What are the opening hours?

Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/102456621468070/

Сэтгэл зүйч А.Нандинжаргал

Home
Mongolia
Ulaanbaatar
Сэтгэл зүйч А.Нандинжаргал

Эерэг сэтгэл заслын зөвлөх
- Насанд хүрэгч
- Гэр бүл \эцэг эх, хүүхэд\
- Хосын сэтгэл зүйн зөвлөгөө үйлчилгээ

20/08/2026

🫠Бидний одоогийн төлөв байдал, сэтгэл санааны байдалд юу нөлөөлдөг вэ? уг мэдрэмжийн жинхэнэ учир шалтгааныг бид үнэхээр ойлгож чаддаг уу?

Заримдаа шалтгаан нь ойлгомжтой мэт санагддаг. Гэхдээ ижилхэн мэдрэмжийн ард өөр өөр шалтгаан, хэрэгцээ, амьдралын нөхцөл байдал нуугдаж байдаг.

⚡️ Сэтгэл судлалыг ойлгох нь өөрийгөө болон бусдыг илүү сайн таньж мэдэхэд тусалдаг. Ингэснээр та өөрийнхөө үйлдэл, бусдын зан байдал, мөн харилцаанд юу болж байгааг илүү гүнзгий ойлгоход гүүр болж өгдөг 🌱

#сэтгэлзүйнболовсрол #сэтгэлсудлал #сэтгэлзүйнэрүүлмэнд #сэтгэлзасал

18/08/2026

😨Та өөрийн ой санамж, мэдэрч буй зүйл болон бодит байдлыг зөвөөр хүлээн авч байгаа эсэхдээ байнга эргэлздэг үү?

Хэн нэгэн таны хийгээгүй, хэлээгүй зүйлд хүртэл таныг буруутай мэт мэдрэмжийг танд төрүүлж байсан уу?

Магадгүй та газлайтинг буюу сэтгэл зүйн хүчирхийллийн нэг хэлбэрт өртсөн байж болзошгүй юм.

🔽 хэсгээс харилцаан дахь газлайтинг гэж юу болох, ямар хэлбэрээр илэрдэг, манипуляцийн жишээ болон хүний сэтгэл зүйд ямар үр дагавар авчирдаг, хамгийн чухал нь газлайтингаас өөрийгөө хэрхэн хамгаалах талаар дэлгэрэнгүй мэдээлэл хүргэж байна.

Хэрэв та газлайтингд өртсөн байж магадгүй гэж бодож байгаа бол мэргэжлийн хүнд хандаж тусламж хүсэх нь хэвийн зүйл бөгөөд харин ч өөрийгөө хамгаалж, өөртөө анхаарал тавьж буй чухал алхам юм. Сэтгэл зүйч танд өөрийгөө үнэлэх үнэлэмж, өөртөө итгэх итгэлээ сэргээхэд төдийгүй эрүүл хил хязгаар тогтоох, өөрийгөө хамгаалах үр дүнтэй арга замыг боловсруулахад дэмжлэг үзүүлэх чиглүүлэгч болох боломжтой юм 🌱

#өөрийгөөхайрла #сэтгэлсудлал #сэтгэлзүйнэрүүлмэнд #сэтгэлзүйнболовсрол

14/08/2026

😞Яагаад бид дургүй ажлаасаа гарч чадалгүй, ажилласаар байдаг вэ?

Мэдээж үүнд олон янзын хүчин зүйлс нөлөөлөх боломжтой. Гэвч ажил карьерын зогсонги байдал орох гэсэн ойлголт байдаг. Карьерын зогсонги байдал гэдэг нь хүн хувийн болон гэр бүлийн үүрэг хариуцлагаас шалтгаалан нэг ажил, албан тушаалдаа олон жил өөрчлөлтгүй үлдэхийг хэлнэ. Гол шинж нь карьерын хувьд ахиц дэвшилгүй, хөдөлгөөнгүй, нэг байрандаа гацсан мэт мэдрэмж сэтгэлийн гүнд байнга төрөх явдал юм.

Энэ нь заавал ажилдаа дургүй гэсэн үг биш юм. Харин өөрийн хүсэл, зорилгодоо тулгуурлан ажил мэргэжлийн замналаа сонгоогүйтэй холбоотой байх боломжтой юм.

