Эх Наран Төв /Мэргэ төлгө/

31/07/2026

🙏ШИНЖЭЭ БУЮУ "АЛТАН САВ" ЯАГААД ХАМГИЙН ТҮРҮҮНД НЭЭДЭГ ВЭ?

Энэ талаар Бусдад Туслахуй Анагаах Ухааны Манба Дацан хийдийн зурхайч, Анагаах ухааны магистр Д.Сайнсайханаас тодруулсан юм.

👉“Шинжээ” буюу “Алтан сав”-ыг нээхийн тухайд хэнд хандах ёстой вэ? Энэ нь ямар учиртай билээ.
👉Шинжээ гэдэг нь үхэгсдийн зурхай гэсэн үг. Судрыг нь “Алтан сав” гэж нэрлэдэг ба монголчууд Алтан сав, Шинжээ гэж ярьцгаадаг шүү дээ. Үүнийг хэн бүхэн нээхгүй энэ номын эрх авшиг авсан Зурхайч мэргэжилтэй хүн нээдэг. Энэ шинжээ буюу үхэгсдийн зурхайг нь зөв сайн гаргах нь маш чухал бөгөөд өнгөрсний дараах хамгийн түрүүний зурхай. Түүний дараа хойдохыг нь өгөх ёс бий. Гэхдээ хойдохыг тусгай тарни номын хүчийг бясалгасан лам уншина. Тодруулбал, сайн төрөлд төрүүлэхийн тухайтад Ботид буюу хойдохыг тусгайлан уншдаг. Төвөдөөр хүний биеийг лүй гэж байгаа юм. Орчуулбал үлдэгдэл гэсэн үг л дээ. Тэгэхээр хүн өнгөрөхөөр сүнс нь 49 хоногтоо төрлөө олдог бол бие нь үлддэг. Биеийг нь шинжээнд гарсны дагуу ном ёсоор оршоож, сүнсийг нь сайн төрлийг олох, үлдэж байгаа ар гэрийнхэнд нь хойшид гарах муу үр дагаврыг засах ач холбогдолтой зурхай юм.

👉Шинжээ нээхэд ямар онцгой ёс жаяг байдаг вэ?
👉Гандангийн настай гавж багш нар маань “Шинжээг нээе гэж шамддаггүй амьтны тус” хэмээн нээдэг. Бас шинжээг нь нээгээд, хойдохыг нь хамт авдаггүй ёс байсан. Харин шинжээг өөрөө нээгээгүй өөр хүний хойдох ирэхэд өргөл барьцыг гэрийнхээ хатавчинд хаяулж авч уншдаг ёсыг хардаг байлаа. Энэ нь эртний уламжлал юм.

👉Оршуулах буюу гаргах өдрийн тухай хэлж өгөөч?
👉Монголчууд өдрийг голчилдог ард түмэн. Хүний төөрөг, хувь заяаг зурахад ч өдөр маш чухал гэж үздэг. Тиймээс өнгөрсөн хүнийг гаргах өдөр маш чухал байдаг.
Шинжээнд гаргах өдрийг ч мөн адил анхаардаг. Ерөнхийд нь бол даваа, лхагва, баасан гарагт гаргадаг гэж ойлгодог ч, донш буюу дөрвөн хоосон өдрийн зурхайн дагуу тухайн хүний жилээс шалтгаалж нарийн тооцдог.

👉Донш гэж юуг хэлээд байна вэ?
👉Доншийг Монголын эм, зурхайг үндэслэгч Ламын гэгээний ёс жаягийн дагуу гаргадаг уламжлалтай. Донш гэдэг нь товчхондоо ямар жилтэй хүнийг ямар өдөр оршуулж болохгүй өдрийг заадаг. Жишээлбэл:
Гахай, хонь, нохой жилтэй өнгөрсөн хүнийг туулай, луу өдөр гаргахгүй.
Хулгана, луу, бич жилтэй хүнийг хонь, морь өдөр гаргахгүй.
Бар, морь, туулай жилтэй хүнийг хулгана, үхэр өдөр гаргахгүй.
Тахиа, үхэр, бич жилтэй хүнийг гахай, нохой, тахиа өдөр гаргахгүй. Хэрвээ энэ нь 1, 3, 5 дахь өдөр буюу нийтээрээ гаргадаг өдөр нь оршуулж таарвал өвчин зовлон, үхэл хагацал гарна гэж сударт тэмдэглэсэн байдаг.

👉Ярилцсанд баярлалаа.

