02/04/2026
МОНГОЛ УЛСЫН ИРЭЭДҮЙ БОЛСОН ХҮҮХЭД, ЗАЛУУЧУУДЫНХАА ЭРҮҮЛ МЭНД, АЮУЛГҮЙ БАЙДЛЫГ ХАМГААЛАХ ЧУХАЛ АЛХАМ ӨНӨӨДӨР НЭГ ШАТ УРАГШИЛЛАА
“Сургуулийн орчны эрүүл мэнд, аюулгүй байдлын тухай хуулийн төсөл”
УИХ-ын нэгдсэн чуулганаар хэлэлцэх эсэх нь дэмжигдлээ.
Бид нэг зүйлийг маш сайн ойлгох ёстой.
“Эрүүл насжилтын суурь нь хүүхэд нас”
“Хүүхдийн эрүүл мэнд бол улсын хөгжлийн үндэс”
Гэвч өнөөдрийн нөхцөл байдал биднээс бодит шийдвэр шаардаж байна:
•Сургуулийн орчинд осол, гэмтэл буурахгүй байна
•Хүүхдүүдийн дунд өвчлөл өндөр хэвээр байна
•Дотоод орчны хорт бодис стандарт хэмжээнээс хэд дахин давсан байна
•Агаарын бохирдол эрүүл мэндэд ноцтой эрсдэл учруулж байна
•Үе тэнгийн дээрэлхэлт, сэтгэл зүйн дарамт нэмэгдсээр байна
Хамгийн эмгэнэлтэй нь сурч боловсрох гэж очсон орчиндоо амь нас, эрүүл мэндээрээ хохирсон хүүхдүүдийн бодит тохиолдлууд гарсаар байна.
Бид дараагийн хохирогчийг хүлээж сууж болохгүй.
Энэ хуулийн төсөл бол зүгээр нэг баримт бичиг биш.
•Урьдчилан сэргийлэх тогтолцоог бий болгоно
•Сургуулийн эрүүл мэндийн тусламж үйлчилгээг хэрэгжүүлнэ
•Аюулгүй орчны стандартыг бодитоор хэрэгжүүлнэ
•Сэтгэл зүйн дэмжлэг, хамгааллыг системтэй болгоно
•Үндэсний → орон нутаг → сургууль гэсэн шаталсан хариуцлагын тогтолцоог бүрдүүлнэ.
Бидний зорилго энгийн боловч маш чухал:
“Хүүхэд бүр сургуульдаа айдасгүй, эрүүл, аюулгүй орчинд суралцах ёстой.”
Цаашид уг хуулийн төслийг хэлэлцүүлж, батлуулж, бодит амьдрал дээр хэрэгжүүлэхийн төлөө тууштай ажиллах болно.
ЭРҮҮЛ БОЛОВСРОЛТОЙ ИРГЭН ЭХ ОРНЫ ХӨГЖЛИЙН ҮНДЭС ЮМ АА.
#ХүүхдийнТөлөө #АюулгүйСургууль #ЭрүүлИрээдүй
