/2026

" МЭНДЧИЛГЭЭ "
Хүн ардынхаа эрүүл мэндийг хамгаалах үйлсэд сэтгэл зүтгэлээ зориулж, эрүүл энхийн манаанд эрдэм чадал, энэрэнгүй сэтгэлээр зүтгэж буй эмнэлгийн алдар гавьяатай үе үеийн ахмад буурлууд болон одоо ажиллаж буй нийт эмч, эмнэлгийн мэргэжилтэн, ажилтан та бүхэндээ Эрүүл мэндийн салбарын "Ажилтны өдөр"-н мэндийг өөд өөд нь өргөн дэвшүүлье.
Энэ өдөр ажил үйлсээрээ хамт олноо манлайлан ,хөдөлмөр бүтээлээ үнэлүүлэн шагнагдсан доорх нийт эмч,эмнэлгийн ажилтанууддаа халуун баярыг хүргэе.

Эрүүл мэндийн яамны “Жуух бичиг”-ээр шагнагдсан

1.Мэс засал, хагалгааны тасгийн Гэмтлийн их эмч М.Оюунсогоо
2.Поликлиник тасгийн шүдний техникч А.Хулан
3.ЗАА-н тасгийн хүний нөөцийн мэргэжилтэн Д.Алтанчимэг
4.ЭБТҮЦогцолборын эх баригч Б.Янжинсүрэн, Б.Намсрай

“Эрүүлийг хамгаалахын тэргүүний ажилтан” цол, тэмдгээр шагнагдсан

1.Дотор,мэдрэлийн тасгийн эрхлэгч ,дотоод шүүрлийн эмч Р.Бадамханд
2.Мэс засал,хагалгааны нэгдсэн тасгийн хагалгааны сувилагч Д.Болортуяа
3. Хими эмчилгээний сувилагч П.Элбэгсайхан
4.Сэтгэцийн тасгийн туслах сувилагч Я.Отгонтуяа 5.Дэмжих үйлчилгээний албаны ажилтан Я.Эрдэнэбат,Ц.Алтанхүү

Та бүхэндээ халуун баяр хүргэж, цаашдын ажил үйлсэд нь өндөр амжилт, аз жаргал, эрүүл энхийг хүсэн ерөөе.

Эмч, эмнэлгийн мэргэжилтэн, ажилтан бидний өдөр бүрийн хөдөлмөр, хүнлэг сэтгэл, хариуцлагатай үйлс олон хүний амь нас, эрүүл мэндийг хамгаалж байдаг билээ.

Та бүхний ажил үйлс өөдрөг, хөдөлмөр бүтээл арвин, эрүүл энх, аз жаргал, сайн сайхан бүхнээр дүүрэн байх болтугай!

СЭЛЭНГЭ АЙМГИЙН НЭГДСЭН ЭМНЭЛЭГ

27/07/2026

🤝 ТАЛАРХАЛ

Сэлэнгэ аймгийн Нэгдсэн эмнэлгийн ахмад ажилтан О.Чимгээ гуайн бага хүү, “Камус” компанийн үүсгэн байгуулагч З.Баатар эмчлүүлэгчдийн ая тухтай орчин, тав тухыг сайжруулахад зориулан 30 ширхэг хөнжил, 30 ширхэг гудас хандивлаж, бодит дэмжлэг үзүүллээ.

Таны энэхүү өгөөмөр сэтгэл, нийгмийн хариуцлагын хүрээнд үзүүлсэн үнэ цэнтэй тусламж нь эмчлүүлэгчдийн тав тухыг нэмэгдүүлэхэд чухал хувь нэмэр болж байна.

Сэлэнгэ аймгийн Нэгдсэн эмнэлгийн хамт олны нэрийн өмнөөс чин сэтгэлийн талархал илэрхийлж, цаашдын ажил үйлсэд нь өндөр амжилт, сайн сайхан бүхнийг хүсэн ерөөе.

Сайн үйлс бүхэн дэлгэрэх болтугай.

09/07/2026

07/07/2026

Гэдэсний халдвараас сэргийлье

03/07/2026

🩺👶 СЭЛЭНГЭ АЙМГИЙН НЭГДСЭН ЭМНЭЛЭГТ НЯРАЙН ЗҮРХНИЙ СКРИНИНГИЙН ҮЙЛЧИЛГЭЭНД АШИГЛАХ ЭХО АППАРАТ ХҮЛЭЭЛГЭН ӨГЛӨӨ

🤝 Сэлэнгэ аймгийн Нэгдсэн эмнэлгийн хүсэлт, хэрэгцээний дагуу НҮБ-ын Хүүхдийн сан (UNICEF)-аас 62 сая төгрөгийн өртөг бүхий орчин үеийн зөөврийн ЭХО аппаратыг манай эмнэлэгт хүлээлгэн өглөө.

💙 Энэхүү тоног төхөөрөмжийг ашигласнаар:
✅ Нярайн төрөлхийн зүрхний гажгийг эрт илрүүлэх
✅ Эрсдэлт эмгэгийг цаг алдалгүй оношлох
✅ Нарийн мэргэжлийн эмчилгээ, хяналтад шуурхай хамруулах
✅ Эх, нярайн тусламж үйлчилгээний чанар, аюулгүй байдлыг сайжруулах
✅ Орон нутагт орчин үеийн оношилгооны хүртээмжийг нэмэгдүүлэх чухал ач холбогдолтой юм.

🏥 Сэлэнгэ аймгийн Нэгдсэн эмнэлэг нь эх, нярайн эрүүл мэндийг хамгаалах, чанартай, аюулгүй тусламж үйлчилгээг иргэддээ хүргэх зорилгын хүрээнд энэхүү аппаратыг бүрэн хүчин чадлаар нь ашиглан ажиллах болно.

Эх, хүүхдийн эрүүл мэндийг дэмжих энэхүү үнэтэй хөрөнгө оруулалтыг хийж, бодит дэмжлэг үзүүлсэн НҮБ-ын Хүүхдийн сан, хамтран ажилласан байгууллага, хамт олондоо Сэлэнгэ аймгийн Нэгдсэн эмнэлгийн хамт олны нэрийн өмнөөс чин сэтгэлийн талархал илэрхийлье.