П.Ундраа

📍 Хаяг: БЗД, 2-р хороо, Сансарын Аюулгүйн тойргийн "Эвтэй дөрвөн амьтан" хөшөөний чанх хойно Бусдад Туслахуй Анагаах Ухааны Манба Дацан хийд 🙏

30/07/2026

🌿 “Өөрийгөө энэрэхүй ба хайрлахуй”
Өглөөний бясалгалын 3 өдрийн хөтөлбөр 🧘‍♀️💚

Амьдралын завгүй хэмнэл дунд бид бусдыг хайрлаж, ойлгохыг хичээдэг ч өөрийгөө хайрлаж, энэрэхээ мартах үе олон байдаг.

Өөртөө амар амгалан, дотоод хүч, тайван байдлыг бэлэглэхийг хүсэж байвал энэхүү бясалгалын хөтөлбөрт урьж байна.

📅 Хугацаа:
🗓️ 2026.07.31 – 2026.08.02
(3 өдөр дараалан)

🕕 Цаг:
Өглөө бүр 06:00 – 07:30

✨ Хичээлийн үеэр:
🌸 Өөрийгөө энэрэхүй, хайрлах дадал
🌸 Сэтгэлээ тайвшруулах бясалгал
🌸 Дотоод сэтгэлийн шархаа ойлгон эдгээх эхлэл
🌸 Өдрийн эрч хүчээ зөвөөр эхлүүлэх аргачлал

⚠️ Хүний тоо хязгаартай тул цөөн оролцогч бүртгэнэ.

Оролцох хүсэлтэй бол 💬 чатаар эсвэл утсаар ☎️ 80179499 бүртгүүлээрэй. 🙏

💚 Өөрийгөө хайрлах мөч бүхний эхлэл нь өнөөдөр.

29/07/2026

2026.07.29 • Лхагва гараг
Билгийн тооллын 15
Хөх луу өдөр

☀️ Наран 05:24 цагт мандаж, 20:32 цагт жаргана.

✨ Өдрийн өнгө
Бич, Хулгана жилтнүүдийн ажил үйлс бүтэмжтэй сайн байна.

⚠️ Болгоомжлох жилүүд
Нохой жилтнүүд аливаа ажил үйлд хянуур байж, гэнэтийн саад бэрхшээлээс сэрэмжлэх нь зохистой.

🌿 Барилдлага: Идэр
⭐ Од: Дувзий
💰 Мэнгэ: 6 цагаан
💧 Суудал: Ус

🔥 Сайн үйл

* Бурхан шүтээн босгох, буян номын үйл хийх
* Гал тахих, тахил өргөх
* Худалдаа наймаа хийх
* Төлгө зурхай тавиулах
* Эм тан найруулах
* Бичиг заалгах, дээл эсгэх
* Хүнээс мал авах
* Нэр өгөх, үр хүүхэд үрчлэх
* Өргөө гэр барих, шинэ хувцас өмсөх, чимэг зүүх
* Гэр бүл болох, найр хуримын бэлтгэл хийх, баяр цэнгэл үйлдэх

⚠️ Цээрлэх зүйл

* Цэргийн үйл
* Газар шороо болон модны ажил
* Өглөг, зээл өгөх авах
* Нүүдэл суудал хийх
* Булаг худаг ухах
* Зарга заалдах
* Алс холын аянд мордох
* Тариа тарих

🧭 Аян замд
Зүүн зүгт мөрөө гаргавал өлзийтэй.

💇 Үс засуулбал
Өлзийтэй сайн.

27/07/2026

27/07/2026

Хамаг амьтан амгалан хийгээд амгалангийн шалтгаан төгөлдөр болтугай.

Хамаг амьтан зовлон хийгээд зовлонгийн шалтгаанаас хагацах болтугай.

Хамаг амьтан зовлон үгүй, амгалангаас үл хагацах болтугай.

Хамаг амьтан хол ойр, уур хилэн, хүсэл тачаалаас хагацаж тэгш сэтгэлээр орших болтугай. 🙏

27/07/2026

Их Майдарын ерөөл оршвой 🙏🙏🙏

Бурхан дор мөргөмүү 🙏🙏🙏
Ном дор мөргөмүү 🙏🙏🙏
Бурсан хувраг дор мөргөмүү 🙏🙏🙏

Хутагт Майдарын ерөөлийн хаан, хамаг бурхан бодисад нарт мөргөмv.
Агаад ямар бvхvй ёсоор Майдар бодисад, махасад эрт бодисадын явдлаар явах цагтаа өдөр гурвантаа шөнө гурвантаа дээд дээлээ нэг мөрөндөө хумьж баруун өвдгийг жаран газарт сөгтгөөд алгаан хавсарч ийн хэмээн хутаг гуйвай.