Хэрвээ танд ажил мэргэжлийн хүрээнд гацсан, тухгүй, өөрийн сонгосон замаар явахгүй байгаа мэт мэдрэмж үе үе байнга давтамжтай төрдөг бол сэтгэл зүйчид хандаж ярилцах нь үр дүнтэй юм🌱

#сэтгэлийнболовсрол #сэтгэлсудлал

12/08/2026

🧠ТАНИН МЭДЭХҮЙН ГАЖУУДАЛ I ХОЁР ДУГААР ХЭСЭГ

Бид аливаа нөхцөл байдлыг үргэлж бодит байдлаар нь хардаггүй. Өмнөх туршлага, итгэл үнэмшил, айдас, хүлээлт зэргээс шалтгаалан мэдээллийг өөрийнхөөрөө тайлбарлах үе бий.

Хамгийн сонирхолтой нь бид бусдын алдаа дутагдал, өө сэвийг хамгийн түрүүнд олж хардаг хэрнээ өөрийнхөө алдаа, дутагдлыг тэр бүр бүрэн дүүрэн анзаарч, олж хараад байдаггүй. Тиймээс өөрийн бодол, хандлага, үйлдлээ ажиглаж, анзаарч байх нь чухал.

Тиймээс өөрийн бодлыг шууд үнэн гэж хүлээж авахаасаа өмнө:
— Үүнд ямар баримт, нотолгоо байна вэ?
— Би өөрийн өмнөх туршлага дээр үндэслээд дүгнэж байна уу?
— Би нөхцөл байдлыг хэт ерөнхийлж эсвэл туйлшруулж байна уу?
— Үүнийг өөрөөр тайлбарлах боломж бий юу?
— Миний бодол болон бодит фактын хооронд ялгаа байна уу?
гэж өөрөөсөө асууж болно.

Өөрийн бодолдоо эргэлзэж, түүнийгээ шалгаж чаддаг байх нь өөрийгөө үгүйсгэж байгаа хэрэг биш. Харин өөрийгөө илүү бодитоор олж харахад тусална 🌱

#ТанинМэдэхүйнГажуудал #ӨөрийгөөТаних #Бодол #Сэтгэлгээ

10/08/2026

😡 Уур бухимдлын 4 илрэл

Бид сэтгэлдээ яг юу болж буйг анзаарч ойлгосноор сэтгэл хөдлөл, мэдрэмжээ таньж ойлгох эхлэл тавигдана.
Бид заримдаа уур, гомдол, дургүйцэл, хүчгүй байдал зэрэг сэтгэл хөдлөл, мэдрэмжээ шууд таньж чадалгүй, өөр хэлбэрээр илэрхийлэх нь бий.
⏬ Доорх хэсэгт нэг сэтгэл хөдлөл хэрхэн өөр өөр хэлбэрээр илэрч болохыг хэдхэн жишээгээр харууллаа.

Өөрт тань төрж буй мэдрэмжийг анзаарч, «Би яг одоо юу мэдэрч байна вэ? Яагаад ийм мэдрэмж төрөв?» гэж өөрөөсөө асуух нь сэтгэл хөдлөлөө ойлгох эхний алхам юм 🌱

08/08/2026

🧠Хүмүүсийн тэр бүр мэдээд байдаггүй гэсэн хэдий ч бидний амьдралд ихээхэн нөлөө үзүүлдэг танин мэдэхүйн гажуудлуудын талаар хүргэж байна.
Үлдсэн 4-ийг хоёр дугаар хэсгээр хүргэх болно.

Эдгээрийн таньж мэдэн, өөрчлөхөд сэтгэл зүйн зөвлөгөө тэр дундаа танин мэдэхүйн сэтгэл заслын арга нь үр дүнтэй байдаг.

03/08/2026

😥Стресс, түгшүүртэй аль эсвэл таагүй мэдрэмж мэдэрсэн үедээ ихэнх хүмүүсийн ашигладаг түгээмэл 10 арга

Хүнд хэцүү үед бид хурдан тайвшрах аргыг автоматаар шууд сонгодог. Гэвч заримдаа эдгээр арга нь түгшүүр, стрессийг улам нэмэгдүүлж, асуудлыг шийдэхэд тус нэмэр болохгүй байх нь бий.

⏬ Доорх хэсэгт стресстэй үедээ гаргадаг тогтсон хариу үйлдлүүдийг өөртөө илүү зөөлөн, халамжтай байдлаар хандахад туслах мөн стрессийг аажмаар бууруулахад үр дүнтэй энгийн аргуудаас хүргэж байна🌱

#сэтгэлзүй #сэтгэлзасал #өөрийгөөхайрла

30/07/2026

😥 Айдас нь өөр бусад сэтгэл хөдлөл, мэдрэмжтэй холилдон нэгдэхээрээ юу болдог вэ?

Зарим тохиолдолд хэд хэдэн сэтгэл хөдлөлүүд хоорондоо сүлэлдэн илүү хүчтэй, таагүй мэдрэмжийг төрүүлэх нь бий. Иймээс тухайн мөчид сэтгэлд юу болж, өрнөж байгааг мэдэх нь амаргүй мөн ойлгомжгүй байдаг.

Сэтгэл зүйч зөвхөн сэтгэл хөдлөлийн илрэл, хариу үйлдэл, зан үйлдлийг ажиглаад зогсохгүй, түүний цаана явагдаж буй сэтгэцийн үйл явц, дотоод динамикийг олж харж, ойлгож улмаар үйлчлүүлэгчдээ өөрийгөө таньж мэдэх, ойлгоход тусалдаг.

Хэрвээ та өөрийгөө илүү ойлгож, сэтгэл хөдлөлийн оюун ухаан (EQ) чадвараа илүү хөгжүүлэх хүсэлтэй бол сэтгэл зүйн зөвлөгөөнд хамрагдах нь үр дүнтэй юм 🌱

#сэтгэлзүй #сэтгэлсудлал #сэтгэлзүйнэрүүлмэнд #сэтгэлзасал

28/07/2026

🌱 Хэт хамааралтай харилцаанаас гарахад туслах 6 алхам

Хэт хамааралтай харилцаа гэдэг нь нэг хүн нөгөөгөөсөө сэтгэл зүйн хувьд хэт их хамааралтай болж, эцэстээ өөрийн хүсэл, хэрэгцээ, үнэт зүйл, бүр өөрийнхөө мөн чанарыг хүртэл орхигдуулахад хүрдэг харилцааг хэлнэ. Ийм харилцаанд ихэвчлэн нэгнээ хянах, сэтгэл зүйн дарамт үзүүлэх, гэмшил төрүүлэх, ганцаардахаас айх зэрэг хэв маяг давамгайлдаг.

Хэрэв та өөрийгөө ийм харилцаанд байгаагаа анзаарч, хүлээн зөвшөөрсөн бол түүнээс гарах гэж яарах бус, өөрийгөө ойлгож, ухамсартайгаар алхам алхмаар өөрчлөлт хийх нь хамгийн чухал ✨ .

Доорх алхамчилсан зөвлөмжүүд нь танд хэт хамааралтай харилцаанаас аажмаар гарч, өөрийгөө олж, хараат бус бие даасан байдлаа эргүүлэн авахад тусална 🫂

#өөрийгөөхайрла #өөрийгөөтаньжмэдэх

24/07/2026

💔 Хэт хамааралтай харилцаа (codependent) гэж юу вэ? нэгдүгээр хэсгийг хүргэж байна.

Эрүүл харилцаанд хүмүүс нэг нэгийнхээ санал бодолд түшиглэж, асуудал бэрхшээлийг шийдвэрлэх гэж хичээдэг. Харин тэнцвэр хаана алдагдаж асуудал үүсдэг вэ гэвэл өөрийн хүсэл сонирхолынхоо эсрэг үйлдэл хийх эсвэл нөгөө хүнийхээ хил хязгаарыг зөрчих үед бий болдог. Иймд хэт хамааралтай харилцааны үед илрэх шинжүүдийг хүргэж байна 🌱

#сэтгэлзүй

Address

Ulaanbaatar

Opening Hours

Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00

Telephone

+97699747009

Website

facebook.com

Alerts

Be the first to know and let us send you an email when Сэтгэл зүйч А.Нандинжаргал posts news and promotions. Your email address will not be used for any other purpose, and you can unsubscribe at any time.

Want your practice to be the top-listed Clinic in Ulaanbaatar?