Хамаг бурханд мөргөмv.
Арш тэнгэрийн нvдэн төгсгөсөн бодисад хийгээд шарваануудад мөргөмv.
Муу заяаны vйлсийг тvдгэлзэн vйлдээд тонилохуйн мөрийг сайтар vзvvлэх бvрэн. Өтлөх vхэхгvйгээр удирдагч бодь сэтгэлд мөргөмv.

Сэтгэлийн эрхээр болсон хилэнц юугаан vйлдсэн бvрнээр нь бурханд илт одуулж тэдгээр бvгдийг наминчилмуй би.
Гурван зvйлийн аливаа vйлсийн буяны чуулганыг vvсгэсэн хамгийг мэдэгчийн тэр vрээр миний бодь хутаг барагдашгvй бvтэх болтугай.

Арван зvгийн орнуудад бурхныг аль тахих болсон vед бурхныг мэдэж би даган баясана.
Би төгсөөр даган баясана.
Хамаг хилэнцээ наминчилмуй.
Хамаг буянуудад даган баясалцана.
Хамаг бурхнаа мөргөмv.
Бэлгэ билгийн дээдийг олох болтугай.

Арван зvгийн зvг бvхний арван оронд байгаа бодисад нарыг дээд бодь хутагт бурхан болгохыг дурдму.
Дээд бодь хутагт бурхан болгоод аймаг бvхэнд байгаа шуламсыг бvрэн номхотгож, хамаг амьтны тусын тулд номын хvрдийг эргvvлэх болтугай.
Номын их хөөргийн дуугаар зовлонгоос амьтныг тонилгох болтугай.
Хязгааргvй хөлт галавуудад номыг vзvvлэн зохиож суух болтугай.

Хvслийн шаварт шигдсэн, хурьцахуйн дээсээр бат хvлэгдсэн намайг хоёр хөлтний дээдэс vзэн соёрх.
Сэтгэлийн хирээр богосоныг бурхнууд доромжлон vл vйлдье.

Хамаг амьтнаа асрах сэтгэл төгсгөөд сансрын далайгаас гэтэлгэх болтугай.
Туулсан бурхад аль суусан хийгээд нөхцөгсөн хийгээд ирээдvй өдөр тэдгээрийг би даган суралцаад бодь явдлаар явах болтугай.
Зургаан барамидыг дvvргэн vйлдэж зургаан зvйл амьтныг тонилгох /ариусгах/ болтугай. Зургаан зvйл билгийг илт болгож бvрнээр, дээр vгvй бодь хутагт хvрэх болтугай.

Төрөх vгvй, ирэх vгvй, мөн чанар vгvй, орон vгvй, зvйлийг ухах vгvй бодь vгvй хоосон намайг ухах болтугай.
Их арш бурхан мэт амьтан vгvй, амьгvй, бодьгалгvй, тэжээх vгvй, би vгvй номыг ухах болтугай.
Би хэмээн баримтлах, минийх хэмээн баримтлах,хамаг бодист vл дуршин, хотол амьтны амгалангийн тул харам vгvйгээр өглөгийг өгөх болтугай.
Боди бодьгvйгээр миний эд жаргал, зовлонтой бvтэх болтугай.

Хамаг бодисыг тийн бөгөөд эвдэхvйгээр өглөг барамид төгсөх болтугай.
Засгийн шагшаабад гэмгvй болоод асар ариун шагшаабад бvрэн төгсөх болтугай.
Эрэмших сэтгэл vгvй шагшаабадаар шагшаабад барамид төгсөх болтугай.

Шороо ба эсвээс ус, гал, хий махбод мэт vл оршоод хvлцэнгvй ба хилэнц vгvйгээр хvлцэнгvй барамид төгсөх болтугай. Хичээнгvйг vvсгэсний хичээнгvйгээр, оршлын таалал, залихай vгvй болоод хvчин төгсгөсний бие сэтгэлээр хичээнгvй барамид төгсөх болтугай.
Залия мэт дияан хийгээд Баатараар явах дияан ба очир мэт дияанаар дияан барамид төгсөх болтугай.

Тийн бөгөөд тонилохуйн гурван хаалга хийгээд гурван цагийг чацуу бөгөөд гурван язгуур Хамаг бурхнаа сайшаагдсан ба гэрэл хийгээд цог жавхлан бадраад бодисад нарын хичээнгvйгээр өөр бусдын сэтгэлийг төгсгөх болтугай.

Тэр мэт явдлаар яваад асрахуй алдрыг төгсгөснөөр зургаан барамидыг төгсгөж арван оронд сайтар орших болтугай.
Vvний буянаар өөр бусад амьтан бvгд насан төгссөний даруйд Төгс баясгалантын Тvшидэд ном өндөр сайн балгасанд төрөөд vл ялагдах номын Богдын хөвгvvдийн ахмад нь болох болтугай.

Арван орны эрхэт ялгуусны төлөөлсөн Замбуутивд арван хvчит хутгийг олох цагт зарлигийн Рашааныг эн урт сайтар амсаад ялгуугсны зохиолыг хоцролгvй эцэст нь хvрэх болтугай.
Эндээс vхэн егvvтгэсэн сацуу төгс баясгалант тvшидэд төрж өдөр бvхэн итгэл Майдарыг баясган vйлдэж бодь хутгийн эшийг олох болтугай.

27/07/2026

27/07/2026

2026.07.27 | Билгийн тооллын 13

☀️ Наран: 05:22 цагт мандаж, 20:34 цагт жаргана.

🐴🐶 Морь, Нохой жилтнүүдийн ажил үйлс бүтэмжтэй, сайн байх сүлдтэй өдөр.

⚠️ Анхаарах жилтэн: Бич жилтнүүд аливаа үйлд хянамгай хандаж, гэнэтийн гай барцаанаас сэрэмжлээрэй.

🧭 Аян замд гарах: Баруун урд зүгт мөрөө гаргавал өлзийтэй.

💇 Үс засуулбал: Жаргал ирнэ.

📌 Өдрийн төлөв

* Жил өдөр: Хар бар
* Суудал: Төмөр
* Барилдлага: Рашаан

✅ Сайн үйлс
• Бурхан равнайлах, хишиг буян дуудах
• Шүтээн босгох, ном унших
• Бичиг тамгалах, төлгө тавих
• Цэргийн үйл хийх
• Хувцас эсгэж оёх
• Эм тан найруулах
• Мал нядлах
• Худалдаа наймаа хийх
• Гадагш явах, шинэ гэрт орох
• Сангийн гэр нээх
• Хүнээс юм авах
• Нутаг гүйх
• Дайнд мордох, аливаа амь өрссөн үйл хийх

❌ Цээрлэх үйлс
• Харийн газар шороо хөндөх
• Худаг малтах
• Ураг садан бололцох
• Тэнгэр тахих

⚜️ Онцгойлон тэвчих:
Гүрээ хүзүүндээ ясгүй тул тэнгэр, лусыг тахих үйлд хэрэг бүтэхгүй.

🙏 Өдөр бүр буян хурааж, зөв үйлийг дэлгэрүүлэн, амар амгалан, аз хийморь, ажил үйлс нь өөдрөг бүтэмжтэй байх болтугай.

26/07/2026

❄️Өвөл болоход бид зуныг мөрөөддөг.
☘️Зун ирэхэд бороог хүснэ.
🌧️Бороо ороход нарыг ☀️хүлээж,
☀️Нар гарахад сүүдэр хайна.

Амьдрал бидний хүссэн бүхнийг аажмаар өгдөг ч,
Хүсэж байсан зүйлээ хүлээн авах үедээ хэрхэн хүсэж байсанаа мартчихсан байдагт л хамаг учир бий.

Аз жаргал гэдэг хүссэн зүйлээ авахад биш,
харин аль хэдийн ирсэн зүйлсийг анзаарч ТАЛАРХАХАД оршдог.🙏🧡

24/07/2026

🌿 2026.07.24 | Билгийн тооллын 10
Шарагчин гахай өдөр

☀️ Нар 05:18 цагт мандаж, 20:38 цагт жаргана.

🐇 Туулай, Хонь жилтнүүдэд ажил үйлс бүтэмжтэй, ээлтэй сайн өдөр.

⚠️ Могой жилтнүүд аливаа үйлдээ хянуур байж, гэнэтийн саад бэрхшээлээс сэрэмжлээрэй.

🚗 Аян замд гарах бол урд зүгт мөрөө гаргавал өлзийтэй.

💇‍♀️ Үс засуулбал: Эрх, хүч ихсэнэ.

🔥 Барилдлага: Түлэх
Хатуу зориг шаардсан ажлаа эхлүүлэхэд зохистой. Харин хэрүүл маргаан, зөрчил үүсгэх, элдэв сайн үйлийг эхлүүлэхийг цээрлэвэл зохино.